Последна прочитана книга и кратка критика

Карлос Руиз Зафон - Марина

Спојлер

Во Барселона, во 1979 година, петнаесетгодишниот Оскар Драј ги поминува слободните попладниња војвајќи се по живописните улици на Барселона во близина на интернатот во кој оди на училиште. На едно од своите патешествија ја запознава Марина, интригантна девојка, со која се впушта во авантура за откривање на болната загатка скриена во минатото на градот, за таинствениот Михаил Колвеник, кој не сакајќи да прифати дека смртта не им припаѓа на живите, тргнал н поход против смртта за да го поправо непоправливото. Со текот на времето, цената ќе ја платат многу негови пријатели, како и луѓе чии животи се вкрстиле со неговиот.

Преубава книга. Ја препорачувам на сите што сакаат да се впуштат во мистерии и авантури.

 

Стела - Цане Здравковски

Мене лично премногу ми се допадна книгата. Обично не читам книги од наши македонски автори затоа што сите некако пишуваат за војната, за сиромаштијата, за неблискоста меѓу луѓето и сето тоа ми е некако одбивно, кај го гледам реално па несакам и да читам за тоа, ама оваа книга дефинитивно вреди да се прочита.
Се работи за едно протерано македонско семејство од егејска Македонија за време на Граѓанската војна во Грција. Сите се распрсанти во различни држави, за да се спасат од непријателот. Дури по 23 години успеваат да се соберат сите заедно.
Главното сиже е тоа испреплетено со многу љубов, носталгија и копнеж.

 

Затоа што те љубам- Гијом Мисо

Книгава ме освои. Бев малку скептична, мислев дека е и баш љубовна, со романтични сцени, но воопшто не е така.
Секоја сцена во мојата глава создаваше слика, а тоа ретко ми се случува кога читам нешто.
Ми се допаднаа цитатите со кои почнуваше секое поглавје, ми се допаѓаа флеш- бековите, ми се допадна како ја доловил психата на ликовите.
Препорачувам!

 

Книгата почнав да ја читам, ја оставив спремав испит и сега ја дочитав
Не сум нешто којзнае колку воодушевена да речам дека ептен ми го привлече вниманието дали дека несакам до толку нерелани книги. Лесно, брзо се чита, но сепак не ми е ништо посевно можеби да ја читав пред едно 5 - 6 годнини ќе ми се допаднеше, но сега не.

 

Озборувачка.
Читајки овде на форумов ,помислив дека се работи за некоја интересна серија,која ја немам никогаш гледано.И ај,си викам ќе ја читнам книгава за викендов,покрај езеро,ќе ладам мозок.
Случајно ја купив(бевме во Просветно Дело со син ми да купиме лектири,и јас да не останам покуса ја купив,не една туку четири книги).Леле како се заебав.За некои тинејџери од Њујорк.Средношколци.Размазени во брендирани алишта.
Се на се врска нема.Кој сака да чита нешто нормално со содржина,ова сигурно не е изборот.

Ќе си пукнам од мака.Од мака ја прочитав првата,а другите три ќе ги подарам на некое девојче,за полуматура.
Не е ова за мене,дефинитивно .

 

Ангелот Џони-Даниела Стил
Мала книга на писателка со голем број на бестселери.
Искрено, не ми се допадна. Имала Стил каде-каде подобри книги од оваа. Во секој случај.
Ја прочитам по препорака на некои девојки од форумов, но воопшто не е мој стил. Цело време исто дејство пропратено со многу малку нови случувања. Очигледно дека постоела идеја за ова дело, но според мене не е разработено на нејзин начин. Едноставно се ми беше дежа ву.

Спојлер

Како и да е, се зборува за тинејџерот Џони кој што е најубавото момче во генерацијата, и живее прекрасен живот. Сакан од својата долгогодишна девојка и семејството кое е неговата подршка, е миленик на мајка си, столб на семејството и идеален брат и дечко кој што секој може да го посака. Се до моментот кога на својата матурска вечер умира во сообраќајна несреќа и остава длабоки траги кај најблиските и го менува текот на нивниот живот. Многу кратко време по својата смрт се враќа како дух кој може да биде виден само од мајка си и својот брат, се со цел да ги поправи работите кои што му останале нерешени и да го подобри животот на најблиските....

 

Слободна како ветер - Мари Луиз Фишер

Спојлер

Овој роман е за девојка која живее како затвореничка на нејзината мајка. Слободата ѝ е ограничена и не смее да излегува ниту да се дружи со нејзините врсници.Девојката ја сака слободата на модерниот живот, немирна е и бунтовна за конечно да ја дознае причината за таквото однесување на нејзината мајка, која сака само да ја заштити и да не ѝ се случи истото што и нејзе ѝ се случило.Откако ќе ја дознае вистината за животот на нејзината мајка, девојката ќе започне да го живее својот, постапувајќи различно од мајка си и избирајќи подобар пат кон иднината.

 

Внимавај што посакуваш можеби ќе ти се оставри - преубава книга

 

Пеколни планови Сидни Шелдон
Одлична книга која ќе ја прочитате во еден здив.

 

Танц со Ева - Алан Џад

Едит и Ханс се среќаваат после долги години и се присетуваат на последната ноќ кога биле заедно, последната ноќ пред падот на националсоцијализмот, последната ноќ од животите на Ева Браун и Хитлер. Како единствени преживеани се обидуваат да сфатат како биле вплеткани воопшто во таа идеја која донела само страдања.

 

Утро, пладне и ноќ - Сидни Шелдон
крими-роман, за милјардерот Хари Стенфорд кој има се,од пријатели до смртни непријатели.Неговиот живот виси на конец и неговите деца (два сина и две ќерки,од кои една е вонбрачна и нема нејзина трага) го мрзат.Еден ден одлучува да го промени тестаментот,но токму таа ноќ и умира.Дали е тоа несреќен случај или е планирана неговата смрт..
Воглавном краток роман и многу динамичен.Привлечен за читање во секој случај.

 

Клетници - Виктор Иго

Нешто феноменално од книга, препорачувам секој да ја прочита

 

Последна прочитана книга ми е Никаде без ќерка ми - Бети Махмуди со Вилијам Хофер .



Навистина книгата е многу потресна и покажува дека мајчинската љубов нема граници и поуката е дека ако во нешто си упорен да успееш, макар и со многу искушенија и измачувања.
Извонредна животна приказна за храброста на една мајка. Уште еден оригинален пример за животот на жените од Истокот и слаткиот вкус на слободата. Најтопло ја препорачувам.

 

Книгата не е лоша, но има премногу непотребни и на моменти досадни детали. Фино лепо почетокот може да се преполови зошто е ептен банален и е преполн со непотребни детали.

 

Breaking the routine can have consequences - Taylor Lowe



Oдличен роман за девојката што ги прекрши нејзините дадени правила, отскокна од патот на нејзиното секојдневие, и тоа и го смени животот целосно.

Спојлер

Cаманта Питерс, просечна девојка од Индијанаполис поминува еден викенд со нејзината најдобра другарка (Tеби) во Њујорк, сретнува едно момче во дискотека (Дејвид) кое ужасно ја привлекува, но страста е обострана. Легнува со него, но сабајлето кога се буди покрај него сфаќа дека нејзиниот лет за дома е за час и половина и крадешкум се извлекува од неговата постела. Tој се буди со помислата дека ќе ја најде таа девојка што му го земала умот претходната вечер во неговата постела, да доручкуваат заедно и да дознае се за неа, но гледа дека таа не е до него. Cфаќа дека на некој начин го `искористила` и дека била како сите оние девојки за една ноќ. Дента нешто подоцна заминува за Индијанаполис, град во кој никогаш не бил, каде започнува со работа во една фирма, а погодете чија фирма е таа. Hа таткото на Cаманта. Kога нејзиниот татко ќе ја запознае својата ќерка со новиот вработен во фирмата . . .
Cе што ќе следи понатака ќе излезе надвор од рутината на Cаманта, нешто што ќе и го смени животот за 360 степени, но таа промена ја направи самостојна девојка, девојка која решава да тргне по свој пат, и да престане да биде на некој начин марионета на нејзиниот татко кој во романов ми делува на крајно исфрустиран човек, среброљубец кој нема ни малку да се грижи за вистинските чувства на неговата ќерка.

 

Последни две прочитани книги. Некако не можев да ги разделам една од друга, иако и самите одат во пар.
„Девојката на командантот“ и „Сопругата на дипломатот“, двете се од Пам Џеноф.

Во двете книги главна тема е страдањето на Евреите во времето на Хитлер.

Спојлер

Во првата книга (“Девојката на командантот“) дејството се одвива за време на Втората светска војна и се раскажува за животот на една млада Еврејка, Ема, која го ризикува својот живот за да им помогне на Евреите во движењето што тие го организираат против Нацистите. Се наметнува прашањето, дали изборот што го прави Ема е правилен и дали воопшто има избор, дали воопшто тој избор е нејзин или наметнат?

Спојлер

Во втората книга ( „Сопругата на дипломатот“) настаните се сместени после завршувањето на Втората светска војна, се раскажува за животот после војната, за последиците што таа ги предизвикала кај луѓето од двете страни на фронтот, за тоа колку сурови, подли, дволични, и користољубиви можат да бидат луѓето, за опасноста од новиот режим-комунизмот, безизлезните ситуации, храброста, одлуките, пожртвуваноста. Сето тоа е претставено преку животот на Марта, Еврејка, која исто така се појавува и во претходниот дел.

Книгите се читаат во еден здив (ако воопшто остават здив). Се соживеав со приказните, цело време мислев на случките од книгите, не можев да спијам навечер дури не ги прочитав . Таман помислуваш дека се' е во ред, неочекувано се случува пресврт и одма поинаков тек на настаните, одма тензијата расте. Јас дури ги читав, се чувствував исто како мене да ми се случувало тоа, дури не ги прочитав не бев мирна.
Препораката за нив беше на мајка ми и откако ги прочитав двете книги, мојот коментар беше: Овие книгиве сонот ми го зедоа.
Препорачувам да ги прочитате и двете.

http://www.sakamknigi.mk/index.php?opti ... &Itemid=60
http://sakamknigi.mk/index.php?option=c ... &Itemid=60

 

Азбучните убиства од Агата Кристи

Спојлер

На познатиот детектив, Херкул Поаро му пристигнува писмо каде е објаснето убиство кое ќе се случи во Андовер, на одреден датум. Писмото е потпишано од Еј-Би-Си (ABC). Убиството се случува и тука започнува потрагата по убиецот. По извесно време пристигнува и друго писмо каде е објаснето второто убиство, местото на настанот и датумот. Тука Поаро заклучува дека се работи за убиства по азбучен ред (по името на жртвата и местото на злосторството).
Убиствата продолжуваат, целата јавност дознава за Еј-Би-Си, а Херкул Поаро, со својот пријател Хејстингс и полицијата се обидуваат да го решат случајот.

...

Книгава е добра. Не се воодушевив кој знае како, ама не зажалив што ја прочитав. Ги сакам романите на Агата Кристи поради интересните изјави и заклучоци на Херкул Поаро.

 

Индиго Бомбај - Јагода Михајловска - Георгиева , прекрасна книга, вредна и за неколкупати да се прочита

 

Ветување - Даниела Стил
Книгата е навистина прекрасна иако во некои делови наликува на шпанска серија. Во книгата се работи за безусловната љубов и разбирање меѓу двајца млади студенти - Ненси МекАлистер, сиромашна девојка која израснала во сиропиталиште, и Мајкл Хилјард, син на сопственичката на најуспешната американска архитектонска фирма Котер-Хилјард - Мерион Хилјард. Мерион нема да ја прифаќа љубовта меѓу нејзиниот син и неговата сиромашна девојка, сметајќи дека тој заслужува девојка од високите кругови која потекнува од богато и успешно семејство. Останува прашањето дали Мајкл и Ненси ќе успеат да ја зачуваат својата љубов и по се низ што ќе поминат..