Правопис

Точно.Надреден знак треба да има над двете и кои имаат значење на кратка заменска форма за индиректен предмет во женски род со што би се разликувале од сврзникот и.

 

Еве неколку правописни правила коишто не секој ги почитува
-кога на крајот на зборот ќе се најдат 3 самогласки, ј секогаш стои помеѓу последните две (пееја, смееја)
-зборовите коишто завршуваат на љ, прават множина со л (детаљ-детали, биљбиљ-биљбили)
-д не се едначи по звучност пред наставките -ски (град-градски), -ство (суд-судство) и -ци (предок-предци)
-заедно се пишува којашто, каковшто, кадешто, итн.
-придавките произлезени од именките страст и училиште (сигурно има и други, ама сега само на овие се сетив) во машката форма ја задржуваат т (страстен, училиштен), а другите форми се без т (страсна, страсно, страсни; училишна, училишно, училишни)

И уште едно правило од македонскиот јазик, не многу поврзано со правописот: два предлога не смеат да се најдат еден до друг во склоп на една реченица. Често сретнувам такви примери, во последно време во книгава што ја читам. Пр.: Се појави од зад вратата; Легна на со свила обложениот кревет. Ваквите реченици не се својствени за македонскиот јазик.

 

За ова не би се согласила. Каде што, кај што, каков што, колку што и така натаму, не се пишувааат слеано. За разлика од чијшто, којшто...

 

Сложените релативни сврзници добиени од заменките кој, чиј и што се пишуват слеано:
којшто, којашто,коешто, коишто, чијшто,чијашто,чиешто, чиишто.
Но, одделно се пишуваат релативните сврзници: кај што, каде што, како што, колку што, каков што, каква што, какво што, какви што.
За македонскиот литературен јазик не е правописно правило слеано да се пишуваат релативните сврзници.

 

Токму тоа сакав да го препишам од правописот. Еве го до мене и тоа го пишува. Моја грешка.

 

Дримке, искрено, се надевам дека е така.

 

Како е правилно оргинал или оригинал?

 

Оригинал.

 

Што значи зборот НЕЈСЕ?

 

турски збор е, и ние го користиме. значи "како и да е" или "без оглед"

 

Нејсе е честичка со која се изразува согласност,прифаќање на нешто (така нека е, и без оглед), а по потекло е турски збор.

 

Потсеќа или Подсеќа

мислам дека знам и на крај пак ме збунува што е точно

 

Потсеќа

 

А не е потсетува? Не сум експерт, но потсеќа ми делува како да е на дијалект, дури и србизам.
Но ако е правилно, немам ништо против тоа
И јас го користам потсеќа во разговорна форма, не сум се запрашала како е правилно

 

Мислам дека прашањето на Викторија се однесуваше дали да биде Д или Т буквата, јас како што разбрав. Инаку и потсеќа и потсетува се употребуваат, иако правилниот глагол е потсети.

потсети (св.)
(се) потсетуваат
Вид збор: Глагол, несвршена форма

Изведенки
1. потсетување ср.
глаг. им.
2. потсеќава несв.
(се) потсеќаваат
глаг. им.
3. потсеќевање ср.
глаг. им.

 

Потсетува можеби е точно но оваа потсеќа ми е повеќе разговорно и ти што велиш дијалектно.
Како што кажа Еми повеќе ми беше за буквата дали Т или Д но веќе е јасно
фала женски

 

Дајте некоја нова дискусија ајде, досадно вака.

 

Не знам дали ќе развие дискусија, ама ајде, сепак ќе пишам:
Идеја или идеа?
Некаде бев прочитала сретства, а јас мислам дека правилно е средства.
Сега, што е точно?

 

Според правописното правило, меѓу самогласките е и а се пишува ј (идеја).
Правилно е средства.

 

И да се надоврзам, множина не е идеји туку идеи.
Јас ќе прашував, низ книги имам сретнато незнаејќи, е сега не сум сигурна како е правилно, дали не знаејќи или незнаејќи. Јас мислам дека е првото (не знаејќи). Па?