Последна прочитана книга и кратка критика

Исто, откако излезе ми е на листа ама тогаш не ја најдов кај нас и ми остана. И така се мислев што да фатам следно. Ми олеснивте

 

Од каде да почнам не знам….Дело кое отвора многу прашања за егзилот, отуѓувањето и обидот да се пронајде сопствениот идентитет во услови на изгубеност и неприпадност. Преку историјата на едно семејство, писателката ја оживува трагиката на откорнатоста и животот помеѓу две татковини, онаа вистинската и онаа замислената. Со умешна карактеризација и внимателно градење на атмосферата, Димковска успева да ја прикаже суровата реалност на ликовите кои живеат во „пустелија“, поим што постојано се провлекува низ страниците и ја симболизира нивната емотивна и егзистенцијална празнина.

Сепак, и покрај тоа што го препознавам значењето на темите, морам да признаам дека главниот лик Катето, ме изнервира повеќе отколку што ме фасцинира. Иако претставена како ‘современа’ жена, она е далеку од современа за мене. Никогаш не наоѓа сила да му признае на татко ѝ за патувањата и истражувањата поврзани со неговата татковина и минатото. Како возрасна личност, која целиот живот трага по неговата приказна, она е тотално немa пред него, нешто што за мене беше особено иритантно и остави чувство на недоисполнетост.

Дополнително, романот не нуди јасни одговори на клучните прашања, што навистина се случило со татковината, домот и семејството на таткото, ниту пак дава објаснување за Милка и нејзината деструктивна природа. За мене, она останува затворен лик, без откриени мотиви за нејзината злоба, незадоволство и недостаток на љубов кон сопствените деца.

Иако делото има свои силни страни, актуелноста на темата, стилот и прозната вештина на Димковска за мене остана половично и со недоисполнети очекувања.

 

КЛУБОТ 5 НАУТРО- Робин Шарма

За книгаваа знаев уште поодамна, но ете сега и дојде редот.

Книгава е воглавно за дисциплина, мотивирање, развој.

Со самото станување во 5 часот наутро и со примена на правило 20-20-20 или други техники и методи кој ги набројува може да станете попродуктиви.

Има доста интересни реченици и делови кој знаат да поттикнат мотивација.

АМА!

Не би се согласила дека доколку станеме наутро баш во 5 продуктивноста ќе цвета.

Не знам дали од причина што не сум ранобудник или едноставно се држам до ставот дека не сечије тело е приспосебено за наутро да има најголем степен на мотивација.

Советите апсолутно мислам дека се корисни, но само ако се прилагодат според сопствено темпо.

Исто така целата книга е испишана како низ приказна.

Целата приказна на главните ликови мене лично во некој делови ме заморуваше и едвај чекав да ги исчитам тие делови и да преминам на главното и суштинското од одредено поглавје.

Има околу 320 страни.

Оценка: 6-7 од 10.

 

Крвава Месечина - Ју Несбе

Немој случајно да сте ја прочитале ако ги немате прочитано претходните две од серијалот. Јас ги немав прочитано, скокнав директно на оваа и открив сѐ што се дешавало во нив, и сега да ви кажам душа ме боли.
Би ја оценала 5/10, искрено не е лоша ама ми е најмалце омилена од сите од Ју Несбе досега. Убиецот се откри буквално на почеток, па беше досадна за читање потоа, а крајот беше тоолку многу воочлив и предвидлив. Ју Несбе може многу подобро. Му ги обожавам сите книги, мојот најомилен автор, па малце ме подразочара книгава.

 

Кој ѓавол те терал да од Полиција отидеш право на Крвава Месечина? Инаку да, тука некаде е со оценката околу 7 според мене барем. Прочитај си ги и тие две, а инаку се шушка дека следна година излегува 14тиот дел и дека можеби ќе е и последен или претпоследен.

 

"Никаде без ќерка ми" - Бети Махмуди и Вилијам Хофер

Ја имав дома една и пол година. Мислев да ја читам додека да помине зимава, да си џвакам по две-три страници на ден, додека не се запролети, со оглед дека книгава има 560 страници.
Спротивно од очекуваното, ја избинџав за недела дена.

Една секунда навиваш, следната веќе плачеш. Секоја следна страница е пресвртлива во обидот на Бети да избега од канџите на Исламска Република Иран заедно со нејзината ќерка. Дејството се случува во периодот 1984-1986 година, неколку години после иранската револуција и падот на владата на шахот Палави, после што исламистите на чело со ајатолахот Хомеини завладеале со Иран.

18 месеци Бети и ќерка и се заложнички на нејзиниот сопруг и неговото семејство во Техеран. Книга полна храброст, очај и надеж, која не згаснува, дека жената повторно некогаш ќе стапне на американско тло.
Навивав секој момент додека читав.
Книгата е базирана на вистинска приказна, авторката е нараторка и главен лик. Според неа е снимен и филм.

Од мене 5/5.

 

По ненадејната смрт на неговата сопруга, Том Кенеди се преселува со својот син Џејк во мирно англиско гратче Фидербанк со надеж за нов почеток. Но градот има мрачно минато: пред дваесетина години сериски убиец, наречен Шепкачот, киднапирал и убил деца, мамејќи ги со шепотење под нивните прозорци.
Кога младо момче исчезнува на сличен начин по враќањето на Картера во затвор, детективите Аманда Бек и Пит Вилис се вклучуваат во случајот, а Џејк почнува да слуша мистериозно шепотење под својот прозорец.

 

И јас ја имам читанопредобра е, возбудлива до крај, а богами и емотивна приказна. На сите би им ја препорачала
Од мене има 5 ѕвездички

 

„Вагонот со сираци“ - Пам Џеноф 5/5

Да кажам дека книгава беше тажна е потценување. Беше мнооогу повеќе од тажна, една од најтажните што сум ги прочитала во последно време. Секако не требаше да очекувам нешто поинаку од книга пишувана во екот на Втора светска војна.

Приказната се врти околу две главни женски ликови, Ноа и Астрид, коишто се едни од најхрабрите фиктивни ликови што ги имам во последно време читано. Искрено се восхитувам на нивната храборст и добрина, иако животот им има зададено најтешки удари. Астрид го губи својот маж, бидејќи е Еврејка а тој е германски офицер. Сличната судбина се случува и со Ноа, кога на само свои 16 години останува трудна од германски војник, па нејзиното семејство ја брка од дома. Нивната судбина се испреплетува кога Ноа случајно се наоѓа во циркусот кадешто Астрид живее и работи, откако грабнува едно бебе од вагонот со сираци и бега оттаму.

Најпрво се чувствува една нескротлива тензија помеѓу нив две, како почетокот на едно ново ривалство но потоа излегува сосем спротивното, нераскинливо пријателство и желбата за преживување. Нивното пријателство служи како еден потсетник дека и во најтешките времиња, љубовта и пријателството можат да победат.

Да не се расприкажувам повеќе бидејќи ќе откријам повеќе од што треба, но само да напоменам дека книгата има тажен крај. Вреди да се прочита и секоја минута вложена во читање на истата ќе ви биде исполнета.

 

Големиот Гетсби - Френсис Скот Фицџералд 4/5

Како класика, можеби очекував малку повеќе, не дека книгата не ми се допадна или не е добра. Стилски е напишана и зад гламурот и раскошот открива празен, површен свет. Ликот на Гетсби делува „голем“ повеќе по забавите и богатството, отколку по некоја суштинска животна цел, оставајќи чувство на илузија наместо вистинска смисла. Книга што повеќе те тера да размислуваш отколку емотивно да се врзеш.

 

Никаде без ќерка ми е автентична приказна за љубовта, за личната драма, за траумите и за понижувањата на една современа Американка. По неуспешниот брак, Бети се вљубува во штотуку дипломиран лекар – Иранец. Љубовната идила по две-три години завршува со брак, а по извесно време брачниот пар одлучува да го посети Иран, заедно со својата тригодишна ќерка. Иако Бети се плаши дека нема да се врати оттаму, сепак одлучува да го придружува својот сопруг. Патувањето се совпаѓа со периодот кога во Иран се случуваат крупни политички промени, односно, кога на власт доаѓа имамот Хомеини и кога Иран станува Исламска Република. Нејзините стравувања многу брзо стануваат реалност. Бети со својата ќерка станува заложник на мрачното семејство на нејзиниот сопруг. По низа драматични случувања, таа успева да избега од Техеран со својата ќерка и да дојде во САД. Никаде без ќерка ми е книга за бескрајната мајчинска љубов и за издржливоста, но и за муслиманскиот фанатизам.

оцена 20/10
преубав опис на едно лудило, одамна ја планирав и за една недела успеав да прочитам 560 страни во секоја слободна секунда, користев да читам

 

Приказна раскажана од мајката на Русија, последната Мајка Царица. Историски автентичен роман за животот на Марија Фјодоровна, еден од најзначајните женски ликови во царска Русија, која е сведок на трагичниот крај на царската лоза на Романови.


На, речиси, деветнаесет години, ветриштата на судбината ќе ја однесат Мини во Русија, откако нејзината сестра Аликс станува дел од Англиското кралство, како снаа на Кралицата Викторија. Мини го добива своето православно име Марија Фјодоровна по склучувањето на царскиот брак со еден од Романови. Таа никогаш не заборава која е, но љубовта која ја чувствува кон Русија е, речиси, идентична со мајчинската љубов.


По смртта на нејзиниот сопруг, нејзиниот син Николај го започнува своето владеење, под будното око на неговата сопруга Александра, заслепена од влијанието на Распутин. Незапирливиот бран на Болшевичката револу ција конечно го става крајот на царското владеење со Русија. Така Марија ќе биде сведок на крајот на царска Русија и ќе се соочи со најопасниот предизвик и со најголе мата болка за една мајка, за Мајката Царица.


Приказна за сите предизвици со кои се соочуваат само од Бога избраните да владеат.



без здив прочитана, обожавам историски книги, со вистински случки, па потоа ги гуглам ликовите, па гледам серии за нив.
оцена 10/10

 

Напнато… емоционално. Се затеков себеси како желно го следам дејството, нешто што го немав сторено многу одамна, со големо нетрпение и исчекување каков нов пресврт ќе се случи“ – НПР (Државно радио)
Американка со авганистанско потекло се враќа во Кабул со цел да ја дознае вистината за своето семејство и за трагедијата што им го уништила животот: тоа е дејството на овој брилијантен и жесток роман од авторката на бестселерите Бисерот што ја скрши школката, Куќа без прозорци и Кога месечината е ниско.

Кабул, 1978 година: Како ќерка од угледно семејство, Ситара Замани живее живот полн со привилегии во авганистанската космополитска престолнина. Тие 70-ти години се период што ветува извонредно многу, под водство на луѓе како Сардар Дауд, прогресивниот авганистански претседател, и саканиот татко на Ситара, инаку десната рака на претседателот. Но, светот на десетгодишната Ситара се урива кога комунистите изведуваат воен удар, при што ги убиваат претседателот и сите од семејството на Ситара. Таа е единствената преживеана.

Од палатата скришно ја изнесува еден гардист по име Шаир, по што Ситара на крај завршува во домот на една американска дипломатка, која ја посвојува и ја подига во Америка. Во својата нова земја, Ситара добива и ново име – Аријана Шеперд – и се фрла на студии, за на крај да стане познат хирург. Како еденствена преживеана од трагедијата, Аријана одбива да гледа зад себе и место тоа решава траумата и катастрофалната загуба што ги претрпела да ги закопа длабоко во себе.

Њујорк, 2008 година: Триесет години по таа фатална ноќ во Кабул, светот на Аријана повторно се разнишува од корен кога во нејзината ординација влегува еден постар пациент – човекот кого не очекувала дека некогаш повторно ќе го види. Тоа е Шаир, војникот што ја спаси, а, сепак, кој, можеби, и го убил целото семејство. Средбата со него кај Аријана буди гнев и желба за одговори – и, можеби, за одмазда. Сфаќа дека не може да продолжи со животот ако не ја дознае вистината, па тргнува во потрага, која ја враќа во Кабул – центарот на борби меѓу корумпираната влада и талибанските фундаменталисти – и низ засенчените сеќавања на саканиот свет што го изгубила.

Смела, просветлувачка, трогателна, а, сепак, полна со надеж, Искри како ѕвезди е приказна за домот – за Америка и за Авганистан, за трагедијата и за опстанокот, за повторното пронаоѓање и сеќавање, приказна раскажана со карактеристичниот глас на Надја Хашими.

трета во серијалот прочитани книги од март месец. како што убаво опишува во Бисерот, така и овде успеа до крај да ми задржи внимание. колку знае да е суров животот, аххх Ситара/Аријана.
многу убава книга
оцена 10/10

утре ќе земам нова книга, па читав овде критики. фала ви

 

@Alishan30

Дејството е во 1973 година, во Шведска. Наоѓаат осакатен труп кој не можат да го идентификуваат. Градскиот чувар Кардел и правникот (неофицијален инспектор) Винге го истражуваат убиството.
Во книгата раскажуваат и други ликови настани кои претходат на смртта на мистериозниот човек и сето на крај ја објаснува целината.

Мене ми беше предочен како доста вознемирувачки, иако искрено не го доживеав така, сум читала многу поексплицитни книги, но сепак во суштина е трилер и мистерија, а е врзан со вистински историски настани во смисла на setting, како позадина на приказната е реалноста на Шведска во таа година и тој период.

Од мене солидни 4,5 од 5, општо мислам дека некогаш се книгите беспотребно долги, одземав пола ѕвездичка бидејќи можеше да помине и без некои од subplot-овите.