Последна прочитана книга и кратка критика

Good Omens: The Nice and Accurate Prophecies of Agnes Nutter, Witch - Neil Gaiman, Terry Pratchett



Прво ја изгледав серијата, и ја обожавав, а книгата веќе ја имав дома и решив да ја прочитам. Одлична е, забавна и интересна. Секој од ликовите си има свои quirks кои ги прават да ги засакаш. Стилот и хуморот многу ми се допаѓа, ме потсетува на The Good Place серијата, каде објаснуваат нешто и потоа како пример даваат нешто многу специфично и комично. Пример во една фуснота имаше for Amricans and other aliens. Друг цитат на кој ми текнува е: The road to hell is paved with good intentions. (This is not actually true. The road to Hell is paved with frozen door-to-door salesman. On weekends, many of the younger demons go ice skating down it.)
И така низ цела книга. Многу е релаксирачка и забавна.

Инаку се работи за Армагедонот. Ангел и демон пробуваат да го запрат крајот на светот кој би бил предизвикан од Антихристот, единаесет годишно дете во рурална Англија. А притоа сево ова е предвидено од страна на вештерка во 17 век.

Морам да ја пофалам и серијата, одлично е отсликан целиот feeling на книгата, имам желба пак да ја гледам.

Спојлер: Последна недочитана книга

Седумте големи тајни на космосот - Николај Рерих

Книгава ја купив од екстремно сомнителен човек со куфер за 70 денари мислејќи дека е за астрономија (не ја ни отворив пред да ја земам). Замислете ми го разочарувањето кога дознав дека е базирана на староиндиска филозофија напишана од руски автор. Како и да е, фатив да ја читам ама не можам да ја сфатам сериозно. Секој втор збор е напишан со голема буква: Време, Космос, Логос, Живот... Секогаш сум open-minded кога се работи за религиски книги, па фактот што оваа не можев ни да ја дочитам до крај зборува многу.

Некои од тврдењата искрено не ни заслужуваат да се демантираат, како на пример верувањето дека месечината е мајка на Земјата која отпрвин била многу поголема и содржела живот ама на пониско ниво. Полека се претварала во Земјата и затоа сега е мала и орбитира околу неа. Еден ден и Земјата ќе станела нечија месечина. Мислам јасно е каков тип книга е. Има уште купишта неконзистентни и бесмислени работи па решив дека нема да си го трошам времето на работи што некој што немал работа си ги извадил од газ.

(Ако ве интересира кои се големите тајни на космосот, сите седум беа поврзани со тоа како функционира универзумот и како е управуван од необјаснива сила на која понижите луѓе и' даваат човечки облик и ја викаат Бог. Притоа ништо конкретно не се ~открива~ туку само им се дава име на имагинарни концепти што и не се баш револуционерни.)

 

Тројца во кревет - Кармен Рид

Станува збор за млада и успешна жена која се мажи за постар маж. И двајцата се одлучни дека не сакаат деца во својот живот, но желбита за деца на Бела почнува за се менува и таа останува бремена. Кармен многу искрено и целосно го опишува целиот тој период пред бременоста и после порагањето, сите проблеми со кои се соочуваат бремените жени на работното место во 21 век. Додека сите зборуваат за убавата страна на раѓањето бебе, таа го опишува сите проблеми за кои никој не зборува, а сите жени се соочуваат со нив.
Интересна книга, на моменти се згадував од деталите ама сепак влечи да ја читаш.

 

Софи Кинсела - Се сеќаваш на мене?

Втора шанса и дадов на Софи и испадна последна ќе биде. Книгава ми беше тотално мачење. Целата приказна досадна, развлечена, на крајот очекував барем разврска околу помнењето.

Навидум лесна книга, а ми одзеде 3 дена..

 

City of Girls - Elizabeth Gilbert
Интересна е, приказна раскажана во прво лице за животот на една девојка во Њујорк во периодот меѓу, во текот на и по Втората Светска Војна. Интимна, убави детали, убаво оформени ликови, мислам знае Гилбертка да пишува, посебно вакви page turners. Има низа пораки за слободата на изборот и важноста на непотребата да се биде дел од конвенционалните маси.
Иако ми се допадна, не ми е омилена од Гилберт, морам да признаам. Ми беше интересна, ама не би ја читала пак, за разлика од некои други нејзини книги. Сепак мислам дека е убаво четиво.

Period power- Maisie Hill
Оваа е да не речам селф-хелп книга за менструција. Ама тоа не е лоша критика. Има детално предетално објанување на целиот менструален циклус, што значи тоа од секој аспект за телото и зашто е редно да ја надминеме стигмата околу фактот дека повеќето од нас секој месец имаат менструација. Тоа што мене ми беше интересно е што има убаво толкување на секоја фаза од циклусот и како тоа влијае на нашата продуктивност, сексуална активност и општо, живеење. Да можам на сите тинејџерки би им ја давала на неколку години да ја препрочитуваат.

 

„Убиства со монограм“ од Софи Хана, со можеби најпознатиот лик на Агата Кристи, Херкул Поаро. Хана е одбрана од семејството на Агата Кристи да го продолжи нејзиното дело, односно има право да го користи ликот на Поаро.
И што да кажам - ме разочара малку. Солидна идеја, ама... некако расплината, некако поинаква, не е Агата (секако дека не може да биде), Поаро не е Поаро, бар не оној што јас го знам.
Се работи за три убиства во познат хотел во една вечер, при што секоја од нив е положена на кревет и има манжетна со монограм во устата. Поаро ќе го сретнеме уште пред да прочитаме за убиствата, ама овој Поаро ги сменил навиките што ги имаше кај Агата. Ликот на инспекторот во приказнава е далеку од Џап или Хејстингс, иако работи заедно со Поаро, имам чувство дека е многу глупав и просто не знам како е вработен во Скотланд Јард. Ако сакате крими романи може да пројде, но не го препорачувам на љубителите на Агата. Ќе се замислам дали повторно би купила книга со Поаро од истава авторка, а нешто лично нејзино, можеби и би купила.

 

Ќерката на чуварот на спомените од Ким Едвардс и Мојот живот во харем од Џилијан Лорен

 

Јас со Кинсела буквално се измачив кога ја читав
'' Го имам твојот број"
Читав толку рецензии, толку фалења за книгава
А јас од двај ја дочитав, уште една од неа НЕ!

 

Човек во лавиринтот - Донато Каризи

Како и многуте негови книги и оваа беше прекрасна. Мистерија до самиот крај. Приказна за грабнато девојче, па девојка во лавиринт, испреплетено дејствие. На моменти надеж, па големо разочарување. На крај сепак останува дилема што точно се случило во тој лавиринт.

Книгата е дел од серијалот, каде прва книга е Шепнувачот.

Ја препорачувам!

 

Книга што секој родител треба да ја прочита. За тоа како нашите неостварени желби ги наметнуваме на децата иако тоа не го сакаат.За едно девојче кое го убедуваат дека среќата лежи само во учењето и успехот. Да се биде добра девојка 'значи' да не пушиш цигари, да немаш секс, да не одиш на школски искачанки итн. Сите овие наметнувања завршуваат со мртва 16 годишна девојка и распад на едно семејство.

 

Периодов прочитав неколку книги што се прилично фалени меѓу македонската читателска публика, па морам да кажам збор-два за истите.

The Breakdown - B.A. Paris кај нас преведена како „На раб на лудило“. Барем претпоставувам дека така е преведена.
За книгата една тројка - оти држи внимание, не забегува многу во ситници, ама од друга страна - прилично предвидлив и очекуван расплет на настаните. Нема ни продлабочување во психолошкиот профил на главните ликови, можеби така повеќе се обрнува внимание на главниот женски лик, ама каде се тука останатите? Не би сакала да претпоставувам зошто ликовите преземаат некои дејства, би сакала да има добра психолошка слика зошто го прават тоа што го прават. Тука тоа недостасува. Ама очигледно не е проблем за повеќето читатели.

Behind closed doors - B.A Paris, кај нас преведена како „Зад затворени врати“.
Уште полоша од претходната. Плитка, површно обработена приказна, со нафрлани податоци за главниот машки лик. Раскажана од женска перспектива, од гледна точка на жртвата. Да, тешко се остава, иако се знае како ќе заврши. Ама не вреди времето потрошено за читање. Одвај двојче добива, и тешко дека следен пат кога ќе налетам на книга од оваа авторка ќе ме заинтересира.

Sometimes I lie - Alice Feeney, кај нас преведена како „Понекогаш лажам“.
Uh-huh. Што да се пише за книгава. Ја читав во оригинал, немам поим каков е преводот, ама се надевам дека тој што преведувал ја разбрал книгава, оти мене крајот ми беше прилично нејасен. Море цела книга беше испревртена и на моменти ми беше тешко да го следам дејството, се навраќав и препрочитував цели глави (среќа кратки се). Во споредба со претходните две, ова е уживање за љубителите на мистерии, ама ако некој успее целосно да ја одгатне мистеријава, нека пише слободно. И зошто таков крај, после се'?
Целата приказна ја раскажува Амбер која се наоѓа во кома, поточно ја гледаме главно нејзината страна од развојот на настаните, според она на кое што се сеќава. Се двоумам дали се работи за биполарно растројство или се навистина две различни личности. Да речам дека ја разбрав целосно, ќе излажам. Книгава е полна со пресврти, и тешко е да се сфати кој е негативецот во целава приказна. Таман си се опуштил дека знаеш како ќе оди, бум - неочекуван пресврт. После мисли си што си пропуштил претходно и враќај се пак да препрочиташ.
Според крајот, има простор за продолжение, дали авторката ќе продолжи или не, не знам, ама книгава држи внимание. Се прашувам дали е една од полошите книги што сум ги прочитала, или пак е маестрална. Сепак, давам солидна четворка.

 

400 стр, на крај едвај ја дочитав. Не ми беше ништо посебно. Лесна за читање ама прилично монотона. Се следи животот на 4 женски особи кои под сплет на околности доаѓаат да живеат заедно како подстанарки во една куќа. Немаше адреналин, ниту нешто што би ми задржало внимание. На последните страни ептен брзо се исфрли едниот лик од книгата. Јас не ја препорачувам.

 

Моќна приказна којашто ќе ви се вовлече под кожа. Добрината и љубовта магија на сцената помеѓу шумата и звездите.

Приказната започнува со изгубено, мистериозно девојче кое одеднаш, директно од шумата, се појавува пред младиот биолог Jо, која привремено живее покрај шумата за да прочува гнезда на птици.
Не читам вакви книги, ама за промена добро е и ме изненади приказната не очекував дека ќе ми се допадне.
Ја препорачувам книгата, прекрасна е.

 

„Другиот брег на Босфор“, книгата е историска и мене не ми се допадна многу. За тие што се љубители на историски книги оваа навистана ќе им се допадне.

 

Книгава ја препорчитувам по трет пат, иако немам баш навика да се навраќам на препорчитани книги, освен на оние од поомилените автори. И ден денес ми се допаѓа целата приказна, сите расплети и како течат дејствата. Сметам дека има простор да се навлезе подлабоко при некои делови, но и вака многу ми се допаѓа.

Во книгата се зборува за девојка по име Кети која страда од опсесивно компулсивно растројство и пострауматски стрес. Паралелно се објаснати и настаните кои довеле до развојот на овие проблеми.

Ја прочитав во два дена, ако не и пократко, навистина тешко да ја оставиш штом ја почнеш. Штета што немаат преведено повеќе книги од Елизабет Хејнс, но успеав да ги најдам на англиски па дефинитивно ми се на листа за читање во иднина (https://1lib.eu/s/elizabeth haynes).

 

Ова е преводот на (Me before you).
Јас правам грешка. Кога ќе се одлучам да читам некоја книга, многу ретко читам содржина на задната корица.
Мислев дека се работи за некоја лесна љубовна приказна, а баш ми требаше таква.
Во книгава се работи за животот на дечко (Вил) кој водел активен и исполнет живот, но поради несреќа тој станува квадриплегичар. Во неговиот живот влегува Луиза, која има многу малку амбиции во животот, па дури и работата се грижи за него ја прифаќа со сила. Сепак, тој успева во неа да види потенцијал и скриени амбиции и ја води кон нивно исполнување, додека нејзина цел е да го спречи во неговата финална желба за еутаназија во Дигнитас.
Срцепарателна книга и е една од ретките на кои поштено се исплакав.
Како и да е, ја препорачувам. Приказната е пред се реална.

 

The Silent Governess - Julie Klassen





Еден дворец кој станува затвор и една тајна којашто не треба да искочи на виделина.
Англија 1815год, мислејќи дека е одговорна за злочин, Оливија бега од својата куќа застанувајќи на еден имот каде што има раскошна слава. Меѓутоа не е се така забавно како што изгледа.
Младиот лорд Бредли штотоку открива страшна тајна која ако се прочуе неговиот живот засекогаш ќе биде уништен, но за момент открива нечија силуета, тој мисли дека е крадец којшто можеби ја слушнај тајната и може да му го уништи животот.

Интересна приказна полна со тајни, приказна којашто ни кажува дека никогаш неможеме минатото да го оставиме зад себе.
Никогаш немам читано книга од авторкава, случајно налетав на книгата, па се решив да ја читам.
Книгата не беше лоша, просечна можам да кажам.

 

-Немата пациентка.. Еден од подобрите трилери што сум ѓи прочитала. Иако на нет читав критики дека била лесно предвидлива мене ми беше баш напната, интересна и со крај каков што не очекував. Јас ја прочитав буквално за ден, држи мн внимание. Габриел е убиен со пет куршуми во својат дом. Обвинета е неговата сопруга Алисија. Алисија од денот на убиството одбива да зборува во наредните 6 години,се додека не се појави Тед Фабер кој е одлучен да ја натера да зборува. Испреплетени емоции, изиграна доверба, лаги, насобран гнев... од се по нешто има...


-Шепкачот.. по смртта на неговата сопруга Том и неговиот син се преселуваат во Федернбек, Место познато по Шепкачот(убиец на деца) години уназад. Наводно да убиецот е веќе во затвор но и покрај тоа синот на Џек слуша секоја ноќ шепкања под прозор и се однесува мн чудно. Јас едвај ја дочитав. Незнам зошто. Не е досадна воопшто ама некои сцени поврзани со децата ми беа језиви за читање.