Последна прочитана книга и кратка критика

Незаборав -Алисон Ричман
Оценка 4,5/5
Жарн: романса
Дејството се случува во Италија во периодот на Втората Светска Војна и се раскажуваат две приказни за младата музичарка Елоизе и лекарот Анџело. Кој почнуваат како две засебни приказни но понатаму интересно се развиваат. Книгата е полна со емоции, со љубов, но и со страв и болка поради германските напади врз Италија. Во глобала книгата е заразна и не може да ја оставите додека не прочитате што се случило понатаму со ликовите.

 

Елис има убав и среќен живот – момче кое ја сака, одлично уреден апартман во кој живеат заедно и добро платена работа во ординацијата на неговата мајка. Еден ден, таа испраќа писмо до нејзината пријателка, во кое без влакна на јазикот пишува за нејзината идна свекрва. Но, она што почнува како наивна шега меѓу две пријателки, се претвора во кошмар за Елис – следниот утро таа открива дека писмото е пратено до сите контакти од нејзината имејл листа, вклучително и мајката на нејзиното момче. После целиот скандал, Елис останува без момче, без работа и без дом.
Изгубена и гневна, таа е приморана да почне од почеток. Се преселува во едно мало поткровје во центарот на градот и се вработува како шанкерка во кафе-барот отспротива. Таа набрзо се зближува со Зила – сопственичка на куќата во која живее, 80 годишна ведра бабичка, која има широк круг на познаници и пријатели. Кога Елис почнува да ги запознава блиските на Зила, животот почнува да ѝ се менува.

Симпатична чик-лит приказна со многу интересни ликови Повеќе напишав тука

 

Jа имаш во пдф

 

@L.TheQueen повели

 

The ex-Alafair Burke 5/5
Жарн: мистерија, трилер
Екс вереникот на адвокатката Оливија е обвинет за тројно убиство и истата има морална грижа на совест да го застапува бившиот поради начинот на кој се разделиле пред 20 години.
Приказната е интересна и претежно правничка како да се гледа епизода од Suits ili Law and Order. Мислам дека на љубителите на овој жарн и книгата ќе им биде прекрасна.
Целата приказна е судењето на бившиот Џек и паралелно е вметнат и делот зошто Џек и Оливија се разделиле. Единствено негативно во целата книга е што ликовите не се доволно психолошки и емотивно изградени, дадено е преднос на легалниот аспект. Во секој случај не е за некој што не го интересира правната постапка.

 

Можеш да ми кажеш каде ја има? Или ако ја има PDF?

 

https://thepiratebay.org/torrent/20560202/The_Ex_by_Alafair_Burke_EPUB

 

4/5
Постојат книги кои се за (скоро) сите возрасти, па постојат онакви кои се за одреден период во животот, и најсетне, постои еден мал дел на книги за кои, освен ако не си имал некаков близок контакт со личности слични на протагонистот, целата фабула ти изгледа апстрактно несфатлива. Кога ја читав прв пат Интимност, немав запознаено такви ликови, на што оваа книга ми делуваше доста хаотична, несфатлива, далечна. Па ѝ дадов шанса за подоцна. И не зажалив.
Како што еден пријател би рекол, секогаш нѝ се допаѓаат оние книги кои или ги сфаќаме во лична конотација, или на некој близок што му се има случено.
По мене, книгава бара одреден степен на животна зрелост за да се сфатат сите доблести и фалинки на машката душевна интимност, како и одредената безцелност и талкање низ етапите со блага меланхолија на идеалите кои сме ги создавале во адолесценцијата, а дури во доцната зрелост нѝ е тешко да прифатиме дека истите се минливи.

 

Меган е девојка од скромно семејство која откако го губи својот татко после тешка борба, заминува на колеџ далеку од своето родно место, надевајќи се на нов почеток.
Лорен е ќерка на американскиот сенатор за Конетикат, родена во богато и моќно семејство, секаде препознавана по нејзиното презиме кое ѝ отвара многу врати каде и да оди. Нејзината бунтовност ја носи во многу неволји, но секогаш некој го чисти нередот зад неа.
По низа околности, Меган и Лорен завршуваат како цимерки на универзитетскиот кампус. И покрај нивните огромни разлики, тие за брзо време се зближуваат и стануваат неразделни. Летото пред нивната последна година на универзитетот, Лорен ја кани Меган на нивниот приватен остров каде таа престојува со нејзиното семејство. Неколку недели поминуваат во забава и уживање, сè додека една ноќ не се случи нешто страшно. Нешто што ќе ги раздвои Меган и Лорен и ќе го скрши нивното пријателство. После оваа ноќ, тие две прекинуваат секаков контакт.
По 16 години, Меган е подготвена пред светот да ја открие вистината за она што се случило тоа лето. А таа вистина му се заканува на целото семејство на Лорен.

Мистериозен трилер кој раскажува за љубовта, пријателството, љубомората, зависта и лагите. Колкава моќ стои зад едно презиме и на што сè луѓето се подготвени за да го заштитат угледот на семејството.
Повеќе за книгава напишав тука

 

Полноќна роза - Лусинда Рајли
Многу убава книга за опуштање, 500-600 страни се читаат во еден здив..ако читам некоја книга и мислам на неа дур мијам садови значи книгата ми се погодила... оваа е баш таква.
Паралелно се раскажува за минатото и сегашноста..Анахита е убава девојка со посебна дарба наследена од мајка и, може да насети кога ќе се случи некој немил настан, некоја загуба. Ќе се вљуби во Доналд и, иако нивната љубов е искрена и силна ќе им донесе многу болка и страдање.
Книга која зборува за љубовта, за болката и страдањето во животот, за лажното богољубие, за човечката злоба која може да отиде толку далеку да посегне по сопствената фамилија..
Топло препорачана од мене..

 

The Wife- Alafair Burke
Оценка 5/5
Жарн: мистерија, драма

Од истата авторка како и The ex, ама оваа книга е уште подобра, со многу интересен и непредвидлив крај и пресврти во дејството.Сопругот на Анџела е обвинет за силување на две колешки и иако Анџела како сопруга е на негова страна цело време додека трае полициската истрага сите ја советуваат да мисли на себе и нејзиниот син. Но единствено нешто што ја плаши Анџела е да не се открие нејзиното минато и да не се дознае потеклото на нејзиниот син Спенсер. Психолошка драма за љубителите на книги во стилот на Gone girl.

 

Не знам колку е соодветно за оваа тема, ако мислат администраторите дека не е, нека ја преместат.
Инаку гоооолем обожавател сум на книги организирам Give Away на Инстаграм, па ако има заинтересирани нека го лајкнат ова ќе им дадам линк за да учествуваат Имајте убав ден

 

Жарн: драма
Оценка: 3,5/5

Интересна драма со добар хумор и баш реално прикажување на денешното facebook општество и во што всушност може да прерасне непромислено пишување на facebook.
Се работи за две групи на жени -мајки и немајки, односно жени кои не сакаат да имаат деца, кои имаат свои фб групи, но работите од групите излегуваат надвор од контрола кога ке почнат да се пренесуваат и во реалниот живот. Нешто слично на женски домакински муабети група, но како што во домакински муабети има шпиони што прават screenshot, така и овде има шпиони и во двете групи што дополнително ги комплицираат работите.Некако крајот ми беше пренатрупан и набрзина завршен па затоа ми ја наруши оценката, ама се на се добра драмичка со хумор.

 

Крвна врска- Сидни Шелдон
Роман кој ке ве држи во неизвесност до самиот крај..главен лик е Елизабет Рофе, која по смртта на нејзиниот татко семејната компанија ја презема во свои раце. Случајно наоѓа документ во личните работи на татко и, и дознава дека некој во компанијата од најблиските редови и е смртен непријател. Ќе направи се за да го открие, да ја спаси компанијата од пропаст, и да си го спаси сопствениот живот.
Имам забелешка за самиот крај од книгата, некако многу оскуден е крајот, и ми фалат некои информации за да се заокружат ликовите, сепак се на се убав роман, ми се допадна.

 

The Storm Sister - Lucinda Riley (на македонски преведена како „Сестрата создадена од бура“)


Ова е втората книга од серијалот под наслов „Седумте сестри“, во која Лусинда Рајли ја раскажува приказната на Али. По смртта на нејзиниот татко кој ја посвоил како новороденче, Али добива писмо и еден мал предмет кој треба да ѝ послужи да го пронајде нејзиното вистинско семејство. Од Швајцарија, потрагата ја носи во Норвешка, каде дознава дека нејзиното потекло е врзано за познатото музичко семејство на Ана Ландвик.

Секогаш кога ќе завршам со читање некоја книга на Лусинда Рајли, имам впечаток дека сум прочитала неколку книги, а не една Многу настани, многу ликови и многу испреплетени приказни. Повеќе пишав тука

 

Don't you want me? - Andrew Lowe
Жарн: трилер, мистерија
Оценка: 2,5/5

Книгата не е баш роман, бидејќи е кратка, 122 страни во мобилна верзија. Прв пат читам од овој автор, но дефинитивно како да фалеа барем уште 10 страни на книгата за да биде комплетна. Ликовите не се разработени воопшто туку главниот фокус е единствено на настаните. Девојката на Сем, Eјми добива смс пораки од нејзиниот бивши, па Сем се обидува да дојде до бившиот и да го предупреди да не и праќа повеќе пораки на Ејми, но бившиот на Ејми е нешто повеќе од бивши.