Право на годишен одмор

Дечки, јас прашував за одморот од 2021. Оној од 2020 ми е целосно искористен и нема да имам потврда за неискористени денови. И не, не планирам да почнам кај новиот работодавец искористувајќи 22 дена одмор уште непочната, фала многу што скокнавте на заклучоци пред да прашате прашањето го поставив во тој контекст доколку во случајов немам прекин во стажот, дали работодавецот би ми дал два-три дена одмор пред да наполнам 6 месеци во фирмата доколку ми се потребни.

 

Да, задолжително е за работодавачот за секој месец работа да ти овозможи 2 дена годишен одмор, во пракса ги даваат вкупно сите денови после 6 месеци од засновање на работниот однос, инаку во секој случај можеш да побараш 2 дена годишен одмор во било кое време само треба 3 дена однапред да го известиш работодавачот за користење на 2 дена годишен одмор во денови кои тебе ти одговараат.
Единствено не можеш да користиш било како годишен одмор во првиот месец од засновање на работниот однос, затоа што немаш стекнато денови за годишен одмор, после првиот месец тоест во вториот месец од засновање на работниот однос можеш да побараш да си ги искористиш 2 дена од годишниот одмор кои си ги стекнала по еден месец работа, и така натака за секој месец одделно или како што кажав на крај да бараш вкупно да ти се дадат деновите од годишниот одмор за тие 6 месеци работа.

 

Зависи од работодавачот, по закон имаш право да ги користиш тие денови кои си ги сработила, макар биле и два. Но, праксата покажува дека не се сите расположени за соработка. Кај мене во фирма многу сакаат така сецкано да даваат одмор, многу потешко добиваш споени две недели. Договори се дури е време и најдете средина.

 

Колку „експерти“ толку толкувања кај мене на работа
Работам во фирма, ми останува одмор, договорот за работа ми завршуваше на 31.12. Во истата фирма (додека траат конкурси и слично) продолжувам да работам од март следната година. Имам ли право да го користам стариот останат одмор? Стаж имам многу, не сум почетник. Ги читав тука искуствата, ама не се најдов себе. Новиот не е спорно дека треба да го добијам.

 

Ако имаш непрекинат стаж од мин 6 месеци ти следува но бидејќи имаш прекин во раб.однос колку што сватив од постот тогаш не ти следува

 

Да, имам прекин. Во една претходна фирма ми имаше останато одмор, ми дадоа потврда дека можам да го користам во следната фирма во која ќе се вработам, без оглед на прекин. Тоа ме буни.

 

Да потврда може да даде и да се користи ама ако нема прекин во стаж, таков е Законот за работни односи. Тие во потврдата можат така да напишат но новиот работодавец ќе си го применува ЗРО.

 

Благодарам на одговорот. Значи одиме со користење на новиот одмор. Здравје

 

Немам 6 месеци во фирмата, но немам ни прекин од претходната дали ме следува одмор?
Знам дека од месец имам по два дена, тогаш ќе имам 8 дена плус викенд значи 10 дена, но прашањето ми е дали без прекин ми следува цел одмор или кога ќе имам 6 месеци?

 

Пренесувањето на одморот се прави во договор со фирмата со која потпишуваш договор, ретко која фирма им дозволува на новите работници да користат веднаш одмор. Ако не си се договорила на почетокот, со документ од претходното работно место за искористен одмор, тогаш ќе оди потешко. Ако имаш доволно број месеци сработено, а не се шест, тие осум спои ги со два викенда и ќе ти искочат 12 технички. Летен одмор е 12 работни дена, и да имаш право на цел одмор 20+ дена, не можеш да ги користиш во лето сите. Според ова што го кажуваш, не си далеку од тие 12 дена летен одмор.

 

Дали после 2 месеци во фирмата можам да побарам 3 слободни дена, иако одмор ме следува после 6 месеци?

 

Да, можеш да побараш, ти следуваат 4 работни дена годишен одмор за 2 месеци работа.
Ако мислиш за слободни денови кои не се од годишниот одмор, тогаш исто можеш да побараш, но се зависи од работодавачот дали ќе ти дозволи, или замени се со слободни денови со колегите.

 

Месечно имаш право на 2 работни дена одмор. Ако не се вработуваш по прв пат, можеш да ги искористиш пред наполнување 6 месеци на местото. Ти имаш одработено 4 дена до сега, ама реално е во договор со работодавецот дали ќе дозволи користење. Факт е дека работниците со цел годишен одмор за користење имаат предност пред тебе, па може и да те одбијат за терминот.

Ако имаш ок однос, и работната позиција трпи, не би требало да имаш проблем ама не планирај пред да разговараш.

*За мене лично земање одмор после само 2 месеци на едно работно место е несериозно.

 

Мојот газда реши оваа година само 18 дена да сме имале одмор,доста ќе ни било

 

Каде се пријавува газда што не им дава на работниците користење на годишен одмор, 10 години иста песна, една недела одмор у август во кој се вклучени Илинден и викенд со што искористуваат само 5 дена одмор уствари. Одат на колективен и после веќе немаат одмор, празниците кои се задолжителни и ги сметаат во одмор и стварно е нечовечно веќе, они не сакаат да дигнат глас, мајка ми сама не може ништо, многу се нервирам. Да работиш ти 12м, без ниедна сабота слободна и да ти дадат 5 дена одмор у цела година, ма да пукнат. Сакам да ги пријавам.

 

Во трудов инспекторат, можеш да ги пријавиш анонимно на веб страницата на трудовиот инспекторат.

 

После колку години стаж е ова со 2 дена за секој месец, односно 24 годишно.
Прашувам оти еве пример мм има 21 ден.
Реално ок му ги дава деновите,односно може и сите одеднаш да му ги даде, ама баш би сакала да знам.

 

Во Општина Центар им е седиштето на ДТИ, барака 7 мислам беше, од вратата главна скроз лево бараката пишува, ќе ти дадат преставка да напишеш, во архива се поднесува. Инспекторки се, за 1-2 дена веднаш ќе почнат со работа. После и те известуваат што е одлуката, писмено.

 

Не можам да одам лично, не сум бо МК, а и се работи за во Кочани не знам дали има врска. Сепак фала ќе ми се најде оваа информација, јас пријавив на страната ама немам одговор до сега.

 

Тоа два дена за секој месец се вика пропорционален дел од годишен одмор и е САМО КОГА работникот нема 6 месеци стаж за да се стекне со право на цел годишен одмор. Откако ќе се стекне со право на годишен одмор колку што има по решението согласно законот толку, во конкретниот случај 21 ден.