Пост

@Mr.Limonko јас си имам духовник и си исповедам редовно и пред секој пост си зимам благослов...
@Bitter-Sweet секој е човек е различен и во моменталната негова состојба свештеното лице му кажува како треба да пости..

 

Мило ми е.. Имам и јас ама тоа не ми е пречка да читам и да се едуцирам и од други извори, плус се проверувам во Библијата, и не одам за секоај ситница да го прашувам што како прво сам се трудам да видам дали можам информации да најдам.

Ајде сега сите ќе отидеме да прашаме како да постиме сигурно сме многу повеќе луѓе од свештеници и треба на секој посебно како нутриционист да му се објаснува.
Тоа е постот за сите ист, пости со храна, пости со душа, труди се, па кој колку може..
Не е ова диета и сигурно ако кажеш поради тоа и тоа не можам така да постам дали може вака ќе ти каже дека може.
Разбирам некој прв пат да пости не му е јасно и да праша или таа година е болен од нешто или бремена жена.. Ама за секој пост да одиме и да прашувам "како јас да постам?". Тие што постат секоја среда и петок, вторник и четврток мора да одат да прашаат како да постат?

Ако ти е поубаво да одиш и да прашаш прашај никој нема да те врати, ама не треба сите да одат и да прашуваат, не сме многу различни..

 

@Mr.Limonko може на своја рака да посте, но доколку се причестува мора да земе благослов од свештено лице.
Вон 4те пости, среда и петок се знае дека треба да се посте и како.

 

Ако постот не го менува нашиот однос со ближниот, тогаш тоа не е пост.
Ако постот не нè прави скромни, тивки и милостиви, тогаш само сме го промениле нашето мени, а не и нашиот живот.
Бог не бара полни трпези, туку бара чисто срце.
И затоа, кога постиме - да постиме вистински.
Не само со устата, туку и со мислите.
Не само со трпезата, туку и со животот!


Пост е кога ќе ги видиш своите гревови,
па од болка не можеш да јадеш!

 

Како се пости на водокрст кога ќе се падне во Сабота или Недела.

Во недела, на 18 јануари, Црквата го празнува Водокрст, денот посветен на светите маченици Теопемт и Теона, а воедно тоа е и навечерието на големиот христијански празник Богојавление – Водици.

Во црковната традиција, овој ден обично се пости строго, без масло – пост кој во народот е познат како „нејатка“, како знак на духовна подготовка за празникот на јавувањето на Света Троица на реката Јордан.
Но, оваа година Водокрст паѓа во недела.

Имајќи предвид дека во јавноста, а особено на социјалните мрежи, веќе се појавуваат поуки и објави од поединечни „познавачи“, кои тврдат дека во недела, на Водокрст, треба да се пости строг пост (без масло), со должна почит, мора јасно да се каже дека таквото поучување е канонски неточно и претставува сериозна грешка.

Светите канони на Православната Црква недвосмислено забрануваат строг пост во недела, бидејќи неделата е ден на Воскресението Христово, ден на радост, евхаристиско заедничарење и благодарност, а не ден на аскетска жалост.

Ова е јасно изразено во: 66. Апостолско правило (Толкувањето на епископ Никодим Милаш):
„Ако некој од клирот пости во НЕДЕЛА или во САБОТА, освен една единствена сабота – Велика Сабота, нека биде расчинет; а ако е лаик – нека биде одлачен (исклучен од Црквата).“
Ова апостолско правило: се однесува конкретно на строг пост и важи за сите времиња и сите постови.
Па така, кога Водокрст паѓа во сабота или недела, постот не се укинува, но строг пост (без масло) не е дозволен, туку постот се ублажува (се допушта масло но не и риба), во согласност со канонскиот поредок на Црквата.

Затоа, да внимаваме од површни и самоволни толкувања, колку и да изгледаат „побожни“, и да се држиме до преданието на Црквата, кое не нè води во крајности, туку во вистина.

Нека Воскресението Христово, кое секоја недела го славиме, биде мерка и за нашиот пост и за нашата вера.

 

Дали треба да се исповедаме и да земеме благослов пред започнување на велигденскиот пост?

 

Колку што знам, треба да се побара благослов од отец....да.

 

Благослов за постење ни дава Црквата! Уште повеќе Велигденскиот Пост е пропишан со светите канони и сите треба да го постоиме. Нема потреба пред секој пост да се бараат благослови, но пред Причесна треба.

 

А зошто нема потреба да не се зима благослов пред секој пост?

 

Затоа што нема потреба и да се зема благослов за да се оди в црква секоја недела, или да се бара благослов за добро дело.
Постот и одењето в црква се подразбираат за секој христијанин. Благослов се бара за работи за кои не сме сигурни дека се добри и корисни за нашето спасение. Не се бара благослов за работи кои се пропишани од Црквата како задолжителни за секој Христијанин.

 

На мене ми кажа духовникот дека пред секој пост да земам благослов од него.

 

Исто и јас. Земам благослов за постење пред секои пости и секако после исповед за причест.

 

Да си земате слободно. Ништо лошо во тоа нема, ама нема ни потреба. А, пред Причесна задолжителни се благословот и подготовката.

 

Дали за време на велигденскиов пост од понеделник до петок кога е без масло може да се конзумира растително млеко, од бадем, овес или соја. Исто така дали смее таан, како и путер од кикирики?

 

Таан смее. Путер од кикиритки, растителни млека, не знам. Ако не пишува дека имаат масло смее. Ако не можете без нив, слободно јадете и пијте ги.

 

Мене ме интересира дали може да се јадат маслинки и супа од кесичка?

 

За маслинки знам дека смее.
Јадат за време на пост.

 

Јас бидејчи редовно си пијам омега 3, дали за време на пост да ги прекинам??

 

Свештено лице ќе си прашаш, бидејќи само тие правилно ќе ти кажат, тука едни едно ќе ти кажат, други друго ќе ти кажат.

 

Да не ги прекинуваш ако имаш потреба да ги пиеш.