Последна прочитана книга и кратка критика

"Полноќни спомени" од Сидни Шелдон.
Книгата има 300 и нешо страници,ги прочитав во еден здив... Преубава е,ви ја препорачувам.

 

Девојката со тетоважа змеј- Стиг Ларсон (филмот го немам гледано)

Spoiler

Микаел Блумквист е економски новинар, кој работи на раскринкување на корумпираните банкари. Поради објавена статија ја познатиот економист Венештрем, а при недоволно докази за истата, Микаел е осуден за клевета со казна од 3 месеци затвот.

Хенрик Вангер е гигант кој поседува мултимилијардерски концерн „Вангер“. Во концернот работат строго членови на фамилијата. Внуката на Хенрик мистериозно исчезнала во 1966 година, а од тогаш тој се посветил на потрагата по неа. Мистериозно, секоја година, на неговиот роденден му стига подарок пресувано цвеќе во рамка. Тој мисли дека тоа го прави убиецот на Хариет, психички си поигрува со него.

Лизбет Саландер е 24годишна девојка, врвен истражувач во фирмата за обезбедување „Милтон секјурити“. Прогласена за непресметлива, ментално заостаната, физички ситна, Лизбет е генијален хакер со фотографско памтење. Адвокатот на Хенрик Вангер ја ангажира за ископување на минатото на Микаел.

Хенрик го ангажира Микаел да се обиде да ја реши мистеријата за Хариет, а за возврат му ветува информации за Венештрем. Микаел прифаќа и започнува со истрагата. По некое време му се приклучува и Лизбет.
И тука започнуваат сплетките...

Интересна книга, со доста интриги и сплетки, ја препорачувам.

 

Роза за Балерината



Кој сака убаво да се исплаче, нека ја прочита, јас ја прочитав во еден здив ми беше интересна премногу.
Препорачувам инаку, книгата е совршенство, потеков од плачење јас а и периодот ми се погоди таков

10/10

 

Подарок - Даниела Стил

Се работи за семејство кое тешко може да добие дете.Имаат син по име Томи,и уште неколку деца кои за жал не се родиле или умреле.Потоа се раѓа Еми.Која им донесува радост во нивното смејство и среќа.Но нејзиниот живот е премногу краток,по неколку дневно боледување таа умира,додека нејзините родители истата вечер водат љубов.По нејзината смрт во нивното смејство настанува вистински хаос,секој со секого одбнеднува да зборовува речи си и не се гледаат толку често.Ги одбегнуваат заедничките вечери,не се како некогаш.И Томи е тој што страда.
Една вечер додека Марибет,излегува и заминува на игранка со дечкото ( колку што се сеќавам мислам дека се сакаа и договараа свадба ли ),но после излегувањето се случува чудо.Марибет која е мирна и воспитана девојка со догла црвена коса,прави нешто што не и доликува.Води насилно љубов со најголемиот фраер во градот.Кој потоа ќе и даде канта.Останува бремена.Дознава нејзиниот татко и е тера да замине,што подалеку од него.Да појде во некој манастир,откако ќе го роди бебето и ќе се ослободи од него може да се врати назад.Марибет пристигнува во манастирот но не сака да остане таму.За миг решава и го напушта.Заминува во Чикаго каде што наоѓа работа.Работи во хотел како келенрка.Таму го запознава Томи.А,Томи е чест гостин во тој ресторан.После таквите неколку нивни средби,Томи посакува да излезе со Марибет.Тие ќе бидат другари,но постои некоја хемија меѓу нив и ќе се заљубат еден во друг,потоа Томи решава да е запознае Марибет со неговите родители со што ја носи една вечер, на вечера кај нив. А потоа уште почесто се гледаат.

Ајде мислам доста беше...

 

Јас те сакам повеќе

Книгата е стварно убава и вреди да се прочита . За сите посветени мајки кои многу си ги сакаат ќерките и се би направиле за нив .


10/10

 

Поради обврските малку задоцнив со кигава, но еве ја прочитав. Предобра книга како и повеќето од Агата Кристи. Препорачувам.

 

The Golden Scales- Parker Bilal

Трилер кој нема да ве остави да ја затворите книгата.
Поранешен полициски службеник приморан од политички причини да се пресели од Судан во Каиро започнува да работи како приватен детектив. Кога ќе биде најмен од еден од најмоќните луѓе во Каиро за специфичен случај, разрешавајќи ги нечистите работи на моќниците доаѓа во судар со минатото од кое побегнал.

 

Страници за нашата љубов-Спаркс

Ме чуди како Спаркс можел да смести приказна со толкава големина во само 170 странички.Тоа не ми се допаѓа кај книгата и малку ме разочара истото.Приказната е прекрасна,оригинална и веродостојна но и фали нешто,нешто што нема да предизвика само солзи во одредени моменти кај читателот туку нешто поинаков,на пример нешто што ќе го натера читателот да се запраша одредени прашања во врска со една таква љубов а не само да чувствува сожалување за неизмерната љубов која во целост на успеала

 

Заточеник на небото-Каролоз Руиз Зафон

Конечно дојде во мои раце, ја прочитав за некој саат.Не е толку возбудувачка како Сенка на ветрот и Играта на ангелот, АМА си требаше книгава за да се почувствува магијата во целост.
Во овој дел Карлоз раскажува за случки кои ги дообјаснуваат дејствијата во првите два романи.Главен лик е Фермин и неговиот живот пред да се сретне со Даниел и секако што го довело до Семпере и синовите.Убава е книгата, кој е негов огромен фан да си ја прочита обавезно.

 

Моќта на потсвеста-Џозеф Марфи.

Spoiler

Искрено повеќе очекував од книгава, долго време не можев да ја најдам и кога конечно ја купив во три вечери ја прочитав, но не ме воодушеви нешто да речеш премногу. Добра книга за опуштање, но не ме натера многу на размислување иако очекував дека ќе дојде до тоа иако можда и не се замарв да размислувам. Немам друга критика освен дека малку претерал со раскажување на состави.

 

Последна прочитана книга ми е Рингишпил од Јелена Бачиќ Алимпиќ
Секој кој ќе ја земе в раце оваа книга нека се подготви за едно премногу емотивно вртење на шарениот рингишпил на баба Дара.
Главен лик во овој роман е Ана Балинт која сега е на смрттна постела и пред засекогаш да го пронајде својот вечен спокој се навраќа уште еднаш на своите спомени, на убавиот и шарен рингишпил од нејзиното детство.
Ана имала среќно детство на чифликот на нејзиниот татко Стеван и баба ѝ Дара, таа уживала во селскиот живот, во дружбата со својот најдобар другар Ѓорѓе и во нивните игри на рингишпилот на баба Дара. Но нејзината мајка Ленка во своето преубаво девојче го препознава несекојдневниот талент за балет кој Ана го носи во себе. За тоа разговара со својот сопруг, но тој не се согласува со неа Ана да оди на часови за балет. Па поради тоа во една мугра на седми август 1938 год. Ленка заедно со Ана скришно од сите го напушта чифликот и ја носи Ана во Белград во балетското училиштето на Клара Сич која на времето била позната балерина во „Бољшој театар” во Москва.
Ана и Ленка започнуваат нов живот во големата престолнина и Ана напорно вежба подготвувајќи се за својата светска кариера во Русија. Но Ана никогаш ниту за момент не ги заборава спомените од своето среќно детство покрај рингишпилот. Конечно на осумнаесет годишна возраст Ана заминува во Русија и ја започнува својата кариера во „Бољшој театар”. Сите се маѓепсани од нејзината несекојдневна убавина и огромниот талент на Ана Балинт но дури тогаш започнуваат нејзините страдања и пресврти во нејзиниот живот.

 

Фактотум- Чарлс Буковски

Spoiler

Пааааа не знам што да мислам за книгава, очекував некаков крај, некаков завршеток, а човекот само влезе во стриптиз-бар и книгата заврши
Лесна е за читање, разбирлив јазик, малку вулгарни и простачки зборови, уште поразбирлива содржина, неколку секс- сцени...
Не е мој тип на литература.

 

Гордост и предрасуда
Книгата ме фасцинира. Преубава е.
Се чита со леснотија, брзо и веднаш ви прираснува на срце, па ја читате во еден здив.
Барем јас вака се чуствував.
Г-ѓа Бенет ми олицетворение на македонските жени, си создадов таква слика за нејзе, како лакома и припроста жена која има една цел - богато да ги омажи своите ќерки. Џејн ми е мила и наивна, допадлива, но ликот на Лизи ми се допадна повеќе. Во тоа време, таа бешеостоумна и доста мудра девојка, одлучна, искрена и духовита. А Дарси...посакав маж како него. Уште од самиот почеток ме привлече неговиот лик, неговата гордост и ладнокрвност, човекот кој навидум изгледа ладен и тврд, а е всушност добар, дарежлив и скромен човек кој знае да сака, знае да ја сака девојаката и да ја направи среќна. Впрочем кој не би го посакал за маж .
Знам дека е и екранизирана, има и филм, но прво ја прочитав книгата, па сега е на ред филмот.
Топло ја препорачувам. Несакaв да ја довршам, нескав да заврши книгата.
Преубава.

 

Само да не си го читала тоа никаквото издание од Гурѓа, од 160 страници

 

^
Не, не, книгата имаше околу 370 страници.
Од Гурѓа избегнувам да читам, имаат лош превод, иако и оваа издание иако не беш од нив, имаше доста пропусти.

 

Eпа добро тогаш оти си реков да не си испуштила многу емоции.
Јас ја читав на српски, се изјаснив мислам во темата, и задоволна бев од преводот, како што сум впрочем од сите постари изданија на книги.
Ајде Јуле, те чекаме во темата за “Гордост и предрасуди“

 

Последна прочитана книга ми е "Ако некогаш си ме сакал" од Симона Винчи.
Романот на Симона Винчи ги открива најчувствителните тајни на женската љубов, трепет, очекувања и разочарувања, но и сета неправда, која секојдневието и ја нанесува на љубовта помеѓу мажот и жената. Да се согори со целосно предавање или да се направи пакт со животните стапици доживувајќи емоции, поигрувајќи се, чувајќи се себеси? "Го љубев човекот кој не постои. Некој друг кој сите ние долго го очекуваме, кој нема да дојде...", се вели за книгата на Винчи.