„Ти си направил гревови и не си се срамел. Не си се срамел од срамните дела, а се срамиш од зборовите (на исповедта) кои ќе те оправдаат. Кажи ги овде, за да не ги кажуваш таму (на оној свет). Кажувај и плачи. Твоите гревови се запишани во книгата. Твоите солзи може да послужат како сунѓер за нив. Плачете, и тие ќе бидат избришани; плачете, и книгата ќе се појави чиста на небото. Покајанието за гревовите е голем сунѓер. Голема е моќта на солзите “. Свети Јован Златоуст
Кога влегувам во просторија каде што нема икони, ми изгледа слепо, безлично, без прозорец кон небото. Свети Јустин Поповиќ
Кога ќе ме нема, доаѓајте кај мене на гробот! Кога ќе имате време, доаѓајте, и колку почесто, толку подобро. Сè што имате на душата, што и да ви се случило, дојдете кај мене, и сета мака своја донесете ја на мојот гроб! Паѓајќи на земја, како на жив сè раскажете ми, и ќе ве чујам, и сета ваша мака ќе отпадне и ќе помине! Како што зборувавте со мене жив, така и сега! За вас, јас сум жив и ќе бидам, во век и векова! Свети Серафим Саровски
Животот е тешка работа. И станува неподносливо тежок кога Бог е избркан од него. Архимандрит Јован Крестјанкин Не се обесхрабрувајте кога ќе видите како некои се бунтуваат против вас. Би било полошо ако сите ве сакаат: тоа значи дека премногу им угодувате на луѓето. Христос исто така беше мразен, тој беше распнат. Па зошто да очекуваме универзална љубов ако ги следиме стапките на Христос? Погрижи се да ти е чиста совеста и не плаши се од човечка омраза, туку од омраза во сопствената душа. Отец Серафим Роуз
Биди долготрпелив во жалостите, за да можеш да ја сфатиш пораката на Господа: "Во светот ќе имате маки; само не бојте се, зашто Јас го победив светот" (Јован 16,33); за да ја придобиеш сепобедната љубов, која ги воведува оние што ја придобиле во царската палата и ги прави браќа Христови. Светите преподобни оци Варсануфиј и Јован
„Сите ги повикувам и сите ги примам: Дојдете при Мене! Се плашите ли да Ме замолите? Кому досега, од оние што молат, Јас сум му ја отфрлил молбата? Напротив, вашите гревови ве одбиваат од Мене. Јас за грешниците Својата душа ја положив. Ве вознемируваат ли безбројните гревови? Кај Мене има многу повеќе милосрдност, отколку што има гревови во целиот свет. Затоа, „Дојдете при Мене сите изморени и обременети…“- Свети Тихон Задонски.
“Христијанин без одење во Црквата, без молитва, без исповед, без Света Евхаристија (Причест) е неоградено лозје, на кое во секој час му е отворена капијата за крадци т.е. демоните за да го растурат.“ - с. Харалампиј
Ближниот засакај го на следниот начин: не гневи се на него и не злопамти; не си дозволувај да му зборуваш на ближниот било какви прекорни, навредливи, исмејувачки зборови; чувај го мирот co него колку што можеш; смирувај се пред него; не осветувај му се ниту директно, ниту индиректно; во ce’ што можеш да му попуштиш, попушти му; откажи се од спротивставување и спорење, отфрли ги како обележје на гордоста и на самољубието; зборувај добро за оние што те озборуваат; за зло плати co добро; моли се за оние кои ти приредуваат разни страдања, навреди, искушенија и гонења Мат. 5, 21-48
- Која е првата врата на царството небесно? - Покајание или чувство и исповедање на својата ништожност пред Бога - наспроти надменоста. - Која е втората врата на царството небесно? - Плачење - против лажната возбуда. - Која е третата врата на царството небесно? - Кроткоста - наспроти надменоста и самодовербата. - Која е четвртата врата на царството небесно? - Глад и жед за Божја правда - против човечките неправди. - Која е петтата врата на царството небесно? - Добротворност - против себичноста и суровоста. - Која е шестата врата на царството небесно? - Чистота на срцето - против развратност. Свети епископ Николај Жички.
Не е Господ кој го остава човекот, туку човекот кој го остава Бога. Пеколот е одвојување од Господ. Свети Гаврил Грузијски
Трпението е најмоќниот лек кој лекува тешки и долготрајни неволји. Повеќето неволји поминуваат само преку трпеливост. Големото трпение го разоткрива најзбунувачкото и дава божествен плод: таму каде што не гледаш никакво решение, Бог го дава најдоброто решение. Знајте дека Бог сака кога човек, трпејќи ги искушенијата, кротко ги поднесува, славејќи го Неговото Свето име. „Блажен е човекот кој поднесува искушенија“ (Јаков 1,12), вели светиот апостол Јаков. Затоа, да се молиме да ни даде трпение Добриот Бог, сè да трпиме кротко, со пофалба. Нашиот живот на овој свет е постојан подвиг и секој од нас се стреми со својот подвиг. Замислете што мораше да доживее Христос во текот на својот земен живот! Што мораше да поднесе од Евреите, а не кажа ништо! И какво трпение покажал апостол Павле! Иако имал известување од Бога дека треба да биде во Рим (Дела 23:11), тој останал во затвор две години, бидејќи гувернерот го одложил судот. А што морал да доживее свети Јован Богослов! За мало мрморење мораше да издржи бродолом... Гледате, Господ им дозволува на светиите да трпат искушенија поради ситници, за да имаме пример за да можеме трпеливо, во молитва и со радост да ги прифаќаме искушенијата. Преподобен Пајсиј Светогорец.
Да живееш мирно, зависи од тебе. Ќе потрпиш – и ќе имаш мир. А ако почнеш да враќаш зло за зло – и мирот ќе отстапи и Бог ќе го остави оној што сам суди. Каде што е мирот – таму е и Бог. Во мирот е Неговото место. Преп. Анатолиј
ЗА ПАГАНСКИТЕ ГРОЗНИ ОБИЧАИ, ОСОБЕНО ПРИ ПОГРЕБУВАЊЕ НА НАШИТЕ ПОКОЈНИ, КОИ СЕ СТРАШНИ ГРЕОВИ Почина една девојка. Отидов да ја отпеам. Таа лежи во ковчегот, а на него ставено огледало, четка за заби, сад за сапун и секира под ковчегот. Прашувам: „Што е ова?“ -Кај нас е таков обичај ми велат. Ќе и притреба секирата. „А ова што е: огледало, убрус?" - Ами како. Ќе и притреба тоа. Сето тоа, секако, го тргнав и го извршив опелото. Уште не го завршив опелото, а тие повторно ја донесоа секирата и ја ставија под ковчегот. Таков е обичајот - пагански. Видете сегакај нас, кај православните, во Полтава на капакот од сандакот ставаат икони, и од левата и од десната страна. Затвораат и погребуваат со иконите. „Ами како, тој ќе се моли“. Какво незнаење, а ние сакаме да воспитуваме! Многу труд и проповеди треба да се вложат, за да се даде христијанска култура. Исто така, таму, каде што ставаат икони, ставаат и - четка за заби, вода -покојникот ќе пие, ќе јаде, лажица, цигари, и други "поздравни" предмети за починатите роднини и пријатели... - А нему му треба само пченицата и молитвите. И сето тоа во наше време...во 21 век. Освестете се и не грешете! Плачете и многу молетесе за покојникот. Служете заупокоени литургии.Давајте милостини на бедни... Тоа Само тоа му треба. Старец Јеросхимонах Самсон Сиверс-
Мрзеливоста во молитвата на христијаните е причината зошто постои сиромаштија на вера, надеж и љубов: гревови и беззаконија, душевни и физички неволји. Св. Јован Кронштатски
Пред сè, треба да обрнете внимание на сопствениот живот. Нема потреба да гледате наоколу, да ги анализирате постапките на другите и да се обидувате да им го средите животот. Ништо не може да се постигне на овој начин. Човек кој почнува да се кае, го исполнува својот живот со светлина. Оваа светлина воведува ред во сопствениот живот, а потоа Божјата благодат ги просветлува и ги води ближните на патот на вистината. Зарем не е дрско да се обидуваш да го поправиш животот на друг човек? Дури и ако денес постигнете успех за краток момент, утре сите ваши напори ќе одат на отпад. Ако се водиме од темнината кон Светлината, оваа Светлина (која ја раѓа Божјата благодат во нас) ќе ги одведе нашите ближни на вистинскиот пат. Старец Лука Филотејски
