Значи кога ќе даваш отказ тоа нека биде написмено, и во него можеш да допишеш барање да ти се овозможи одмор согласно Закон за Работни односи,.. или да составиш посебно барање надоврзано на отказот. Должни се да ти го дадат, всушност и веќе направиле прекршок, бидејќи не ти го дале првиот дел до крајот на 2021, законот вика првиот летен дел од одморот се користи непрекинато и минимум 10 дена, во периодот од 01 Јули во тековната година до 31 Декември, а остатокот по договор меѓу работодавачот и работникот но не покасно од 30 Јуни наредната година
Токму тоа сакав да искоментирам, пред крај на право на користење одмор да имаш 20 дена одмор е незамисливо. Не ми е јасно ова.
Дали знаете како се добиваат дополнителни денови одмор според стаж, не можам да најдам во законот. Пишува минимум 20 работни дена, ама знам дека имаше некое правило. Во смисла после 5 години стаж добиваш уште еден ден плус.
Не постои веќе стар-нов одмор. По закон одморот се користи во тековната година, значи од 01.01-31.12 (освен ако фирмата со колективен договор дозволи дел од одморот да остане за наредна година). Исто така не постои летен и зимски одмор. Одморот е еден, минимум 20 дена, максимум 29 дена. Само првиот дел од одморот мора да се искористат 10 дена, а понатаму кој како сака и има потреба. Фирмите што даваат 10 дена летен и 5-10 дена зимски одмор, со ограничувања кога да се користи работат незаконски. Уште за случајот погоре што прашуваа: ако ја почнеш тековната година како вработен во одредена фирма, ти следува целиот одмор за таа година. Нема 2 дена по месец, нема користење до јуни-јули. Значи целиот одмор.
Користење на годишниот одмор Член 141 (1) Годишниот одмор по правило се користи во текот на календарската година. (2) Годишниот одмор може да се користи во повеќе делови во договор со работодавачот, со тоа што еден дел од годишниот одмор мора да трае најмалку две непрекинати работни недели. (3) Работодавачот е должен на работникот да му обезбеди искористување на 12 работни дена годишен одмор до крајот на тековната календарска година, а остатокот до 30 јуни идната година. (4) Годишниот одмор којшто не бил искористен во тековната календарска година заради отсутност поради боледување или повреда, породилен одмор или одмор за нега и чување на дете, работникот има право да го искористи до 30 јуни идната календарска година. (5) Работникот кој работи во странство може во целост да го искористи годишниот одмор до крајот на идната календарска година, ако е така определено со колективниот договор на работодавачот. --------------------------- Ова е член 141 според последната верзија од ЗРО и го нема тоа што го пишуваш. Не знам од каде е потребата да си измислувате прописи кога за 2 минути може да се проверат.
Јас не пратам закони, но ако е од лани, ќе треба време да почне да се имплеметира, односно по логика на нештата, временска, реално ќе може да се имплементира од 2023. Првиот дел од одморот порани беше 12 дена, ок ете сега е 10, не менува многу, и да, прашање е на договор. Два дена за месец си е практично пропорционален дел од одморот, работникот има право на тоа. Летен/зимски во смисла дека постои некој ред, а и тоа е периодот кога обично фирмите даваат одмор.
(4) Годишниот одмор којшто не бил искористен во тековната календарска година заради отсутност поради боледување или повреда, породилен одмор или одмор за нега и чување на дете, работникот има право да го искористи до 30 јуни идната календарска година. Убаво пишува дека само од овие причини може одморот да се користи во идната календарска година
Го прочитав, став број 4 е надополнување. @Abel можеби се контрадикторни, или пак е само надополнување како што кажав. Законот е тој. Став бр 1 кажува се.
Да, ако и првиот дел од одморот кој треба да се користи до крајот на тековната година, познат како летниот дел од одморот, не е искористен од наведените причини, се користи и тој до 30 јуни од наредната година. Нема ништо контрадикторно.
Законот си е тој. Од моето искуство, одморот е најподложен на договор таму каде што работата дозволува.
Тие ставки колку што знам, може грешам, се исти, нема промени. Тоа што од х причини не се искористило до крајот на годината, се префрла до 30 јуни наредната. Ако не се искористи до 30 јуни, не може да се префрли, иако во пракса и тоа се дешавало, само административно поинаку се решава.
Договорот е секако најважен, секако во рамки на законот. Муабетот ми беше најмногу за членот што му пишавте дека не му следува нов одмор. Ако ја почнал годината во фирмата, му следува цел одмор.
После шест месеци следува цел одмор, дотогаш мислам само пропорционалниот дел. И мислам дека муабетот беше повеќе на тоа што всушност значи цел одмор, не може да бидеш во некоја фирма 5 минути и веднаш да земеш 20 дена одмор, затоа тој се дели во два дела.
Му следува ако му дадат потврда од старата фирма дека не му е искористен одморот од кај нив и секако ако нема прекин во стажот.