Последна прочитана книга и кратка критика

Ја имам гледано серијата со истиот наслов, ама не знаев дека е според книга. Серијата ми беше одлична, особено црниот хумор.

Спојлер

Во серијата докторот е зависник од морфиум претпоставувам така е и во книгата.

 

Ја оценив со 3/5. Ќе пишам неколку збора и зошто баш таа е оценката.
Ми се допаднаа деталите, раскажувањето и поуката. Животот е непредвидлив и краток. Во еден миг си тука, а во другиот...
Фин е 16 годишна девојка, еден ден одат на семеен краток одмор на планина. Се спремаат за вечера, да јадат палачинки, среќни и возбудени, а еден елен на патот, во снежна и студена ноќ, ги носи во провалија. Фин од повредите го губи животот на самото место. Но, нејзината душа е тука, присутна, следи што се случува понатаму. Голгота, борба за живот, во сето тоа излегуваат на површина скриените карактеристики на речиси сите луѓе кои беа дел од несреќата. Или можеби, во такви ситуации, човекот не е ист? Размислува себично, се претвора во некој друг, егоист.
Понатаму, Фин го раскажува она што го гледа и што сфаќа за нејзините блиски, како се чувствува кога е покрај нив а не е веќе дел од нивните животи. Убаво раскажано, само не ми се допадна што премногу долго остана на "тој свет", баш токму за да види како сите си го најдоа патот до среќата и да не пропушти ништо пред да ја проголта светлината во вечноста. Мислам, ок, книга и нормално да се така настанитe Заради таа развлеченост и' скратив од оцената.

 

Времето на лалињата од Дебора Могах.
Приказна за љубовта, проткаена со елементи на уметноста на 17-от век во Холандија. Раскажана е во поглавја секое од аспект на неколкуте ликови кои се вклучени, секој со својата борба за среќа во животот, измами и сплетки кои те држат во неизвесност и желба да дознаеш како ќе заврши, а завршува баш неочекувано. Прилично лесна е за читање (ја прочитав за нецел ден). Би дала 8/10.

 

Не е во книгата и многу ме нервираше тоа.Американчиштава од завист го извитопериле ликот до степен на гротеска,ја претераа..Сите заедно да се соберат американски автори и нови и стари немаат ни колку малиот прст од Булгаковиот талент.

 

^^
@f.girl мислам ќе те интересира критиката. Ако немаш видено сѐ уште.

 

Иако книгава се рекламира како самопомош, јас пре би рекла дека е мемоар на некој начин.

Иако е претежно наменета за мајки, сметам дека е буквално книга за секој: мајки, татковци, луѓе без деца... луѓе.

Секому ја препорачувам, искрена, топла, реална. Како да си правиш муабет со ептен најдобра пријателка

 

Аtomic awakening: a new look at the history and future of nuclear power



Масивно голема книга која ја содржи, па може да се каже цела историја за нуклеарната технологија, од нејзиното откривање од страна на Марија Кири, која го открила Радиумот, до откривање на останатите радиоактивни изотопи. Европското истражување, највеќе германското и англиското, до политичките превирања во Европа за време меѓу светските војни и почнувањето на подемот на атомските истражувања во САД кој ги собрал сите познати научници кои работеле на полето на Нуклеарна технологија. Менхетен проектот, атомските бомби, правење на првата нуклеарна централа, првата нуклеарна подморница, студентата војна помеѓу Русија и САД. Идеите за нуклеарно вооружување и искористување на нуклеарната технологија за интерпланетарно и интерстеларно патување. Нуклеарните катастрофи, најдобро опишани оние во Англија и САД.
Нуклеарниот скептицизам и падот на довербата во нуклеарната технологија. Зошто и како е сопрено целото инвестирање во нуклеарни централи и истите се затвораат. Парадоксот на еколошките здруженија и кој стои позади нив. Развојот и можностите за нуклеарната програма во иднина. Менување комплетно на принципот на работа на нуклеарните централи кои денес се далеку поефикасни, побезбедни и почисти, како што авторот знае да каже, "чиста технологија"....

Книгата изобилува со историја, научни и технички податоци, како и навлегување во сржта на нуклеарната енергија од страна на научна страна и за секој кој е љубител на науката, квантната физика и општо филозофската наука за развој на човештвото и парадигмите кои му престојат, и солуција на проблемите кои го мачат, посебнo оние енергетските, Atomic Awakening е напишана од нуклеарен научник од САД кој бил еден од пионирите во развивање на нуклеарната енергија во 50-те и 60-те години на минатиот век.
Огромна е, но, вреди.

 

Каде може да се најде книгава?

 

Flatland - Edwin J. Abbott



Flatland е револуционерна книга во доменот на науката и математиката, каде преку една кратка приказна, авторот на доста умешен начин го претставува светот во 2 - Димензии.
Сместен во Викторијанската доба, сатирично го исмева човечкото општество полно со расни, сексистички, класно поделени сегменти и хиерархии каде што мажите, колку се покомплексни форми со прави агли добиваат повисока улога во едно така поставено општество.
Рамнокраките триаголници се најдолу во општеството, сочинети од војници и слуги, рамностраните се пак обичните луѓе и мало стопанство, квадратите се средно - високата класа, повеќе аголниците се аристократијата, а кругот како најсовршена форма ја има цела моќ во светот за да владее.
Со секој нареден машки потомок, аглите се зголемуваат и комплексноста расте.
Но, тоа не е случај со жените, кои се претставени како 1 - димензионални сушстества, линии, и се наоѓаат на дното на општественото скалило. Забранета им е едукацијата, правата, како и самостојното шетање надвор.

Книгата го опишува патот на еден квадрат, професор по математика, кој ќе има можност да се сретне со свера од 3D свет. Прекрасно е доловена средбата, и начинот на кој што би изреагирал некој човек доколку би имал средба со суштество од свет со 1 димензија повеќе од неговата.
А, тука, се отвора можноста дека ако постојат 1D, 2D, 3D, тогаш можно е да постојат и далеку покомплексни суштества и светови како 4D, 5D итн.
Авторот на мошне умешен начин ни го претставува ова, доволно добро да можеме да го свариме и визуелно да замислиме еден таков свет, што донекаде е mind-blowing за нас, како што беше за математичарот квадрат од 2D.
Карл Сеган визуелно го прикажал сето тоа во едно кратко видео, каде зборува за книгата и светот во 2D.



Земајќи предвид дека книгата е пишувана во 1800-те години, каде уште немале струја, ја прави толку напредна за своето време, што дури и денес концептот на димензии е тешко да се сфати меѓу луѓето, па можам да замислам како им било на читателите тогаш.
Мала е, концизна, брзо се чита, освен основна математика и геометрија нема нешто повеќе, па лесно е сватлива и ја развива фантазијата.

7-ца

 

Нишка од Трејси Шевалие.
Одамна ја меркав и никако не и доаѓаше редот, но ја прочитав конечно.
Книгата ми се допадна, емотивно раскажана приказна за пост-воениот период во кој сите се борат на свој начин да го пронајдат своето парче мир во животот.
Главниот лик е жена која и покрај сиромаштијата, загубите во животот и сите предрасуди на општеството за немажените жени, се обидува да го пополни амбисот во својата душа, да остави свој белег во светот и да застане на свои нозе, а успева да најде утеха и желба за живот преку везењето за катедралата, пријателките кои ќе ги запознае и забранетата и несудена љубов.
Од мене 9ка.

 

Najdobar !

 

Saramago - Evangelie po Isus Hrist
Fenomenalna!!!
Inače pisatelot e nobelovec

 

The seven husbands of Evelyn Hugo - Taylor Jenkins Reid 4/5

Имав доста слушано за книгава и ја прочитав доста брзо. Самото пишување не е нешто којзнае што ама има добра приказна што те влечи да читаш повеќе. Мислам дека е од тие книги што тешко се спушта откако ќе се почне со читање. Ликовите се добро развиени со исклучок на Моника која искрено се до крајот некако немаше некоја улога или влијание. Книгава ми даде добра перспектива за тоа како звучи Холивуд а каква е стварната реалност..
Како и да е, се работи за позната холивудска ѕвезда Евелин Хуго и како ја добила нејзината популарност преку нејзината глума во популарни филмови, како и нејзиниот скандалозен живот кој е проследен од медиуми и папараци. Како и нејзиниот приватен живот, браковите, врските, тајните, жртвите и каењето, како и забранетата љубов.
На седумдесет и некоја година Евелин се решава да ја изнесе сета вистина на виделина и ја ангажира Моника која не е и е јасно зошто баш таа е избрана од големата Евелин Хуго.​

 

Astrophysics for People in a Hurry - Neil deGrasse Tyson



Одлично склопена книга. Ми послужи како повторување на моето досегашно познавање во оваа област.
Релативно кратка е, па немам што премногу да кажам освен да издвојам цитат што многу ми се допадна.

"To the scientist, the universality of physical laws makes the cosmos a marvelously simple place. By comparison, human nature—the psychologist’s domain—is infinitely more daunting. In America, local school boards vote on subjects to be taught in the classroom. In some cases, votes are cast according to the whims of cultural, political, or religious tides. Around the world, varying belief systems lead to political differences that are not always resolved peacefully. The power and beauty of physical laws is that they apply everywhere, whether or not you choose to believe in them.
In other words, after the laws of physics, everything else is opinion."

9/10 оценка.