Последна прочитана книга и кратка критика

Вероника реши да умре - Пауло Коелјо
Книгава буквално се чита во еден здив. Ја започнав вчера, а со читањето завршив денес. Не е многу голема- околку 180 страни. Коелјо ме воодушеви. Иако е мрачна и се одвива во лудница, книгата има поента и остава позитивно чувство.
Препорачувам! :up:

Спојлер

Според оваа книга неодамна беше направен и филм, 21 август 2009. Со нетрпение го чекав филмот бидејќи бев полна со импресии од книгата. Имаше критики во стилот дека е депресивен филм... целото дејство се одвива во лудница, а главен лик е девојка која сакала да се самоубие. Да, можеби на прв поглед депресивен, но за жал денес такви се многу млади луѓе, кои не го ценат животот, сè додека не се соочат со смртта. Така и оваа девојка, Вероника, го отфрла најубавиот дар, животот, не е во состојба да ја сфати својата среќа. Исполнета е со горчина, вечен страв дека греши, дека не го прави она што го очекуваат од неа. Сака да ја напушти онаа рутина на која свикнала, но не е доволно силна, па својот излез го гледа во најлесниот пат, во самоубиството.
Тој чин ја носи во еден поразличен свет, во светот на лудите, кои можеби се само различни од останатите, различни од она што поголемата маса го прифатила како нормално.
Што ќе ѝ ја врати смислата на животот овде? Жедта за да живее, да се радува на сонцето и сите убавини што ги носи животот, ќе откриете сами. Во секој случај книга што вреди да се прочита и Ве тера да размислите за скапоценоста на животот и поставување на цел која треба да ја постигнете и која ќе Ве исполни и направи среќни. Кога сте задоволни од самите себеси, тогаш му се радувате на животот, затоа што: Вистинското "Јас" е тоа што си ти, а не она што другите го направиле од тебе.
преземено од сакам книги http://sakamknigi.mk/index.php?option=c ... &Itemid=61

 

за велигденот прочитав 2кратки книги

1. Волшебник -Набоков: му се восхитувам на храброста да ги изнесе најдлабоките чуства на еден човек но сепак мојот желудник е премногу слаб за Набоков.

2. Росхалде -херман хесе. книгава просто ја обожавам, го обожавам хесе и искреноста на секој лик опишан во неа, за малку ќе плачев на крајот и ми се испомешаа различни чуства кои што ме наведоа да размислувам МНОГУ после крајната реченица. дали некогаш длабоко во себе посакуваме да се ослободиме од она последна алка (колку и да е таа најсакана и најдобра) која не врзува за сопствениот пекол?

препорачувам ...

 

Бакнеж во ноќта-Шерилин Кенион
Надреална , измешана митологија со обичен живот.Свет во кој се е поинаку,опстанокот е прашање на чест,само љубовта е таа која е иста за сите.Без разлика дали си Аполит,Дајмон или митолошка божица.
Интересна книга.

 

Спојлер

Има и продолжение за животот на Мери и нејзината ќерка Катерина.
Се вика Наследство на Боленови.
И јас сум воодушевена од книгите на Филипа Грегори.Преубаво пишува.Прочитај ги и останатите,ги има во Топер.

 

Последна прочитана книга ми е Шминкерка, а сега ја читам Последниот воз за Истамбул.

 

супер книга кој прочитал знае кој не ке ја прочита

 

Јас пред некој ден ја прочитав Го сакам Њујорк од Линдзи Келк.Навистина ме воодушеви книгата.Додека ја читав како јас да се наоѓам во Њујорк.Сега ја читам Го сакам Холивуд,продолжение на Го сакам Њујорк.
Има уште едно продолжение Го сакам Париз. Ако ја немате прочитано задолжително прочитајте ќе ве одушеви.

 

Сосема нов пријател-Мајк Гејли


Книгава е ок,не е нешто особено како што очекував,ама ми се допадна.Има интересна содржина,топло пријателска,потсетувајки не колку ни значи еден пријател и дека најдобар пријател не може да ни биде секој.

Делата на Мајк Гејли ги немам читано,што значи ова ми е негово прво.Не беше лоша книгата,значи сосема ок,добра за релаксација,опуштање.На делови ми беше досадна,затоа давам оценка 7/10 .

Спојлер

Се работи за Роб,триесетгодишен маж кој живее во Лондон,додека неговата девојка живее во Манчестер.Роб има друштво од пријатели,од кој Фил му е најдобар и цимер,но и колега.Откако не работи веќе двегодишната врска на далечина,девојка му Ешли му поставува уцена-да дојде да живее во Манчестер или да ја заборави.Тој ја сака многу,прифаќа да се откаже од сите пријатели и оди да живее во Манчестер.Работата ја „пренесува“ во работната соба од куќата на Ешли и се снаоѓа потполно.Само еден проблем има.Да најде пријатели.Наоѓање пријатели на негова возраст е многу тешко,затоа тој прави се за да запознава нови луѓе и за да најде совршен пријател.Најпосле наоѓа.Единствен проблем е што тоа е женско.Девојка му малку се буни,но потоа прифаќа.Видете сами што ќе се случи следно!

 

Опасна Желба - Аманда Квик
Веке се заситив од Квик. Книгата е добра, љубовна книга. По истата шема како сите други од неа, животот во 18 век, подреденоста на жената и желбата таа подреденост да се искорени, и двајца тврдоглави луѓе кои се обидуваат да спречат мегусебно вљубување. Како и да е, за сите оние со романтични души како мојава, препорачувам да прочитаат барем една книга од Аманда Квик.

 

Ќерката на мојата најдобра пријателка

Книга за пријатеството, за верноста, за жртвите кои ги правиме за оние кои ги сакаме. Книга која нема да ве остави рамнодушни. ( јас после неа еве веќе недела дена не можам дафатам да читам друга книга). Плачев и се смеев додека ја читав книгата. Брутално реална, топло ја препорачувам.

 

Книгава ја препорачуван на сите љубители на психолошки романи.Во оваа книга авторот не запознава со неговата потрага по својот ангел чувар во од една страна прекрасна а од друга страна исто толку сурова пустина Мохаве.Вреди да се прочита.

 

Збогум мои 15 години - Клод Кампањ

Спојлер

Во романчево се работи за Фани и нејзиното семејство составено од нејзиниот брат Гијом и нивниот дедо кој го нарекуваат Капетанот(затоа што порано бил капетан на еден број наречен Сириус за време на втората светска војна). Живеат скромен живот на село и имаат сосема доволно за да преживеат.
Меѓутоа се' ќе се смени кога Јан и ,,Норвежанката'' (Ингвилд) ќе дојдат на нивниот имот...
Се зборува за љубовта. Љубовта кон Јан, братската љубов, другарската љубов, љубовта кон родениот крај и моменталното живеалиште...

 

Последно прочитано ми е трилогијата Милениум и ептен ми се допадна. Малку ме изнамачи пошто се доста обемни книгите и прикрај веќе ми здосади толку време да се дружам се со исти ликови, не сум навикната и затоа си знам така книги со продожнија нема сите да ги читам одеднаш туку меѓу нив ќе си оставм простор за други книги.
Инаку ептен ми се допаднаа и ви ги предложувам сите три дела едноставно ќе заведат и тешко да ги оставите

 

Деввојката со зелени очи Мир - Јам
Книгата ич не ми се допадна и на жив зор ја дочитав не ја оставив пошто е мала. Целата содржива е всушност збир од различни љубовни раскази кои се ептен предвидливи и си мислев како ги читам во истиот момент ги и заборавам

 

Долг пат до дното од Ник Хорнби



Оваа книга ја добив ко поклон from my bestie.
Денеска ја завршив и сум под голем знак ?
Целата приказна е околу 4ца ликови, најспротивни шо можат да бидат.
Искрено очекував повеќе... Некако се едно исто ми беше. Читав, читав мислејќи дека барем има некој пресврт, некаков интересен крај ама за жал такво нешто немаше. Книгата заврши така како што почна.
own: од мене, стварно ме разочара писателот а богами и вкусот на Џони Деп.

 

Те посакувам - Федерико Моча

Спојлер

Не ми остави посебен впечаток книгава, едвај чекав да ја завршам. Писателот си земал премногу слобода во пишувањето, па си пишувал изрази кои не се својствени за едно преценето дело. Делово ми е веќе видено, викаат дека ќе има и трето продолжение, што јас не планирам да го прочитам!