Последна прочитана книга и кратка критика

Полиња со диви нарциси - Винка Саздова

Книги која ме допре, во вистинската смисла на зборот. Се зборува за Сара. И за уште една Сара и за Војдан, за мајчинството, за љубовта, за неверството. Поконкретно за едно патување, кое е навидум бегање од сегашноста, а всушност средба со далечното минато. За мириси кои исцелуваат, кои можат да ги разбудат најскриените агонии на животот.
Прекрасна книга, прекрасен стил на пишување.

 

Прекрасна семејна драма, ептен ми се допадна многу инересна и предвидива содржива која ако ја зачиташ така лесно не се остава.

Спојлер

Станува збор за Хелена, ќерката на Магда, бегалки од Полска и живеат во Велс, верена за Ник нејзината голгогодишна љубов. Дипломирана и штотуку ја доби посакуваната работа, навидум се е совршено се до ненајдената смрт на Магда и враќањето во Полска за да ги однесе посмртните оставки и дури тогаш ја дознава суровата вистина...

 

Победникот е сам *****


Сеопфатен потсетник на вистинските вредности во животот, потребен во ова сурово време во кое секојдневно ги забораваме. Топло препорачувам

 

Многу добра книга, ептен ми се допадна дури и многу повеќе од Гол човек

 

„Роза за балерината“
Премногу тажна книга. Јас очекував нешто сосем друго, а не ваква содржина, но убава е. Ми отвори стари рани, пуштив солза, цело време дури ја читав бев некако згрчена.

Спојлер

Потресна приказна за Мелинда девојче кое сака да стани прима балерина и нејзиниот најдобар другар од детството Џес, за вечната љубов, за храброста, за семејството, за разводот и како тој влијае на бракот и најужасното како најблиските се борат со една страшна болест на најсаканите и колку е сето тоа ужасно.

Тополо ја препорачувам.

 

Невеста во Борџии е моќен историски роман, раскажан преку случувањата и животот на принцезата Санча од Арагон, млада девојка, која нејзиниот татко, од политички причини, ќе ја омажи за еден од легитимните синови на Папата, најмладиот од познатата лоза Борџија – Џофри.
Многу добра книга која се чита во еден здив и те остава вџашен од тоа што се би направиле некои луѓе само за да ја имаат моќта во свои раце. Топло ја препорачувам.

 

Обично со задоволство ги читам книгите на Спаркс, ме релаксираат, уживам во нив, но небеше случај и со оваа книга незнам не ми се допадна како да немал инспирација, како да си рекол ај бе ќе напишам книга од 348 страни и седнал да пишува како само да ги потполни страните. Не ми се допадна!

 

Без Збогување - Линвуд Баркли

Спојлер

Одлична книга, мелем за душа. Мистериозна, те остава во дилема после секоја страница. Читаш и на наредната страна потполно го менуваш мислењето за тоа кој е главниот виновник. И на крај, испаѓа сосем некој трет . Книгава дефинитивно ја ставам на листата фаворити.

 

Уна - Момо Капор

Вака започнува еден од најпознатите романи на овој српски писател.

Момо Капор е познат по неговиот едноставен и мошне разбирлив стил на пишување. Ја читав оригиналната верзија на српски, па иако низ пишувањето на Капор секогаш се провлекува белградскиот сленг, немав тешкотии да ја разберам.
Да создадете толку комплексни ликови доловени со навистина едноставни зборови, е вистинска уметност. Целиот роман е изнижен со многу убави мисли и прекрасно опишани настани, притоа зачинети со малку еротика.

Овојпат, Капор пишува за љубовната врска меѓу шармантниот, средовечен професор Бабич и една од неговите студентки – Уна. Откако Уна ќе пројави интерес да направи интервју со професорот, се чини дека меѓу нив се јавува страшна хемија која се претвора во страсна врска. Бабич е оженет 40 годишен професор. Заплашен од фактот дека неговите најдобри години се веќе одминати, бегството од средовечната криза го бара во врската со 20 годишната Уна.

Големата разлика во години, се чини како да е баш она што му е потребно на Бабич. Уна го враќа во младоста, му ги враќа старите сеќавања, и прави тој повторно да се чувствува млад. Нивното љубовно гнездо е така наречената зен-соба, каде тие криејќи се од љубопитните погледи, уживаат во времето што го поминуваат заедно.

Секоја нивна средба е нова трака на диктафонот. На снимките, освен нивниот разговор, печат остава нивниот секс и нивните љубовни воздишки.

Целиот роман е испреплетен со нивните љубовни игри и нивната страст поттисната од претпазливоста на која никогаш не треба да заборават.
Пресврт во романот се случува кога Уна го посетува деканот на факултетот. Па, се чини дека таа има други скриени намери уште од самиот почеток.
Но, дали шармантниот Бабич и го освоил срцето? Дали нивната афера прераснала во нешто сериозно?
Тоа ќе го дознаете откако ќе го прочитате романот

За мене „Уна“ беше уште повеќе интересна книга за читање, бидејќи многу убаво го отсликува животот во поранешна Југославија. Самиот живот, навиките на луѓето и Белград се до детали опишани.
Во глава постојано ми течеа слики од убаво уредени станови, со тапети, вазни и долги завеси, старомодни телефони, стари машини за пишување и белграѓанки со долги виткани коси и интересен стил на облекување

Ви го препорачувам.

 

Ракописот Q - Џонатан Раб

Доста добро четиво. Долго време ги влечев првите 100 страни, но потоа тотално ме обзема и за 3 дена ги прочитав и другите 400 страни!
Доста комплексна приказна за христијанството, папството, ватикан и корупцијата внатре, тајното друштво на манихејците(древна христијанска секта) и војната во Босна!
Го препорачувам на секој што сака да чита белетристика a ла Ден Браун


Сега ја читам Големиот Гетсби, сигурна сум дека ќе бидам со полна рака импресии, па ќе пишам по завршувањето!

 

Продадена – Патриша МекКормик
Интересна книга, се чита во еден здив

Спојлер

Станува збор за тринаесетгодишна, сиромашна девојка од Непал која очувот ја продава во бордел. Некако крајот не ми се допадна, како да е без крај, како да не ми е целосна книгата, а инаку добра е интерсно ми беше како девојката знае само за животот во планината, а сето останато за неа е непознато и чудно

 

^ Се сложувам со тебе, навистина фасцинантна книга. Топло ја препорачувам на сите.

 

„Последната Римска Царица Тодора“-Стела Дафи.
Си ја купив од саем и дури сега стигнав да ја дочитам и уште сум под импресии.Прекрасна книга, јас обожавам историски книги, оваа ме погоди.
Прекрасно е опишана Теодора, ме фасцинира со својот карактер, моќ, издржливост и искреност.Добив впечаток дека кога Римската Империја ја добила неа, тие не добиле само жена на царот, фигура, титула, туку една моќна и снаодлива жена, која ќе влијаела многу на своето време.Прво ми се допадна како е опишана, како девојче без влакна на јазикот, која се бори за своето, не се жали за ништо и со гордост и голема болка го поднесува животот и она што тој и го носи.Подоцна како изгубена жена која тргна да се бара себеси, сосема случајно, а сепак толку судбински да заврши спознавајки си ја верата, иако тоа не и беше првата намера, таа само сакаше да се врати, а доби многу повеќе.И секако најмногу ми се допадна „преобратената“ Теодора, љубовта и советите кои му ги даваше на Јустинијан, нежноста со која го гледаше вујко му, борбата со жените кои сакаа да ја отргнат од местото кое го заслужува.Ми се допадна тоа што стана од девојка вистинска жена за само некоја година, нешто што жените реално се трудат да го постигнат многу повеќе години.
Се на се одлична книга, која сака историски веднаш да ја зема, ќе биде презадоволен.

Друга која ја дочитав е „Времето на лалињата“-Дебора Могах.
Иако по х пати ја читам книгата, морам повторно да ја прокоментирам, затоа што приказната толку моќно влијае на мене што секој пат кога ја читам добивам различни впечатоци и импресии.Оваа книга зборува за љубовта пред се, лудилото поради неа, откажувањето од се поради неа, но зборува и за сигурност, нежност, (не)морал, болка, тага, уметност, за себичност и фрлање во канџите на коцкањето.Ликовите, незнам дали постоеле реално, сигурна сум само за холандскиот уметник Јан ван Лос, но дали останатите ликови се разработени според некоја приказна, сведоштво или само се измислени немам инфомации.Веројатно се измислени ама создадени и вклопени во една моќна приказна, што посакуваш вистински да било така.

Спојлер

Софија е млада девојка омажена со договор за 61 годишен старец, тој е добар, фин и нежен кон неа, ја сака со сето срце и копнее за дечиња, а таа му возвраќа со иста мера се додека не се појави сликарот и таа безглаво се заљубува во него.Тој е млад, шармантен, љубовник токму за каков таа копнее, а не мажот и кој одвај ги завршува брачните должности.Тука почнува играта која ја замешува и слугинката на Софија и други попатни ликови, сите се заплеткуваат во мрежа од лаги што на крај неможат да завршат поинаку, освен лошо.

На моменти ќе се фатите како ја осудувате Софија, за лагите кои ги нанесува и ги гази сите за да биде со нејзиниот сакан, за некоја страна пак ќе си велите дека се е оправдано, бидејки нели во љубовта и војната се е дозволено.Ама Господ гледа и дали тоа е казната која тој им ја подготвува?Прочитајте ја нема да зажалите.Мене ми е прирасната за срце.

 

Мадам Тисо од Мишел Моран.

Интересна пириказна. Раскажана за време на француската револуција и падот на кралското семејство.
Дефинитивно вреди да се прочита.

Спојлер

Раскажана е за животот на Мадам Тисо. Нејзиното пријателство со кралското семејство, особено со принцезата Елизабет, но и со кралицата Марија Анотонета која е прикажана како човечко суштество, несамо како тиранин.

 

Септемвриски светлини - Карлос Руиз Зафон

Уште едно маестрално дело на големиот Зафон. Стварно му се воодушевувам на имагинацијата и фантазијата која ја инкорпорира во сите свои дела. Успева да ги состави чувствата, возбудата и морничавоста во едно исклучително дело кое допира во душата на читателите.
На списокот останаа уште Принцот на маглата и Марина.