Последна прочитана книга и кратка критика

Ја дочитав пред малку по втор пат. Ептен голем впечаток ми остави книгава. Предобро дело од Ден Браун. Ме остави без зборови по втор пат. Приказната е одлична (и мислам дека повеќето ја знаете), исто како и описите. Сега видов дека имало и филм, ќе го изгледам и него. Ја препорачувам книгава, ако ја енмате прочитано обавезнои да ја прочитате, нема да зажалите.

 

Ловец на змејови Халед Хосеини

Спојлер

е роман кој ќе го растопи и најтврдото срце. Не постои никој кој е толку храбар кој нема да ги пушти солзите да леат врз страниците на овој роман. Болката, страдањата, предавството, срамот, но и љубовта се така објаснети што читателот се соживува со личностите.
Со Амир, син на богат трговец, со неговиот најдобар другар Хасан, со жителите на Кабул. И војните. Војни. Постојано војни.
Амир, приповедачот на книгата, на почетокот нѝ ги објаснува неговите случки, соништата и созревањето во Кабул, Авганистан. Тој не сонува сам. Никогаш...
Со него е неговиот најверен другар, близок како брат, син на слуга - Хасан.
Нивните момчешки денови се идилични, поминати во летање змејови и сонување со отворени очи под јаболкницата за тоа што носи иднината.
Идилата е прекината со грубиот налет на Советската инвазија на Авганистан, по што Амир и неговиот татко успеваат да емигрираат во САД. Далеку од сè, далеку од Авганистан, неговиот дом и Хасан, Амир се надева дека ќе заборави еден ден, еден кукавичен момент и совеста која целосно го јаде внатре длабоко во себе.

Илјада неверојатни сонца-Халед Хосеини

Само што ги прочитав и двете ама Ловецот на змејови ми се допадна многууу...прекрасна книга

 

Како да го добиете тоа што го сакате-Џозеф Марфи(мислам дека ја немам постирано овде)
Критика:

Спојлер

претерано нагласена потребата од здрава потсвест и како се дешаваат чуда, излекувања и успеси единствено со силната волја, желба и моќта на потсвеста. Продолжение на Моќта на потсвеста на која би им дала на двете книги оцена 7,5. Не ме воодушеви ни оваа, можеби затоа што потајно очекував поконкретни одговори и многу се надевав на книгава.

 

Копилето од Истанбул

Спојлер

Јас ја читав македонската верзија во издание на издавачкиот центар Три. Има одвреме-навремено пропусти во преводот, но не е лоша.

Брзо се чита, динамика на дејствата, релативно голем број на ликови... онака модернистички роман.

Спојлер

Паралелно се следат животните приказни на две девојки, Турчинка и Ерменка, се‘ додека не им се сплотат.
Прикажан е односот меѓу двете националности и чувствата на едната кон луѓето од другата.
И секако, добар роман не би бил добар роман ако нема нешто интригантно, некоја мрачна тајна која не се открива до самиот крај.

Препорачувам.

 

Сеќавње на моите тажни курви - Габриел Гарсија Маркез

Спојлер

Еден ден пред да наполни 90 години, тој чувствува дека веќе смртта полека тргнува по него па посакува за последен пат да биде со жена... но овој пат како за свој последен пат, тој посакува да биде со девица. Неговиот последен пат во животот кога ќе плати за да биде со жена, ќе биде неговиот прв пат кога тој ќе се вљуби... Која иронија на судбината, да бидеме смрзнати од пламенот на нашето сопствено огниште...
Интересна книга, напишана на модерен начин. Многу брзо се чита.

 

^^^Има ваква литература во библиотеките?Или ги купувате книгите?

 

Последна опомена - Дебора Могах ( автор на бестселерот Времето на лалињата)

Вистинска впечатлива приказна за неостварените соништа, алчноста и човечката кревкоста... приказна со исклучителна сила. Врвен роман. Исклучително возбудливо... Четиво што тера на размислување.
Го препорачувам

 

Пајаковата мрежа - Агата Кристи

Спојлер

Ова ми е втора книга од Агата Кристи која ја читам и исто како првата (Убиство во Ориент експрес) ја прочитав во еден здив и за еден ден. Приказната е за една жена која откако ќе најде мртво тело во својата куќа ги вмешува своите пријатели со цел да ја објасни ситуацијата на полицијата. Многу неочекувани моменти, многу пресврти и неочекуван крај. Дефинитивно една од оние книги кои не можете да ги пуштите од рака

 

Ана и францускиот бакнеж - Стефани Перкинс

Спојлер

Ана Олифант е главен лик....нејзиниот татко одлучува и милски дека таа треба да се образува и ја испрака во париз...тааа не сака да оди но нема друг избор...таа вејке има дечко,другарка,рабора,фамилија,....
таа атаму го запознава Сент Клејр ..но дознава и дека нејзината другарка има чуства кон него....Преубава книга која можам да кажам една од поубавите од овој жарн...

 

Девојката со портокали - Јустејн Гордер

Возбудлива и забавна книга за мистериозната девојка со портокали...
Книгата претставува ода на животот, приказна за потрагата по вистинската љубов и храброста во животот да се бираат потешките патишта за постигнување на целите.

На почеток книгата ми беше многу досадна, монотна..дејствието ми делуваше дека нема некоја насока кон која се движи...и се се одвиваше така бавно. Но, како навлегував подлабоко и подлабоко во делото, започнував да читам за токму оние делови од книгата кои се базата - што е светот? Што е животот? Каков тој треба да биде? Имаме ли избор?

Прекрасна книга ! Те тера да се замислиш за животот.
Краток е животот, затоа живееј го секој ден како да е последен, бидејќи еден ден сите ќе не снема, и тоа не само неколку години туку цела вечност.
Се што ни останува на крајот се спомените.
Едно писмо може тотално да ти го промени животот.

Еве овај дел од книгата ми остави најголем впечаток:
Што би избрал кога би имал можност? Кратко време да живееш на земјата, а потоа по неколку години да те отргнат од се, веќе никогаш да не се вратиш. Или би се заблагодарил и би ја одбил понудата? Ако избереш да живееш си избрал и да умреш...
Времето што треба да го поминеме на овој свет е микроскопски мало во споредба со целата вечност и пред тоа и по тоа...исто како... кога би знаел дека колачот има неверојатнооо добар вкус, а тебе ти се нуди само еден милиграм, можеби сепак би се заблагодарил и би го одбил малиот залак бидеќи секако нема да го осетиш вкусот на колачот...

Топло ја препорачувам.

 

“Спасување“ - Николас Спаркс

Не знам по кој пат ќе речам - го обожавам Спаркс !

На толку силен начин покажано како љубовта е најважна во животот, колку еден родител може да биде жртва за своето дете и колку е скапоцено чувството да се сака и да бидеш сакан.....

Спојлер

Приказна за една самохрана мајка, која поради проблемот со говорот на нејзиното синче ќе се жртвува и ќе ја напушти работата како учителка за да се вработи како келнерка на ноќна смена. Само за да може да му помогне и да го посвети целото внимание на детето. Една вечер при страшна бура тие доживуваат сообраќајна несреќа. Колата се превртува, но со неа и текот на приказната - се појавува Тејлор. Пожарникар кој им ги спасува животите и воедно со тоа и влегува во нивните животи..... Но, пожарникарот крие нешто......а што е тоа, прочитајте

Топло ја препорачувам.

 

Девојката која ја бркаше месечината - Сара Адисон Ален

Спојлер

Се зборува за две изгубени девојки кои наојгаат свое место под месечината.Емили Бенедикт доаѓа во Мулаби Северна Каролина со надеш дека ке ја рашреши мистеријата за смрта на мајка и.Кога таа ке пристигне во домот на мајка и и кога ке го види нејзиниот дедо ек свати дека мистерии ен се решааваат туку дека таму тие се дел од животот.Преубава книга која ме натера да размислам за некои работи акко на пример колку убав живот имаме и колку нашата мајка е вредна во него и каков би бил тој без неа.

 

Сирена - Триција Рејбрн

Спојлер

Преубава книга...која можам да кажам дека е една од поубавите што ги имам прочитано...Ванеса е девојка која е малку поразлична од нас..Таа сака да го помине стравот што го има за океанот..и пријателството со Сајмон да прерасне во нешто друго..Но кога џастин скока од карта поради некој семејна расправија..и следниот ден океанот го исгрла енјзиното мртво тело да брегот...а додека пк ванеса е сигурна дека тоа не е несреќен случај туку нешто друго..таа дознава дека сестра и триела големи тајни..но наското градот го зафакааѕ несреќи..во кои мртви мажи се исгрлаат на брегот со несмеани лица...ванеса и сајмон сваќаат и дознаваат дека несреќите се поврзани со џастин и кејлеб ..мисла која ме водеше додека ја читав книгата е како ке заврши и дали ке се дознае се...

 

Физиката на Стар Трек
(Physics of Star Trek - Lawrence M. Krauss)

Одлична книга за љубителите на научната фантастика и за Стар Трек сериите, па дури и за оние кои никогаш не погледнале ниту една епизода, за љубителите на физиката и астрономијата. Авторот Lawrence M. Krauss е професор по физика и астрономија на Универзитетот во Аризона и во оваа книга тој објаснува каде и колку во оваа научно- фантастична серија се испочитувани физичките закони.
Кога почнав да ја читам се разочарав, затоа што на прв поглед ми изгледаше како критика на физичар кој ги потенцира грешките во научната основа на серијата. Но, понатака станува поинтересна кога тој објаснува за телепортирање, телекинеза, материјата и антиматеријата, за можностите за патување низ времето, патување со брзината на светлината, wormholes, warp drives, и дали тоа што денес за нас претставува научна фантастика би можело да биде нашата иднина. Со разбирлив и лесен јазик ја објаснува Њутновата физика, Специјалната и Генералната Ајнштајнова Теорија на релативноста како и работата на други познати физичари. Серијалот Стар Трек го следат и најпознатите физичари, поради тоа што тој има почит кон реалната наука и повеќе ги почитува физичките закони од исто толку популарниот серијал Star Wars... Топло ја препорачувам, заедно со творештвото на Michio Kaku - физичар и автор на светските бестселери во кои го објаснува нашето разбирање на физичките закони на универзумот, и што може да очекуваме во блиска иднина во светот на технологијата.

 

Десетте мали црнци - Агата Кристи

Секоја и чест нејзина, жената е маестро за крими романи!
Ги обожавам нејзините ремек-дела, од прво до последно. Секако и овој пат несомнено го задоволи мојот апетит, дразнејќи ме до последна страница. Со нестандардниот кодекс на пишување, има неверојатна моќ да создаде тотален хаос, притоа одгатнувајќи онолку колку што е потребно за да го задржи вниманието, преку опишување на психопатологијата на злосторникот, до сочувствување со жртвата. Речиси секогаш успева да те наведе на погрешни докази и факти, за да на крај совршено ги вклопи сите елементи од почеток до крај, формирајќи перфектен расплет.

Овој пат е изоставен нејзиниот херој, Херкул Поирот, но вешто и речиси незабележително го надополнува неговото отсуство во нејзин стил.

Десетмина луѓе, на различна возраст, со различна професија, имаат различен мотив, но иста дестинација - Нигер Ајланд, островот, кој за сите нив е мистерија и предизвик. Островот не ги исполнува нивните очекувања, по што се создава една тензична атмосфера, особено по откривањето на нивното дебело минато. Обвинети за злочин, секој од нив станува сомнителен, параноичен, луд. Меѓу нив се наоѓа некој кој совршено ги намамил да дојдат. Но зошто? Постои нејасна, чудна причина, зошто и како на секои 24 часа еден од нив е убиен. Но, најчудно од се, е тоа што секое наредно убиство се случува според морничавата песна 'Десетте мали црнци', каде во секој нов стих има еден црнец помалку, за да во последниот стих од песната остане еден и си го одземе животот. Свесни за опасноста која им следи, поставувајќи безброј прашања и одговори, секој почнува да го губи разумот, некој помирувајќи се со фактот дека ќе биде убиен, некој тотално излуден.

Ја препорачувам на сите оние што читаат крими романи, верувам дека нема човек што ќе остане рамнодушен.

 

Калуѓерот што го продаде своето Ферари - Роберт Шарма

Спојлер

Џулиен Ментлу, познат, успешен и врвен адвокат доживува инфаркт за време на едно судење. Славата и парите го заслепуваат, но по инфарктот тој врти нова страница од неговиот живот. Продава се‘ што има и заминува на едно необично патување. Од тоа патување се враќа како нов човек ширејќи го сето она со што го научил на тоа патување.

 

Кога ќе заигра срцето - Џејн Мур

Спојлер

Книга која ме потсети на летото..и на спомените од летото...што кога сме во потрга по вистинска врска...

 

" Азбука и залутани записи " од Иван Шопов
Случајно ми падна во рака и не ја спуштив до последната страничка (запис)
Интересен начин на приказ на залутаните мисли на авторот. Ми се допаѓа тоа што секој различно може да си ја протолкува секоја приказна(претставена на необичен, збунувачки а крајно креативен начин), да види низ очите на авторот, да почувствува низ неговите сетила, а пак да си се пронајде себеси во целата приказна...
Изволте неколку стихчиња

НАЦРТ – ПЛАН ЗА ОДА НА МЕШЕТО НА К.

Тоа е макета на Ридот на задоволствата; мала заклучена
фиока за бебиња.
Тоа е крило на кое љубоморат пеперугите; прв наслов
на мојот ѕиден весник.
Тоа е архива на љубовни оброци; музеј на отворени
конзерви и ретки овошки.
Тоа е перница наполнета со сунѓер од месечината;
Тоа е дебелината на моето слабеење.
Тоа е камен што Сизиф го турка кон спортска сала;
селска погача со мирис на метална плочка зашрафена
во облак.
Тоа е стреа за патики од превртена кожа; чадор
за срамни влакна; вулкан со памук и сончоглед во
кратерот.
Тоа е гајба со забранети јаболки; ливада за пасење
стадо мисли; речник што не го содржи зборот „диета“.
Тоа е балонче со хелиум заврзано за страк трева.
Тоа е сидро фрлено во експрес-лонец.

 

Вчера ја завршив оваа
Тајната на медалјонот - Марија Луис Фишер

Спојлер

Преубава книга...премногу возбудлива и спонтана книга,сликовито опишана и поучна .... која не ме остави рамнодушна..

а денес ке ја почнам оваа
Едноставно љубов - Кетрин Андерсон
Од книгава имам очекување дека ќе е многу убава ...и дека ќе е поинаква малку..