Темава одамна не е активна, постам секоја година за Велигден, 2 години по ред без масло, другите години само првата и последната недела без масло, и Среда и Петок. Па ме интересира дали само оние маслинки што се црни несолени, ги има во КАМ, се без масло? Мене и за другите маслинки ми велеле дека се без масло, дека самите маслинки пуштале, ама сепак не сум купувала други маслинки, освен тие црните.
Како ја правите салатата за време на пости без масло? Сакам да постам за Велигден. Па гледам некои рецепти така ако може да споделете за салата. Дали можам да ставам оцет во салата или не ? И да прашам дали можам да јадам путер од кикирки?
Немојте да претерувате за храната пошто не е толку битна. Зборнете си со поп, најубаво ќе ве насочи како правилно да постите. Храната не е мерило за верата, од срце ви посакувам душата да ви е мирна за време на постот, да не бидете во искушенија од околината. Имајте мирен и благословен пост.
Една лажичка таан со три лажички вода ќе смешаш, т.е. размер 1:3, ќе додадеш сол, црн пипер, друг зачин по желба и вода од пола лимон. И ете ти супер дресинг за било каква салата. А ако сакаш по кремаст дресинг, можеш со една шака накиснати индиски ореви, лимон, малце вода, сенф, зачини и да го изблендираш, исто така многу вкусно.
Ајде предлози за ручек без масло. Јас правам гравче со везени пиперки, грашок, компир манџа, динстан ориз, печурки, компири во тавче со зеленчук, манџа зелка, полнети пиперки со ориз и печурки.
На оваа страна имаш доста посни рецепти, овие конкретно се без масло: https://www.posnajela.rs/posna-jela-na-vodi/ И на страната на Бигорски има неколку рецепти без масло https://bigorski.org.mk/magernica/
Какао путерот е од самото какао и иако името му е путер, сепак е посно. исто важи и за млечна киселина. Го соджи зборот млечна, но сепак е посно. Сепак е масло кога ќе се стопи и затоа во денови на пост без масло, не се користи.
Посни палачинки со банана и кисела вода Состојки: 1 зрела банана 10 лажици брашно Кисела вода или газиран сок (по потреба, околу 200–250 мл) Малку пециво 1 лажица таан Подготовка: Бананата изгмечете ја добро со вилушка додека да стане мазна смеса. Додадете го брашното и измешајте. Постепено додавајте кисела вода додека да добиете смеса со густина слична на класични палачинки. За поголема густина додадете 1 лажица таан Загрејте тава нелеплива на средна температура Истурете мала количина од смесата и печете палачинки од двете страни додека не добијат златна боја. Повторете додека не ја потрошите целата смеса. Посен еурокрем со урми Состојки: 20 урми 2 лажици какао 2–3 лажици путер од лешници (или мелени лешници) Малку млака вода (по потреба) Подготовка: Ако урмите се потврди, потопете ги во млака вода 5–10 минути за да омекнат. Ставете ги урмите во блендер. Додадете го какаото и путерот од лешници (или мелените лешници). Додадете малку млака вода. Блендирајте додека да добиете мазна и кремаста текстура. По потреба додавајте уште малку вода за полесно блендирање. Посни палачинки со ленено семе Состојки: 2 лажици ленено семе 6–8 лажици брашно Газиран сок (или кисела вода, по потреба) Подготовка: Лененото семе ставете го во мал сад и прелијте го со неколку лажици вода. Оставете да отстои околу 10 минути додека да се згусне. Смесата од ленено семе ќе добие желатинеста текстура – тоа служи како замена за белка од јајце. Во сад додадете го брашното, па постепено додавајте газиран сок (или кисела вода) и мешајте. Додадете ја смесата од ленено семе и убаво измешајте додека да добиете мазна смеса за палачинки. Загрејте тава на средна температура (со малку масло ако е потребно). Печете палачинки од двете страни додека не станат златни.
Потпечени пица лепчиња Состојки: Леб (исечен на парчиња) Кечап Авокадо (смачкано) Тиквичка Печурки Кромид Маслинки Начин на подготовка: Прво го исеков лебот на парчиња за да добијам мали „пица лепчиња“. На секое парче леб ставив тенок слој кечап како основа. Потоа врз кечапот ставив смачкано авокадо. Тиквичката, печурките и кромидот ги исеков на тенки парчиња и ги додадов врз лебот. На крај додадов и маслинки за подобар вкус. Ги ставив лепчињата да се печат во рерна неколку минути, додека малку се потпече лебот и зеленчукот омекне. Кога беа готови, имаа многу пријатен мирис и вкус, особено поради авокадото и свежиот зеленчук.
