Правопис

На форумот е нормално да се згреши некој интерпукциски знак или пак да фали некоја буква. Се случуваат грешки во пишување, особено ако некоја пишува прилично брзо.
Тоа не треба да се замерува.
Туку, ме нервираат мислења кои немаат ","
Тоа толку многу ме боде во очи, ми смета едноставно.

Знам на некои им е мака да користат запирка, но потрудете се.
Барем кога пишувате нека биде уредно мислењето, некој да го прочита.

И ме нервира многу што една другарка, која инаку е одлична ученичка пишува „СВАЌАМ“ „НЕЗНАМ“ „НЕМОЖАМ“ и други слични примери имам..
Еве јас за пример би ја земала cvetetto, во многу мислења имам забележано дека не се изразува литературно и не користи интерпукциски знаци. Без навреда до неа, само сакам да се поправи.
Инаку сега приметив и дека почна да се поправа, одиме кон подобро.

Јас не бев ништо друго кога се зачленив на форумот, ама се променив.
Пола од правилата во правописот од овде ги научив.

 

Искрено ми беше мака,да користам интерпукциски знаци. Меѓутоа бидејќи некојте се акценски целости па се заборавав дека се пишуваат разделено.

 

Секој греши, признале или не. Грешки се прават и од брзање и од не внимание и сл. Tемава не е поставена да некој се омаловажува, потценува и навредува доколку згрешил некој нешто во пишување. Живи луѓе сите грешат, различни градови и различни дијалекти. Aко некој културно праша нешто што не знае треба да му се одговри без додатни зборови и филозофирање, како што некои овде изигруваат памети со самото тоа што на некому ке му најдат правописна грешка Aко сакаш на некого да помогнеш за да разјасни нешто што не знае, кажи му културно кратко и јасно. Aко некој згрешил не значи дека треба да е тоа за потценување, омаловажување, навредување и сл.работи.
Само на Поента и честитам затоа што таа секогаш знае точно што да пише и како да подучи некого. Без филозофирање и паметување. Продолжи Поента во истиот стил, од твојот начин на изразување може да се види дека си паметна, интелегентна и мила личност која не потценува никого. Треба да се угледаат на тебе.
Грешам и јас и што? Големо чудо ако се згрешело некоја буква или употреби некој збор од своето дијалектно подрачје.

 

Имаме ли во правописот зборче што ќе означува волку?

 

Олку или толку. Ако добро сфатив.

 

Ме интересира дали (нагалено) за снаа, е посодветен/литературен терминот снајка или снашка?

 

Јас мислам дека е снашка,бидејќи снајка мислам дека е дијалектизам . Во врска со правоговоров нашата професорка по македонски,не учи да зборуваме точно.
Примери:
Се пишува Се изговара
Не знам Незнам
сестра ми Сестрами
-------------------------------
или
Двесет и два,а некои изговараат двајз два.
И акцентирањето е важно во правоговорот .

 

Малце глупо прашање ама неможам или не можам е?
или превзема или презема ?

 

-Не можам
-Презема

 

не можам и презема..

 

Не можам
Превзема (за второво не сум 100% сигурна )

 

Правилно е презема

 

Со тоа што мене мене ме правите неписмена внимавајте самите да не се направите...
ЈАС НЕ СУМ ТУКА НА ФАКЛУТЕТ ДА ПИШУВАМ ЕСЕЈ ЗА ОЦЕНКА ПА ДА ВНИМАВАМ НА СЕКОЈА ЗАПИРКА И ТОЧКА....
Споменав и во друга тема дека за пусти лајкови вие се исмејувате на сите скајки само да имате најмногу лајкови на вашите мислења но некој тоа веднаш го проценил и се спротиставил, има тука и свесни луѓе... Од каде знаете јас под кои услови сум го пишувала тоа па да внимавам на све ? Можеби мајками е болна па мислите се ми на друго место а сепак и јас сакам да споделам нешто со вас, можеби немам пари леб да јадам , па мислам во тоа а сепак сум тука... Можеби во животот имам многу проблеми , што не ми дозволуваат да се правам тука ПРЕЦИЗНА И ОБРАЗОВАНА

 

Договорувач или договарач?
Во речник го најдов како договарач, ама во сите книги во кои се споменува во склоп на осигурување, стои договорувач

 

Во речник стои договарач што значи лице кое учествува во договорање меѓу две страни.А поимот договорувач значи организатор,лице кое прави да се склучи договор.Изборот, кој збор ќе го употребиш зависи од контекстот.Се надевам дека ти помогнав.

 

^ Ти благодарам
Во стручнава литература секаде го сретнувам како договорувач, ама некако не ми звучеше како што треба, па затоа си реков ќе проверам. Сепак, веројатно тој термин ќе биде посоодветен со оглед на контекстот во кој го употребувам.

 

Придавка од иритација?

 

Иритациска?
Ако воопшто постои ваков збор...

 

Иритантна.

 

Иритациска, иритантна, дури ни иритирачка го нема во речник.
Не знам дали воопшто имаме придавка од зборов