Најтешко болен е тој што не знае дека е болен и следствено – не бара лек. Така и оној којшто постојано гледа во туѓите гревови и туѓите падови, а на своите не ни помислува. Епископ Партениј, Игумен Бигорски
Чудна работа е тоа: човекот се гнаси од својот брат ако е беден или нечист, иако е човек како и тој, а Господ како чедољубива мајка се ни простува и не се гнаси од ниту еден грешник, дури му го дарува и Светиот Дух. Старец Силуан
„Секој што се воздига ќе биде понижен, а кој се понижува [заради Христос] ќе биде воздигнат“ (Лука 18, 14).
НЕДЕЛА НА ПРОСТУВАЊЕ (ПРОЧКА) О, колку е страшно да не им ги простиш гревовите на ближните! Дали знаеме што се случува во нивните срца? Можеби тие со солзи се каат пред Бога за навредата што ни ја нанеле, а ние, не сакајќи ништо да знаеме, грубо и безмилосно им одбиваме прошка. Сети се како Господ простуваше, како му прости на разбојникот на крстот, како им прости на цариниците и блудниците кои со солзи му ги измија нозете. И често сме немилосрдни, често тврдоглави, не им простуваме на ближните. Свети Лука Кримски
Ако ти се допаднала лажната сладост на гревот, тогаш допрва ќе ја вкусиш и горчливоста на лекот. Старец Петрониу Танасе
Запомнете: со нас ќе биде само она што Господ го одредил. „Што не можеш да помогнеш, она што не можеш да го промениш (животни околности) - не грижи се за ништо; грижи се за гревовите. „ Запомнете: со нас ќе биде онака како што Господ одредил. „Верувај во Божјата Промисла - не измислувај ништо, живеј - како што Бог ти дал и биди она што си; чисти се од страстите колку што можеш, моли се, почитувај ги заповедите, покај се. „ Мисли: Го сакам она што Бог го сака.„ Преподобен Симеон Желнин
Нема страст која не се надминува. Страстите се надминуваат со правење на добродетели. За секоја страст постои добродетел со која се надминува истата. Постојат 280 добродетели. Дедо Хрисант Бигорски
Кога непријателот ќе ти каже „Изгубен си, повеќе не можеш да се спасиш“, ти му кажи..''Јас го имам мојот долготрпелив Бог, затоа не очајувам за моето спасение…“ Свети Ефрем Сирин
Ако не можеш да ја кажеш вистината, не си обврзан да кажeш лага. Помеѓу вистината и лагата постои премин: молчење. Старец Пајсиј
Немилосрдниот човек е несреќен, бидејќи неговото срце никогаш не почувствувало радост од добри дела и милостина. Не разбрал дека вистинското задоволство лежи во љубовта кон ближниот. Не разбрал дека давајќи им на другите собира Вечно, неисцрпно и вистинско богатство, со кое единствено го стекнуваме Царството Небесно. Свети Нектариј Егински
1. Што знаеш - молчи. 2. Што слушнеш - молчи. 3. Во туѓи разговори не се мешај. 4. На прашања одговарај, но не зборувај многу. 5. Што сакаш да направиш - смисли со молитва, а по луѓе не разгласувај додека не се случи. 6. Не им зборувај на луѓето за нивните недостатоци. 7. Те навредиле - премолчи. 8. Неправедни се кон тебе - изјасни се тивко и смирено. 9. На се гледај - како Бог сака. Се што се случува е Негова Воља! Секогаш потсетувај се на Бога, Мајката Божја и моли се. Св Филарет Дроздов
„Еве еден од најкратките патишта кој што води до простување на гревовите“, зборува Св.Јован Лествичник, имено: „да не судиме! Доколку не судите и вам нема да ви биде судено“ (Лука 6:37) -Еве го патот на спасението без пост, без бдеење и без многу труд!“ потврдува Св.Атанасиј Синаитски. Тој раскажува како очевидец на настаните, како еден брат кој бил мрзлив, при својата смрт видел како неговите Ангели за една негова доблест- затоа што никогаш никого не осудувал-го искинале списокот на сите негови безаконија и ја исполниле неговата душа со небесна радост, при нејзиното излегување од неговото тело. Воздивни при грешките на ближниот за воедно со тоа да воздивнеш и за себе; затоа што сите сме виновни заради нашите гревови и подлегнуваме на казна. Св Нил Синајски
„Не откривај го туѓиот грев заради свое оправдување, зашто благодатта што те покривала до сега веднаш ќе ги открие твоите гревови. Колку што го покриваш својот брат од љубов, толку многу милост те грее и те чува од човечка клевета“. Свети Јосиф Исихаст
"Колку се во заблуда луѓето кои бараат среќа надвор од себе - во далечни земји и патувања, во богатство и слава, голема власт и наслади од овој свет, во задоволства и нешта кои за свој крај ја имаат горчината. Да се гради тврдина на среќата надвор од сопственото срце, прилега на градење дом на место кое често го тресат земјотреси. Среќата се наоѓа во нас самите и блажен е оној човек кој тоа го научил." - Св. Нектариј Егински
Кога внимателно ги слушаш советите на отците, не бивај судија на нивните дела, туку труди се нивните поуки да ги разбираш и проучуваш. Преподобен Нил Синајски
„Кога луѓето би знаеле колку брзо ќе бидат заборавени, би престанале да живеат за да ги импресионираат другите. Свети Сисој Велики
„Ако трпиш болест, студ, маки, укор, потсмев против твоја волја, сети се на Царот, без чија волја и знаење ништо не се случува. Бидејќи Тој го дозволи ова, ова е најпотребно - најдоброто за вас. Молете се често „Да биде волјата твоја“. Затоа, отфрли ја својата волја, потчинувајќи ја на волјата Божја“. Архимандрит Серафим Розенберг
Човекот, кој вистински верува, тој мора секогаш и насекаде да биде подготвен да покаже поголема љубов од љубовта што е покажана кон него, да биде подготвен да прости повеќе од она што му е нему простено, или да покаже поголемо сострадание или милосрдие од она што другите го покажале кон него. - г.г. Стефан
