Кога има деца кои умираат и гладуваат, велат нема Бог. Мојот одговор на нив: Кога има деца кои умираат и гладуваат, нема ЛУЃЕ. Оние кои очекуваат Бог да го спречи злото на земјата, треба да знаат дека Бог очекува луѓето да го запрат злото на земјата. Кога пред сите се изврши чудото на исцелување на слепите, само духовно слепите фарисеи ја отфрлија моќта на Исус. На крајот на краиштата, Христос постојано, а не неправедно, ги нарекувал фарисеите и слепи. Затоа, не бидете фарисеи, погледнете го Крстот! отец Николај
Ако го скротиш својот јазик ќе направиш поголем подвиг отколку да постиш цел живот на леб и вода! Свети Владика Николај
„Не тагувај, ако видиш некој да се крева против тебе. Би било многу полошо ако сите те сакаат: тоа би значело дека ги задоволуваш луѓето по секоја цена. Го мразеа Христа, Го распнаа. Па каде тогаш да очекуваме општа љубов, ако ги следиме стапките на Христос? Чувајте ја совеста чиста, и не плашете се од човечката омраза, плаши се од омразата во сопствената душа. Отец Серафим Роуз
Најголемата пречка во животот е СТРАВОТ. Најлошото чувство е ОМРАЗАТА. Најголемата грешка е ОТКАЖУВАЊЕТО. Најубавиот подарок е ПРОСТУВАЊЕТО. Најголемата сила е ВЕРАТА. Најубавото нешто е ЉУБОВТА. Патријарх Павле ️
Сите човечки неправди препуштете ги на Господа. Затоа што Бог е Судијата. Вие, пак, ги сакате сите искрено и со чисто срце. Запомнете дека вие самите сте голем грешник и дека ви треба Божјата милост. За да ја заслужите Божјата милост, треба да бидете милосрдни кон другите во секој поглед. Нека биде! Господ е сè за секој од нас: и Судијата, и дарежливиот Дарувач на дарови, и милост, и чистење на гревовите, и светлина, и мир, и радост и добродетел на срцето. Свети Јован Кронштатски
Некогаш, еден човек имал тројца пријатели. Со првиот пријател секој ден убаво си поминувал. И со вториот убаво си живеел, но не како со првиот. Малку полошо. За жал, со третиот ретко (понекогаш) се гледал, но со ладно срце. Во меѓувреме дошла вест од царот дека тој човек направил некое зло и дека ќе биде осуден. Тој отрчал кај својот прв пријатал и му рекол: „Мој пријателе, царот ќе ме осуди заради лошо дело“. А пријателот му одговорил: „Јас од својата куќа не излегувам“. Човекот, исплашен, отишол кај својот втор пријатал. Тој, пак, му одговорил: „Јас ќе дојдам до царскиот двор, но не влегувам внатре“. Брзо отрчал кај својот трет пријател, но со срам: „Како да му кажам? Никогаш му се немам заблагодарено“. Меѓутоа, и покрај срамот отишол, и му рекол: „Мој пријателе, царот ќе ми суди. Можеш ли да ми помогнеш?“ Тој веднаш, со задоволство отишол кај царот и му помогнал. Трите пријатели сликовито претставени се: првиот – парите, покуќнината; вториот – родителите, браќата, роднините; а третиот – милосрдието. Кога ќе дојде време да заминеме од овој свет, првиот пријател, односно парите, покуќнината... не излегуваат од куќата. Вториот пријател, односно роднините доаѓаат до гробот. Третиот, пак, пријател, односно милосрдието доаѓа до Христос и помага. Старец Арсениј Исихаст.
Не е страшно човекот да падне во грев, тоа е човечки, но страшно е човек да остане во гревот – тоа е веќе нешто демонско! Св. Јован Златоуст
"Што навистина би ја израдувала душата на покојникот? Пред сè, искрена молитва за него; лична и семејна, но и црковна молитва, соединета со бескрвната Жртва, односно спомнување на Литургија. Бројните јавувања на мртвите и различните виденија ја потврдуваат големата корист која упокоените членови на Црквата ја имаат од молитвите за нив и принесените бескрвни Жртви. Понатаму, следното нешто што им носи голема радост на душите на упокоените се делата на милостина кои ги правиме во нивно име. Да се нахрани некој гладен или да му се помогне на некој болен во име на покојникот, е исто како да сме му го направиле тоа и нему." - Свети Јован Шангајски
Кога Господ е со тебе - надевај се на победа: Господ не може а да не биде победник. Измоли за себе победа кај Господа; И моли се со непрестајна молитва и плач. И неочекувано ќе дојде дејството на благодатта во твоето срце : и ти одеднаш ќе го почувствуваш најслаткиот занес на духовната љубов. Свети. Игнатиј
Најстрашно е да го презираш просјакот! Браќа мои, запаметете дека просјаците се библиски личности. Минувате покрај вратата на вашето спасение и многу е лесно да чукнете и да влезете внатре… Најстрашно е да го презреш просјакот. Просјаците никогаш нема да исчезнат, за да те потсетуваат на твојата должност. Но и во Црството Божјо, преку нив ќе поминеш! Се собираат по групи покрај патот и разделуваат, колку што собрале работи или пари, и велат: Ова ми го даде тој и тој… Спомни Си Господи за него во Твоето Царство… И тоа има вредност. Спасителот за да нé охрабри ни рече: Ќе примиш стократно. Сакаш да се збогатиш? Дај нешто што имаш! Ќе примиш стократно. Ова не го велам имајќи се за пример себеси,туку ако го познаваш житието на светиот Јован Милостив, ќе се потресеш! Светиот Јован, кога отишол во Архиепископијата каде што бил избран за пастир, прашал: Колку пари во злато има Архиепископијата?, и му одговориле дека има толку и толку килограми злато. Да им ги дадете на сиромашните, им рекол. Кога економите ги слушнале овие зборови се вознемириле и му рекле дека ќе западнат во крајна сиромаштија. А Бог испратил стократно во споредба со она што го дале. И колку што давал Светителот, толку повеќе доаѓало. Економите постојано негодувале. Гледаш, дека човекот не забележува кога зема, туку кога дава. Но средствата доаѓале во редовни периоди стократно. Тоа се зборови на Светото Писмо! Старец Арсениј Папачок.
Ако некој се разболи и ти дознаеш за тоа, побрзај и посети го, подај му, послужи го, утеши го. Тоа Бог на сите нас ни го заповеда. Свети Тихон Задонски.
Постои стара приказна за тоа како Господ ги испратил Своите ангели да го донесат најдоброто што ќе го најдат на земјата. И секој ангел Му донел од земјата дар на Бога. Немало само еден од нив, но и тој се појавил и Му рекол на Господа: “Ти донесов на дар солза на грешник. Видов како грешникот, кого целиот свет го презираше, во самотија горко плачеше поради своите гревови и се молеше за прошка. Ја зедов неговата солза и Ти ја донесов“. И Господ рече: “Ова е најубавиот подарок. Солзата на грешник кој се кае, за Мене е скапоцен дар!“ Архимандрит Рафаил Карелин.
Не плашете се од тага, болест, страдање или какви било искушенија - сето тоа се посети од Бога и се за ваша корист. Не плашете се од тешкотии. Сакајте ги и заблагодарете Му на Бога за нив. Тие имаат некаква цел за вашата душа. Нежно и ненасилно поставете се во рацете на Бога, и Тој ќе дојде и ќе даде благодат на вашата душа. Преподобен Анатолиј Оптински
Зошто Господ им ги зема на некои родители нивните невини деца? „Татко Гаврило го посетила жена која го изгубила своето дете. - Зошто некои млади го напуштаат животот? - го прашала. - Во едно село, една верничка која го изгубила синот единец му се пожалила на Бога: "Толку издржав за Твојата љубов: навреди, сиромаштија, маки. Еве, никој не верува освен мене. А Ти ми го зеде моето дете. Зошто?" И таа ноќ таа жена го сонуваше овој сон: Ангелите ја одведоа кај Господа и Му ги пренесоа нејзините поплаки. Тогаш таа го слушна гласот Господов: „Прашајте ја жената што сака. „Врати ми го детето“, одговорила жената. „Дали сакате да го видите вашето дете? - праша Господ. „Па, јас сум мајка, секако дека сакам“, рече таа плачејќи. „Покажи ѝ го нејзиното дете! - заповеда Господ. Го донесоа детето и таа беше среќна. „Што сакаш сега од мене? - праша Господ. "Зошто го зеде?" - се пожалила жената. Тогаш Господ им заповеда на ангелите: „Покажи ѝ што ќе направеше нејзиниот син ако не го земав јас“. И одеднаш, како на филм, жената можела да ги види страшните гревови што ќе ги направи нејзиниот син и тогаш го видела страшниот оган од пеколот. „Врати го во рајот! - мајката почна да плаче и да се моли на Господа. Господ заповеда и момчето повторно беше вратено на небото. И тогаш Господ ѝ рече: „Поради твојата добрина и љубов го зедов твојот син кај Себе. Немој да мислиш дека не знам кого и кога да земам. Свети архимандрит Гаврил Грузиски.
Кога ќе те нападне човечка завист или предавство на пријател, не падајте со духот и не држете зло во срцето, туку кажи: „Сето тоа го предавам на Твојот праведен суд, Господи!“ Свети Николај Велимировиќ
“Мнозина се плашат да се отворат, т.е. исповедаат пред духовен отец. Незгодно им е што ќе си помисли за нив духовникот. Таа помисла и тоа чувство се само уште една демонска лага. Лага е дека откако ќе му откриеме сѐ на исповедникот, тоа ќе го расипе неговото мислење за нас, т.е. дека исповедта ќе го расипе нашиот личносен однос. Напротив, штом го отвориме нашето срце пред духовниот отец, истовремено Бог ќе го отвори неговото за нас и личниот однос со него дури тогаш и ќе почне. Во секој случај, преку отворањето на нашето срце кон Бог, ние ќе го откриеме влезот во Неговото срце, кое отсекогаш било отворено за нас.“ - дедо Наум
“Замолчете бидејќи Бог за брзо ќе започне да говори, а Тој има многу што да каже.“ - Свети Атанасиј Велики
