Последна прочитана книга и кратка критика

Теодора-последната римска царица - Стела Дафи.
Интересна книга за животот на Теодора од детството, за преминот од актерка и курва до царица.
Ќе им се допадне на љубителите на историски книги.
Книгава завршува со

Спојлер

среќен крај,Јустинијан и Теодора се среќни, царството цвета. Но, ме интересираше како се завршува приказната и Теодора умрела на 48 години, од некоја форма на рак. Не очекував дека толку млада умрела.

Сепак, добра книга.

 

Игрите на гладните, ја довршив денес.
Што да се каже за книгава, не ја оставив, морав да ја прочитам и да дознаам што ќе се случи на крајот.
Ликовите се толку добро изградени, не е можно човек да не се соживее со нив. Целата приказна е така исткаена што едно време посакував да влезам таму и да ги исправам неправдите. Иако веројатно би завршила во арената.
Предобар трилер, кој не го прочитал обавезно да го стори тоа во најбрзо време.

Јас утре преминувам на вториот дел Мокингџеј, морам да видам што се друго ги снаоѓа измачениве души.

 

Да? Еј грешно ќе почнев да ги читам, ццц. Нема врска, ги имам сите делови.
Добро тогаш, утре почнувам да ја читам Раѓањето на огнот.
Фала ептен на исправката.

 

Добро е, олабавив малку со лесна лимонатка, иако морам да кажам дека беше тотално предвидлива.
Remember me?
Лекси доживува сообраќајна несреќа, по која не се сеќава на ништо од последните три години. Последно на што се сеќава е дека е во клуб со другарките, има 25 години, криви заби, шворц е и има некој килограм повеќе. Но се буди во свет каде што животот и е совршен, има совршена коса, совршен маж, соврешна работа, совршени заби... Премногу совршено за да биде вистинито нели? Понатаму се одмотува клопчето низ низа интересни, смешни, чудни ситуации.
Ама ми требаше такво нешто. Софи Кинсела се докажува како една од најдобрите авторки во чик лит.

И така, сега продолжувам со Раѓањето на огнот.

 

Раѓање на огнот од Сузан Колинс.
Книгава на некое ниво ме разочара,

Спојлер

почетокот беше бавен, ништо посебно не се случуваше, а и не очекував пак да има игри, пак истото да се случува.

Ајде да видам третава како ќе испадне, сепак крајот ќе ја заокружи трилогијата и мојот впечаток за неа.

 

Ја дочитав и Мокингџеј денес. Дефинитивно ми беше подобра од вториот дел.

Спојлер

Се разочарав на некои делови од приказната, кога Кетнис не го уби Сноу во мисијата, а толку луѓе испозагинаа, ама сепак, изгледа мораше да остане жив за да и ја каже вистината за Коин. Мило ми е што неа ја уби, инаку работите ќе беа исти, се покажа тоа со тоа што ги тераше да гласаат за пак да се одржат Игрите.
Криво ми беше и што толку цврстото пријателство со Гејл се прекина, ама и мило ми беше што остана со Пита, што сепак се најдоа повторно.

Се на се, добра трилогија.

 

Eптен забавно книгиче, сум се изнасмеала за сите пари. Се работи за Лорен која е организатор на венчавки, а веќе има еден распаднат брак зад себе. Запаѓа во многу смешни ситуации, многу недоразбирања, но сепак нели ја наоѓа љубовта на својот живот. Или сепак не?
Многу ми се допадна како е изграден ликот на Лорен, како сите работи се претставени од нејзина перспектива.

 

Јас и Ти - Николо Аманити
Ja начекав денес во библиотека, не знаев дека ја превеле.
Книгава има негде околу 100 страници, се чита за помалку од саат.
Се работи за Лоренцо, момче кое не припаѓа никаде, не чувствува поврзаност со никој, освен со неговата мајка. Се додека не е приморан да помине неколку дена во подрум со неговата полусестра Оливија и да сфати дека не е само тој отфрлен и сам во светот.
Хмм, книгава е толку мала, а сепак некако ми е тешко да дадам осврт. Ептен ми се допадна како се разработени карактерите, дури и во толку малку страници. Напишана е во препознатливиот стил на Аманити, атмосферата е напати мрачна и само се наговестува дека нешто лошо ќе се случи.
Прочитајте ја ако имате шанса, нема да погрешите.