Последна прочитана книга и кратка критика

Dear John

Многу добра книга, како и повеќето на Спаркс. Одличен крај, поинаков и не очекував. Мислам дека нема потреба многу да се пишува, веќе сите го знаеме Спаркс и неговите маестрални дела.

 

Невеста во Борџии - Џин Калогридис.
Пред да ја почнам мислев дека е уште еден во низата досадни историски романи, во кој освен историски факти и досадни случки нема да сретнам ништо друго, се излажав. Преубава книга, се чита дефинитивно во еден здив, јас како што ја земав три дена од раце не ја испуштив. Борџиите како главна тема и инспирација во романов, проследено со сите блудничави постапки на папата Александар, ве носат низ едно патување во стариот Рим заедно со добродушната Санча од Неапол и нејзиниот брат Алфонсо.

Спојлер

Добрата и великодушна, а помалку и ладнокрвна Санча од Арагон пристугнува во Рим како сопруга на незаконскиот син на папата а со самото тоа станува и дел од нивното бескруполозно семејство. Нејзиниот сопруг Алфонсо иако е прифатен од папата Александар како негов син, тој сепак нема никакво право на збор во палатата во Ватикан. Приказна испреплетена со љубовни измами, страст и недоличниот инцест помеѓу папата и неговата ќерка убавата Лукреција и помеѓу Лукреција и нејзиниот брат распуштениот и злобен Чезаре. И покрај сите несреќни моменти доживеани во Ватикан, Санча не се предава и на крајот ќе се одмазди на папата и на Чезаре за убиството на брат и Алфонсо, помогната од отровната напивка кантерлата.

Како и да е, вреди да се прочита.
Во издание на АЕА е, 300 денари.

 

Ехото на старата тага - Горјан Петревски
Книгава мене лично многу ми се допадна и е баш како за моја возраст.

Спојлер

Книгата е пишувана како дневник на две деца по име Огнен и Огнена, кои се со спротивни размислувања, ставови и мислења. Огнен и Огнена учат заедно од прво до седмо одделение и се ривали.Огнена има брат Леон и дедо капетан Зарин, а Огнен има сестра Леона и баба виолинистка Зарина. Огнен е лудо вљубен во Огнена, но таа не му ја возвраќа својата љубов.
Ривалството е она што ја натера Огнена да биде успешна и да ја засака математката, истовремено да и посвети повеќе внимание, а по литература да помине на стара слава. Огнен е талентиран за математика и откако се заљубува и добива инсипрација за пишување и почнува да води дневник.
На крајот од учебната година децата имаат екскурзија во Берово и Дојран. Децата ги гледаат своите баба и дедо како заедно седат и си го чекаат ручекот. Тогаш, Огнен заборава на ривалството и ја повлекува Огнена, а таа луто му се обраќа, но кога ја видела таа глетка останала со подотворена уста!
Огнена не го сакала семејството на Огнен, па затоа и не сакала да се зближат тие двајца, капетанот и виолинистката. Дури и Леона, сестрата на Огнен, ја сметала за прчла.
На крајот (пре)пишувачот кажува дека Огнена бидејќи седела со нејзиниот најдобар пријател Давид, а бидејќи Огнен седел со својата најдобра другарка Ангела, се замениле со местата. Па така Огнена седела до Огнен. Сите се зачуделе, а Огнена му ја стиснала раката на Огнен и Огнен ја прашал до кога ќе и стои така раката... а, таа му рекла до крајот на животот.
На Огнен не му се верувало. И на крај си ги замениле дневниците и заклучиле дека нивните баба и дедо се виновни за нивното смирување. Толку. Да немаше среќен крај, романот ќе подолжеше... пишува на крај Горјан Петревски.
*Извинете, ако измасирав со рефератов.

 

Интересна чик литература

 

Пајаковата мрежа - Агата Кристи



Не очекував ништо поразлично од Агата. Секогаш знае да ти го замае умот со приказна во една насока и после БУМ! - следува гранде финале со пресврт за не знам таму колку степени. Можам да кажам дека е уметник во манипулација и наведување на човекот да мисли нешто, особено ако ти ги приложи фактите во сосема различна амбалажа од онаа реалната.
Потонете во светот на Кристи и нема да зажалите.

 

Хаклбери Фин (лектира ми е з)

Не ми се нешто многу допадна, напочетокот и средината е нешто интересна на крајот ме изнервира оној Том Соер што се правеше дека знаеше се. Црнецот ќе паднеше во несвест од змиите. Всушност имам слично мислење како ХАклбери Фин ама многу повеќе се спротиставувам ако нешто не е добро, а тој само молчи .
Најголем впечаток ми остави нормално Хаклбери Фин и црнецот Џим. Всушност и тие се главните ликови

Незнам зошта но оваа е првата книга која толку ме изнервира и нема више ни еднаш да ја препрочитам или да и дадам ,,втора шанса,,. Па и тие глупите слуги ништо не можат да видат, па онаа тетка на Том Соер...личност која не има доволно мозок..ја да сум таму што би направила се на Том, на тие војводи и кралеви, абе ќе незнаат што ги снашло. Али не сум јас Хаклбери Фин е.
Мислам дек аод оваа заклучивте кој ми е најнегативен лик -ТОМ СОЕР.


Ах се изнервирав. Оваа е книга за тие што имаат добри нерви , а јас не сум една од нив.

 

Паоло Коељо -Прирачник з авоин на светлината

Типшична Паоловска книга ,какко јајце на јаце му личат една на друга ,ист стил фура во сите .
Но сепак книга ко книга ,од секоја ќе се научи по нешто.

 

The Virgin and the Gypsy - D.H. Lawrence



Воодушевена сум од книгава. Прекрасна приказна за слободата и различниот начин на живот. За границите на нашето размислување и слобода, за невиноста и нејзината едноставност и сложеност во исто време, за нежноста и љубовта ...
Си го симнувам и филмот сега, сакам да видам дали е исто преточена книгата или јас си ја интерпретирав на поинаков начин.

Ви ја препорачувам.

 

Ќерката на мојата најдобра пријателка- Дороти Кумсон

Спојлер

Кам целиот свој живот живее без обврски, верена е за човекот што го сака и ја има Дел,најдобрата најдобра пријателка на свет. Сето тоа се менува кога дознава дека вереникот и Дел спиеле заедно и дека ќерката на Дел за која никој не знае кој и е татко, е токму тој. Тоа е доволно да одлучи да прекине секаков контакт со нив двајца и започнува нов живот далеку од се.
Години покасно, добива уште една од многуте пораки од Дел кои никогаш не ги отвора, ја чита и дознава дека таа е ужасно болна и умира и мора да се сретнат. Заминува во болница, открива дека Дел има леукемија и дека за извесен период ќе умре, и бара од Кам да ја посвои нејзината ќерка Теган. По нејзината смрт, откако нема друг избор, го зема петгодишното девојчето и започнуваат заеднички живот.
Непосредно по тоа, се вљубува со Лук, нејзиниот шеф кој станува најдобриот пријател на Теган.
За да ги среди документите со старателството, мора да го види Нејт, поранешниот вереник и старата искра повторно загорува...

Прекрасен роман кој ќе ве разнежни и ќе ви ја даде до знаење мајчинската безрезерва љубов.
Препорачувам!

 

„Момчето во пижами на риги“-Џон Бојн
Добра е, но можеше да биде и многу подобра, можеби дека јас очекував премногу. Писателот можел да вметни повеќе поинтересни детали, но книгата вреди. Би ја препорачала...зошто да не..има 222 страни и се чита во еден здив така да не губите ништо ако ја прочитате.

Спојлер

Раскажува Бруно син на еден од командирите на Хитлер, кој е принуден да го напушти својот дом со семејството за потребите на татко му и неговата работа. Кое е тоа ужасно место и што се случува во него? Не откривам повеќе детали, прочтајте.

 

Марина - Карлос Руиз Зафон. Без коментар.Како и суте други дела на Зафон Марина е книга кога ме остави без зборови. Му се воодушевувам на способноста на Kарлос кој во своите дела успева да измеша повеќе стилови и да создаде маестрално дело. Морам и да напоменам дека ми е омилен писател.

Спојлер

Дејството се случува во Барселона во 1979 година. Младиот Оскар Драј шетајќи се по улиците на Барселона во близина на интернатот и училиштето каде што учи случајно влегува во една куќа за која мислел дека е напуштена, но излегло дека не е така. Во напад на паника несвесно зема еден часовник. Чувствувајќи грижа на совест се враќа во куќата за да го врати часовникот и така се запознава со Марина, керката на Херман кој е сопственик на часовникот. Судбината ги поврзува Оскар и Марина и ги води во опасна авантура каде што ја откриваат тајната за мистериозниот Михаил Колвеник кој не сакајќи да и се препушти на смртта станал нечовечко суштество. Опседнат е со идеата да и се спротивстави на природата и да го поправи непоправливото. Со текот на времето цената на таа тајна ја дознаваат и Марина и Оскар. Цената која може да ги чини живот.

 

Конечно ја завршив 1Q84 од Мураками. Содржината, приказната, ликовите, еднакво луди како за авторов, изразувањето...не толку задоволително како во претходните книги. Се приметува дека повеќе се сконцетрирал на дејствието, а бројот на страниците накнадно го зголемува напорот и нелеснотијата во читањето. Крајот на книгава малку ме подзамисли околу целта која ја имал Мураками, дали човеков сака да продаде повеќе книги со овој стил или тоа му е само начинот да те заинтригира, којзнае, почнав да се сомневам во намерите.
Во секој случај, не го добив литературното задоволство што го посакував, не се поврзав на емоционално ниво, не ме надогради, не ме исполни. Останува да видам во продолженијата дали вината е на Мураками или на нашите преведувачи.

 

"А потоа"-Гијом Мисо
Искрено многу ми се допадна книгава.Како прво многу е лесна за читање и интересна.Ја прочитав во неколку дена,ме интересираше што ќе се случува понатаму,зошто во секое делче,секоја реченица има неизвесност и може да има секаков пресврт.Плус тоа крајот ме изненади,не мислев дека ќе заврши така.Иначе оваа ми е прва книга што ја читам од писателов,планирам да ги прочитам и "Затоа што те љубам" и "Дали ме чекаш" зошто ептен ми се допадна стилот на писателов.

 

Втора шанса - Даниела Стил

Не ме воодушеви нипто посебно, или пак јас си мислам дека Даниела Стил се надмина себе си со Прстен.

Иначе книгава е приказна за љубовта на Фиона и Џон, два различни света како доказ дека спротивностите се привлекуваат. Фиона живее ексцентричен живот, најдобра во светот на модните списанија, цврсто решена дека ниту еден маж не може да го промени нејзиниот свет, дека никогаш нема да се омажи и нема да има деца. Џон пак е привлечен богат бизнисмен кој живее смирен живот. Тие немаат ништо заедничко што е причина да се засакаат, но подоцна станува и причина за да се разделат. По една година повторно се среќаваат пружајќи си втора шанса за да ги поправат грешките.

Книгава и не е толку лоша, од секоја книга се учи нешто, од оваа дека секогаш треба да правиме компромиси и да бидеме спремни да се откажеме од некои ситници за да бидеме посреќни.

 

Бежаници-Петре М.А.
Имам повеќе книги од Петре а оваа ми се виде помала и ај Како повеќе мали раскази,значи нема едно поврзано дејство и мислам дека случкиве навистина му се случиле на писателот

 

Раскажи ми ги соништата-Синди Шелдон
Многу убава книга баш какви со сакам. Не за џабе е кажано "Шелдон е вистински мајстор".

 

All time favourite "Марина"- Карлос Руиз Зафон.

Кога за прв пат ја здогледав книгава- пред две години, на саемот за книги- решив дека мора барем еднаш да ја прочитам. Ветувањето си го исполнив по скоро една година. Марина ја прочитав за само еден ден, и веднаш ми стана омилена книга, а Зафон омилен писател.
Денес повторно се навратив на ова дело. Исто како и првиот пат, последните страници ми се лизнаа од рацете по само неколку часа. Исто како и првиот пат, Марина ме маѓепса. Ме потсети зошто толку многу ја сакам и со што ме воодушеви.

Марина ме научи што е тоа вистинско пријателство- секое добро, но и секој товар што го носи со себе овој збор. Ме научи што се човек не е способен да направи за да си ја смири сопствената совест, макар и да го уништи животот на оние што најмногу го сакаат. Ме научи што е љубовта..
Зафон повторно ме прошета во мистериозните квартови на Барселона.
Уште едно од низата маестрални дела на Карлос. Топло ви ја препорачувам на тие што не сте ја читале.

 

Без збогување- Линвуд Баркли ептен ме бендиса книгата и се случуваат многу неочекувани пресврти...

 

Морам да се самоцитирам. Подобра книга немам прочитано. Се врзав со ликовите ама ептен, ме потресе нивната судбина. Не сум тип што плачам на книги ниту пак на филмови, не плачев ни овој пат, ама дека ме допре книгата, ме допре. Среќна сум што барем едната од нив имаше среќна судбина. Немам многу што да кажам за книгава зборовите се излишни, само пак ќе повторам, ако ја немате прочитано, прочитајте ја под итно.