Последна прочитана книга и кратка критика

Најновата од Колин Хувер - продолжението на Ова завршува со нас.

Толку лесна книга што ја прочитав во еден здив, најдобро нешто од Хувер.

Вреди да се прочита.

 

Сите од Елиф Шафак!
Последно што прочитав од неа е "Чест"

Вреди да се прочита

 

Stiff: The Curious Lives of Human Cadavers – Mary Roach



Или во превод, try not to throw up challenge.

Во рецензиите сите викаа дека книгава била хумористична и тоа ме натера да ја читам. Мислам дека е време да престанам да паѓам на „хумористични“ книги бидејќи испаѓа дека има само обид за хумор, што во генерала се трансформира во pure cringe.

Океј, не беше толку лоша. Ама ме тепаше језа со секоја помината реченица, eдвај чекав да ја завршам. Дефинитивно дознав многу повеќе работи отколку што сакав да знам. Испаѓа дека откако ќе умреш сите начини на кои ќе решиш да се оттарасиш од телото се кој од кој полоши. Барем тоа беше мојот заклучок.

Инаку вака оддалеку, стилот не ми беше баш по ќеф. Авторката ми се чинеше ко да пробува премногу сликовито да ги долови сите ситуации, а потоа исто така премногу пробува да го избалансира тоа со некои чудни досетки. Плус книгава ми даде премногу документарец вајб, ги содржеше сите елементи кои се причина зошто одбирам да читам книги место да гледам документарци. Ко, не ме интересира каква фасада имала зградата на институтот за неврологија, или па какви дрвја имало на ридот. И исто така фактот што се појави факинг доктор Оз во еден момент... крај.

Anyway, да престанам да мрчам. Ваљда книгава не беше толку лоша колку што ми беше непријатна заради темата. Ако некој сака да знае како се дисектираат луѓе, како се замрзнуваат мозоци, како се басламираат мртви тела, кои течности излегуваат од нив, каква боја се течностите, како би се направило ѓубриво од човечки тела, како се трансплантира глава од еден мајмун на тело од друг, и други слични забавни факти, бујрум.

 

Се изнервирав што ја слушав!!!
Пред да ја почнам, видов дека има висока оценка на Goodreads.

Spoiler: Споилер

Значи се велича манијак, опседнат со жена која ја силува во неколку наврати ама во исто време е претставен како херој кој спасува деца од трговија со луѓе.
Па таа "врска" се романтизира и као голема љубовна приказна. Ми се згади!

 

Исто, толку ја фалат по booktok, а ми се згади од главниот машки лик, а и содржината воопшто не е толку интересна за да биде и толку извикана. Има и втор дел или повеќе, ама не фала.

 

Sapiens – Yuval Noah Harari


Една од најпознатите nonfiction книги во историјата. Ќе излажам ако кажам дека не ме фасцинира комплетно. Апсолутно ми ги надмина очекувањата иако ми беа многу високи бидејќи сите имаа убави зборови за книгава и ми ја препорачуваа.

Книгава е токму тоа што го кажува поднасловот: историјата на човештвото, раскажана на убав, јасен и интересен начин.
Многу работи ми оставија впечаток. Како за почеток, ме натера да почувствувам љубов кон човештвото. На пример, кога зборуваше за првичните човечки заедници и за тоа дека имале минимален број на сопствености, меѓу кои биле алатки за ловење, за сечење, ама и некои убави камчиња и школки, напомена дека иако поминале илјадници години оттогаш, нашите мозоци се сè уште истите од тогаш. Тоа ме натера да помислам на предметите кои ние ги присвојуваме како сопственост само затоа што се убави (ланчиња, обетки и друг накит) или затоа што имаме сентиментална поврзаност со нив. Не знам, ми даде поинаква перспектива за луѓето, како само обични животинки со мозоци на ловци собирачи кои пробуваат да опстојат во светот.

Секако, остатокот од книгата многу интензивно се погрижи да ја сруши таа слика со описите за сите катастрофи што сме ги предизвикале како вид, и на околината, и на другите животни, а и на самите себе. Главно, авторов дава огромен број информаци, факти, случки од целата историја, не само воената што ја учиме во школо. Мислам дека на многу од нас историјата во школо ни е досадна затоа што нè напнуваат со имиња и дати што и онака ќе ги заборавиме, а ги изоставуваат оние behind the scenes работи кои всушност ја формираат целата слика.

Книгава е многу поучна. Нема некој што не би се здобил со еден куп нови знаења од неа, и тоа не зборам само за интересни факти, туку за објаснување на машинериите кои ни го управувале (и управуваат) општеството. Значи така темелно ги разјаснува принципите зад земјоделската револуција, градењето на цивилизациите, религиите, империите, капитализмот... И на крај завршува со mindfuck глава во врска со иднината на човештвото и поентата на животот.

Многу е интересна. Ако се мислите што да читате, или ако сакате да навлезете во nonfiction, ама не знаете од каде да почнете, трк до Литература или Академска книга. Нема да зажалите.

 

Себастијан Фицек, Детето. Просечна книга во негов стил напишана.
Едно дете со тумор на мозокот е уверено дека во својот претходен живот бил сериски убиец, бара Адвокат да го брани пред полицијата бидејќи сака да ги признае злоделата. Дали е реинкарнација или не? Дали детето е убиец или не.
Малку неговиве книги почнаа да имаат се поголема фикција во истите така што не ми се допадна нешто премногу. Оценка 6/10

 

Вистинска приказна, мемоар.
Ако имате стомак да ја сварите... дефинитивно не е четиво за секого.

Ен (подоцна официјално менува име и презиме во Анеки Лукас) е жртва на педофилски круг, каде што ја продава нејзината мајка.

Поради претрпените трауми, срамот и стравот, приказната ја раскажува сега, и тоа само 1 година (последната) во која е продавана.

Тешко е да се опише чувството додека се чита, на моменти уште потешко знаејќи дека сепак е дете.

За вистинитоста, нели, не може да докаже. Или и' веруваш или не.

Страв и' е да кажува имиња (а и повеќето се мртви, се плаши од семејствата), нема намера да тужи никого.

Јас ја препорачувам, ама со тригер варнинг искрено. Иако не е премногу графичка (за разлика од хорор книги и сл.) сепак знаејќи дека е вистинска личност, на сето тоа и дете... не е едноставно за читање.

Од мене 4/5, нејзината сегашна животна филозофија ми е мех.

 

Where the crawdads sing - Delia Ovens
Ја рангирам книгата со највисока оцена затоа што Каја ака Катарина Клерк е лик кој останува запаметен, а пред се како се чуствував додека ја читав приказната.
Каја е девојката од мочуриштето, која е напуштена од мајка и на шест годишна возраст, а накратко потоа од нејзините браќа и сестри. На 10 години останува сама израснувајќи се самата. Единствено место кое и нуди комфорт е животот во природата во мочурливиот дел од Северна Каролина. Набргу таа учи да не верува на никој и да зависи само од себе. Каја е храбра, љубопитна, паметна и многу осамена. Други ликови кои ја подржуваат Maple и Jampin , брачен пар кој се обидува да и помогне на било кој начин и Tate кој ја знае уште како мала и ја учи да чита и и помага во многу други работи.
Како Девојка од мочуриштето е често пати исмеана како нечиста и неписмена и никој од местото не сака да и пружи помош.
Се појавува лик кој тврди дека ја сака а на крај се жени со друга и и го крши срцето.Кога ќе го најдат неговото безживотно тело во мочварата, сите од градот ќе претпостават дека она е убиецот.
Друг убав лик е еден човек во години, пензиониран адвокат кој се повлекува од пензија за да ја брани, бидејќи е осомничена за убиство. Предрасудата е една од главната тема а пред се е приказна за преживувањето. Каја е борец која нема избор и која го прави најдоброто од она малку што го има.
Додека ја читав научив многу за природниот свет и различните начини на гледање на работите

 

Ilconvento dei segreti - Giada Trebeschi
Приказна сместена во Сицилија 1699 во која вентрален лик е Агата, која како малечка е принудена од родителите да стане монахиња, за да го зачуваат богатството во фамилијата. Родителите остануваат до крај глуви на нејзините молби итаа е принудена да стане Сестра Immacolata.Конвентот е место во кое секој што ќе влезе е речиси невозможно да излезе. Но Агата не е обична во неа тлее вулканот Етна и никој не успева да ја припитоми, другите или ја мразат или и се плашат. Нејзината Братучетка Елизабета не пропушта прилика да ја престави во лошо светло за да биде казнета и понижена од Бадесса ( главната и одговорна). Со доаѓањето на сестра Марија Грација животот на Агата се подобрува, се раѓа убаво пријателство, нивната взаемна доверба расте, постепено се отплеткува тајната на Марија Грација која може да го доведе животот на двете во опасност.
Марија Грација не е таа за која се кажува, се крие од опасен човек кој ја сака мртва. Во нејзина заштита доаѓа Giorgio кој и е брат по млеко и кој по секоја цена ја штити.

За тие што сакаат историски романи и стил кој лесно навлекува ја препорачувам.

 

The Demon-Haunted World – Carl Sagan



Очекував да биде потеоретска ама не беше, и тоа ми се допадна. Имаше многу примери. Мислам дека заврши одлична работа во тоа да покаже која е идејата зад научниот метод, што е уствари наука, зошто постои и како се разликува од другите работи што многу наликуваат на неа и што можат да нè излажат дека се „научни“.

Навистина ми се допадна што обрна внимание на важоста да им се всади навика за критично размислување на децата најрано што може, зашто многу е лесно за завршат во вртлогот на псевдонауката, што со себе си повлекува низа непожелни странични ефекти, како на пример неписменост, антиваксерство, верување во Бил Гејтс микрочипирање итн. Впрочем, многу е лесно децата кои по природа се љубопитни да се свртат кон вакви ствари бидејќи не им била презентирана вистинска наука за која можат да се интересираат. Јас како мала обожавав да читам за астрологија, Бермудски триаголник, Лох Нес чудовиште, вонземјански цивилизации кои ги граделе пирамидите и слично. Многу е нормално децата да се интересираат за ова, ама важно да се префрлат во вистинска насока во задоволувањето на таа љубопитност.

Исто така убаво покажа дека луѓето кои паднале во оваа замка не се индивидуално криви, туку се производ на атмосферата во која израснале, и тоа е нешто што може да се промени. Карл Сејган е многу оптимистички настроен, ама и по дваесетина години од издавањето на книгава не можеме да се избориме за создавање плодна почва за научната мисла во училиштата, практично никаде во светов.

Во секој случај, книгава ми остави добар впечаток. Голем број работи не ми беа познати, како деталите за НЛО-а, вонземјани, паранормални дешавки, како и нивните еквиваленти во текот на историјата и тоа што восхитувачки следат одреден шаблон.

Единствена негативна страна на книгава ѝ е што беше painfully long, и не баш најзабавна за следење, што ја прави непристапна до еден голем дел од нејзината таргет публика. (Особено последните две глави што се занимаваа со американски политики...)

Од мене добива 4-ка само поради последнава причина, а инаку сметам дека е навистина добра и корисна книга.

 

The Unfolding of Language – Guy Deutscher



Во The Code Book многу ми беа интересни лингвистичките делови во анализата на честоти при пробивањето кодови и решив да читам нешто поврзано со историја на јазици. Книгава ја ископав со свои сопствени раце од некои мрачни длабочини (chatGPT ми ја најде ), и не бев сигурна во што точно се впуштам ама за среќа ептен ми се погоди. Баш тоа што го барав го најдов.

Книгава е за развитокот на јазикот од почетните стадиуми на само неколку зборови, преку комплексните антички јазични системи, па сè до модерните јазици. Многу убаво беше илустрирано како преку ерозија се создаваат нови пократки зборови, завршетоци на глаголи, именки и придавки, па со потребата за хиперболизирање се создававаат нови предлози кои евентуално пак еродираат до само еден збор. Многу беше интересно да се види од каде потекнуваат тие мали разлики меѓу јазици што имаат исто потекло – работи што ги приметуваме ама никогаш не сме размислиле подлабоко за нив.

Исто така дава поинаква перспектива за јазиците и ,,правилата" во нив. Правилата несомнено ќе се променат, а зависат од она што најчесто се користи во моментот. Сите конструкции кои во моментов ги користам за да го пишувам ова ќе се сменат во иднина, можеби и до степен на непрепознатливост. Зборовите ќе добијат нови значења, старите ќе се заборават, и најгорчливата вистина од сево ова е што нема ништо лошо во тоа. Едноставно така функционира светот. Ова те тера многу да се замислиш колку се оправдани напорите за ,,зачувување" на разни јазици, дали можеби се кочница за природниот развикот.

Како и да е, многу убава книга. Ми фалеа само повеќе примери од словенските јазици, кои ги немаше. Фокусот беше на латинските и семитските. Во секој случај, ја препорачувам на секој што се интересира за лингвистика.