Последна прочитана книга и кратка критика

Наслов: Норвешка книга
Автор: Харуки Мураками


Кога ќе ја чуе песната на Битлси, Норвешка шума, Тору Ватанабе се сеќава на својата прва љубов, Наоко, девојката на неговиот најдобар пријател Кизуки. Истиот миг во мислите се враќа во минатото, кога пред речиси дваесет години ги минувал студентските денови во Токио, загубен во свет на тегобни пријателства, патемен секс, страст, загуби и копнежи - во времето кога во неговиот живот влегла незауздената млада жена Мидори, а тој морал да избира меѓу иднината и минатото.
Норвешка шума е најпознатиот роман на Харуки Мураками, култна книга која неодамна беше најголем јапонски бестселер на сите времиња. Само во Јапонија се продадени над четири милиони примероци.

Оваа книга е полна со студентски бунтови, слободна љубов и поп-музика од шеесеттите години. Исто така, таа е вистински емотивна и ги опишува врвовите, но и најдлабоките падови на растењето на една личност.

Мураками е несомнено еден од најдобрите светски романсиер. Несомнено, го гради своето книжевно ткиво на толку префинет, пајажинест начин, што сè што ќе реши да опише, трепери од безброј симболични можности.

Насловот на книгата е име на песна од Битлси. Во продолжение линк од музичкиот запис Норвешка шума.
За ова дело направена е филмска екранизација.

 

Сите твои совршености -
Колин Хувер

Квин и Грахам се запознаат на многу необичен начин. Нивните животи се спојуваат кога се изневерени од своите сакани.
Нивниот брак е полн со љубов. Проблемите почнуваат со нивната желба за деца.
Секојмесечното очекување и разочарувања ќе ги направи странци и ќе направи јаз меѓу нив кој трае со години.
Емоционална и срцепарателна приказна.

 

Наслов: Кафка на брегот
Автор: Харуки Мураками

Спојлер: Книга

https://cdn2.penguin.com.au/covers/original/9780099458326.jpg

Романот ја следи судбината на двајца главни ликови, тинејџерот-бегалец Кафка Тамура, кој го напушта својот дом со цел и идеја/замисла дека треба да стане најцврстиот петнаесетгодишник на светот и остарениот Наката чии патишта во вртлогот на судбините се повеќе се доближуваат. Во меѓувреме се случува убиство. Tаткото на Тамура е убиен и полицијата е во потрага по убиецот. Убиениот господин Тамура е опишан како некој кој живеел повлечено, изработувал скулптури со уникатен стил кои добиле признанија низ целиот свет, последниот период бил визитинг-професор на Институт на уметностите, а полицијата го смета злосторството за лична одмазда.
Како теми се провлекуваат, личната потрага, интерпретација на митот за Едип, инцестуозни врски, грижа на совеста. Сето тоа е раскажано на суптилен и ненаметлив начин и како што се приближува крајот нештата на неизнасилен и се позабрзан начин магично се испреплетуваат и се составуваат во една компактна целина.
Ако се верува во тоа дека кога две или повеќе празнини ќе се спојат (празен – состојба на потенцијал на сите можности), од тоа можат да произлезат волшебни нешта, а Мураками е окарактеризиран како нежен сликар на негативните простори.

Кафка на брегот е роман што на светол начин ги трансцендира (веројатно типично за јапонската култура и менталитет) некои од психолошките поими како: свест, потсвест, несвесно, архетип (мит), сон и други.
Во книжевниот свет на Мураками мачките се многу важни суштества. Во овој роман еден од јунаците има способност да комуницира со мачките, способност која ја користи така што бара изгубени мачки, во овој случај Гома.
Мачките имаат улога да пренесуваат пораки и имаат способност да зборуваат. Тие обично поврзуваат два раздвоени светови, нивното време е ноќ, а се одликуваат со мудрост и итрост.

Во животот на секој човек постои по еден Кафка, точка од каде што нема враќање. Во некои случаи и момент од каде што напред е непредлива временска димензија. Се што може да се направи е молкум да се прифатат фактите. Тоа е начин да се преживее. Се останато е предвремено дејствување како одраз на незрелост.

 

Прв пат пишувам критика за книга.

Ама прв пат толку ме разочарала книга за која сум имала големи очекувања

Paula Howkins - Into the water

После фантастичната The girl on the train очекував нешто (барем) еднакво напнато, неизвесно, нешто што ќе ме поврзе со некој лик - затоа што во TgotT во секој лик можев бар малку да се пронајдам.

Авторката се обидела повторно настаните да ги раскаже од перспективата на повеќето ликови, да ги долови нивните сфаќања, чувства, причини за однесување, но мислам дека погрешила што тоа го прави од перспектива на ПРЕМНОГУ ликови.

Ниту еден од нив не е сосема "доработен":
- Џулија, односно Џулс, која поголемиот дел од животот ја мрази сестра си и ја екскомуницира. Цела приказна на Џулс е како и' се обраќа на мртвата сестра, и кога конечно доаѓаме до причината... млако. Ништо.
- Лена, ќерката на Нел. Од една страна дрска, безобѕирна, авторката божем сака да не' наведе да се посомневаме во неа, но просто толку е лошо смислен ликот, толку млитав, во ниедна варијанта девојчето не реагира на настаните соодветно - виновна или не. Има толку мистерија во нејзиното постоење, а таа се чини ништо не ја интересира.
- Ники, која ми е тотално вишок во целата приказна. Конфузна и непотребна.
- Хелен, која не сум убедена каква врска има со Патрик
- Шон, кој нема смисла во сопственото постоење, и освен ако не претпоставиме дека е тотално изгубена душа и не знае што со себе, нема објаснување за него.
- Ерин, која исто ми е вишок
- Патрик, кој го запознаваме едвај малку и исто немаме претстава што прави, што правел, ниту кој му е мотивот. Ниту крајот на книгата не ги објаснува ниту оправдува неговите постапки
- Целата приказна со Марк, Кејти, родителите на Кејти, свршеницата на Марк...

Премногу "настани" нафрлани, ниту еден лик добро обработен, ниту главната приказна за "водата" делува забавно...

Генерално, тотално промашување, посебно со оглед на големите очекувања.
Книгава ми беше предосадна за читање, нит заплет, нит возбуда, само чекав да ја завршам.

Двојче од мене чисто затоа што ми се допаѓа стилот на пишување на авторката, но содржински оваа книга не ми е ни за двојка.

 

Наслов: Разум и чувствителност
Автор: Џејн Остин

Спојлер: Книга

Неправедно лишени од семејното наследство поради поради алчноста на својот посинок и неговата сопруга госпоѓа Дешвуд и нејзините две ќерки Елеонора и Маријана се наоѓаат на работ на сиромаштијата. Принудени да се преселат од Сасекс во Девон двете сестри наскоро стекнуваат нов круг пријатели.Маријана, чијашто милозливост, убавина и отворена природа го привлекуваат измамникот Џон Вилоби, наскоро е длабоко вљубена.Елеонора којашто по природа е претпазлива и наклонета кон темелно размислување и дискретно таење емоции, страда поради загубата на Едвард Ферарс кого го остава во Сасекс.
И покрај различната карактерна природа, двете сестри доживуваат големи разочарувања. Маријана отворено ја покажува болката на своето срце, а Елеонора не дозволува никому да дознае за нејзиното страдање. И двете поседуваат чувство на разумност, постојаност и интегритет што им овозможува да почнат нов живот исполнет со спокој и среќа.
Разум и чувствителност е книга која отворено зборува за проблемите во тогашното општество низ приказната за љубовта, страдањето, тагата, надежта и вербата во среќен крај.

Прво прочитано дело од авторката Остин кое не ме воодушеви ниту по книжевниот стил, ниту по содржинскиот концепт за "вечното ривалство" меѓу љубовта и разумот. Оценката е три.

 

Последно ја прочитав светот не е фабрика за исполнување желби од Џон Грин преубава и болна приказна која ми остави длабока трага.

 

Оценка 5/5

Овие неколку дена, една по друга ми се погодија неколку прекрасни книги за читање, па среќа дека имав продолжен викенд успеав да ги прочитам сите во еден здив. Последна ми оваа The Mother-in-Law или по наше свекрва Книгата го опфаќа односот помеѓу снаа и свекрва и како всушност понекогаш зборовите и гестови ги сфаќаме многу погрешно само затоа што постои непишано правило дека снаата и свекрвата не се сакаат. Епа книгата го разработува баш тој однос помеѓу снаата Луси и свекрвата Дијана од гледна точка на двете страни. Низ книгата се испреплетени и останатите семејни односи помеѓу Дијана и нејзиниот син и ќерка, раскажани низ призмата на Луси и Дијана.
Реално опишана семејна драма низ која речиси секој од нас се нашол или ќе се најде. Милион мисли и теми за боок клуб предизвикуваа книгата.

 

"Кога Ниче плачеше" - Ирвин Д. Јалом.

Антиклиматично. Крајот не ми се допадна. Приказната добра.
Од литературен аспект фали нарација и подобра разработка на ликови, со цел да се долови комплексната суштина што Јалом сакал да му ја претстави на просечниот читател. Вака е исто како да се обидете со турска серија некому да доловите што е љубов. Очекував повеќе, но со оглед дека писателов е психијатар, а не книжевник ајде 7/10 пролазна. Замислата му била одлична.

Инаку книгава е за Јозеф Бројер познат австриски доктор. Дејствието е крај на 19ти век пред самите почетоци на психоанализата. По неговото откритие дека при третман на хистерија со употреба на хипноза се доаѓа до изворот на симптомот и симптомот исчезнува, извесна девојка по име Лу Саломе ќе побара од Бројер да го третира "очајот" на не толку прочуениот филозоф во тоа време, Фридрих Ниче. Бројер прифаќа, но во обидот на лекување на Ниче сфаќа дека самиот тој е пациентот.

Сите ликови од книгата се вистински. Приказната не баш. Ниче и Бројер никогаш навистина не се сретнале. Некои од писмата на Ниче до Лу Саломе кои авторот ги употребил за книгава биле навистина напишани. Фројд навистина бил чест гостин кај Бројерови, пријател и помлад колега на Јозеф. Само дејството меѓу Ниче и Бројер е замисла на авторот.

 

The Girl on the Train - Paula Hawkins 5/10

Книгава до некаде е океј, а и не. Ми се допаѓа идеата ама ликовите не.
Рејчел, досадна, депресивна секогаш со алкохолот. Се меша таму кај што не и е место, ги замара буквално сите.

Ана исто досадна, во секоја реченица Рејчел па Рејчел.
Меган дефинитивно не знае што со самата себе.
Том лажго, Скот опсесивен маж.
Можам да кажам дека малку ми се допадна терапевтот. Секогаш смирен и единствениот лик што општо го користеше мозокот во книгава.

Крајот повеќе од очигледен. Од сите ликови се знаеше кој го извршил убиството.

 

Наслов: Фатални желби
Автор: Бруклин Хадсон
Оцена: 5/5

Спојлер: книга

http://d.gr-assets.com/books/1361953959l/17448565.jpg

Лошо минато: Жулиен Грение пораснал во Франција, со многу насилен татко алкохоличар кој никогаш не престанал да го обвинува поради тоа што неговата мајка умрела додека се пораѓала со него. За негова среќа, покрај ужасниот татко, тој ги имал и саканите баба и дедо кои му биле единствената светла точка во животот... додека не го видел татко му како го убива дедо му пред негови очи...
Уште како дете, живеел во хорор кошмар и траумите се толку силни што му предизвикуваат кошмари дури и денес, иако тој повеќе не е во Франција, туку живее во Менхетен со својата сопруга Ракел.

Трагична сегашност: Жулиен и Ракел се одличен, моќен бизнис пар.
Жулиен е маркетинг директор на авенијата Медисон, Ракел е уметничка душа која работи во успешна галерија и тие имаат прекрасен живот, но тој се претвора во нов кошмар после трагедијата ноќта на нивната деветта годишнина. Каква трагедија? Ќе ве оставам да откриете самите.

Опасна иднина: Жулиен, ладен и резервиран поради сѐ што доживеал, но сепак лојален човек со златно срце, одлучува да почнат одново, да се преселат во мало мирно гратче и да му се вратат на нормалниот живот далеку од сите опасности. Она што не го знае е дека во новата прекрасна планинска куќа ги чека нова опасност, кошмар пострашен од сите други.

Фатална игра: На прв поглед, куќата во Кингс Холоу изгледа како остварување на сонот. Но таа има една уникатна карактеристика. Сите нејзини станари се вклучуваат во една фатална игра додека живеат таму. Игра која може да ти ги исполни сите желби... Игра која дефинитивно ќе нѐ научи да внимаваме што посакуваме... Нивните желби се исполнуваат. Нивните стравови се враќаат. Нивните кошмари стануваат реалност. Но... некои желби е најдобро никогаш воопшто да не се посакаат...

Делото е предизвик за љубителите на филмовите Sixth sense, Butterfly effect, како и за љубителите на Стивен Кинг, хорор мистерија со доза на натприродни трилер елементи, рапидни дејства, уметнички изградени ликови со препознатливи доблести и недостатоци и пресврт-моменти во финалниот сегмент со тотално непредвидлив епилог.

 

Ловец на души од Донато Каризи, а сакам да ја читам Илјада неверојатни сонца од Халед Хосеини читам доста позитивни критики за неа

 

Нема да згрешиш зашто книгата е страшно добра, мене ми е една од омилемите, на сите ја препорачувам

 

Ќерката на дрвосечачот - Наде Стоилковиќ

Книгата ја започнав со многу позитивни мисли, но навистина ќе бидам искрена, не очекував волку добар роман од наш автор во ова време. Наде ја познавам лично, не дека не верувам во нејзиниот стил, туку не очекував книга да е толку добра и на рамниште со врвни класици. Јасно, концизно и читко напишано, описи кои изобилуваат со детали напишани на македонски литературен јазик. Во оваа книга нема да прочитате модерен македонски израз, се е напишано литературно и дури ќе ве запрепасти и ќе помислите а на кој јазик се преведени оние современи романи. Драма, убава, романтична, тажна, со многу неправди кон Дана, јунакињата на овој роман, со многу убав приказ на нашето општество од 70сетите и 80сетите.

Спојлер: Кратка содржина

Дана е девојче што има лоша судбина, како што велеше баба ми, во црн повој повиена на раѓање, нејзиниот живот започнува да станува тежок многу рано, на само 7г, кога во 1м ќе ги загуби и мајка си и татка си, кога ништо повеќе не е исто за ова мало убаво девојче обожувано од своите родители. Животот продолжува сурово, иако згрижена кај најблиските таа добива статус на измеќарка во домот на чичко и. Многу рано се откажува од своите соништа, прекинува да биде дете и станува возрасна. На 16г ќе биде против својата воља продадена на едно семејство во Скопје, да им слугува и да живее во една друга средина. Ништо повеќе не е исто, само една добра сосетка и нејзиниот убав син кој е вљубен во неа и даваат надеж дека ќе има подобро место за неа во новата околина. За 3м на Дана животот и се менува целосно, станува жена поради одземената невиност на насилен начин. На 16г Дана ќе остане сама, со дете во стомакот и со многу малку пари кои и ги дава човекот кој ја обесчестува, на улица, без подршка и без никој. Ќе и помогне сосетката да ги помине месеците во домот за деца без родители каде што конечно ќе го остави своето дете на посвојување. Тешки и горки се мислите на една мајка, млада и беспомошна, која треба да се одвои од своето чедо. Животот е судбина, крои планови за нас без да не праша. Дана ќе го роди своето дете и ќе го остави во рацете на една мајка која не може да има сопствено чедо а таа ќе замине од болницата со празни раце. Со празни раце и празно срце Дана оди да живее кај едни двајца доброчинители кои останале сами на векот поради лоша судбина исто како неа. Ќе следат години исполнети со малку радост, малку среќа, малку тага, малку солзи и многу копнеж по даденото дете. Најпосле Александар, синот на добрата сосетка, се појавува повторно во нејзиниот живот. Најпосле Дана има нова надеж, скриена ама силна, повторно воља за живот. Александар и Дана ќе започнат нов живот, нов среќен и исполнет живот, ќе добијат ќерка и ќе имаат многу денови исполнети со радост и среќа. Но црната судбина на Дана повторно ќе ја потсети дека ништо не е така едноставно, само еден ден после завршувањето на основното образование Ема, нивната ќерка ќе настрада во обична детска игра. Ема ја нема повеќе. Црни денови проткаани со плач, неверба и тага следуваат за ова семејство. Сонцето ќе изгрее кога Дана ќе го види белегот на раката на Виктор, студент кој ќе дојде да живее кај луѓето кои ја примија Дана пред 20г. Виктор е синот кој Дана го даде пред многу години, Виктор е новата надеж на Дана, Виктор е новата причина за да се насмее Дана. После толку години Александар ќе ја однесе Дана во нејзиното село, да им прости на оние кои ја предадоа, да расчисти со она што ја мачело со години.

 

Папата Јована-Дона Вулфок Крос

Многу добра книга,обемна е,но предобра.Го опфаќа делот во средниот век и правата на жената во тоа време.
Тажно е,толку години поминале од тогаш,но малку се сменило.
Вреди да се прочита,доколку сакате да ја видите положбата на жената во минатото и да направите паралела со сегашноста.
10/10