Последна прочитана книга и кратка критика

Blink – Malcom Gladwell



Ова беше многу позитивно изненадување. Не знам зошто ѝ настапив скептично на книгава, мислев дека е од типот книги што се напишани со квазинаучна пропаганда во позадина, со многу нелогичноси и мислев дека ќе промовира анти-рационално размислување. Ама не можев помалку да бидам во право. Впрочем, книгава и ми помогна да откријам од каде потекнува таа моја предрасуда.

Во суштина, се зборува за тоа како мозокот прави инстинктивни одлуки и како доаѓа до заклучоци буквално пред да трепнеш. Ми се допадна што книгава навлезе во тоа кога треба да им веруваме на тие инстинкти, а кога можат да бидат фатални. Првично се плашев дека нема да се фокусира на „лошите“ блинк одлуки, и само ќе го тера trust-your-gut наративот, ама не беше така. Гладвел навистина ладно и пристапи на темава и тоа ми се допадна.

Имаше моменти каде се губев малку, а кога велам моменти мислам на точно еден момент каде надолго и нашироко, без изоставање детали, се посвети на објаснувањето на американската воена вежба или што и да беше тоа. Сметав дека не беше потребно толкаво длабоко објаснување за таа една поента. Сепак, главно ми се допаѓаше case-study пристапот, на тој начин темата што лесно може да биде досадна преку приказни ја правеше попристапна и блиска.

Што се однесува до самата поента на книгава, сметам дека е навистина фасцинантно како нашите мозоци имаат механизми што на брз и (најчесто) точен начин ги оценуваат ситуациите околу нас. Интуицијата е одлична еволуциска предност која ни е вградена во мозочниот „софтвер“. Како таква, многу често малфункционира (постои ли зборов?). Е сега, дали книгава даде точно дефинирани насоки како да одлучиме кога да се потпираме на интуиција, а кога не? Не баш. Сепак, авторот не е психолог, па не ни очекував нешто такво. Од книгава јас би извадила заклучок дека интуицијата е помоќна работа отколку што сум мислела. Подложна е на biases, секако, ама не е некоја мистична работа, туку нешто што може да се контролира и на што може да се работи.

Во секој случај, доста интересна книга, сметам дека никој не би си го изгубил времето со неа, ја препорачувам.

 

Sister Outsider – Audre Lorde



Доста интересно четиво. Авторката е познат феминист и активист за граѓански права, воедно и професор и поет. Книгава во суштина е збирка нејзини есеи, говори и други публикации. Опфаќа различни теми, од расната нетрпеливост во САД, преку сексизмот во црнечката заедница, па хомофобија и на крај окупацијата на Гренада од страна на Америка.

Главниот мотив што се провлекуваше низ повеќето текстови мислам дека беше интерсекционализмот – нешто за што ретко се зборува и денес, а да не правиме муабет за 70-те. Можам да замислам дека ваквите теми биле квантна физика за просечен американски човек тогаш. Ама ми се допадна многу тој осврт. Мислам дека е многу важно да се потенцира дека постои повеќе од еден начин на кој можеш да искусуваш неправди. А особено е важно да се избегне таа хипокризија која многу често се јавува кај одредена опресирана група. Пример, белите феминистки кои потешко го „укопчуваат“ расизмот како интегриран дел од општеството, а немаат проблем да го препознаат патријархатот како таков. И тука се јавуваат проблемите на willful ignorance, кревање раце, гејткипинг и соработка со опресорот.

Ми се допаднаа и тие задлабочувања во внатрешните динамики на црнечката заедница, како што беше одговорот на апсурното и сосема неоправдано тврдење дека црните мажи на одреден начин „се истураат“ врз црните жени поради ограниченоста со која се среќаваат во белиот свет. Исто така ми се допадна и нурнувањето во психологијата на црните жени кои често за жал се свртуваат една против друга, се држат една со друга на многу повисок стандард и многу пожестоко се критикуваат.

На моменти стануваше малку повторлива книгава, не велам не, ама имаше доста цитати кои ми фатија око:

Спојлер

Сметам дека Одри Лорд е одлична претстава на црнечката лезбејска феминистичка мисла и сметам дека има многу insight да понуди како таква. Во секој случај, не се покајав што ја купив книгава.

 

The Push - Ashley Audrain



Не пишувам рецензии, затоа што искрено, не знам да ги напишам.

Книгава е... посебна. Сум читала и други со слична тематика (на пример The Perfect Child - Lucinda Berry) но ова е нешто сосема друго.

Иако навидум немам ништо заедничко со Blythe, всушност имам многу тоа. Мислам дека генерално, сите жени, имаме многу тоа заедничко со неа.

Ја препорачувам.
Дефинитивно книга што долго ќе остане со мене.


Ако некој ја прочита, би сакала да ја дискутираме

 

Flowers For Algernon - Daniel Keyes



Flowers For Algernon е научно фантастична кратка новела која задира во моралните и етички корени на психологијата, како и во себе пронаоѓањето како единка, како човек.

Книгата е раскажана во форма на извештаи, напишани од страна на Чарли Гордон, младич со ментални пречки во развојот кој посакува да биде паметен како и сите други луѓе.
Еден ден, неговата желба ќе биде исполнета од страна на лабораторијата за истражување во Њу Јорк, каде ќе биде подлежан на операција како прв човек кој науката ќе му овозможи пораст на неговиот IQ левел.

Во толку мало пакување се наоѓаат еден куп на емоции, есенцијални прашања и морални дилеми кои засекогаш ќе го променат вашето размислување.

Брзо се чита. Долго се размислува.

Огромна препорака.

 

Каризи Најдобар!
Кој го има читано, знае за каков автор станува. Мајстор! Сите три книги се и повеќе од одлични. Интересни се, напнати, брзо се читаат.

Куќата на гласовите


Кај реномиран детски психолог, специјалист за хипноза доаѓа возрасна пациентка која бара помош зошто е убедена дека кога била малечка била сведок на убиство на друго дете. Или полошо, не била само сведок.

Да бидам искрена, малку ме збуни крајот. Ако некој ја читал, би сакала да си направиме муабет

Играта на шепнувачот


Мила Васкез веќе ја знаеме како детективката за исчезнати лица од Чистилиштето. Десет години после случувањата во „Шепнувачот“. Мила повеќе не работи во полицијата и живее мирен живот со ќерката. Но тој навидум идиличен живот ќе биде прекинат со свирепо убиство зад кое стои нов Шепкач.

Човек во лавиринтот


Уште една приказна од универзумот на Чистилиштето. Девојче што исчезнало пред петнаесет години одеднаш се појавува живо. Кој ја грабнал, каде била, како се спасила се прашања на кои полицијата нема одговор. Приватниот детектив кој бил најмен од родителите на девојчето пред петнаесет години можеби ќе успее да се „искупи“ пред чудовиштето да земе нова жртва. Или да си ја земе старата жртва назад.

Без да издавам многу, од сите книги на Каризи, а воопшто од сите трилери, оваа најмногу ме трогна и екстремно бев лута кога ја завршив. Да, ова приказна конкретно е фикција, ама знаеме за вакви примери од реалниот свет.

 

Знаев дека книгава има тешка тематика, но ова беше посебно тешко.
Пред се, тоа што е базирано врз вистинска приказна.
Се работи за животот на младо девојче- дете, на кое поради "љубов" и се претвора животот во пекол.
Потчинета на сопругот и свекрвата, без право на глас, редовно малтретирана и силувана. Се работи за убивање на духот на жената, каде она е жива, а е мртва. Каде "честа" е причина за убивање.
Книга во која е објаснето општото сфаќање за местото и улогата на една сопруга и мајка. Каде мажот може да биде гнасно и болно, растроено суштество, а сепак жената да е ДОЛЖНА да биде со него.
Книга во која животот на жената не е вреден, не е битен.
Јас при читање, ептен навлегувам во книгата, на некој начин сочувствувам со ликовите.
Ми се гадеше и осеќав бес и немоќ во текот на читањето. Бев бесна на безизлезната состојба на жената. Угнетувањето, понижувањето.....
А и онаа реченица кога и велат жените на Филиз "мисли на децата", морав да ја затворам книгата и да се соземам. Всушност, често ми требаа паузи од екстремно гнасните моменти кои ги доживуваат она и децата.
Не можам да кажам дека е убава книга, но е реална, за жал. Многу жени го поминале ова и за жал и ден денес го поминуваат.
Ептен ми остави впечаток

 

Гледам доста препораки за книгава, дали можам да ја најдам во е-формат, макар пдф? Не мора на македонски.

 

Јас ја барав претходно во пдф, не можев да ја најдам на ниту еден јазик.

 

Дајте ми го оригиналот

https://www.sendspace.com/file/fs7zi7

Линкот до книгата, PDF, англиски.

 

Ја нарачав веќе, но можеш да ја прикачиш во темата за размена на книги во пдф

 

Браво, баш си брза во нарачувањето. Нека стои тука, ете, имаше и други заинтересирани за книгата.

 

Прочитајте ја.
Ама спремете се.

Филиз ќе ја препознаете.
Сите познаваме по некоја Филиз.

Кратка е книгата, книгичка би рекла.
Боли напишаното, уште повеќе ненапишаното.

 

Да не имаш пдф книгава? Ако да, да ја прикачиш во темана.

 

Ја немам, но можам да ти ја пратам, печатена

 

Камее и јас ја сакам

 

Од Скопје си?
Можам да ти ја позајмам

 

Не, не сум од Скопје

 

Повелете на англиски