Последна прочитана книга и кратка критика

Џејн Остин - Ема

Ја сакам Џејн заради начинот на пишување и заради што обрнува внимание на чувствата и начинот на изразување ми е многу посебен со сите тие манири на ликовите. Ги сметам за историски романи, класици бидејќи ја опишува англиската култура во минатото.

Иако и оваа книга од Џејн не беше лишена од ваквиот стил на пишување и сличната тематика со останатите сепак со неа доживеав разочарување. Не знам дали се должи тоа бидејќи делумно го знаев крајот но сепак книгава ме изнамачи додека да ја исчитам.

Настаните се прееемногу развлечени како што е случај и со другите нејзини дела но разликата со претходните дела е тоа што во оваа дрло настаните не само што се развлекуваат на почетокот, тие се развлекуваат низ цела книга.
А тоа ја направи книгата, досадна.

 

Зад затворени врати - Б.А. Парис

Се работи за Џек и Грејс кои се млад брачен пар и нивниот брак оддалку изгледа како да е совршен. Сите се се восхитуваат на шармот и вљубеноста на Џек во неговата совршена жена Грејс, но никој не знае што се случува зад затворените врати на нивната огромна куќа. И никој не се прашува зошто Грејс нема телефон и не излегува на ручек со пријателките, иако не работи. Никој не се прашува зошто има решетки на прозорецот во една од спалните соби.

Книгата вреди да се прочита и ја препорачувам, воопшто не очекував да има таков крај. Книгата "На раб на лудило" исто така е од истата авторка.

 

Криј се - Лиса Гарднер

Се работи за поранешен случај кој го прогонува детективнот Боби Доџ и го променува неговиот живот за 360 степени. Пронајдена е тајна соба во тлото на напуштена психијатарска болница и никој не може да верува што се' е пронајдено таму.
Во исто време Анабел бега откога знае за себе. Се' започнува еден ден кога таа си доаѓа од училиште и ги наоѓа куферите подготвени за пат. Таа бега цел свој живот со своето семејство имајќи лажни идентитети и имиња, а притоа незнаејќи од зошто. Но, тогаш од тајната соба се вади тело, кое го носи нејзиното име на синџирче околу вратот.

Книгата ми се допадна. Трилер и романса. Ме потсети на „Убави девојки“ од Карин Слотер

 

Spoiler: За книгата

Кабул 2007 година Покрај таткото зависник од дрога, Рахима и нејзините сестри само повремено можат да одат на училиште, а од дома излегуваат многу ретко. Единствената нивна надеж се наоѓа во древниот обичај наречен бача-пош, што ќе ѝ овозможи на младата Рахима да се облекува како момче и да биде така третирана сè додека не стигне до годините за мажење. Како син, смее да се образува, да оди на пазар, да ги чува и да ги надгледува постарите сестри. Но, Рахима не е првата во своето семејство што прибегнала кон тој несекојдневен обичај. Еден век претходно, нејзината прабаба Шекиба, останувајќи сираче, се спасила и изградила нов живот на истиот тој начин. Пловејќи низ времето, Бисерот што ја скрши својата школка ги испреплетува приказните на овие две жени кои, иако разделени од еден цел век, имаат слични судбини. Но, што ќе се случи кога ќе дојде време Рахима да се омажи? Дали Шекиба целиот живот живеела како машко? Како Рахима ќе преживее ако не успее да се приспособи на животот како мажена жена? Оваа моќна приказна за беспомошноста, судбината и слободата за управување со сопствениот живот ги спојува во себе културните бои и емоционалните одеци на Халед Хосеини и Лиса Си. „Надија Хашими на читателите им подарува одлично напишана проза, полна со искреност проткаена со восхит и почит. Таа се служи со историска нарација и благодарение токму на семејните преданија, современата жена ја учи како и кога да ја скрши својата школка“

Преубава книга,за 2-3 дена ја прочитав и многу убав впечаток ми остави

 

Karolinas twins- Ronald Balson (5/5)

Лена ги бара ќерките на нејзината другарка Каролина која ги родила за време на втората сведска војната во Полска.Лена е Еврејка која била третирана како сите Евреи во тоа време.Со многу среќа преживува.По 70 години сака да го оствари ветувањето на најдобрата друарка Каролина.Ама зошто баш сега?Во подрагата и помагаат детективот Лиам и адвокатката Кетрин.
Прво кога ја купив не прочитав за што се зборува , па кога видов дека дејството се одвива за време на војна не сакав да ја читам.Ама Лена е многу интересен лик и секоја нејзина приказна ја чекав со нетрпение.Да бев во периодот кога читав 24/7 ќе ја прочитав за 2 дена.
Секоја страна е се поинтересна и поинтересна, тажна и болна приказна.На еден дел почнав да липам во метрото , а сите се чудеа.

Spoiler

Расплетот е во последните страни па не е за такви што читаат од последна страна
На крајот книгата има среќен крај ќерките се живи.

Несакам да ја откријам цела за некој што сака да ја прочита.Прпорачувам.

 

Јас го имам гледано филмот само, дали вреди да се прочита и книгата или да го прескокнам тој дел? Иначе моментално ја читам ДЕВОЈЧЕТО НА ГРЕБЕНОТ

 

Другиот брег на Босфор-Тереза Ревај.

Книгава е историски роман,за падот на Отоманското Царство и создавањето на новата држава Турција.
Во книгава има историски ликови,но централен лик е една млада Турчинка која полека излегува од стегите кои тогашното општество им ги наметнува на жените,која се пронаоѓа себеси и се буди истовремено со револуцијата.

Ја препорачувам,Тереза Ревај е прекрасен писател на историски романи,која покрај фактите,во романите има љубов,страдање и внатрешна борба на ликовите.

 

The Au Pair -Emma Rous
Оценка 4,5/5

Книгата е раскажана од перспектива на Серафин, која по смртта на нејзиниот татко сака да дознае нешто повеќе за своето потекло, поточно за нејзината мајка и денот на раѓањето на Серафин и нејзиниот брат близнак Дени. Рут, мајката на Серафин се самоубила на денот на раѓањето на близнаците, па Серафин се обидува да дојде до вистината иако нејзината баба не сака да зборува на настанот. Од друга страна е приказната раскажана од Лаура, дадилката која работела како ау паир, за Рут и го чувала нејзиниот постар син Едвард, а била присутна на денот на раѓањето на близнаците и самоубиството на Рут.
На мене лично ми се допаѓаат вакви семејни драми, иако знаат да бидат предвидливи на моменти, интересна ми е динамиката во нив особено ако се вака напишани, раскажани од повеќе ликови, во различно време.
Единствена замерка ми беше што авторката се посветила на раскажување на настани, па не ги продлабочила многу самите ликови, особено главните ликови.

 

Црно семе - Ташко Георгиевски

Историски роман што ич не е my cup of tea, но бидејќи е задолжителна литература за училиште сепак го прочитав. Раскажано е страдањето на Македонците за време на Граѓанската војна во Грција и измачувањата што ги трпеле наши војници во тоа време.

Би ја препорачала на некој што сака историски книги, сепак не ми остави некој посебен впечаток освен што ми беше жал низ што се проаѓале.
Оцена 4/10

 

Затоа што те љубам-Гијом Мисо

Книга исполнета со мистерија,љубовна приказна и многу емоции,но и психоанализа.
Неосетно брзо се чита бидејќи постојано нешто се случува и љубопитноста нараснува.Јас не ожев ни да го насетам крајот како се ќе се разреши ..
Топло ја препорачувам!

 

Дали имаш нешто во пдф од неа?
Јас имам неколку, но оваа ја немам.

 

Душокршачот- Себастијан Фицек

Се работи за злосторник кој не ги убива, силува или злоставува жените, но ги ги уништува ментално и тие се како живи мртовци.
Непосредно пред Божиќ „Душокршачот“ повторно почнува да напаѓа, но сега во една психијатриска клиника. Докторите и пациентите се испаничени кога сфаќаат дека тежок случај е примен во клиниката и дека нивните животи се во опасност. Дејството се случува во време кога надвор беснее снежна бура и клиниката е целосно отсечена, па тие не можат да воспостават никаков контакт за да повикаат помош.

Очекував многу повеќе од оваа книга. На почетокот мора да признаам ми беше интересна, мистериозна, со делови кои би сакала да можев да ги прескокнам бидејќи ми беа езиви за читање, но крајот беше млак и по малку досаден.
3/5

 

Наслов: Јужно од границата западно од сонцето
Автор: Харуки Мураками




Опсесија, носталгија, пасија, посесија: сите мрачни сили на умот се тука. Приказна за пријателството и за љубовта, за илузиите, сенките и сеќавањата од минатото, зачинета со многу надреални елементи на границата помеѓу јавето и сонот, стварноста и привидот. Ликовите се движат на работ од можното, но истовремено и на илузијата и имагинацијата, чекорат по границата на два света кои се допираат и понекогаш интерферираат, кои навлегуваат еден во друг.
Најголемата енигма е кога и дали навистина се случува она што се случува, кога илузијата е илузија а кога реалност. И ова издание е типично во стилот на Мураками, книга за најдлабоките чувства, за моментот кога минатото и сегашноста се допираат и преплетуваат, а иднината е неизвесна. Хајиме се бори со судбината која некогаш грубо си поигрува и остава зад себе само каење по пропуштените можности, но и сила да се продолжи понатаму.Човекот може со самиот факт дека е жив да уништи друго човечко битие.
И кога тоа ќе се случи... Личноста која ја сторила штетата е засекогаш повредена.

Првпат го читам Мураками и нема да завршам тука...

Во прилог на кратката рецензија го прикачив линкот од музичката композиција (ја побарав на YouТube) The stars crossed lovers во изведба на Duke Ellington која ја означува љубовната опсесија меѓу Хајиме и Шимамото

 

Сите книги на Харуки се магични на овој начин, мене ми р омилен автор, а единствено оваа книга ја немам прочитано, ќе си ја симнам уште денес.

 

Целиот негов уметнички капацитет со неповторлива вредност го ставив во книжевниот предизвик за 2019.
Се надевам дека ќе ти се допадне книгата.

 

Види го прикачениот фајл 489246

Малку каснам... Немав време за Фемина
Оценка 4/5
Убаво замислена приказна, но почетокот е некако неповрзан и нејасен. Мегутоа со минување на страниците приказната се развива и станува интересна. Ако Ви дојде во рака, дајте и шанса

 

Виртуелна девојка - А.Р. Тори
Дијана е веб девојка која живее меѓу 4 ѕида.
Нејзината мајка го убила целото семејство и таа е единствениот преживеан.
Кога исчезнува Ени,Дијана е сигурна дека виновникот е нејзиниот клиент.
Тогаш го напушта станот и тргнува да го спаси девојчето иако се плаши од нејзините демони. Дијана крие тајна и знае дека е преопасна кога е на слобода.

Одличен трилер,уште едно ремек дело на Александра Тори.