Конкретно во тој рецеп јас би ја заменила бананата со јаболко, праска, јагоди, малини итн итн Буквално можеш да ја замениш со што сакаш по вкус
Кога постиме без масло и алкохолот не е дозволен. Инаку зависи колку. Една чаша е во ред, ама повеќе, не е.
Девојки дали можам некаде да најдам соја? Знам дека ја тргнаа од продажба таа на виталиа, но не можам ниедна да најдам. Тоа може да содржи е бидејќи во исти садови/машини се прават и мрсни производи, а производителот мора да го напише во состав, бидејќи најчесто тоа се алергени. Во однос на оваа тема, мојот духовник вели дека не смее да се јадат такви продукти, тоа е исто во зејтин во кој претходно се пржело месо да испржиш пиперки и да речиш дека јадиш посни пиперки. Не знам за другите, ама откако ми рече така, многу внимавам и не јадам такви производи. Исто и за 'посниот кашкавал'. Содржи казеин, а тоа е протеин што го има исклучиво само во млекото и никаде на друго место. За замена, тофу.
@IRBBB Има во Тинекс, биокосмос https://www.e-tinex.mk/default.aspx?e=604449 http://www.biocosmos.mk/index.php?route=product/search&search=СОЈА
Јас па попрво би јадела нешто каде што пишува "содржи траги од млеко" отколку Тофу како замена за сирење. Која е финтата на постењето ако користиш замени како тофу, растителен кашкавал, растителен мајонез, веге шницли... Од што си се откажал? Од еден додаток во рецептурата. Прехранбен технолог сум и знам што значи "траги од млеко", машините се чистат меѓу два производи но полесно ни е да декларираме траги од млеко отколку да имплементираме милиони други правила . Во ресторани секако дека е скоро невозможно да се раздели посно од непосно, посебно каде што се пржи но во производството обично е разделено. И порано било така иако не биле трагите декларирани , сега инспекциите ги контролираат повеќе фирмите па наскоро ќе нема храна на која нема да има траги од нешто. А инаку прашањето си е на место, сум размислувала многу за тоа, и лично не чувствувам грев ако јадам нешто кај што пишува траги од млеко. Во врска со темата рецепти вчера постирав на Фемина инстаграм посни рецепти без масло. Намаз од авокадо Две авокада се пасираат, се додаваат три лажички лимонов сок, едно чешне сецкан лук, чили и црн пипер и сол. Пишува да се посипе со коцки од домати ама и не мора. Крекери за намазот: 150 грама Брашно се мешаат со 100 мл топла вода . Се додаваат сол и Ким (оригинален рецепт е со црн Ким не знам точно на македонски како е). Се замесува тесто, се покрива со фолија и да стои 30 минути. После се расукува тенка кора на еден плех, и се сече со нож за тесто на коцки 5х5 см или поголеми. Се пече 10-15 min на 200 (ако е со перка на 180) .
Посни палачинки 300 Г брашно, 1 пециво, 300 мл кисела вода и шолја за кафе зејтин , сол и шеќер Има рецепти каде се додава и сода бикарбона ама многу се прават меурчиња од неа. Натаму се е како за обични палачинки, со тоа што овие повеќе се кинат. Внатре може мармалад, мед, путер од кикирики и овошје. Овие на сликата им ставивме и прехранбена боја за да ми бидат полични.
Јас целосно Ве поддржувам и се сложувам со вашето мислење. Да не фарисејствуваме и да не претеруваме. За жал и во Македонија до ден денешен има луѓе кои леб немаат да јадат, а ние бараме траги од не знам што во производите и ги замараме другите со тие будалаштини. Ко не баре и на нашите тепсии не можеме да најдеме траги. Пред некое време дискутирав со еден чесен и почитуван свештеник, со солидно образование, но и пракса за постот со масло/без масло и другите фарисејштини. Ми раскажа еден пример, како кога бил на богословија, еден свештеник наставник, се запнал децата да постат цели пости без масло. Наставникот постел, ама како постел тој, а како постеле децата? Децата јаделе грав без масло и расол, а свештеникот “великиот испосник“ јадел печурки (кои во тоа време биле прескапи) и разни тропски овошја! Треба да постиме, ама посебно оние, кои имаат ниски примања, не треба да се занесуваат и да бараат траги од чуда во производите, ниту да постат без масло, освен можеби деновите кога се подготвуваат за света Причест. Оти Господ дојде да го спаси светот, а не да ни донесе нутриционистички правила.
Види, погоре членка имаше поставено прашање и јас го одговорив ставот на мојот духовник, кој што го почитувам неизмерно. Пробувам да се придржувам на тоа што тој ми го кажува, а кој како сака нека си прави. На крајот, постот треба да се помине скромно, со овошки и зеленчук, не со тартуфи. И се разбира, пред сѐ, најважен е духовниот пост, после телесниот.
Сестро, ако имате услови - не јадете. Но, немојте да наметнувате такви работи на оние кои ги немаат. Трагите на нешто, ниту не` приближуваат, ниту не` оддалечуваат од Бога. Ако не знаете, нашите стари, течностите (вино, масло и слично) ги чувале во воловски мевови. Зарем во тоа масло немало остатоци од волот?
Темата е повеќе духовна од нутриционистичка. На крај, како ти се чувствуваш како верник додека следиш некое правило е најважно. Пример јас во тој период ни цигари пушам, ни алкохол, нит лото уплаќам... Познавам луѓе кај што со дозвола на свештеник за време на пост пијат јогурт или јадат сирење ... се е до тоа што ти го чувствуваш како грев. Да не должиме, темата е со рецепти па еве уште еден од мене : Крокети од палента: Коцка супа (од зеленчук) а може и вагета се става во 750 мл вода , кога ќе зоврие се додава палента 150гр. Се додаваат предходно подготвените: 1 чешне сецкан лук, рузмарин, лажица маргари, црн бибер,сол се меша и се истура во сад да се излади (стврдне) така што да не е подебело од 2 cm. Во меѓувреме се мешаат темјан, рузмарин , вагета и црвен пипер (во рецептот имаше и пченично снегулки ама јас не ставив). Кога ќе се стврдне палентата се сече на ленти, 1-2 сантиметри широко и 4 -5 долги се валка во смесата од зачини и се редат на плех со кујнска хартија. Се печат 15-20 мин на 180 степени. БЛАГО ЗА ВРЕМЕ НА ПОСТ: Печени јаболка со ореви и мед
@Cka баш прееска во веро барав, не најдов ништо посно. Ако успееш да најдеш, сподели инфо. Еве рецепт за американски палачинки. Го пробав, превкусни испаднаа. https://sezahrana.mk/посни-американски-палачинки-со-рум/
Најдов еден рецепт за посен крем/шлаг: https://bloomingnolwenn.com/vegan-nutella-recipe/ Мене бидејќи веќе ми беше во фрижидер кокосовото млеко и беше стврднато како крем, само ја растопив чоколадата и ја ставив во кремот и измешав, доаѓа баш како шлаг, а кога ќе отстои во фрижидер е како потечен еурокрем
