Последна прочитана книга и кратка критика

Папата Јована - ја думав за читање две-три години и и дојде редот... да ви кажам да не се мислите одма да ја читате преубава во рекордно време ја завршив

 

"Сенка на ветрот"- Карлос Руиз Зафон

6 down, 1 to go!
Уште едно маестрално дело на Зафон. Една од најдобрите книги што сум ги почитала. И покрај 500те страници, се чита во еден здив. Приказна за љубовта, за омразата и за соништата, кои живеат во сенка на ветрот.

 

Мрачна книга! Скоро целото дејствие се одвива на гробишта, не ми се доадна некако празна ми беше читај, читај ништо посебно не се случува стигнуваш до 300 страна и се прашуваш која е всушност приказната и суштината на книгата.

 

Последни книги прочитани за месецов и минатиот (јуни и јули) ми се
Џејн Ер, Клетници, и A walk to Remember

 

Тони Парсонс-Вистинско Семејство
Преубава книга,многу ми се допадна.Се работи за животот на три сестри чии што мајка ги напушта додека се мали.Проблеми од реалниот живот што ги пребродуваат како едно вистинско семејство.
Ја препорачувам.
http://sakamknigi.mk/index.php?option=c ... &Itemid=59

 

Многу убава книга многу ми се допадна ова е книга која буквално ве навлечува и не ви дозволува да ја оставите. Додека ја чиав цело време имав чувство на напнатост и исчекување, настаните и личностите се толку добро оформени шти ми даваа чувство како да гледам филм. Ви ја препорачувам

Спојлер

Крик во ноќта - Мери Хигинс Кларк

Има книги кои кога ги читаш имаш чувство дека гледаш филм, дека настаните се некако многу реални како да ги гледаш пред себе или ги доживуваш. Ова е една од тие книги.

Младата и разведена Џени се бори во животот за да ги одгледа нејзините две мали ќерки. Тие едвај скрпуваат крај со крај на секој месец, но таа никогаш не го одбива за пари нејзиниот бивши маж кој освен тоа што не плаќа алиментација уште и позајмува од неа. Но откако го запознава убавиот, богат и неодолив Ерик, Џени веднаш се вљубува и работите комплетно се менуваат.

Тој ја бара за жена после месец дена и целото семејство заминува во куќата од соништата.

Децата се пресреќни со својот нов татко, со своите нови понија, со новите кукли кои претходно никогаш ги немале... А Џени?

Куќата од соништата најпрво токму така изгледа, како дворец од некоја бајка. Но како поминуваат деновите Џени сфаќа дека таа воопшто не се чувствува убаво во таа куќа, напротив куќата е страшна, во неа се случуваат чудни нешта кои ја доведуваат Џени дo работ на разумноста и лудилото.

Џени во секое ќоше, во секој предмет, во секој ден и секоја ноќ може да ја насети присутноста на покојната мајка на Ерик која тој толку ја сакал, а најстрашно е тоа што самата Џени толку многу личи на мајката на Ерик што не постои човек во градчето кој не ја забележува сличноста. Дури и самата Џени е шокирана од оваа сличност.

И може ли да биде толку совршено со новото прекрасно семејство и новата совршена куќа? Дали нејзиниот принц е тој за кого го смета или нешто не е во ред со самата Џени? Ова е книга која ме наежи, ме натера да почувствувам гнев и страв истовремено.

Ова е со два збора - добар трилер. Не го прескокнувајте.
http://www.sakamknigi.mk

 

Paul Auster
Бруклински будалаштини

Искрено кажано очекував повеќе цинизам од еден њујорчанец. Ќе прочитам и уште нешто од него за да донесам конечен суд колку ми се допаѓа стилот и дубината на писателот.

Иначе во моментов ја читам "Девојката што го урна осилото" од Стиг Ларсон (третата и последна книга од серијалот - Девојката со тетоважа на змеј). Долго време немав прочитано ништо од некој шведски автор (последна ми е "Не е време за херои" од Сем Лундвал но многу време има поминато од тогаш) и дефинитивно ќе прочитам и уште нешто.

 

^^

Спојлер

Паметам кога ја прочитав оваа книга, си го преместив креветот во собата затоа што над него имав плакар а колку што се сеќавам типот преправен со перика излегуваше ноќта од врата некоја или плакар и ја галеше додека спиеше...така нешто беше или на друга книга мислам?

 

Не ќе да е таа

 

Демијан - Херман Хесе

Спојлер

Како што и авторот пишува „ Историјата на една младост“. Всушност неговата младост. Убава е. Се пронајдов себеси во книгата. Најпрвин започнува размислувањето на едно десетгодишно дете кое се вика Синклер ( и е еден од главните ликови во книгата) . Го дели светот на безбеден, сигурен, исполнет со љубов и хармонија и друг свет , сосема различен од другиов. Кажува дека во неговото семејство било пријатно да се живее. Неговите родители многу ги сакале него и сестрите. Но тој сакал или не запаѓа во лошо друштво. За да се истакне пред другаите измислува приказна како украдил вреќи полни со јаболка. Франц Кромер му бара 2 марки за да не му каже на неговите родители и на полицијата. Стравот и изнамоштеноста на Синклер... Демијан ( другата главна личност во книгата) , дете од погорните класови , чуден малку, со лик на возрасен и со такво размислвање го „ спасува “ Синкер. Другарството со него. Како една млада личност оди по трнливиот пат на животот, попушта со учење, како повторно се враќа, војна... Прочитајте ја , прекрасна е .

 

"Заточеник на небото"- Карлос Руиз Зафон

Со ова дело, целосно ја пополнувам низата на прочитани книги на Зафон.
Прекрасна книга. Совршено надополнување на Сенка на ветрот. Зафон емотивно го разголува Фермин Ромеро Де Торес, и ни нуди слика на едно поинакво време.

Спојлер

Како што знам, гробиштата на заборавените книги е трилогија, но некаде прочитав дека тоа е всушност серијал од четири книги. Последните две книги што ги прочитав од Зафон се токму Играта на ангелот и Сенка на ветрот, но баш на крајот си помислив дека Зафон можеби спрема уште едно дело, зошто на оваа завршетокот си нема врска со предходните две, а преказните на ликовите се испреплетени. Се надевам дека Зафон ќе не изненади.
Некоја феминка ако има информации околку оваа тема, нека ми пише лп.

 

Таа е

Спојлер

Ерик беше уметник и многу често одеше да слика во колиба која е во близина на куќата, сред нок се враќаше облече како жена т.е. како неговата мајка и влегуваше во собата каде што спиеше Џени неговата сопруга, таа чувствуваше нечие присуство, како некој и се доближува до лицето, чувствуваше мирис на бор, омилениот мирис на мајка му и кога почнуваше да се буди тој излегувал од вратата позадикреветот која е нечујна, а тој ја убадуваше дека има кошмари. Инаку Ерик е тежок психопат.

 

A clockwork orange или преведено на нашки Пеколен портокал .Знаев дека нешто не штима во преводот,ама бидејќи не сум го гледала филмот(шејм он ми) си велев можеби е пеколен,којзнае.Инаку делото е е на Ентони Бурџис и е основа за истоимениот филм на Стенли Кјубрик.

Првин да кажам за јазикот на кој е пишувана,некаква мешавини од руски говор,англиски сленг и римувања,словенизми кој е веројатно со цел што поексплицитно да го долови тој младешко-бунтовнички став на хулиганската генерација која не прифаќа ниту едно општествено,а богами и природно правило,па најмалку би го прифатила литературниот говор.

Книгата е ремек дело, ми остави огромен впечаток и најверојатно секој што ќе ја прочита се фокусира на различна концептуална димензија,како на пример каузална врска поединец-општество и општество поединец,влијанието на музиката во процесот на формирање на личноста,итн итн...

Мене најмногу ми бодеше очи дека авторот се труди да ја истакне улогата на слободната волја и слободата на избор,наспроти конвенционалните општествени вредности.Како демек подобро е да си расипник или деликвент ако си го избрал тоа отколку робот или кукла со која управува државата.
Култен роман и стварно и не вреди да го прераскажувам,задолжително да се прочита.

Еве за почеток само ептен малку колку да ве заинтригирам тие што не сте го гледале филмот.Централен лик е 15 годишниот Алекс кој заедно со неговите тројца другари секоја ноќ вршат најбрутално насилство над невините и беспомошните.Понатаму ако сакате да дознаете што се случува,почитајте си.

 

А потоа - Гијом Мисо

Спојлер

Брзо се чита, барем јас не можев да ја затворам книгава и да продолжам подоцна. Ме интересираше што се случува понатаму , и до самиот крај ми го задржа вниманието.

Додека ѕвездите блескаат - Сидни Шелдон

Спојлер

Лара е жена која успева со свој труд да ја знаат сите неа и нејзиното име.Никој ништо не направил за неа, се што има постигнува сама.

 

Night Smoke - Nora Roberts

Спојлер

Типично за Нора: детективска истрага и романса, испреплетени. Арно ама тука ја зафркнала работата: премногу беше очигледно што и како ќе се случи, за разлика од Паднати ангели. Лесно книџуле, брзо се чита. Најголем впечаток, морам да признаам, ми оставија описите на секс-сцените. Иако секогаш предност давам на истрагата, овде воопшто не беше интересна

Wuthering Heights - Emily Bronte

Спојлер

Веќе се изјаснав во соодветната тема за романов. Очекував многу повеќе.

 

Момчето во пижами на риги - Џон Бојн
Книгата е прекрасна. Не попусто е оценета како мало чудо од книга. Топло ви ја препорачувам, и верувајте, нема да останете рамнодушни на приказната на малиот Бруно кој ќе се спријатели со детето во пижами на риги кое живее на другата страна од оградата - во логорот чие име Бруно никогаш не успеа да го изговори правилно, Аушвиц.

Книгата е Њујорк Тајмс Бестселер и прогласена за најдобра книга на сите времиња во Ирска.

 

Едвај ја дочитав Да ја читав пред едно 10 години сигурно ќе ми беше интересна, но сега не едвај ја дочитав

 

Вештица - Венко Андоновски



Книгата ја добив на подарок, првите 10тина страници не ми беа интересни па ја баталив. Сега, послем неколку месеци од што немав што да читам, а вечерта ме фати таква желба за читање, ја земав повторно „Вештица“ ама овојпат со цел да ја прочитам цела. И ја прочитав. И се запрепастив. И од тој момент ми стана омилена книга, која не ја испуштам од раце и сигурно ке ја препрочитам уште неколку пати. Кој би рекол дека прво не сакав да ја прочитам, хах?

Дефинитивно книга која ме освои, книга која ме расплака и ме наежи до коски... Венко е мајстор над мајсторите...Секоја му чест!

Јас навистина незнам што би кажала за оваа книга.. премногу е вистинска за да биде книга..
во секој нов ред откривав, препознавав делови од себе, од животот, од мојот живот, од мојата љубов.
Само би рекла дека не е доволно да се почувствува огнот на љубовта, треба да изгориш за да знаеш дека си живеел.
Верувам дека секој оној кој ја прочитал книгава ќе знае да ги вреднува вистинските нешта во својот живот.

Со секоја солза на читателот, ја губат невиноста и приказната, и оној кој ја чита и обљубува со солзи. Така е тоа, затоа што писателот со крв ја пишува, а читателот со солзи ја допишува приказната.