Постев за Богородица, а ќе пробам и сега.Никогаш не се заречувам.Колку издржам толку.Се обидувам да издржам,па ќе видиме.Сакам да си постам а и со постењето ќе ми се исчисти малце организмот,така ќе држам и диета и ќе ослабам. Инаку мислам дека сенфот е мрсен ама не сум сигурна.
Сега во петок смее риба или несмее? Серафима нека ни појасни најубаво Сама да се редактирам, во меѓувреме прочитав што пишала Серафима во темата Пост, напишала риба само на св.Благовештение и Цветници, и ги видов датумите во црковното календарче- св.Благовештение 7 април и Цветници 28 април.
Здраво девојќи Сакав да ве известам дека во маркетите на Тинекс има доста посни работи и еве ви го оставам каталогот http://tinex.com.mk/mk/Home/Actions/2-akcii а да..во каталогот има и неколку рецепти..и интересни се
може да си направите пица посна со маслинки кашкавал посен кечап печурки оригано и др.. посно што ке ви притекне да си ставите
Неможам без млеко,и не постам.Ама еве интересна салатка,која често си ја припремам. Туна салата: -тестенини(ситни или макаронки) без јајца -1 кознерва туна сецкана -кечап Подготовка:Додека тестенините се варат според упатството на кесичката во тава на оган ставете ја туната од конзерва и пропржете ја.Потоа додадете и кечап и промешајте.Кога тестенините ќе се сварат процедете ги и ставете ги во длабок сад.Во нив исипете го сосот од тавата и промешајте.Пријатно!
нели туната/рибата се јаде само за празник т.е на цветници? гледам на каталогот тинекс се е туна и паштети од туна, а гледам и бајадерата во посни ја ставиле? како нема млеко во неа? во сите мусли има млеко/ пишува може да содржи траги од млеко
Ова предјадење ми е омилено кога постам. Потребно за двајца:160гр макарони од они без јајца ,120гр конзервирани печурки ,200мл доматно пире или домашен сос од домати,1 морковче,четврт кромид,марданос,босилок, мелен црн бибер,10 мл маслиново масло ,лук во прав и сол по вкус. Подготовка:Макароните ги ставаме во вода да се варат.Водата треба да врие кога ќе ги ставите.Во истата вода додека се варат додадете една лажичка сол.Во мегувреме во тава на оган ги додаваме маслото,ситно сечканите морков и кромид да се попржат додека да омекнат.Потоа се додават и печурките и доматното пире.Се остават малку да покрчкат,од прилика 5 минути.И на крај се додават ситно сечканите магданос и босилок,црниот бибер и лукот во прав.Ви препорачувам во сосот да не ставате сол ,бидејќи макароните ќе се веке солени од водата во која се варат.Откако макароните ке се сварат ,се цедат од водата и се додават во тавата кај сосот.Се промешува со лажица и се сервира.За декорација попрскајте повторно малку од магданосот одозгора .
Не знам,може е стара финтава, ама ете јас сега ја дознав за посни благи. За сите благи со јајца што се мајка ми ги прави со банана место јајца, една банана заменува две јајца... Јас не сум ги пробала,татко ми како дегустатор тврди дека му се поубави вака,него ли со јајца.
Полнети пиперки со трошки од соја и ориз, скоро им е исти вкусот како со месо. Ориз со печурки Макало со варен компир, варени суви пиперки и праз. Посна пица со кечап, маслинки, печурки, пиперка (по можност лута), младо кромитче и пченка (шеќерац) ама не од конзерва туку онаа смрзнатата во кесичка.
Морам да ги пофалам колачиве, не се стандарден сникерс, но се преубави, ги правев за Младенци и не погрешив. До сега немам правено благо со алва и малку бев скептик, ама не само што се вкусни туку се и лесни за правење. Толку се ровки, сочни, не се како посен сникерс.
Посно благо - кадаиф, може да се јаде и преку недела и за викенд, јас купив готов кадаиф, во составот пишува дека е правен од пченкарно брашно и вода, за шербетот оди 1 л. вода и шеќер 1 кг., но јас ставив 850 гр., да не дојде преблаго... вака спремено може да се јаде и преку недела, а доколку сакате за викенд може и да се додаде една лажица маргарин во шербетот, така пишува на упатството, но јас не ставив за да може да се јаде и преку недела, бидејќи постам без масло... Дали некој од вас си прави кадаиф за време на постот?
А можеш и да додадеш суво грозје и оревчиња на пример, кога го распоредуваш кадаифот во тавчето... Една идеја плус
Па овој е готов, испечен, само шербетот се прави, но може одозгора да се стават суво грозје, оревчиња, ф`стаци...
Moжеби прашањево ми е глупо, ама кечапот без масло е или? Го читав составот на тој од витаминка никаде не пишуваше масло, ама пак да прашам за сигурно.
Ако не пишува, значи без масло е... ако има табела види дали има наведено масти, но не би требало, кечапот колку јас што знам е без масло и јас си јадам за време на постов
