Доколку не си радосен, што и да сториш, дури и твоето покајание и твојата љубов нема да бидат вистинити. старец Емилијан Симонопетриски
Кога извршувате заповед, очекувајте искушение, бидејки Љубовта Христова е тешка. Преподобен Серафим Саровски.
Почесто принесувајте ги своите деца во храмот Божји за причестување со Светите Тајни, - тоа е духовна храна, тоа е лек за сите душевни и телесни болести. Свети Јован Златоуст.
Крштението не му ја одзема на човекот власта над самиот себе и слободата на изборот, туку му дарува слобода со својата волја да се спротивстави на тиранијата на ѓаволот. - Симеон Нов Богослов
Кога се бориш со некоја своја страст не биди малодушен, туку предај Му се потполно на Бога, обраќајќи Му се со сето свое срце: “Боже, јас не можам ништо против оваа страст; помогни ми, Ти се молам, - и ќе се успокоиш. Преподобен авва Исаиј
Христијанин без да оди во Црква, без молитва, без исповед, без Света Евхаристија (Причест) е неоградено лозје, на кое во секој час му е отворена капијата за крадци т.е. демоните за да го растурат. Старец Харалампиј
Дури и ако братот што паднал во искушение не престанува да зборува зло против тебе, не дозволувај лукавиот демон да те отстрани од состојбата на љубов и да ти ја помати мислата. Тоа нема да се случи ако, кога те хулат благословуваш, кога говорат зло против тебе молчиш, кога те клеветат ја сочувуваш добрата волја. Таков е патот кон љубомудрието во Христос. Кој не тргнал по него, нема да се насели во Христа. - Св. Максим Исповедник
Ако луѓето знаеја дека за секој збор ќе бидат повикани на одговор на Судниот Ден, светот ќе замолчеше. Схиархимандрит Илиѝ (Ноздрин)
Ако срцето не се стопли со љубов, тогаш христијанинот нема никаква корист од неговата побожност. Св. Тихон Задонски
Те молам, сине мој, немој никогаш да осудуваш, никого. Сети се како Христос на прашината ги напиша гревовите на оние кои сакаа да ја каменуваат жената фатена во прељуба. Варди се да не се заразиш со туѓиот грев но сожали се на човекот кој е заразен. Можеби не се кае, можеби е злобен и сака да ги зарази намерно и другите, но сожали се зошто тој умира. Немој да осудуваш зошто како судиш така и Бог ке ти суди. Свети Гаврил Грузијски
“Суштината на молитвата е смирението. Ако дозволиме да се пројави гордоста - истече животот од нас.“ - дедо Наум
Кога ќе се венчаме, тоа мора да го правиме и за Бога, не со намера да добиеме богат имот, туку да најдеме во сопругата благородништво на душата, не многу пари и славни предци, туку доблест и кроткост на моралот. Треба да земеме придружник во животот, а не учесник во гозбите. Свети Јован Златоуст
Кога ќе умреш, не се грижи за твоето тело… Твоите роднини ќе направат што е потребно, зависно од нивната можност… Ќе те соблечат… Ќе те измијат… Ќе те облечат… Ќе те земат од дома и ќе те преместат на твојата нова „адреса“ на гробот… Мнозина ќе дојдат на твојот погреб за да се збогуваат со тебе… Пријатели… Роднини… Твоите објекти, дури и оние кои не ти беше драго да ги позајмуваш, ќе бидат раздадени на оние кои што остануваат овде… Твоите чевли… Твојата облека… И биди сигурен за ова… луѓето ќе престанат да плачат за тебе… Животот за нив ќе продолжи… Сè што си заработил, ќе оди кај твоите наследници… или ќе се растури како правот… И да не мислиш дека постојано ќе те споменуваат… некои можеби никогаш. Други ќе се сеќаваат… Некои ќе те заборават… Твоите фотографии ќе останат некаде на видело некое време или ќе продолжат да стојат убаво на мебелот но потоа ќе бидат чувани на дното на една фиока… и потоа заборавени… Големата болка во твојот дом ќе трае една недела, две, еден месец, два, една година, две… ќе ти носат цвеќиња на гробот а потоа ќе останеш сам… Зашто секој ќе си го продолжи секојдневниот живот… Одвреме навреме ќе соберат сеќавања и потоа твојата приказна ќе се заврши… ќе бидеш заборавен… Заврши меѓу луѓето, заврши овде, заврши во овој свет… Но твојата приказна ќе започне во твојата нова „реалност“… во твојот живот после смртта… ќе патуваш со она што си бил и си имал душевно… Твојот живот и сè она световното ја изгубија вредноста која ја имаа овде – Тело… Убавина… Надворешен изглед… Презиме… Положба (состојба)… Банкарска сметка… Дом… Автомобил… Семејство… Во твојот нов живот ќе имаш потреба само од твојата душа… А вредноста која си ја заработил овде ќе биде единственото богатство кое ќе го имаш таму… Оваа „среќа“ е единствената која ќе ја земеш со тебе и е создадена во твојот период овде на земјата… Така да обиди се да живееш како што треба, да бидеш добар и да си го заработиш спасението уште овде… оти: „Нема да примиш она што имаш од овде… Ќе примиш само она што си дал“… Не се фали со парите… со положбата која ја имаш, со твоето богатство… Овие работи се временски… Се прав и пепел… ‘Рѓа и земја… Имаат крај… сите ќе умреме… И ќе биде доцна да смениме или да дадеме во еден момент што не можевме цел живот… Фалете се со чистата душа… Фалете се со Христос, со светителите, со Богородица… Исповедај се често, а ако паднеш, толку пати да станеш – зашто во она во кое ќе те најде Бог, во тоа ќе ти суди. Моли се да бидеш најден од смртта во покајанието исполенто со солзи и во исправање кон духовниот живот… Причестувај се со благословот на твојот духовник колку можеш често, и води христијански живот… пријатен пред лицето Божјо и на светителите. Помагај им на другите, биди добар со секое создание… Стави се на местото на секој… простувај… биди милостив… На смртната постела жалењата се залудни а во другиот свет ќе бидеме сами, само покрај оние кои ги служевме овде со посветеност, или со грдиот ѓавол кој нè насладуваше со смртните гревови, или со Христос, или со светлите светители, со Богородица со која се боревме против искушенијата, со добрите дела кон ближните и не само со нив, туку и кон оние кои некогаш ни посакувале зло. Сети се, иако не сакаш да прифатиш – кога тогаш твојот живот, мојот, нашиот ќе заврши… Ќе умреме! Е една реалност… значи… да не биде залуден нашиот живот овде на земјата… отец Теодор Чурариу
Кога раната е уште нова и топла, таа лесно се лекува; застарените и занемарените рани тешко се лекуваат. Тогаш за нивното исцелување потребен е голем труд, сечење, измивање и горење. Многу рани во текот на времето стануваат неисцеливи, “но за Бога сѐ е можно" (Матеј 19,26). Свети Јован Лествичник
Кој завидува на успесите на братот свој, тој од вечниот живот се одделува; кој на братот свој во доброто му помага, - во вечниот живот со него ќе биде. Ако судот ги накажува оние што зло прават и оние што во злото им помагаат, тогаш Господ ќе ги награди и оние што на ближните свои им помагаат Неговата волја да ја извршуваат. Свети Ефрем Сирски
“Најлесно е да се мамиш самиот себе и да се гордееш со пустата слава, сметајќи се за некој, а притоа да си ништо." - Свети Григориј Богослов
