Последна прочитана книга и кратка критика

Подарок - Даниела Стил

Интересна книга, ја земав пред одење на одмор, а ја прочитав во авион, на враќање . Не ми остави некој впечаток, не беше ништо воодушевувачко, ама имаше убави мисли.
Според мене, не штети ако се прочита книгава

 

Game over- Адел Паркс. Интересна книга за трошење време но не ми остави некој впечаток, можеби затоа што главната личност беше манипулатор и егоист.. Инаку пред неа ја чтиав Марина од Зафон и остнаб без зборови. Прекрасна книга

 

Кодот на Давинчи
Ја читав и на крајот се разочарав, ништо не се откри..

 

Кога срцето зборува - Марија Луис Фишер

Spoiler

Ок е, не би рекла дека премногу ми се допадна.Нема воопшто детали, цела книга е една случка и толку.Теа Ослар брани еден човек кој ја убива својата жена,а Теа дури после судењето ја дознава вистината.

 

Ми припаѓаш мене-Карен Роуз
Книгата буквално ја проголтав, 600 страници за 2 дена.Одлична приказна во која се испреплетени одмазда, љубов, убиства.Криминалистички роман кој ќе ве остави без спиење.Ја препорачувам.

 

Даниела Стил- Дебитантка
Интересна книга, забавно дејствие, иако многу лесно можеше да се претпостави како ќе заврши на крајот ми се допадна.

 

Врати ми се - Гијом Мисо

Маестрален автор, маестрална книга! Толку ме збуни книгава, на толку погрешни заклучоци ме доведе, додека конечно ја расчисти мистеријата. Само пофални зборови за неа. Долго ќе ми остане во мислите. А љубовта на Итан и Селин?! Ненадминлива . Дефинитивно препорачувам да ја прочитате.

 

Не ми е последна прочитана, но ја имам прочитано Знаеш ли да чуваш тајна? Супер е книгата, смешна е на моменти, и многу си ја сакам

 

Се плашиш ли од темница? - Сидни Шелдон
Роза за балерината - Лурлин МекДениел

Ќе бидам најкратка што можам.
Првиот наслов е трилер, мене лично ми се допадна бидејќи приказната е возбудлива, но додека ја читав цело време се чувствував како да гледам Том и Џери. „Лошкото“ во книгава сака да убие две жени и се служи со помош на технологија за да ги пронајде, а овие постојано бегаат од екстремни ситуации благодарејќи на својот мозок. Интересна е, не велам не, разработува интригирачка тема, ама е напишана на еден премногу, да речам обичен стил и се чита за два саати.

Вторава книга е типично тинејџерска, мене не ми беше нешто посебно интересна, да знаев дека ќе заврши така како што заврши воопшто немаше ни да ја читам. И оваа се чита брзо, напишана е во формат на писма кои неколку ликови си ги испраќаат меѓу себе и опишан е животниот пат на едно девојче кое сака да стане балерина. Не сакам да дадам премногу остра критика и да речам нешто како катастрофа од книга бидејќи авторката видливо се потрудила да направи едно истражување во врска со леукемијата, но сепак јас не би читала ваква книга повторно.

Ги читав овие за време на одмор, баш книгички за на плажа се. Пушти го мозокот на пасење и уживај
Сепак ако не сте фан на нешто по едукативно, додадете ги романчињава на вашата листа.

 

Последна Нова Година, од Николо Аманити.

Интересен бизарен спој на неколку приказни, секоја со своја болка и светлина.

Сепак, крајот е еден за сите, освен за еден од ликовите. Топло ја препорачувам.

 

Не си тој што го посакувам- Александра Потер
Интересна и роматична, на почетокот маклу за позрасни (ме разбирате..)
Инаку книгата е доста комедична и се смеев на глас. Дефинитивно научив како да се ослободам од вистинскиот...

 

Рингишпил-Јелена Бачиќ Алимпиќ
Не ми е последна прочитана, беше пред околу еден месец ама уште си се навраќам на моменти. Лесно разбирлива, фини описи и убаво осмислени ликови. Тажната животна приказна за белградска балерина што ќе ја освои Русија ме расплака како ниедна друга книга досега. И се’ уште мислам дека Клара, Милош, Соња и Сергеј навистина живееле...

 

^ И мене истава. Импресии пишав во соодветната тема за книгата.
Би ја читала повторно, тоа дефинитивно!

 

Девствено сино - Трејси Шевалие

Знаев, едноставно знаев дека нема да се разочарам од книгава. Трејси Шевалие ми е репер за правење одличен и интригантен роман, што значи ја прочитав за рекордно брзо време, се чита во еден здив. Во секој случај супер книгичка, интересни и по ,,малце'' чудни ликови кои ќе ве однесат во две различни времиња проследени со лаги, предрасуди и судири на интереси. Мистеријата што сината ткаенина ја носи во себе е главна тема, која полека на крајот ќе се разреши, при што ќе се ,,оголат'' застрашувачки работи кои времето ги има оставено зад себе, надевајќи се на вечен заборав.

Стилот на Шевалие ми се допаѓа, тематиката исто не е воопшто лоша - што значи ја препорачувам. Јас ја земав од Три во трговски.

Следна на листата за купување и читање ми е Паднати Ангели од истата авторка. Според коментарите што ги разлистав сега на нет, гледам дека и оваа ќе ми се допадне.

 

А потоа - Гијом Мисо

Од кога ја прочитав првата книга, станав зависна од авторот. Приказната беше убава, интересна, книгата брзо ја прочитав. Ама за разлика од претходната негова книга што ја прочитав, оваа ми беше некако предвидлива. Да, на моменти успеа да ме излаже, ама воопшто не се изненадив кога стигнав до крајот.
Како и да е, мене сепак ми се допадна книгава и е една од оние што вреди да се прочитаат.

 

Јади, моли се, уживај- Елизабет Гилверт.
Во почетокот ми изгледаше лесна и интересна, но после половината се разочарав.

Spoiler

Цело време се разботи за приказна на писателката, која има 34 год. и е разведена, не сака деца и не е задоволна од животот кој го води, па решава да го најде својот мир и рамнотежа на телото и една година да се посвети само на себе. За таа прилика, како дестинација и нејзин нов дом-ги бира Италија, Индија и Индонезија каде ќе престојува по 4 месеци.
Делот за Италија ми беше единствено интересен, каде кажува каде се шетала и што се видела. Ја открива познатата италијанска храна и катактеристиките на еден Италијанец.
Вториот дел се однесува за моли се-во Индија, каде оди во еден ашрам и се посветува на медитацијата.
А последниот, уживај-дел е во Индонезија, на Бали, каде што се вљубува и го продолжува животот со еден Бразилец.

 

Пауло Коељо - „Алеф“

Книга во која Коељо зборува за својот живот. Преовладуваат некои духовни и филозофски основи кои ги користи да го опише она што го доживеал, а го испреплетува и со мистичност и доза на фантазија. Јас бидејќи верувам во реинкарнација, а во поголем дел од книгава се работи и за тоа, ми е преубава, но доколку некој не верува во тоа - веројатно нема да му се допадне.

 

Дневникот на една собарка - Октав Мирбо

Дневник на една собарка од 18-тиот век во кој ги запишува сите нејзини мисли за она што ја опкружува, за буржујската класа и за нејзините интимни желби.
Мене ми беше прилично досадна книгава, на моменти се фаќав како цела страна сум прочитала без да забележам, па одново се враќав да ја прочитам.
Во суштина се се вртеше околу една работа, тоа е нестрпливиот и бунтовен карактер на собарката, Сесилија која ниту една работа не успеваше да ја задржи подолго од 6месеци и тоа благодарение токму на нејзиниот карактер и одбивноста кон скржавите и лицемерни газди.