Потреба за освојување на жени - дали ова е психолошки проблем?

Имав поранешен партнер, кој беше опседнат со фактот дека мора да ја освои секоја жена која ќе му падне во око. Макар една вечер да излезе со неа, ама ептен беше опседнат со тоа. Прво мислев дека се работи за его до плафон, ама од денешна перспектива мислам дека можеби е тоа некој психолошки проблем. Дали навистина постои такво нешто во психологијата? Беше ок со мене, додека не ме освои, а потоа почна да го покажува вистинското лице и првиот пат кога не направив како што очекува, кога виде дека го менувам однесувањето, ми рече дека сум имала комплекси, по што го откачив, па следеше напразно молење, понижување, па одмазда во смисла да ме направи љубоморна. Дали е тоа его, себичност, или психички проблем или можеби три во едно?

 

Мене ми делува како нарцисист.

 

Па ако мисли дека секоја една може да падне на неговиот шарм, карактер итн. повеќе би рекла дека е самобендисаност во прашање.

 

Психолошки проблем си има и мисли дека ако успее да освои разни женски дека е нешто битен дека е некој и нешто дека него го приметуваат. Најчесто такви типови се најискомплексирани мажиња .

 

Ја тука гледам само машко его а тоа уште не се смета како пореметување ама е опасно за околината од кое било пореметување.

 

Јас мислам дека станува збор за многу несигурна личност во себе и своите можности и мора да се докажува преку освојување на внимание. Го има ова и кај женскиот пол, не е родово ограничена состојба.

 

Зошто мислиш опасно за околината? Јас навреме се откачив, ама тој самиот себе најмногу си наштети со тоа, фати, искористи, па фрли. Денес е во врска со една жена која е со него поради пари. Од топ девојки падна на грди жени, со секакво минато, од тоа летање во облаци. Јас бев искомплексирана оти не бев либерална на тие години, не можеше да ме манипулира. Мислам дека ваквите луѓе си прават најголема штета себеси на крајот. Кој е свесен се трга од него.

Од тоа освојување демек, знаеш во која крајност отиде, беше со мене во врска, па се муваше со една другарка која ја откачив, оти озборуваше, па оттука со нејзина братучетка, а се дружи вујко им, демек другари се. Која катастрофа и немање осет. И по 4 години од раскинувањето откако ги направи овие куп глупости, уште ме праша дали уште имам лошо мислење за него. Фујјј, која самодоверба поткрепена со ветер и магла. Кога одговорив дека не мислам на тоа, се обиде да ме навреди индиректно.

 

Психопат ...

 

Го има истиот психолошки проблем како оние само невина што бараат за жена.

 

Си набиваат синдром на помалку вредност и се прават за да и се покачи самодовербата односно мислат дека сите женски се нивни а бараат невина жена за во брак.

 

Се преиспитував долго време, си велев ете ме молеше, се понижуваше, може му беше жал, можеби имаше искрени намери, да не згрешив, но времето покажува кој колку вреди. Со еден збор, бедник. Јас да бев на местото на другар му, кому му ги користеше внуките за мување, ќе го отерав фино во пм, оти за таму е. Сепак, луѓе сме, не сме животни, и треба да имаме некои граници, ама кај него ги нема. Кога по 4 години сакаше да се ми се врати, ооо боже, си реков човекот е луд, да луд е, добро е што интуицијата ме упати да го откачам навреме. Навистина психопатски е тоа што го правеше. Сега е со една стара тетка, си тепаат време. Сите го откачија.

 

Дечкото дефинитивно пати од ниска самодоверба и дали воопшто ја има.
За мене надвор од умот е да си мислам дека на секој ќе му се допаднам или ќе му бидам привлечна или пак мене некој друг тоа е невозможно.
И јас кога ќе застам пред огледало самата на себе си се допаѓам витка висока згодна симпатична но за да му се допаднам на некој не е само физичкиот изглед во прашање за да бидеш компатибилен со некој треба многу повеќе,каде е тука хемијата и харизмата?
така да нека си тепа филмој дечкото .
И јас бев во подолга врска додека студирав на факултет со дечко со сличен карактер,во ноќните клубови низ град изиграваше некој мангуп ги организираше студенските забави и секогаш се понашаше како ниедна студентка неможи него да му одолее ок само ИГНОР.
Ќе си потрчнеше како кученце пак,врската страдаше заради неговото понашање така да потполно те разбирам.
Завршивме и двата со факултетите секој во својот град си беше никогаш не престана да ме бара дури ни кога бев послем него во долга врска .
Понекогаш ми беше криво што не ни успеа беше врска со голема страст и труд и покрај неговите групирања но тормозењата со таков човек дефинитивно не ти требаат ни на тебе ни на ниедна друга девојка...

 

Тоа ти се особи кои немале близок однос со мајката кога биле мали, или па уопште и ја немале.

Исто и кај жени е.

 

Јас мислам има мн самодоверба и сака се да биде како тој ќе каже. Затоа и го променил мислењето за тебе после твојата оправдана промена на однесување. Сака да бидеш како тој што ќе сака. А ние жените не сме баш програмирани на тој начин. Мисли дека секоја може да биде негова и колку сака да биде со неа. Мака му било на крајот што не може да те откачи кога тој ке сака,затоа што сака да управува со жените на негов начин.

 

За тоа и зборував сега, мисли кога сака може да те има. Бедно, многу бедно.

 

Јадни ми се такви луѓе . Без разлика дали се мажи или жени , јадни се . Тоа вришти од комплекси , тоа вришти од желба за внимание . Разбирам јас и нарцисоидност , и за себе да имаш нај нај мислење , ама да тврдиш дека цел еден град само тебе те сака е .. јадно . И јас имам висока самодоверба , и сум си убава на себе во огледало , па и на многу момци сум им била убава , сум ги приметувала нивните погледи и слично , ама јас ниту се фалам со тоа , ниту пак урлам каде и да се појавам само за некој да ме види и да бидам центар на внимание . Баш напротив . Секогаш сум тивка , пристојно облечена во склад со пригодата каде одам , никогаш не сум зборувала / не сум се смеела гласно , да на соговорникот му пукне ушното тапанче .. па пак сум била приметувана .

Тешко на тој што ќе има работа со ваква личност . Тврда му душа .

 

И јас сум забележала такви луѓе. Кога минува некој што го сакаат неговото внимание се исмејува на глас и сите го примеќаат. Само мене не ми е смешно ништо, дека сам со себе си се смее. Или гласното говорење како што кажа ти. Да не заборавиме на луѓето кои потценуваат други за себе си да се издигнат, тие ми се најгадни..

 

Од вакви подалеку , само нерви ќе си откорне човек . Имам искуство со девојки ( некогаш ми беа другарки ) и верувај , понекогаш се чудев како и зошто ме споил универзумот со истите . Апсолутно немав допирна точка со нив . Тоа смеење гласно ми ѕвони во ушите до ден денес . А јас како теле ја гледам и се чудам што и е смешно .

 

Јас во маало со една комшика, од мали заедно. Си играме на улица помине некој таа почне со глупостите, за да се даде до знаење дека е тука... И ден денес си е таква. Ја одбегнував сега не сум во можност ни да ја гледам, беа ми кажале била бремена ја запросил дечко и. А најинтересното ми е што девојките што се дружеле нели со дечковците викаат никаде не ја носи од таа причина што не знае да се однесува во друштво само глупости треска. И остана таква, тоа е има луѓе се раѓаат такви...

 

Алал да му е на дечкото што може да ја издржи . Јас искрено , не би можела да сум со таква личност . Живци треба за тоа . А јас сум со краток фитил .