Правопис

датумите ако се со едноцифрена бројка не се пишуваат со 0 пред неа!
пример: 19.3.2000 , а не 19.03.2000.

 

Имам прочитано дури 3 варијанти од еден ист збор:сексепил/сексапил/сексипил.Според мене правилно е сексипил оти имаме збор секси кој го користиме, па го прошируваме со наставка.Ваше мислење?

 

Сексапил е точно.

 

Да се надоврзам на ова - нема потреба од 15 извичници или прашалници. Неубаво изгледа, непримерно изгледа, а и граматички не е точно. Еден прашалник или извичник е доволен.

Сексапил е точно и доаѓа од англиското sex appeal (за полесно да го запомниш ).

 

Јас лично имам страшен проблем со евтино!
Многу често го грешам, зашто многу звучно ми е со ф и без размислување го пишувам.
И се нервирам, многу се нервирам, посебно зашто знам многу добро како е правилно.
И кога ќе си видам пост со ф, наместо в, ми иде шамар да си врзам.

 

Мислам дека во случајов правилно е ЕФТИНО, не сум сосема сигурна во ова, но како во примерот со СФАЌАЊЕ.
Иако на различни места различно се сретнува за оваа придавка.

 

Не е, евтино се пишува со в.
Знам дека многу повеќе звучно одговара со ф, ама не е.
http://www.makedonski.info/show/%D0%B5% ... 0%B8%D0%B4

 

Евтино се пишува со в, но нема ниту една причина зошто е тоа така. Всушност, сите граматички правила наведуваат на спротивното. Прво, доаѓа од грчкиот збор φτηνός (фтинос), второ ф и т се безвучни согласки, значи има едначење по звучност. Слични примери каде што има ф наместо в: пифтија наместо пивтија, нафта наместо навта, ќофте наместо ќовте.

Како и да е, може слободно да го игнорирате ова што погоре го напишав затоа што евтин е исклучок Поврзете го со овца - и овде ф би била соодветна затоа што ц е безвучна, а сепак имаме в, или чувство - ако едначиме по звучност, би било чуфство, но не е.

Македонскиот јазик има многу нелогичности. Уште еден пример е разделеното пишување на се` уште. Сите останати зборови кои почнуваат со се` се пишуваат слеано (сепак, сеопфатен, сеопшт, севкупно, сеедно). Нема правило, едноставно таков ни е јазикот. Али, шта чеш. Ипак си е наш

 

Убави примери и објаснувања Окси, имаш право, некои работи во нашиов правопис немаат логика.

Мене класичен пример ми правописот за филозофија. Филозофија не значи ништо, а философија е науката, зашто доаѓа од зборовите филос што значи љубов и софија што значи мудрост, φιλοσόφια.
Нас уште на прв ден професорот ни го објасни ова ама ни рече на тестовите матура, оние интерните, да ја пишуваме со з. Јас со с ја пишував цело време зашто бесмилсено ми беше да се преиначува наука со збор кој ништо не значи. Зофија нема значење, софија има.

 

Зофија всушност значи темнина, а така е уште поиронично Философијата е баш обратното, не љубов кон темината, туку љубов кон мудроста, светлината. Не знам како с станало з, можеби затоа што е мааалку полесно за изговор и ни е повеќе во духот на јазикот, но и философија не е толку тешко за изговор

 

Гледајте колку се писмени осмооделенци,бруки!

 

Сега ме натеравте да отворам фб и да барам грешки.

Мене ме нервира она заВзема, Взаемно, соВзема и преВзема.
Наводниците во македонскиот јазик се пишуваат „на пример“. А во англискиот "на пример".
Коса ми се крева, кога некои не разликуваат некои/некој, кој/кои. Аман бре, со и е множина, со ј е еднина.
Отвора наместо отвара. Затвора наместо затвара.
Книгата има страници. А светот има четири страни.

Дај нека измислат некоја тастетура со надредни знаци на буквите е и и.
Ме мрзи да го копирам од други места.

Јас најчесто го лапам ј-то кај пејач.
И несвесно пишувам бомбона, наместо бонбона.
Еднина идеЈа, множина идеи.

Повеќето се можеби кажани, ама ете, повтарачки папагал сум.

Ме буни, викаат нека не постоел зборот омажи. Ама како ќе кажеме... Она се мажеше минатиот месец?

 

Едни од најчестите грешки
http://www.izlez.mk/?p=16346

 

"СУРОВА" нафта или "СИРОВА" нафта?

 

Откако или од како?

 

Oткако.

 

Сирова нафта.

 

Ресторан или ресторант ?

 

Некој да ја објасни разликата помеѓу одвај и едвај?
Читам нешто на интернет, ама не сфаќам.

 

ресторан; исто и базен