Крај на Јануари правам 6 месеци во фирмата. Меѓутоа не ми следува одмор за 2024та година поради тоа. Од денови како за 2024та ги имам тие 2 дена од месец, т.е 12 дена за користење ? И ако да, кога можам да ги искористам, може ли сите да ги спојам/земам одеднаш ?
Според ова што го пиша, право на пропорционален дел од 10 дена имаш за 2024, не 12, бидејќи 5 месеци имаш во 2024. Со тоа што крај на јануари правиш 6 месеци, тогаш се стекнуваш со целосен одмор за 2025. Тие 10 дена од 2024 можеш наеднаш да ги користиш, најкасно до 30.06.2025.
Имам едно прашање. Бремена сум, и некаде на крајот на април сакам да си го земам првин одморот 2 недели, па после да отворам породилно. Ме следуваат тие 10 работни денови нели? Прашувам бидејќи ќе биде во април, да не е рано? 10 години сум во фирмава инаку.
Зависи од кога ви го даваат на користење новиот одмор. Во некои фирми нов одмор може да се користи после 1 јули, а до 30ти јуни користиш стар одмор. Во други пак, новиот одмор може да се користи после 1 јануари.
Од први јануари законски можеш и цел одмор да го земеш. Ако ти речат да не ти го даваат, потешко за нив зошто кога ќе се вратиш од породилно ќе дојде ред за одмор 2026. Па да не ти платат 2 одмора наеднаш временски исто ти се фаќа колку ќе бидеш дома со бебе, да не се нервираш што и да ти речат. Само мислам од аспект и на фирма и на вработен за сите е подобро цел да го земеш сега.
Здраво . Дали ќе може некој што разбира повеќе да ми пише приватна порака, во врска со годишниот одмор ќе биде прашањето поврзано. Не сакам многу јавно да пишувам , работам во доста позната компанија. Фала однапред.
Здраво, вработена сум во фирма од Февруари 2024, со што имав прекин од еден месец и повторно сум пријавена во истата фирма од Септември истата година. Сега сакам да користам зимски одмор, но работодавецот ми вели бидејќи сум имала прекин во стаж немам право за користење на одмор, а јас одново како сум пријавена имам полни 6 месеци. Ве молам за совет, која е процедурата за користење на годишен одмор?
Ако си наполнила 6 месеци непрекинато, имаш право на пропорционален дел од годишниот одмор, односно 2 дена по месец. Изгуглај, прочитај го законот, нека не те мрзи, и ќе видиш во која категорија спаѓаш и дали можеш или не да користиш одмор. https://mojtrudmoiprava.mk/odmor/
Ако не наполнила 6 месеци има право на пропорционален одмор, или 2 дена по месец. Ако наполнила 6 месеци во иста календарска година кај еден работодавач, тогаш има право на цел годишен одмор. "Работникот што првпат заснова работен однос се стекнува со правото на цел годишен одмор кога ќе оствари непрекината работа од најмалку шест месеци кај ист работодавач, без оглед на тоа дали работникот работи со полно работно време или со пократко време од полното. Во рамките на категоријата „непрекината работа од најмалку шест месеци кај ист работодавач“ спаѓаат и платените отсуства од работа, како што се: отсуства поради боледување, празници, слободни денови и останати случаи на оправдано отсуство во согласност со закон или со колективен договор." @Bamby25. Ти немаш непрекинати 6 месеци работено кај истиот газда во една календарска година, и затоа не ти следува цел одмор, но ти следува пропорционален, т.е. 2 дена во месец.
Технички, не може да работиш во една фирма пола година, а да има право на цел годишен одмор. За цел годишен одмор се подразбира она што си го сработил комплетно. Со тоа право математички се стекнува во септември, кога ќе наполни 12 месеци, до тогаш може да користи онолку колку што сработила, значи 12. Пс. Иако е небитно бидејќи никој не може да користи "цел" одмор одеднаш.
Да, ќе немаш цел, но ќе имаш 10 дена, т.е пола од таа година. Но она нема 6 месеци непрекинати во 2024, со што и следува максимум 2 дена по месец.
Епа да, пропорционалниот дел може да го користи, освен ако не е договорено новиот одмор да важи календарски, а не од 1/7, и тоа е често. Секако за еден одмор денови да си истера има
Газда што не сака нововработениот да се налути и да си оди ќе му даде к 15, слободни денови пред да наполни 6 месеци, па дури и кога минималната плата ќе се качи ако си побара и неговата 40000 плата да му ја качи ќе му ја качи само затоа што минималната е покачена.
Вработениот има право на слободни денови и пред да наполни 6 месеци непрекинат стаж, само ова се работи кои се договараат уште пред да се потпише договор.
Пријавена сум од мај 2024, во август користев 5 дена одмор, дали ми следуваат уште 15 дена од минатата година и до кога треба да се искористат?
Фирмата треба да ти издаде решение за користење годишен одмор, тие треба да водат евиденција и тие треба да ти кажат, зошто нив не ги прашаш?
Немам такво решение, а ако ги прашам ќе ми кажат не ти следува или ќе измислат нешто, затоа сакам да сум информирана колку имам право законски и да си ги побарам сама
