Kje bidam of topik Ama da prasham za Koj praznik e posti Sega Kolku trae do Koga trae?? Tuka nemam pravolavno kalendarche za da sledam se.izvinete za latinicata od telefon sum.
СВЕТОГОРКИ КОЛАЧ 10 лож.шеќер 6 лож.мармалад 250 мл.млака вода 1 кесичка цимет кора од лимон кора од портокал + сок од портокалот 100 г суво гројзе 500 г брашно 1 лажичка сода бикарбона 1 лажичка пециво Шеќерот и мармаладот се матат за да се добие хомогена смеса. Смесата се разредува потоа со млака вода и се додава цимет, кора од лимон од портокал , сокот од портокал , суво гројзе и полека со мешање со лажица се додава брашното измешано со сода бикарбона и пециво. Кога ќе се стави смесата во тава за печење со мокра рака се изедначува смесата. Се пече на умерена температура (зависно од шпоретот) . Испечен додека сеуште е топол се премачкува со мармалад па се посолува со шеќер во прав.
Слабо имам друштво на форумов за постење . Девојки дајте некој предлог солено јадење кое може да помине како ручек, се благо се врти. Денес ние имавме посно гравче. Со сува пиперка и пасиран компир како замена за запршка. Вечера беа посни тестенини со сос од лут кечап, оригано, маслинки и малку лук. Може да се додадат печурки, препорачувам. Утре е ден за риба Веќе се навикнав на посната храна, воопшто не ми паѓа тешко постењето.
А да направиш некоја комбинација на посни тестенини со риба и зеленчукова салата. Таман и ќе те освежи на жештиниве. А мене од посново најмногу ме најадуваат компири, сеа варени или како посно пире небитно. Од мое искуство, избегнувај луто, уште повеќе отвора апетит. И онака храната која се јаде периодов е лесна. Исто така, риба супер ми оди со салата со компир варен и кромид.
Знам, дека Теси не мислеше на јдење риба во време на пост без масло, но да си напишам. Постои погрешно мислење дека варена/печена риба може да се јаде кога се пости без масло. Тоа мислење е погрешно. Кога се пости без масло не се јаде ни риба, ни мекотели. Мекотели се јадат само во деновите кога се јаде масло. Рибата е „помрсна“ и од маслото.
^ Не сум знаела за ова, искрено. Секој ден, нова ука. Благодарам Ортофил што редовно ме исправаш, искрено се интересирам да научам да постапувам како што треба.
Спојлер Знам дека ќе сум оф,ама мора да си кажам.Не се пости ама немав буквално ништо од што да склепам нешто благо.Го направив точно по мерка...и не ми се допадна.Молчев си велам ај можеби само мене не ми се допаѓа,ама гледам и децава се мрштат. Можеби само вкусови се во прашање ?
^ Кај нас пак на сите им се допадна . Се погоди и во мекоста (бидејќи е без масло) и беше како сунгер, а најмногу ни се допадна што не изгуби воопшто од свежината и после неколку денови. Сигурно е прашање на вкусови. Додуша имаше и мала промена, па можеби и тука се погоди нешто. Половина од циметот го заменив со каранфилче и излезе потполно како оргинален рецепт на медено срце. Му фалеше само мармалад, за да биде автентично на оргиналниот рецепт за медено срце. Од нас има 5че рецептчето .
Мислам дека и оцетот игра голема улога, јас го имам правено со обичен оцет и не беше тоа тоа, балсамико си е балсамико. А и да, вкусови се во прашање. Мене еднаш два пати ми се нема погодено, ама обично нешто сум утнувала, или тавчето, ако е претенко е суво, или ете балсамикото, но воглавно е супер
Го правев со балзамико оцет.Јас дури и дупла доза направив,зашто моиве се по благо многу. Нејсе,нема да го правам повторно. И Серафима е во право ,вкусови се во прашање. :up:
Паштета од ореви Состојки -4-5 компира -250 грама мелени ореви -1-2 лажици доматно пире Се вари компир како за пире,се исцедува водата (но не се фрла да не притреба понатака да се додаде). Се пасира компирот и се додаваат оревите ,доматно пире,сол, бибер,кромид и лук. Сето тоа се блендира. Кој не сака доматно пире слободно може да го отфрли.
Serafima, обавезно ќе ги направам, не се сомневам во вкусот, само да те прашам од каде ги набави белите цветчиња над бомбиците? Да не бидам надвор од темата, иако без слика, ќе ги напишам моите омилени бомбици и благо периодов. Потребно е : -варена пченица; -суви урми, кајсии, смокви; -2 лажици посни мелени бисквити; -2 лажици мед; -малку мелени ореви; -за валкање кокос. Варената пченица, сувото овошје, мелените ореви и бисквити се ставаат во блендер. Откако ќе се сомелат и соединат, се мешаат со мед. По желба се додава и кокос. Се формираат бомбици кои се валкаат во мелени ореви или кокос. ПС. Немам прецизна количина од продуктите, ставам од око и по мој вкус, да биде балансирано. Здрава ужинка и десерт.
Не ја разлистав темава за убаво да видамдали некоја го има пишано истиот рецепт, а можда и сличен. Веќе неколку пати и јас правам посен колач без масло, кој моиве дома за една минута го растргнуваат, многу е брз и многу вкусен Потребно е: 10 слободни минути 2 чаши газирана вода 2 чаши шеќер 5 лажици мармалад 1 портокал(или кора од лимон), кората се ренда, сокот може да се исцеди во смесата Се додаваат 3 чаши брашно 1 лажиче сода бикарбона 1 лажиче пециво(ова јас си го додавам зашто поубаво ми збувнува тестото) 2-3 лажици сецкани(или мелени) ореви 1-2 лажици какао Најпрво се растопува со мешање шеќерот во водата, па мармаладот, настрана ги мешам брашното, пецивото, содата и какаото, и ги додавам со мешање во течноста, на крај ги ставам оревите, ќе дојде средно густа смеса, и се тура во помало тепсивче, отприлика 26ка или 28ка. Се печи некаде 15тина минути, се познава, одма замирисува и се одделува од работ штом е готово. Е сега јас одозгора го полевам со стопено посно чоколадо, ама тоа е прашање на избор, јас го направив и за славата и верувајте оти не остана ни едно парченце, зашто ептен беше сунѓересто и вкусно иако е тортуле без масло.Слики следен пат, ако стасам да го сликам
Здраво на сите Оваа нова година е во среда а бидејќи во среда не се јаде масло во овој пост размислувам што да зготвам како главно јадење. Дали вие имате некоја идеа?
Posnoto gravce mesto zaprska so kompiri nozes direktno so pasiran grav.Jas taka go zaprzuvam i koga ne postime.Toa mi e samena za brasnoto. Inace za rucek ako e za so zejtin mozes selsko od soja so suvi piperki..Ili bilo kakva kombinacija od soja.
кечапот купечки без масло е? во содржина не пишува масло.. незнам дали може да се јаде? А и макароните од Santela ?
