Последна прочитана книга и кратка критика

Едноставно љубов - Кетрин Андерсон

Книгава ги исполни моите очекувања....

 

Играта на ангелот -К.Р. Зафон

Откако во еден здив му се изнарадував на откритието во Сенка на ветрот, без пауза се пуштив на Играта на ангелот. Би рекла дека Зафон повеќе се потрудил со вторава книга, посозреано пишување, повеќе истражувања, навистина професионално се посветил на пишувањето. Не знам дали да се осмелам да речам, можеби затоа што сум сеуште под влијание, дека вторава дури и повеќе ми се допадна. Можеби крајот очекував некој поголем пресврт, некоја неповторлива сцена, но низ цело патешествие со книгава, напишана баш мајсторски како од врвен автор, не можам стварно да се пожалам.

Spoiler

Би издвоила

Неколку пати се навратив на овој извадок и неколку пати ми се насолзија очите, сцената во главата ми беше баш срцепарателна

Ма не, не можам да се одлучам која е подобра

Дефинитивно морам да кажам дека авторов е вреден за пречитување, книги кои морам да ги имам дома

 

A Passage to India

Spoiler

Лектира ми е за наредниот семестар, ја имав дома, постара од мене книгава, па немав што друго да читам во меѓувреме и ја почнав.
Не сум нешто вау! воодушевена, но носи добра поента.
Главен акцент е ставен на разликите помеѓу Индијците и Британците (Индија е, нели, британска колонија) и на тоа колку се потценети Индијците.

Spoiler

Главен фокус ми се чини е обвинувањето од страна на една Англичанка врз еден Индиец и како таа цело време всушност му суди нему и на целата ситуација.

 

Шепнувачот - Донато Каризи

Книгиште! Одлична е! Слободно може да извадат неколку филмови од истата, и сите ќе бидат добри.
Психолошки трилер кој те тера да навлагаш во главите на сите ликови и зад редовите кои се испечатени. Се работи за истрага на убиство на шест мали девојчиња, чии рачиња се пронајдени отсечени наредени во круг, во една шума. Полицискиот тим се соочува со повеќе предизвици и открива многу повеќе од само тој случај. Исто така се изложени и животите на некои од ликовите, вметнати во совршена мрежа од тајни кои ќе бидат разоткриени меѓу последните страници.

‘Возбудливо четиво... Го предизвикувам секого да го претпостави расплетот‘ - Гардијан.

Истото би ви го рекла и јас. Ми се допаѓа што е непревидлив, базиран на вистински настани зачинети со фантазијата на писателот. Дури и ќе се посомневате како е можно на некому да му текнат такви криминални чинови кои се граничат со перфекција. Прочитајте го. Романот има 600 страни, но не можете да го оставите. Јас го прочитав изутринава во 5 и сериозно се двоумев да спијам со упалено светло. И секако дека сонував некои слични приказни.

 

Мојот господин совршен - Александра Потер

Ми се допадна книгава, убав стил на пишување има самата писателка, само едно нешто ми беше криво, а тоа е дека претходно ја немав прочитано книгата ,,Гордост и предрасуди", бидејќи во оваа книга се зборува постојано за главниот лик од таа книга, Господин Дарси. Како и да е супер книга, лесна за читање впрочем како и сите други книги од Александра Потер

 

„Калуѓерот што го продаде своето ферари“-Робин Шарма
Омилена и најубава книга што сум ја прочитала
Критика нема.
Кој е расположен за читање и има слободно време нека ја купи и нека чита!

 

Затоа што те љубам - Гијом Мисо

Прочитана во еден здив, буквално.
Преубава приказна за љубовта која може да се чувствува и надежта која никогаш не исчезнува.
И како што пишува на почетокот на книгата, крајот да не се открива на пријателите, нема да го кажам ни јас. Само едно кратко: Прочитајте ја, нема да зажалите!

Краток опис...

Spoiler

Пет годишната Лајла пред пет години исчезнува во еден трговски центар и поради тој настан нејзините родители се разведуваат. Од Лајла 5 години нема ниту трага ни глас, но оддеднаш се појавува на истото место каде исчезнала, но од некоја непозната причина таа не зборува. Нејзиниот татко е пресреќен што таа е жива и на патот кон дома во авионот им се случува нешто необично...

 

А Потоа - Гијом Мисо
Четиво кое мора да се прочита дефинитивно

Spoiler

Главниот лик е успешен адвокат Нејтан е разведен од својата сопруга со која има едно девојче. Целиот негов живот се труди да се излечи од неговото сиромашно потекло. Како мало дете запаѓа во клиничка смрт после едно давење во езеро од кое ја спасува малата Мелори, која подоцна ќе му стане сопруга. Нејзините родители не го прифаќат поради неговото потекло, а неговата жена пак го сака токму поради тоа што не е размазено детиште од богатаките квартови. Еден ден се запознава со еден лекар, Герет, кој е Гласник и кој сака да му соопшти на Нејтан дека наскоро некој ќе умре. Тој целото свое време мисли дека ќе умре и се труди да помине повеќе време со ќеркичката, но сфаќа дека залудно поминува време оддалечен од сопругата. Додека е на одмор со ќеркичката кај својот дедо, т.е. таткото на сопругата се случува несреќа за која тој ја превзема вината. После тој случај нему сопругата му се враќа и повторно се семејство, се до еден ден кога дознава ужасна вистина, дека тој не е тој што ќе умре, туку неговата сопруга, а тој е станува Гласник и ја предвидува нејзината смрт.

 

Игра во р'жта или Ловец во р'жта - Селинџер.
Ми остави голем впечаток. Топло ја препорачувам.

Spoiler

Станува збор за момче на 16 години, Холден Колфилд, кој се разликува од многумина на своја возраст. Интелигентен, но постојано бркан од секое можно училиште во кое се запишува поради својата пасивност кон учењето. Всушност, нему му пречи глупавоста на општеството кое живее, идиотското однесување на постарите и помладите луѓе кои живеат околу него. Холден всушност не знае што токму сака од животот меѓутоа сосема е свесен што е она што не го сака.
Книгата ми помогна да го сфатам типичното адолесцентно однесување и да откријам дека не само јас сум чудна, да не кажам биполарна во тие години.

 

Кралскиот читател-Алан Бенет

Мала книга од стотина страници во која што се раскажува за британската кралица како се впушта во светот на читањето.
Кои предности а кои негативности ги добива благодарение на читањето.
Еве ви една статија преземена од sakamknigi.mk која што многу многу ми се допадна а воедно и го доловува она што сакав да го кажам за книгава

Spoiler

Читањето никогаш не ја интересирало многу. Да, таа читала... но сепак, вистинската љубов кон книгите ја препуштала на други. Таа е сепак кралица. Таа е Елизабета Втора. А една кралица има многу поважни и поитни работи од читањето и восхитувањето на некои имагинарни ликови и настани, автобиографии, тажни и романтични стории, весели и иронични стихови. Па ајде размислете...читањето е хоби. А таа како Кралица не смее да биде како обичниот човек и да има хоби, таа има функција!
А секако и да не заборавиме дека хобито значи да се има склоност кон нешто, а тоа само по себе значи исклучување на нешто друго. Но... таа мора да биде еднаква кон сè и сите.
Замислете си го сепак денот кога Елизабета Втора случајно пресретнува една подвижна библиотека, чудејќи се на сите тие наслови и стари книги.
Да, таа имала сопствена библиотека но верувале или не... таа била повеќе од украс, речиси музеј во нејзиниот дворец. И одеднаш... ете ја Кралицата пред едно комби кои разнесува книги, прилечена од книгите и чудното момче кое изнајмувало неколку книги и кое работело во кујната во нејзиниот дворец. Норман, момчето кое работело во кујна но било доволно интелигентно самоволно да чита книги (иако, за волја на вистината секогаш ги одбирал книгите од автори - хомосексуалци).
Така Кралицата започнува да се дружи со книгата. Отпрвин, ова хоби за неа е потешкотија, па младиот Норман ѝ помага во изборот на наслови и е секогаш тука за неа кога таа сака да разговара за некое дело.
Но...
За кратко време Кралицата станува зависна од книгите. Чита сè и сешто, од разводнети љубовни приказни до делата на Пруст. Едноставно, таа не може да се насити на книгите. Самата Кралица како да станува нова личност.
Можат ли книгите да нè сменат и натераат да дејствуваме. Или она кое го читаме во книгите може да биде само потврда на она што, можеби и несвесно, веќе сме решиле да го направиме.
Дали страста кон книгите некои ја толкуваат како растројство?
Морам да признаам дека иако не сум воодушевена од делово, ми се допаднаа пораките кои ги носи. Кратко и едноставно четиво, во кое верувам, во одредени сегменти, барем малку ќе се препознаете сите вие вљубеници во книгата.

 

„Понори во срцето“ од Методи Манев. Студент на летен распуст се заљубува во една од циганките во неговото село, а има и девојка... Крајот навистина ме потресе, не очекував таква завршница! Стилот на писателот беше како истовремено да ја опишува и сцената, како и звуците одоколу неповрзани со содржината, премногу убаво го беше опишал селото, како истовремено да гледам и слушам се што опишал, како да сум таму.

 

Spoiler

Coffee to go - Jean MacIntyre

По првата катастофална средба,Melanie и Russ стануваат пријатели но нивната приказна не завршува на ова ниво.Интересна лесна романса и корисни рецепти од кујната која покажува колку мажите знаат да бидат внимателни а жените нестрпливи

 

Мажи, пари и чоколада - Мена ван Праг
Се работи за една девојка, која е разочарана од својот живот и се обидува својата тага да ја покрие со чоколадо. Но по неколку средби со некои луѓе кои и даваат мудри совети, таа ја сфаќа суштината на животот и има се што посакува, па дури и повеќе од тоа.

 

Министерство на болката = Дубравка Угрешиќ.

Мини автопатепис за една жена номад, во азил после распадот на Југославија, го наоѓа своето уточиште во Амстедрам, Холандија. Приказна покриена во превезот на немоќ, југоносталгија, гадоста на војната, положбата на жената писател во тоа време и сеопшто, положбата на еден бивш Југословен пред портите на новото време.

Многу поучна и потресителна книга, но ја препорачувам за чиста свест.

 

Исповедта на една акушерка - негативни критики немам.

Задоволна од секоја страна која сум ја прочитала. А и од книгата како целина.
Уживав додека ја читав.

Препорачувам без сомение.
Ете ви добар предлог за зимските денови.

 

Оркански височини- Емили Бронте

Само ќе кажам дека ми беше страв да ја оставам книгата и да ја дочитам бидејќи не сакав да заврши!
Прекрасна книга, со детални описи кои ќе ве воведат во еден свет кој ви буди чувства додека читате!

 

Оваа книга ја прочитав последно. Убава, лесна, интересна книгичка за опуштање.

 

Девојката со портокали - Јустен Гордер

Емотивна, прекрасна љубовна книга во која е опишана прекрасна љубовна приказна, љубов која се случува сосема случајно, а потоа прераснува во вистинска. Всушност целата книга е едно писмо кое го чита петнаесетгодишно момче кое му е оставено од татко му, кој умрел кога момчето имало четири години. Девојката со портокали (Вероника) во случајов е мајката на момчето. Да не ви откривам повеќе.
За љубиелите на романтични книги, оваа е идеална.