Последна прочитана книга и кратка критика

Последна прочитана книга

Јас последна ја прочитав Вистински жени -погрешни избори, со вистински случки од животот.

 

Последна прочитана книга

100 потези со четка пред спиење ...

Сеуште не сум ги средила впечатоците, али дефинитивно не очекував таков крај ...

 

Последна прочитана книга

Кујна - Лили Прајор.

Ви ја препорачувам! Особено ако сте манијак по готвењето.
Испреплетена е страста со готвењето, односно љубовта и кујната совршено се надополнуваат. Готвењето и даваше душевен мир.
Премногу убаво и интересно напишано. Нема да ја оставите во ниеден момент.

Girl meets a boy, girl cooks for the boy, извадок од кратката содржина за книгата.

 

Последна прочитана книга

Дванаесеттиот ангел - Ог Мандино

Спојлер

На почетокот интересна, потоа дејството се развива низ безбол натпревари, а јас баш и не го разбирам тој спорт. На крајот сепак пуштив некоја солза, а немам плачено од Пајажината на Клементина
Убава книга. Трета прочитана од Ог Мандино

 

Последна прочитана книга

Вечниот Ветер

 

Последна прочитана книга

П.С. ТЕ САКАМ - Сесилија Ахерн

Прекрасна книга, ме остави без зборови.
Ја препорачувам.

 

Последна прочитана книга

Јужно од границата, западно од сонцето - Мураками...
Ја завршив во еден здив... Го обожавам Мураками!

 

Последна прочитана книга

Злосторство и казна одлична книга само што многу детали се опишани..кој не ја прочитал да си ја прочита.. ви ја препорачувам

 

Последна прочитана книга

Будење - Антони Де Мело

Авторот е психолог и индиски свештеник, книга за самопомош и подобрување на својот живот.
Еве неколку цитати од книгата :

" Никогаш не сте биле вљубени во некого. Заљубени сте само во идејата за одредена личност, однапред создадена идеја диктирана од надежта. Така и се одљубувате - само се менува вашата идеја. "

" Ако очите не се врзани, резултат е видот.
Ако ушите не се затнати, резултат е слухот.
Ако носот не е затнат, резултат е мирисот.
Ако устата не е затворена, резултат е вкусот.
Ако срцето не е блокирано, резултат е љубовта.
Ако умот не е затворен, резултат е мудроста."

 

Последна прочитана книга

Шминкерка од Андреа Семпл.. Прекрасна книга ја препорачувам на сите девојки

 

„Заборавете дека сте имале ќерка“ од Сандра Грегори. Буквално не ја оставив од рака од што ме интересираше што понатаму, како завршува. Всушност тоа е автобиографија на писателката за времето поминато во затвор поради обид за криумчарење на хероин во Тајланд. Го опишува затворскиот живот и нејзиното искуство „зад решетките“. На моменти ми беше и морбидна, но во секој случај ви ја препорачувам, вреди да се прочита.

 

Азбучните убиства - Агата Кристи
Се работи за претходно најавени азбучни убиства т.е. најпрво убиство на Алис Ашер во Андовер и се така додека Поаро не го фати убиецот. Книгата е многу лесна и брза за читање и накрај памет не си помислив дека ке дојде до таков пресврат и дека не е тоа тоа што за време на целото читање мислев дека е. Да не откривам детали да ви биде интересна.
Ја препорачувам на сите што сакаат крими романчиња.

 

Храна на љубовта-Ентони Капела

I highly recommend!
Фантастична приказна,речиси можете да ја вкусите прекрасната италјанска храна.
Химна за долче вита и радоста од храната...

Текст што,на секоја страница,зрачи со посебноста и привлечноста на сокаците во Рим.Многу ми се допадна.

Приказна за заведување и невозвратена љубов во стилот на Спирано де Бержерак.

И лепам етикета,за една од моите омилени книги.Очигледно,бидејќи сум љубител на италјанска храна и патување,а ова фантастична книга го има спакувано ова во едно фино издание.
И да,секоја страница-полна со страст.
Ќе им се допадне на сите гурмани и романтичари.

Now, can I get my ticket to Italy please?!?

 

Портата од кафезот - Кејти Хикман.

Дејството се случува паралелно во сегашно време и при крајот на 16ти век во Константинопол, за време на Отоманците. Елизабет ја истражува приказната за Силија Лампри, девојка на англиски трговец во Константинопол, која ќе преживее бродолом и заедно со нејзината другарка ќе бидат заробени и ќе станат робинки на султанот.
Преполна со ликови, описи, заплети, и две љубовни приказни, книгава е жива зараза, ја оставав само кога морав, едвај чекав да дознаам што следно и се случувало на Силија

Само како да и фалеше нешто, ми се чинеше како да е многу без љубов напишана, како да не и е обрнато доволно внимание, и си има некои фалинки и пропусти.
Идејата е феноменална, ама кога би била напишана од Џин Сасон или Џон Шорц би била многу поубава.
Сепак вреди да се прочита, препорачувам.

 

Добиваат сите што играат-Д.Р Гилберт психолошка книга - треба да бидеш упорен за да постигнеш нешто да не се откажуваш и да играш до крај (општо за тоа е).
Им ја препорачувам на тие што сакаат психолошки книги .

 

Рингишпил-Јелена Бачиќ Алимпиќ

Спојлер

Ана имала среќно детство на чифликот на нејзиниот татко Стеван и баба ѝ Дара, таа уживала во селскиот живот, во дружбата со својот најдобар другар Ѓорѓе и во нивните игри на рингишпилот на баба Дара. Но нејзината мајка Ленка во своето преубаво девојче го препознава несекојдневниот талент за балет кој Ана го носи во себе. За тоа разговара со својот сопруг, но тој не се согласува со неа Ана да оди на часови за балет. Па поради тоа во една мугра на седми август 1938 год. Ленка заедно со Ана скришно од сите го напушта чифликот и ја носи Ана во Белград во балетското училиштето на Клара Сич која на времето била позната балерина во „Бољшој театар” во Москва.
Ана и Ленка започнуваат нов живот во големата престолнина и Ана напорно вежба подготвувајќи се за својата светска кариера во Русија. Но Ана никогаш ниту за момент не ги заборава спомените од своето среќно детство покрај рингишпилот. Конечно на осумнаесет годишна возраст Ана заминува во Русија и ја започнува својата кариера во „Бољшој театар”. Сите се маѓепсани од нејзината несекојдневна убавина и огромниот талент на Ана Балинт но дури тогаш започнуваат нејзините страдања и пресврти во нејзиниот живот.

Нема да лажам и да речам дека ја прочитав во еден здив и дека ме фасцинира. Напротив, на моменти читав ради реда, колку да се прочита поглавјето. Според мене, Јелена имала бујна фантазија за да го создаде делово. Зарем постои навистина толку совршен лик како Ана? Талент, добрина, убавина, сите несреќи нејзе и се случуваат, доживува вонсериска љубов и таа за единствениот грев во животот кој го сторила заврши на такви маки... Препатетично. Книгата доживеа преголем маркетинг и јас очекував навистина поинаква приказна. Можеби и е првенче, ама во оние 400 страници навистина можела да вметне и нешто подобро. Ретко жалам за пари дадени за книга, ама тие 8 евра можев да ги инвестирам во друго дело.

 

Точка на кулминација - Памела Клер

Книгата ги засени сите мои досега прочитани книги.
Книга која не е можно, а да не ја прочитате во еден здив и да барате уште.
Книга во која се измешани повеќе жанрови, акција, романса, авантура...
Совршено изградени ликови.

Спојлер

Натали Беноа е новинарка во истражувачкиот тим на еден престижен дневен весник. Таа е личност која, за девојка на нејзини години, има поминато навистина многу во животот. И како да е малку сето она што го има преживеано, нејзиното службено патување на кое оди со група новинари се претвора во пекол во моментот кога мексикански картел ги убива речиси сите нејзини колеги во автобусот и ја зема неа како заложник.
Една клаустрофобична девојка пикната во багажник како животно, а потоа затворена во напуштена куќа среде пустина во туѓа земја. Киднаперите, подивени членови на картел за дрога и оружје, се познати по силување и убивање на млади жени чии тела потоа ги фрлаат во пустината.
Пеколот на командирот Зак Мек Брајд почнува многу порано од оној на Натали односно во моментот кога неговата тајна мисија тргнува во погрешен правец и една жена го предава во рацете на крволочните убијци. Во истото дувло среде пустината, истите луѓе со денови го измачуваат Мек Брајд. Но потребно е многу повеќе од електрични шокови, неколку скорпии и тарантули за да се скрши човекот кој има преживеано вистински пекол.
Тој е маршал, тој е бивши војник, синоним за храброст, добитник на орден за воени заслуги. За Натали - тој е само глас кој ќе прозбори од мракот од ќелијата до неа... и нејзина последна надеж за да остане жива.
Една жена со силна волја за живот. Еден маж одлучен да ја врати дома жива макар и по цена на сопствениот живот. Едно бегство низ морничавата пустина. Една љубов која почнува да гори таму каде што има останато само пепел...

Топло ја препорачувам, верувам дека нема да зажалите !

 

Паѓањето - Албер Ками.

Филозофски роман напишан во препознатливиот стил на Ками, карактеристичен по монологот на главниот лик, кој во случајов е поранешен успешен адвокат(Жан Батист Кламенс) кој го напушта Париз, ја остава и својата професија и заминува за Холандија. Тој го раскажува својот живот на еден познаник - преку приказните за своите успеси, кризи, и падот, допира до вечно актуелните теми како апсурдноста на човековото постоење, со сите подеми и падови. Кламенс копнее да биде среќен, а за него среќа причинува да се издигне над другите, но реалноста е дека тоа се труди да го постигне само привидно и сосема површно. Сака да биде обожуван од луѓето, па така и ги бира случаите кои ги брани, на ист начин влегува и во љубовни врски.

Верувам дека романот би им се допаднал на оние кои го сакаат стилот на Ками, и идеите за апсурдот и за револтот нагласувајќи ги и човековите духовни вредности кои ги обработува во повеќето свои дела.

 

Врати ми се - Гијом Мисо.

Јас си го сакам човеков во повеќе наврати сум спомнала.
Романот е чуден, и на чуден начин и ми се допаѓа. Не ми се допаѓа што цело време очекував поинаков крај, а како и секогаш останав изненадена, ама сепак ова беше книга што ме тераше да ја читам.

Се работи за еден млад човек кој напушта се и започмува нов живот. И се посветува на психијатарската кариера, добива углед, пари, моќ ... и смета дека тоа е она најважното додека не му стигне една покана за свадбата на неговата сакана, со друг. Тој ден го преживува еднаш, и уште еднаш, и уште еднаш ... борејќи се со кармата и судбината се обидува да ги исправи грешките што ги правел во текот на животот за само еден ден... па видете дали и колку ќе успее.

Топло ја препорачувам на оние кои го сакаат авторот