Пост

Јас не го прашав мојот духовник, пријателка го прашала нејзиниот, и и рекол без масло иако е празник.
Како и да е, и да ми кажеше со масло, јас ќе постев без и онака утре ќе се причестам, па затоа си сакав оваа недела без масло.
Секако и цел пост без масло го постам освен викенди и празници.
Денес постев без масло.

 

Молитвите пред светата причесна: https://blagovesti.wordpress.com/2013/04/19/molitvi-pred-svetata-pricest/
Молитвите по светата причесна: https://blagovesti.wordpress.com/2013/04/22/molitvi-po-svetata-pricest/

Во саботите и неделите секогаш се јаде масло, освен во Великата и Дтрадална Сабота. Некои и пред причесна во сабота не јадат масло и тоа не е за осуда.

Според Ерусалимскиот типик празникот на светите 40 маченици се префрла за денес (сабота). Па вчера не беше разрешено на масло.
Според типикот на Великата Црква (Цариградскиот) празникот беше вчера, но со изричита забрана ако падне во првата седмица од Постот масло да не се јаде.
Владиците ако разрешиле - разрешиле, имаат власт и месо да разрешат, ако сакаат и нема да е грев, но сепак тоа е во спротивност со постоечките типици.

 

Точно така и кај нас кажаа штом е во првата недела од Великиот Пост не се јаде масло,но најбитно е во постот да не јадеме живи луѓе

 

Јас првата недела постам без масло до причесна. А после тоа продолжувам со масло... Дали е тоа во ред ?

 

Многу убав текст:

Овој пост обиди се…

Овој пост обидете се да бидете малку помеки со оние околу вас.
Пости од храна, но пости и од лоши зборови, однесувања и мисли.
Овој пост обидете се да се борите со малку повеќе чест. Нема смисла да се обидуваш од една страна и да кукаш и да се жалиш од друга.
Овој пост, обидете се да простите. Простете повеќе. Љубовта секогаш поминува низ простување.
Овој пост обидете се да не очајувате. Не очајувајте од ништо. И што и да се случи, прифатете го со убедување дека Бог добро го одмерил...
Овој пост, не заборавајте да се радувате. Бидете многу среќни. Затоа што секој долг пат, секоја борба, секој Крст секогаш завршува со Воскресение!

Среќен пост браќа.

Психолог Елефтериадис Елефтериос

***************

Во ред е.

 

Целосно е во ред. Само и на Велика Среда, Велики Петок и Велика Сабота да си испостиш без масло, ако не можеш цела последнаседмица.

 

Зошто спротивно? Нели и самиот кажа дека владиците можат да разрешуваат?

 

Брате, спротивно на типиците! Ни Иерусалимскиот, ни Цариградскиот ТИПИК не разрешуваа масло вчера. Сепак владиката е над типикот. Владиката може да воведе и пост и мрс.
Типикот е книга, која се занимава пред се' со распоредот и начинот на богослужење. На маргините од истиот пишува како да се пости.

 

По МПЦ-ОА ли треба да се видеме по типикот или по Ерусалимската или Цариградската?

 

А на некој производ ако пишува можно е да содржи траги од млеко?
Скоро на сите пишува така, па и на некои грицки, јас и така постам без масло освен за викенди со масло, и ете ќе не можам ни грицки за викенд.
Или така пишува за оние што се алергични на лактоза?

 

Мене ко што ми имаа објаснето, тоа е поради тие што имаат алергија на одредени продукти (јајца, млеко, јатки), за да ги заштитат и нив и самиот производител да се заштити себеси од тужба, бидејќи на една лента во производството може да има и мрсни и посни производи. Слободно јади.

 

Ние се водиме според МПЦ-ОА-ЈП, а таа се раководи според Ерусалимскиот и Цариградскиот типик. И двата ги има издадено со благослов на САС.

Не плашете се од трагите, не треба да се претерува и во постот.

 

Да, и јас тоа така го сфаќам, дека пишува така за тие што се алергични.
Ти Благодарам.

 

Епа ако велиш така дека МПЦ се води според нивниот типик зошто е различен?

 

Брате патот по кој што си тргнал - пребивање во целосна послушност и доверба кон свештенството е прекрасен. Затоа, да си го прашаш духовниот отец да ти објасни кои се типиците, како настанале, која е историјата позади нив итн, итн, итн. Откако ќе ти објасни те молам да се вратиш и да ни раскажиш и нам.

 

Дали во текот на постот ако добијам циклус, продолжува постот исто или како?

 

Продолжува исто, нема никакво влијание.

 

Првата недела е постев без масло. Се причестив. Втората со масло и се до денес постам.
Дали може да го прекинам постот или тоа е грев дека причестена ? Незнам дали ќе можам да продолжам.
Готвам мрсна храна за дечкото многу внимавав до сега , масата на два дела ја стравував пола мрсна пола посна и на допир и на се внимавам. Али имам малце потешка физичка работа мн кревање денес се преморив физички исцрпена сум незнам дали ќе можам да додржам вака. Што мислите ? Совет ? Дали е грев ако го прекинам постот ?

 

Не е грев. Постот не треба да биде измачување, оправдано е во некои околности, меѓу кои и тешка физичка работа, да не се пости, да се ублажи постот (од строг пост во пост на масло) или да се прекине.

 

Никогаш, грешнику, поскапи солзи нема да те исплачат, ниту жив, ниту мртов. Никогаш ни мајка ти, ни жена ти, ни деца, ни татковина, никогаш нема да те платат поскапо колку што те плати Христос Спасителот.

- Свешт. мач. Антима Пергамски.