Правата на хомосексуалците

Сите што посакуваат или имаат деца секогаш треба да ја имаат и таа опција во мислите, дека и нивното дете може да биде геј.
Исфрлете си го тоа од глава дека денешната технологија и интернетот имаат влијание некој да биде геј, или дека ако вие добро ги воспитате децата(што и да мислите под тој термин) 100 проценти ќе ја анулирате шансата да бидат геј.
Таквите луѓе постоеле со векови наназад, и ќе постојат уште толку, нема врска интернетот со тоа.

Затоа пред да одлучите да имате деца треба да си ја имате таа опција во глава, што ако?

Еве јас да си кажам за мене лично- не велам дека би ми било мило и дека ќе скокам од среќа, не само поради мене, туку бидејќи ќе знам низ какви пречки ќе минува во животот токму од хомофоби како на темата, ама сигурно дека ќе го сакам и поддржувам и понатаму и ќе сакам да биде среќно.

На крајот на краиштата тоа дете не побарало да дојде на овој свет, јас и партнерот сме го створиле и сме биле свесни претходно дека има повеќе опции, да биде геј, стрејт, или за жал заробено во погрешно тело.

И бројот на хомо луѓе е доста поголем од што мислите, има многу повеќе и не се сите со феминизирани движења туку напротив.
Можеби дури и некој од вашето најблиско опкружување е геј, ама ако пред него ги ширите вашите ставови тогаш не се прашувајте зошто досега ви нема кажано за неговата определба.

А зарем не е подобро да се декларираат отколку да живеат двоен живот,? Како би ви било, идеалниот патријахален ваш сопруг да си има швалер, а вие да сте му само маска за пред народот?
Има доста вакви примери, некои дознале па се развеле, некои си постигнале договор, некои си живеат во заблуда и тоа е тоа.

За да ги прави среќни родителите и комшиите тој треба да умира полека секој ден, да лаже некоја невина жена (или маж доколку станува збор за лезбејка) да биде лицемерен и да се измачува.

А обично најгласните хомофоби имаат некои геј склоности( не посочувам никој од темата, да не се најде некој навреден), па со хомофобијата пробуваат да ги скријат, или со повредувањето на хомосексуалците мислат дека го убиваат гејот во нив.
Ако сте го гледале филмот Американска убавина таму имате убав пример за таква ситуација.

Пак ќе кажам, доста работи и нивни барања или постапки не одобрувам и јас или се уште ги немам прифатено т.е. ми немаат легнато, ама не можам да го негирам фактот дека тоа да ги привлекуваат личности од исти пол е нешто со кое се родиле и не можат против тоа.

Да можеле да бираат зарем ќе оделе по овој трнлив пат на кршење на предрасудите, наместо по полесниот, оној кој ги прави среќни нивните родители и општеството?

Некои за жал не можат да го издржат притисокот, подлегнуваат и влегуваат во калапот, стапуваат во стрејт брак и страдаат секој ден, а други се одлучуваат за пократко страдање -пробувајќи да си го одземат, или одземајќи си го животот, за жал.

Не дозволувајте вашата омраза да биде причина за тригер за нечија смрт. Пробајте да сфатите.

И во геј светот како и во хетеро има секакви категории луѓе, има и промискуитет, има и верност, има и желни за внимание како тие од геј парадите, има и старомодни и посветени итн.,
Никој не бара да ги глорифицирате, да велите дека да се биде геј е нешто најдобро (не велам ни јас), ама не ги негирајте, не им посочувајте лечења и не се обидувајте да ги лечите.

Ако имаше лек- одамна сами ќе го земеа, сигурно немаше да сакаат да го живеат овој, на некој начин, илегален живот полн со страв.

 

Здраво на сите! Ве читам подолго време, па решив да ви се придружам. Сметам дека две совесни човечки битија без разлика на полот треба да имаат право да стапат во брак, како и право да посвојат дете ако имаат услови за тоа. Домовите се преполни со деца кои (биле напуштени од своите хетеросексуални родители, не осудувам секој си има свои причини) да бидеме реални (барем во Македонија) живеат во никакви услови. Подобро ли е дете да живее во средина каде што ќе му се пружи љубов или каде не му посветуваат внимание колку што му е потребно, каде нема приватност и дели соба со уште најмалку петмина други деца, каде што единствено му се обрнува внимание кога некој политичар треба да се слика и да покаже колку е хуман? Како можете да споредувате хомосексуалност со педофилија???

 

Spored prirodata nie sepak sme sozdadeni da bideme hetero, Vo slucaj da nemase napusteni deca, kako homoseksualcite bi se mnozele? Sto e van prirodno , si e. Vo sekoj slucaj greskite proizleguvaat od normalnite lugje

 

Повторно, така е дефинирана институцијата брак, не самиот збор.

Името не гарантира еднаквост, еднавостта ја гарантира тоа што сите сме ставени во категорија „луѓе“. Аналогно на она што го велиш е да кажеш да си најдеме ново име за да се дефинираме себеси наместо „луѓе“ зашто луѓе по некоја традиционална логика се „хетеросексуалните“ само. Ја гледаш дискриминацијата тука?

Со самото тоа што бракот меѓу хетеросексуалци и бракот меѓу хомосексуалци би имале различно име, значи дека тие две нешта ќе бидат различни институции за исто нешто. Штом се различни институциите се остава простор да на едната се дозволат одредени нешта на другата не и обратно. Ова нема да го реши проблемот со нееднаквоста, туку само ќе прикрие вакви манипулации.

И зошто би имале две различни институции за нешта кои треба да имаат потполно исти третман, само би ги искомплицирало нештата уште повеќе.

 

Можеби недоволно добро се изразив во делов во кој ме цитираше - основна цел на фундаменталната градбена единка на секој жив организам - генот - е да се реплицира и да се пренесе понатаму преку потомството. А живите организми се, грубо речено, само „продолжена рака“ на гените што ги носат.

Затоа, од аспект на еволуцијата, на прв поглед, хомосексуалноста претставува своевиден парадокс кај живиот свет, бидејќи хомосексуален организам по дифолт не може да го пренесе својот генетски материјал на потомството затоа што не може ни да има потомство и оттаму ваквата тенденција може да делува „неприродно“.

Велам на прв поглед, бидејќи иако сеуште не постои дефинитивен научен став околу хомосекусалноста, таа во никој случај не е парадокс, бидејќи постојат повеќе различни теории (поткрепени со истражувања и со факти) околу улогата на хомосексуалноста во живиот свет и нејзините еволуциски предности поради кои таа опстојува.

Инаку, и повеќе од очигледно е дека хомосексуалноста е природна појава, забележана и документирана кај уште најмалку 1500 животински видови, така да не може да стане збор за тоа дека е неприродна.

 

Да, сфатив што сакаше да кажеш. Јас реплицирав зашто сакав да го разгледам аргументот што реално се користи за да се претстави хомосексуалноста како нешто за кое нема место во природата и да е оправдување за ускратување права и за дискриминација.

Сепак не можам да не ја потенцирам персонификацијата во исказот „генот има цел....“. Клетката е, условно кажано, најмалото нешто кое можеме да кажеме дека е живо и од кое се составени останатите организми, а истата е составена од неживи нешта меѓу кои е ДНК-та. Значи ДНК-та и гените за да имаат цел, би требало да имаат одредена свесност за што предуслов е да се живи. Реално, ДНК-та нема цел, таа едноставно е, исто како и зрно песок, молекула вода итн. Но, човекот е таков, ги замислува нештата како да ги имаат неговите особини за да ги разбере. Веќе тука дискусијата почнува да наликува на филозофска и сѐ треба да се зема со резерва, оти ништо не може да се докаже.

Баш така. Сметам дека природата не познава парадокси. Парадоксите произлегуваат од несовршеноста на постулатите/догмите врз кои е втемелено одредено размислување. Тие се целосно во доменот на човековата логика и често се знак за некаква грешка во истата. Па, затоа последно време толку се обрнува внимание на тренинг како да се размислува надвор од кутијата и имаме залет во развојот на науката и на технологијата.

Како и да е, законодавството е човекова креација и е подложно на парадокси, а тие од типот „сите граѓани се еднакви, но некои се поеднакви од другите“ мора да се искоренат.

 

Ќе ти одговорам тука бидејќи ептен сме надвор од темата.

Појавата е сосем природна, бидејќи доаѓа од природата, хомосексуалноста се јавува кај над 1500 животински видови, вклучувајќи ги и моите мачки дома. Тие ниту следат некој тренд, ниту биле пораснати од хомо родители.
Тоа што општеството мисли дека не е природнo е бидејќи е невозможно да се репродуцраат. Што не е нешто лошо бидејќи Земјата е и онака пренаселена, не дека ако се легализираат ваквите бракови нагло ќе се намали популацијата.
Инаку, хомосексуалноста кај луѓето постоела отсекогаш, и тоа кај познати луѓе како Александар Велики и Леонардно ДаВинчи, а и најверојатно и други за кои не знаеме бидејќи го криеле тоа (поради општеството, секако). Геј луѓето денес послободно излегуваат бидејќи има луѓе кои ги прифаќаат, за разлика пред повеќе векови.

Ако имам дете еден ден, и ми рече дека е геј, ќе ми биде криво, најмногу поради тоа низ што ќе помине поради луѓето како вас, кои ги делат сите според сексуалноста. Но, секако дека ќе го поддржувам и ќе му помагам колку што можам. За внучиња, паа... ќе можеме да видиме ако вие што сте против изгласате да можат да посвојат дете. Сега сфаќаш што сакам да кажам? Со тоа што луѓето не сакаат да го отворат умот, други луѓе не можат да бидат среќни.

За потомството ти кажав веќе, кешки да се намали популацијата. И не, ако ваквите бракови се легализирани, не значи дека ќе мораш да стапиш во таков брак, едноставно ќе им се дадат правата на одредена група луѓе што ги немаат, и уште не разбирам зошто тоа вам толку ви пречи.

 

Секој со своето размислување и став. Различни луѓе, различни размислувања нормално. Јас реков настрана што сакаат нека прават тоа си е нивно и не само за нив туку и за стрејт паровите реков дека не изгледа убаво да се "пофаќаат" во јавност. Не ги делам луѓето според никаква категоризација, а не па според сексуалната ориентација да ги делам и тие се луѓе како и сите други. Само не ја подржувам нивната сексуална ориентација. Ако јас не ја подржувам нивната ориентација сигурно дека нема веднаш да ги лишуваат од живот затоа што јас не ги подржувам. Што ме напнавте толку незнам си кажав мое мислење и став. Никого не терам со сила да размислува како мене и да му наметнувам мое мислење. Фала, чао.

 

Jas sum protiv ovie brakovi i sega dali e vo red da me narecat homofob moite postovi se izbrisani a ovie kade sto tie kako mene sto se nareceni homofobi ne se jas sum protiv na vakvite i deca da im se davaat na posvojuvanje no toa e moe mislenje i toa ne mu dava pravo na nekoj drug da ne narecuva homofobi

 

Чисто процедурално.

Спојлер: кај па ти текнаа пчелите?!

Секое семејство на пчели, па и мравки, и оси и сл. во науката и воопшто се третираат како суперорганизам, па не можеш да ги делиш на единки (трут, матица...).
Што се тиче размножување на пчелното семејство, тоа е во состојба да батали секоја друга активност (по цена дури и да угине од глад) во насока на размножување и добивање потомство. Не држат вода ни примеров ни заклучокот од него. Не дека нешто посебно ме засега, чисто да не влезеш некаде на друго место со овој муабет.

Што се тиче пак до педерастија имам пишувано некаде. Не ми смета што, со кого и како некој си го тера сексуалниот и љубовниот живот, се додека не бара тоа што тој го прави во кревет да биде ставено во некој си рамковен договор за педерастија и јавно да ми брца во очи дека токму поради тоа тој е некое посебно човечко битие и заслужува посебен третман.

 

Концептот за суперорганизам ми е познат и е навистина фасцинирачки. Но, да не го земаме здраво за готово зашто за истиот науката сѐ уште се истражува. На Live Science се вели дека иако поимот постои повеќе од еден век, обично се користи како метафора и мал број на студии успеале квантитативно да споредат цели колонии со индивидуален организам.

Истиот може да се искористи метафорички за да се опише човековата заедница денес, но и она кон што се развива. Имаме релативно вискок степен на поделба на трудот каде секој си врши одредена функција и модерното живеење воопшто не нѐ тренира како да опстанеме сами, па можноста за самостојно преживување вон заедницата е мала и се смалува сѐ повеќе. За ова се зборува и во една статија на Gaia Vince.

Како и да е, суперорганизам е организам составен од повеќе индивидуални организми, така што истите можат и посебно да се разгледуваат. Дури и кога се прават истражувањата истите се насочуваат повеќе кон единките.

Ок, влеговме во сосема друга тема која е многу интересна за дискусија.

И да, размножувањето е едно од најбитните нешта за опстанокот на заедницата - но не е единственото битно нешто кон кое се стреми сѐ. Ако нештата само би се размножувале без контрола тоа води кон деструкција на целината - нешто налик ракот.

Многумина се плашат и го даваат (невозможното) крајното сценариото што би станало со нас ако секој стане геј и колку нашиот род ќе опстане, но ајде да појдеме и во друга (невозможна) крајност. Ако секој еден пар има по над 3 деца (како политиките кај нас) до кога природните ресурси би можеле да нѐ изржуваат и што ќе се случи кога истите ќе секнат? Војните за ресурси од типот на енергенси можеме да видиме како се одвиваат денес, замислете какви би биле кога ќе се водат за ресурси од кои директно ни зависи животот. Пренаселеноста е реален проблем и реален „природен непријател“ на човекот - појавата хомосексуалност не нѐ уништила, доказ е нашето постоење денес, ниту е некаков реален „непријател“ на човешвтото.

 

Да и кажеме на баба или...

Ќе изумре човештвото заради хомосексуалците, ако детето ми е геј нема внуци да ми даде. Тип, на погрешен фронт трошите сили. Што со хетеро луѓето што му покажуваат среден прст на нагонот за репродукција, оти имаме и мозок за разлика од животните, избор. Шок?!

Ако нешто може да се рече помодарство, и појава која општествено станува се повеќе и повеќе прифатлива, се шири како шуга, па и децата на оние кои се воспитуваат по пропаганда пари за трето не се слепи, и разберат дека всушност и тие имааат избор. Тоа да има и вашето дете избор, за разлика од сексуалната ориентација која не е по избор на индивидуа, од тоа треба да се плашите ако ви се погоди да размисли, го фатат бубачките и му текне дека не сака да се размножува.
Фрлајте ги жените како мене во бунар додека имате време

 

Споменувам честопати низ форумот дека не сум тип што дискриминира. Исто и тука ќа кажам, со мала разлика дека сум против тоа да хомосексуални парови посвојуваат деца. Нека одат до степен на брак, но повеќе од тоа - не. Не е природно, не знам... А со самото ова си го побивам мислењето дека не дискриминирам, знам... Сепак... Така размислувам јас. Иако темата е долга и широка.

 

Не гледам ништо лошо во тоа геј паровите да посвојуваат деца и не гледам никаков проблем во тоа. Ако имаат желба да израснат дете и да го сакаат тука нема ништо лошо. Не мислам дека има нешто чудно во тоа што сакаат да создадат семејство. Сепак ова е Македонија а ние сме малце поише назад со тие работи така да шта чеш

 

Строго против легализација на геј парови , бракови и слично. Претпоставувам сите што излегле надвор од државава на запад имале прилика да видат јавно. И искрено мене тоа ми е така одвратно, ванприродно. Нека си прават што сакаат ама по дома.

 

Da imaat pravo da posvojat deca gospodine po se izleda neznaete kolku godini eden heteroseksualen bracen ceka da posvoe dete oti edna moja koleska cekaa so mazot i 8 god da posvojat dete

 

Еве јас ќе си земам право да се замешам во вашето мерење на интелекс. Значи не навлегувам во пристрасното покажување на факти на истражувања, преку репрезентативен национален примерок без притоа да се води сметка за средината и сл. Туку ќе посочам пример кадешто очигледна е поврзаноста на хомосексуализмот и педофилијата, како и наметнатата хомосексуалност, што не иде баш во прилог на фактите кои го подржуваат хомосексуалниот брак.

Притоа морам да нагласам дека зборам за општество кое во корените има хомосексуална традиција ткаена со векови, тоа е општеството на Паштуните кои ја сочинуваат мнозинската етничка група во Авганистан и се најголемо малцинство во Пакистан. Оваа етничка група е позната по тоа што од неа произлегол Талибанскиот режим.

Во Паштунското општество со векови се наметнува хомосексуалност на малолетни машки деца. Истовремено им наметнуваат супресивно мислење за жените како прљави суштества. Истите тие деца понатака во животот имаат хомосексуално однесување. Посочив примери дека иако навидум се хетеросексуални, фамилијарните заедници таму се хомосексуални, а жената буквално служи само за приплод. Имено традиција е стопанот на куќата да ја ожени ќерката за својот љубовник, кого веќе не може да го чува како безбрад сексуален роб. Но хомосексуалноста меѓу Паштуните не е само затворена во семејството, општо е распространета, па дури и доста забележливо феминизирано однесување.
Дури и Холандското општество во споредба со хомосексуалноста може да изгледа како Шпанска инквизиција спрема Паштуниве.

Ова општество е жив пример дека хомосексуализмот може да биде предизвикан и наметнат и дека во случајов се појавува како причина на сексуално малтретирање.

Ова се непобитни факти кои тешко ќе може некоја пропагандна машинерија да ги скрие или да ги изврти, не во ова време. Чак што више и хомо заедницата ми се чини е незапознаена со овие факти или пак вешто(и крајно неискрено) ги избегнува во своја корист, што ми дава право да се сомневам во задни намери.

Еве го повторно целосниот извештај од истражувањето:
http://info.publicintelligence.net/HTT-PashtunSexuality.pdf

Најголема причина што сум против хомосексуален брак и поготово против посвојување на деца се токму овие факти. Спознанието на детето за нормалноста оди преку тие што му се најблиски. Кога тоа дете на 12-13 години ќе осети сексуален наплив, нема да му е важно ако тој наплив го испразни врз ист пол, пошто ќе му биде важно само да се испразни. Дури и би било логично следејќи ги родителите да инсистира да тоа биде партнер од ист пол, пошто нели децата се огледало на родителите.

Природно едно дете треба да има мајка и татко, и да не навлагаме во тоа дали е хомосексуалноста болест или не е нормална појава, сепак родителството во себе содржи мајка и татко. Тоа е одредено по природна патека. Не гледам како еден хомосексуален пар може да бидат родители на едно дете. И не е во ред мислам и самите хомосексуалци да инсистираат на тоа.

Jасен ми е моментот дека хомосексуалците во западните општества се деца растени од хетеросексуални родители.

Но правам една споредба од причина што кај Паштуните децата што се силувани, не се жалат одпосле, туку си го прифаќаат тоа не само како нормална појава, туку како сексуална ориентација проследена со страст, слично како хомосексуалците во западните општества.

Неможе човек, а да не се сомнева дека тие деца на западот, кои и покрај различните општествени услови станале хомосексуалци, доживеале некаква траума(или во најмала рака искуство), слична како тие деца на Паштуните. Кога хомосексуалното однесување кај Паштуните е буквално секојдневие и е кај нив нормална појава сместена во моралните рамки на општеството затоа и процентуално бројките на хомосексуалци во ова општество се огромни, според некои проценки над 80% од машкото население над 18 години имало некакво сексуално искуство со машки, многу од нив уште како деца.

Сепак искрено јас не сметам дека е тоа болест, туку девијација од општествените нормативи под некакво влијание(стрес, траума или сл.). Ете имаме пример на општество кое успешно го негува тоа со векови ако не и со милениуми, вклучително и во исламистички режими.

До некаде не може човек да рече дека е тоа ненормална појава од еволуциски аспект, пошто во природата се познати хомосексуални истапи, каде што природниот порив се празни врз ист пол во отсуство на спротивниот пол. Тоа се случува кај некои животински видови, кај кои женките се парат исклучиво само со Алфа мажјакот. Значи од еволуциски аспект, тоа би било природна селекција.

Кога ќе се спореди оваа природна појава, со тоа што се случува со Паштуните, може да се дојде до заклучок дека можно е чувството на потчинетост да ја отвара вратата од плакарот кај луѓето. Ова важи кај машката популација, која е по правило повеќе промискуитетна.

Исто како што кај хетеросексуално семејство, првата спознаја на детето за нормалност на сексуална ориентација би била хетеросексуална, имајќи во предвид дека се огледуваат на своите родители. Од тука натаму, да речеме дека детето иде со предрасуди. И во едно такво општество да речеме дека 80% од луѓето се хетеро.

Додека од друга страна имаме пример на Паштуни каде што имаме обратен случај каде што има 80% хомо. Е сега еволуцијата на тоа општество е доведена во прашање и за да го решат тој случај, Паштуните решиле да ја користат жената како суштество за расплод и роб за низ куќа, пошто ете немале никаква друга корист од неа.

Е сега ниту јас, ниту ниедно општество неможе да го спречи фактот да има хомосексуалци, тоа е завршен муабет. Се изјаснив дека лично не верувам дека е тоа болест. Но од еволуциски и биолошки аспект сметам дека не е баш нормална појава, но образложив како и што.

Муабетот ми е, природно едно дете се раѓа од сексуален однос помеѓу маж и жена. Тие маж и жена му се мајка и татко. За разлика од повеќето животински видови, човечкото суштество е зависно од своите родители долго време. Тоа значи дека детето мора да има барем еден родител да се грижи за него за да преживее.

Е сега во некои случаи неговите родители ги нема (починати избегани или whatever), и човековото опшстество измислило правило да даде на посвојување такво дете на брачни парови според некои критериуми. Пошто природно е тие родители да се мајка и татко, јас не гледам зошто не би му приуштиле на тоа дете услови(мајка и татко) какви што би имало доколку неговите родители биле живи, а место тоа да го дадеме на хомосексуален пар.

Еве една колекција која потекнува од времето на Талибанците, истите оние бомбаши самоубици со кого хомосексуалците ги споредуваат хомофобите:

Овие се станати хомосексуалци на таков начин што како деца им се ределе.

Пак ќе кажам, во едно хетеросексуално општество, какво што е нашето, педофилија постои со ретки исклучоци и со неа се бавтаат и хетеро и хомо и би сексуалци.

Додека во општеството на Паштуните, значи едно хомосексуално општество, педофилија постои, е практикувана масовно од хомосексуалци, без исклучоции се смета за нормална појаваи е влезена во традицијата на тоа хомосексуално општество.

Што се однесува до поврзаноста на хомосексуалноста со педофилијата, Како да не се поврзува хомосексуалноста со педофилија, кога колку повеќе е застапена хомосексуалноста во општеството има повеќе и педофилија, тоа е тенденција. Жив пример е се Паштунското хомосексуално општество каде што хомосексуалната педофилијата е традиција и Холандија која се движи накај Паштуните, кај што е дозволена партија на педофилите.

Прв аргумент што се кажува против овој факт е бракот со младите девојчиња во Индија. Таму бројот на бракови склучени пред 18 години е 47%, и тоа е алармантна бројка, се сложувам, меѓутоа ако се намали границата на години и се сведе на граница која е присутна и во западниот свет, на пример во Данска што е високоразвиено западно општество, каде што е дозволен брак на 15 години. тогаш процентот на таквите бракови во Индија би бил помал од 15%, што пак го прави исклучок, а не правило. Во хомосексуалното општество, педофилијата е правило, а не исклучок.

И друга многу важна работа е тенденцијата и правецот на еволуцијата на општествата. Во Индија оваа тенденција се намалува и има видлива намаленост во последните 2 века, додека во Паштунското хомосексуално општество тенденцијата на педофилијата се зголемува.

 

Поголемиот дел од машките се изјаснуваат со став дека две машки не можеле да растат дете. Тоа е така затоа што во глава им е набиено како тоа жената е должна да пере, да чисти, да чува дете, да менува пелени. Ако вие не сте способни да се гледате сами себе, а не па дете, не значи дека кај сите е така. Секој човек пред да стане родител, треба да биде подготвен. Без разлика дали е машко или женско.