Последно нешто што си купив од dm e...

Сетот четки од Аура.

Уште не сум ги пробала како што доликува, многу се меки и нежни и посебно ме изненади четката за руменило за која и не се надевав дека ќе ми се допадне.
Во секој случај, вреди да се имаат.
Цена: мислам дека околу 430, нешто така.

Единечна обична четка за нанесување сенка, повторно од Аура.

Одлична! Не се ни сомневав во нејзиниот квалитет. Мека, прецизна, лесна за одржување. Убава ми е и за прецизно блендање на хајлајтер.
Цена: 117 ден.


Aura absolute matte - 612 matte mess

Spoiler: Слика

Една од поубавите темно виолетови бои достапна кај нас. Не е MAC Heroine, кој за мене е дефинитивно врвот на темните виолетови кармини, ама ќе помине.
Ми се допаѓа многу, а единствен недостаток според мене, не на овој течен кармин, туку на сите кармини од тој тип е тоа што додека да се подзасушат и да се фиксираат многу брзо можат да се разлеат.
И покрај фактот што буквално се фиксира на усните по минута-две, не се осудувам да го нанесам без соодветно моливче за уста. Сигурно си е сигурно.
Цена: 289 денари, мислам.

Catrice longlasting lip pencil, 140 Sweet Auberginia

Совршена двојка се со карминот од Аура, а затоа што ми е ново и не можам да му одолеам, си го носам и како замена за кармин и го нанесувам низ цели усни, над обично лабело. Пигментираноста навистина ме изненади - нешто подобро од виолетовото кармин-лабело на Росал. Со нанесувањето над лабело бојата е малку послаба, што особено ми се допаѓа кога се шминкам за преку ден. Добивам боја и живост и не изгледам ненаспиено и уморно.
Не е суво како моливчињата на Аура, не е ниту со таква лесна па да се избрише после првата голтка вода. Го купив на тепка, не пробав да видам дали одговара со карминот или не, ама сепак моето око не ме излажа - професионална деформација.
Цена: околу 180 ден.

Balea Young 3 in 1

Не знам колку пари е, најверојатно до 170-80 денари. Толку долго ја немам погледнато цената, што дури и сум ја заборавила. Го видов, го грабнав, си отидов. Номално, пред тоа си наплатив, да не дојде до забуни.
Го користам повеќе од година дена и убедена сум дека ми е подобар и од пилингот од ист тип на Нивеа, со мирис на магнолија.

Dontodent течност за испирање.

Ми се допаѓа, го освежува здивот после зачинети јадења и силни пијалоци, но ефектот ми е краткотраен, иако навистина ефикасно отстранува дури и силни миризби на кари или кромид.
Следниот пат би купила друга верзија, ми останаа уште неколку неиспробани, морам да ги комплетирам.
Засега, без сомнеж ова ми е најдобро и најосвежувачко.
Цена: 115 денари.

White Glo паста за заби за фанатици на кафе и чај како мене.

Ја користам во комбинација со Colgate со микрочестичките, затоа што, кога ја користам самостојно повторно забележувам дека не ми освежува доволно. Можеби е до мене, но јас обожавам пасти и средства за хигиена на усната празнина кои имаат силен вкус на ментол. Да ти потечат солзи од луто, што би рекла мајка ми.
Ефектот не го оспорувам, но не очекувајте чуда после неколку употреби. Со поредовна употреба има забележителен ефект, го потврдивме ова со мојот стоматолог при мојата последна посета пред некој ден.
Следна ќе ја земам онаа наменета за пушачи. Иако не сум пушач, мислам дека повеќе ќе ми се допадне, а и одамна ја мислам - редно е да ја купам.
Цена: 130 - тука некаде, навистина не се сеќавам. Цените на артиклите ми се тортура, не се ни трудам да ги запамтам.

 

Туш за очи црн и со светки сребрен She
Фарба за коса од Субрина
Маскара од Есенс Lash princess

 

Конечно ги начекав Балеа универзалните креми и си ги купив и двете. Не можам да се одлучам која ми е поубава, затоа што и двата мириси ги обожавам - лаванда и цреша ми се омилените без сомнеж; ги носам и двете во ташна и си мачкам која како ми паѓа при рака. Толку голем фанатик сум, што денес дури си купив и резерви и тотално би се разочарала ако некогаш ги тргнат од продажба.
Идеални ми се за раце, лакти, колена и за сувите делови од лицето.
На цената не се сеќавам.


Balea Intensiv Lippen Pflege;

Во секој случај омилено лабело од Балеа ми останува Балеа Сензитив, ама и ова ми се допаѓа многу, првенствено поради прекрасниот мирис. Го обожавам мирисот на целата колекција со шеа путер.
Многу ги омекнува усните, идеална подлога ми е и под обични и под мат кармини, ама мислам дека ќе ми биде малку тежок во летниот период, сега ми е и повеќе од одлично.
Како и да е, до тогаш ќе го потрошам и ќе го земам Сензитив повторно.
Цена: 80 денари.

Зелено моливче за очи Alverde, за кое не можам да најдам соодветна слика, ама не можете да го утнете - најобичен молив на оштрење без додатоци.
Овој пат го купив за подарок, инаку јас си го имам во доволни залихи , зашто е убедливо најдобар зелен молив кој ми одговара и не ми се пресликува на капаците.
Има нежни светки, јас не сум љубител на светкави моливи, ама овие делуваат пристојно и тотално неприметливо, така да, правам исклучок.
Цена: 99 денари.

Alverde део-спреј со нане;

Мириса нежно, освежително и речси неприметно. За заштитата која ја нуди не знам колку би можела да прокоментирам, затоа што си користам антиперспирант, а овој спреј си го нанесувам на тело, најчесто после туширање додека уште кожата ми е полусува. Си уживам во мирисот на природа и заспивам како бебе.
Мислам дека го купив околу 120 денари.

Дневна крема од Афродита, со невен;

Spoiler: Слика

Ја користам веќе некое време и ќе дадам конкретно мислење во соодветната тема. Многу сум задоволна од негата, само не ми се допаѓа толку кога ја нанесувам како подлога, ама најверојатно затоа што со текот на годините сум се навикнала на цементирачки креми кои ми го матираат лицето и ми го прават мат-стакло.
До мене е, ми треба време да се навикнам на крема со ваква структура после долгогодишното нанесување на гореспоменатите креми.
Не светнувам во Т-зоната, едноставно ми е една од кремите со кои никогаш не би се замислила, ама ете - никогаш не вели никогаш.
Цена: 175 денари, ако не се лажам.


И моето омилено за крај - лакот од Catrice - 62 Must-Have STEELetto;


Лаковите на оваа фирма се толку нефотогенични, што не можам да се изначудам. Речиси сите кои ги имам на слики се ужасни, нијансата нема врска горе на сликата со онаа која си ја гледам на ноктите.
Не сум љубител на светкави работи, ама овој лак е навистина must-have, се излигавив додека го гледав и едноставно морав да си го купам, инаку сигурна сум дека немаше да можам да спијам вечер.
Станува збор за пресветкава и ладна лате нијанса.
Толку е светкав, што во нормални услови кога би видела некоја со такво парче на пример, очите би ми прокрвареле од сликата, ама во таа количина како што е, на нокти изгледа сосема пристојно.
Се добива убава и јасна текстура со еден слој, ми се опаѓа тоа што и покрај фактот што не е сјаен, обично обоен лак, сепак откако ќе се исуши се добива мазна површина. Мене тоа ми е битно, мразам лакови кои прават текстура и грепкаат, имам нелагодно чувство тогаш, ноктите ми тежат и мислам дека прстите ќе ми отпаднат во секој момент. Баш се израдував кога видов дека ноктите се мазни, а сепак изгледа како да има некоја текстура.

Лаков ми е симпатија, тотално се заљубив во него!
Цена:165 денари.