Јас колку што ја разбрав нов одмор од 22 дена има за 2021 година. Нели кога ќе се стекнеш прв пат со право на годишен одмор во тековната година, следната веќе од 01 јануари имаш право на нов одмор. Ако сум јас грешка ако станува збор на стар одмор онда ти си во право. Стар одмор од 2020 година може да го користи до 30.06. Кај нас во фирма ако нов вработен донесе потврда за годишен одмор му се дозволува да го користи.
Точно и во јануари 2021 година се стекнува со право на нов годишен одмор за 2021, заради тоа мислев дека пишува за новиот одмор.
Па не, до 30.06 се користи лански одмор, односно останатиот зимски дел, а по шест месеци во работен однос во дадена година, поточно од 01.07, се користи одмор за истата година, кој по Закон за работни односи се зема летен дел непрекинато од 12 работни денови, а останатиот дел кога и колку сакаш но не подоцна од 30.06 наредната година. Е сега, законски може ќе го искористеше да беше пред 30.06, целиот одмор на новото работно место, но со 22 дена одмор, би била отсутна месец до месец ипол, малку да не речам безобразно и спрема новиот работодавач и новите колеги.
Јас би те советувала сите денови од стариот одмор да си ги земиш сега во старата фирма. Затоа што во новата фирма стариот одмор нема да можеш да го искористиш. Во врска со новиот одмор од 2021 мислам дека во новата фирма ќе ти дадат да го користиш последна, затоа што ти си нова и преднос ќе бидат старите вработени ако веќе сакаат да ти ги дадат наеднаш тие 12 дена. Се зависи до фирмата и како ќе се договориш. Овде законот не те штити многу. Законски ќе ти ги дадат деновите. А како ќе ти дозволат да ги користиш зависи од политиката на фирмата и нивните потреби.
По процедура, ти следуваат толку денови колку што ти е договорот. Ако во фирмата во која што си сега договорот ти е до Јуни, ти следува годишен одмор за пола година, не за цела. Не знам зошто би ти дале 22 дена кога си вработена до Јуни. Дури и да си добила стварно 22 дена, со отказот ти се рачунаат само деновите до Јуни. Во новата фирма ти даваат одмор од денот кога ќе се вработиш до крај на договор. Префрлање на неискористен одмор од една во друга фирма е само ако новата фирма се согласи.
Извини ама грешка си новиот одмор може да се користи од 01.01 во годината не треба да поминат 6 месеци за да имаш право да користиш нов годишен одмор. Ова ни го има потенцирано Бојана судијата за работни односи од Основен граѓански суд Скопје на семинар. Тоа што фирмите кај нас си тераат нивни посебни правила тоа е башка. И тие 12 раб дена што ги спомнуваш по ЗРО се две непрекинати работни недели до крајот на календарската година не мора летно време да се користат. Како и да е да не е во ред одма одмор кај нив работодавач сепак се остава некоја поинаква слика за почеток, иако законски може. На крај го збунивме девојчето што праша хаха
Од 01.01 до 30.06 се користи одмор стекнат од или во текот на претходната година. За да имаш право на годишен одмор, треба да се поминати 6 месеци од почетокот на работниот однос. Во случајов на членката, таа има денови, т.е цел одмор од 2020. Ако и годинава има непрекинат стаж, кај новата фирма ќе користи летен одмор за 2021, ако има прекинат стаж ќе мора да чека 6 месеци за да стекне право на годишен одмор за 2021. Законот е доста јасен, можеш и да го прочиташ, јавно е достапен.
Не ми беше целта да се расправам туку чисто да размениме мислења, не се секирај го знам многу добро законот пошто тоа и работам, дополнително на милион обуки за работни односи сум била... Не си во право (по мое мислење, знаење и пракса) за одредени работи ама нема потреба да те убедувам или да ти наметнувам мое мислење секако не можеме да се разбереме. По истото прашање има многу различна и судска пракса така што џабе ќе се убедуваме.
Мислам дека постои можност и да ти бидат платени слободните денови од старата фирма, за да не ти пропаднат.
Не можеш да користиш одмор во Јануари, февруари 2021 а истиот да е тој за кој уште не си исполнил услови за истиот, нема логика годината да ја почнуваш со одмор кој уште не си го изработил. Не е работата за убедување, туку како е по закон, кој можеше да го отвориш и прочиташ, наместо да се докажуваш овде со мене.
Чекај малце сакаш да ми кажеш дека спред тебе секоја година треба да работиш 6 месеци за да се стекнеш со право на годишен одмор? Апсолутно НЕ. Ако јас почнам на работа прв пат во мај 2020 година во ноември имам право на цел годишен одмор. Ако продолжам на работа на истото раб место во јануари 2021 година јас веќе се стекнувам со цел годишен одмор за 2021 година, не треба да работам 6 месеци во новата година за да имам право на годишен одмор. Сулудо е да толкуваш дека секоја година треба да работиш 6м за да имаш право на годишен одмор. Зашто инаку би се издавале решенија зс годипен одмор на почеток на година.
@Bubamaricka Се стекнува со право на годишен одмор за тековната година, а до 30.06 се користат денови од одмор од претходната година. Читај поубаво. И да, апсолутно не може да се користи одмор од тековната година пред 30. 06
@Mikha4 Не мешај работи... текстов што си пратила е за префрлување на годишен одмор што нема врска со тврдењето твое дека треба секоја година да работиш 6 месеци за да имаш право да користиш годишен одмор.
Во право си генерално ако зборуваме за користење одмор, и хипотетички ти е искористен целиот од претходната година. Не мешам работи, требаше да допишам, не можеш да користиш нов одмор од тековната година пред да го искористиш од претходната. Во случајов на членката уште не ѝ земен за 2020, да не си помисли дека тој ќе го користи, а ѝ го дадат во новата фирма за 2021. Во тој случај ќе ѝ пропадне цел за 2020, освен 5 дена од 25ти до 30 јуни.
Апсолутно секако прво треба да искористиш стариот одмор. Е сега ако пример јас немам стар одмор сум го искористила заклучно со 31.12 а работам на истото раб место од јануари можам од новиот да користам, тоа ми беше поентата. А за членката искрено мислев дека за новиот одмор зборува од 2021 година. Инаку со последново твое мислење се согласувам.
И јас така мислам , но на работа ми кажуваат дека никакви денови за одмор не ми следуваат за 2020 год бидејќи 6 месеци од вработувањето направив во јануари 2021 година. Каде да се обратам за подетални информации ,мислам кое министерство? Труд и социјална политика?
