Право на паричен надоместок во случај на невработеност

Право на паричен надоместок има невработено лице кое било во работен однос најмалку девет месеци непрекинато или 12 месеци со прекин во последните 18 месеци.

Право на паричен надоместок има невработено лице за времето поминато во работен однос, за кое се уплатувани придонеси од задолжително социјално осигурување и тоа:
– во работен однос со полно работно време;
– во работен однос со неполно работно време, пресметано во полно работно време;
– во работен однос на определено време (сезонска работа) подолго од 40 часа во неделата, ако тоа време му е пресметано во работен стаж и
– за работа во странство.

Право на паричен надоместок не може да оствари невработено лице на кое работниот однос му престанал поради:
– давање писмена изјава на работникот дека сака да му престане работниот однос, освен ако таквата изјава е дадена поради промена на местото на живеење на брачниот другар или склучување на брак;
– спогодбено престанување на работниот однос;
– остварува права од работен однос спротивно на закон;
– престанок на работен однос по сила на закон, освен во случај на престанок на правното лице поради стечај;
– неоправдано изостанување од работа последовно три работни дена или пет работни дена со прекин во текот на една година;
– престанокот на работниот однос со отказ од страна на работодавач за кршење на работната дисциплина или неисполнување на обврските утврдени со закон, колективен договор и договор за работа;
– одбивање да работи на работи на кои е распореден во согласност со закон;
– одбивање да биде преземан со спогодба кај друг работодавач во согласност со закон;
– одбивање обука, преквалификација или доквалификација за друго работно место кај ист или друг работодавач, што му се обезбедува во согласност со закон;
– губење на работната способност согласно со прописите за пензиското и инвалидското осигурување и
– исполнување услови за остварување право на пензија.


Висината на месечниот паричен надоместок за време на невработеност се утврдува врз основа на пресметаните и исплатени плати кај работодавачот согласно со закон, колективен договор и договор за вработување и изнесува 50% од просечната месечна нето плата на работникот за последните 24 месеца за лице кое има право на паричен надоместок до 12 месеца, а за лице кое има право на паричен надоместок подолго од 12 месеца, паричниот надоместок за првите 12 месеца изнесува 50% од просечната месечна нето плата на работникот за последните 24 месеца, а за преостанатото време 40% од просечната месечна нето плата. Надоместокот не може да изнесува повеќе од 80% од просечната месечна нето плата по работник во Републиката, објавена за последниот месец.


Паричниот надоместок на невработеното лице се исплатува:
1) еден месец, ако има стаж на осигурување најмалку девет месеца во непрекинато траење или 12 месеца со прекин во последните 18 месеца;
2) два месеца, ако има стаж на осигурување над 18 месеца до две и пол години;
3) три месеца, ако има стаж на осигурување над две и пол до пет години;
4) четири месеца, ако има стаж на осигурување над пет до седум и пол години;
5) пет месеца, ако има стаж на осигурување над седум и пол до десет години;
6) шест месеца, ако има стаж на осигурување над десет до дванаесет и пол години;
7) седум месеца, ако има стаж на осигурување над дванаесет и пол до 15 години;
8 ) осум месеца, ако има стаж на осигурување над 15 до седумнаесет и пол години;
9) девет месеца, ако има стаж на осигурување над седумнаесет и пол до 20 години;
10) десет месеца, ако има стаж на осигурување над 20 до дваесет и две и пол години;
11) единаесет месеца, ако има стаж на осигурување над дваесет и две и пол до 25 години и
12) дванаесет месеца, ако има стаж на осигурување над 25 години.

На невработеното лице кое има над 15 години стаж на осигурување, а на кое му недостасуваат најмногу до 18 месеци пред исполнување на услови за стекнување право на старосна пензија, паричен надоместок му се исплатува до неговото вработување, односно до настапувањето на некои од основите за престанок на правото на паричен надоместок.

Паричниот надоместок на невработеното лице му припаѓа од денот на престанокот на работниот однос, ако невработеното лице поднесе барање до Агенцијата кај којa е уплатуван придонесот за вработување, во рок од 30 дена од денот на престанокот на работниот однос.


Правото на паричен надоместок на невработеното лице му престанува ако:
– заснова работен однос;
– основа трговско друштво, претпријатие или друго правно лице;
– врши занаетчиска или друга професионална дејност;
– одбие да се јави кај работодавачот ако е упатен од Агенцијата за засновање работен однос;
– одбие да заснова работен однос кај работодавачот ако го упатилa Агенцијата.
– одбие вработување со полно или скратено работно време, кое не е помало од половината од полното работно време, а е соодветно на неговото образование, знаење и можности;
– одбие обука, преквалификација или доквалификација која одговара на неговата стручна подготовка, знаења и способности или по своја вина ја прекине обуката, преквалификацијата или доквалификација;
– исполни услови за стекнување право на пензија или оствари право на пензија;
– невработеното лице од страна на надлежен орган се затекне на работа, е работно ангажирано или врши дејност спротивно на закон;
– ја загуби работната способност со денот на утврдување на изгубената работна способност.
– неоправдано одбие привремено вработување во исклучителни случаи (поплави, земјотреси, неопходно извршување на земјоделски работи и слично) од страна на надлежен орган кој организира акција за отстранување на последиците или за нивно спречување;
– одбие работно ангажирање за вршење на јавни работи;
– одбие вработување на работно место за кое се бара пониска стручна подготовка од неговата, а ако непосредно пред да остане невработен, со своја согласност, работел на такво работно место или изјавил дека прифаќа вработување и на понизок степен на стручна подготовка;
– отпочне издржување на казна затвор, подолго од шест месеци; – не се јавува во Агенцијата во утврдениот рок; – не се јави на покана на Агенцијата од неоправдани причини; и
– не ja извести Агенцијата во рок од осум дена за секоја промена која е услов или основа за стекнување, остварување или губење на правото на паричен надоместок.

Невработеното лице на кое му престанало правото на паричен надоместок може да го оствари тоа право ако повторно ги исполни условите за здобивање со право на паричен надоместок, со тоа што во стажот на осигурување не му се пресметува времето поминато во работен однос пред примениот последен паричен надоместок, освен на невработеното лице кое по престанокот на последниот работен однос има над 15 години стаж на осигурување, а на кое му недостасуваат најмногу до 18 месеци пред исполнување на услови за стекнување на право на старосна пензија.

 

Супер што сте ја отвориле темава, баш имав некои прашања и недоумици.
Работам речиси 4 години во приватна здравствена установа. Докторката ми наговести дека од Нова Година „ќе затвара“. Веројатно ќе го изгубам работното место поради отказ од деловни причини, популарно речено ќе станам технолошки вишок.
Е сега, според горе напишаното од членката, значи ли тоа дека три месеци ќе имам право на паричен надоместок?
Ако сум земала плата 10.000 денари, ќе ми следуваат 5.000?
Ве молам некој ако знае или има искуство со ова нека помага Благодарам.

 

@NajMila2

Да ,ќе имаш право на 3 месечен надоместок во износ од половина од платата на која си пријавена, но само ако ти дадат ( обичен ) отказ или фирмата отиде во стечај, а не ако ти си дадеш отказ лично, ако потпишеш спогодбен отказ или те отпуштат поради непочитување на некое од правилата во фирмата.

 

Знам знам, благодарам. Дефинитивно е така, и други прашав

 

Здраво. Дали некој знае по кој основ следува паричен надоместок при напуштање на работа? На страницата на трудот имаат објаснето во кои случаеви не следи.

 

Ако е спогодбено не следи надоместок.

 

Што значи тоа ''обичен'' отказ?

 

Што значи спогодбен отказ?

 

Само еднаш има право да се користи оваа парична помош или може пак и ако претходно пред некоја година си ја искористил?

 

Zdravo dali nekoj znae dali mozam da zemam osteta za izvaden bubreg ili paricen nadomestok

 

Здраво, кој е поупатен по ова прашање да замолам за одговор, на пријателка пред месец дена и кажале дека ќе и дадат отказ, односно нема да и го продолжат договорот кој истекувал за месец дена. И дале документ на кој пишувало спогодба, набрзина го прочитала и потпишала. Истиот не бил потпишан од директорот бидејќи во моментот не бил во државата. Откако се распрашала и сфатила дека не требала да потпише реагирала кај HR от зошто раб однос не и е прекинат по основ на истек на дог за да може да користи надомест од завод, добила одговор дека тоа било само известување да знаела да си бара работа и дека секакони следува 3 месеци надомест од завод. Вчера била да ги подигне документите за да оди во завод и хаха биле сменети, место спогодба на документот пишувало одлука во која убаво е наведено зошто и се прекинува раб однос и дека и следуваат сите права законски како невработено лице. Прашањето ми е зошто сакале да и подвалат спогодба? Што губи работодавецот ако неа раб однос и е прекинат по истек на дог и може да користи 3 месеци надомест од завод? Зошто се оди на варијанта спогодба? Ако не реагирала, претпоставка е дека ќе и подметнале спогодба.

 

МТСП: Паричен надоместок за прекин на работен однос, согласно работниот стаж , преку Агенцијата за вработување

Спојлер: Линк

https://www.mtsp.gov.mk/covid-19-ns...rabotniot-staz-preku-agencijata-za-vrabo.nspx

Информации за мерка 4.

КОЈ НЕ МОЖЕ ДА ОСТВАРИ ПРАВО НА ПАРИЧЕН НАДОМЕСТОК

Невработеното лице на кое работниот однос му престанал поради:

- давање писмена изјава за престанок на работниот однос (освен ако таквата изјава е дадена поради промена на местото на живеење на брачниот другар или склучување на брак);

- спогодбен престанок на работен однос;

- остварува права од работен однос спротивно на закон;

- престанок на работен однос по сила на закон (освен во случај на престанок на правното лице поради стечај);

- отказ од страна на работодавачот поради кршење на работниот ред и дисциплина;

- одбивање да работи на работи на кои е распореден во согласност со закон;

- одбивање да биде преземан со спогодба кај друг работодавец;

- одбивање обука, преквалификација или доквалификација;

- губење на работната способност, согласно прописите за пензиското и инвалидското осигурување и

- исполнување услови за остварување право на пензија

 

Може пак, треба да се запазат само месеците. Целокупното користење е една година. Ова повеќе е идеално за тие што им фали стаж, но зошто па да не си користиш ако можеш. Далеку подобро е технолошки вишок, отколку спогодбен.

За ова си има посебен правилник и (не сум проверила дали има веќе постоечка тема) може е добро да стои како посебна т.е нова тема. Паричниот надоместок е врз основа на телесните оштетувања, а не за во случај на невработеност (линк).

Испратнина треба да си исплати фирмата врз основа на работниот стаж кое лицето го има таму додека работела (надоместокот од АВРМ е башка). Е сега фирмите тоа ги боли, им доаѓаш „скапа“ за отпуштање. Плус, кога е со технолошки нема манипулации да треба да ти подметнува дека се откажуваш од испратнината и законски е на денот на завршување на работниот однос исплатата. Сума сумариум, добиваш испратнина од фирма и надоместок од АВРМ кога си технолошки. Додека сите со спогодбен не се заштитени никако (се губи правото на испратнина и надоместок).


Читајте, прашувајте поблиски за секакви искуства. Сѐ е и повеќе од добредојдено, оти за обичниот човек никој не мисли (ако сам не си засука ракави).

 

Дали некој зимал од овој надоместок. Пополнив пријава, сѐ што требаше и не знам кога би требало да почнат со исплата. Пред еден месец ми се поднесени документите, се чека многу или кај да е ќе пуштат пари?

 

Имаш решение за исплата? Доцнат малку, ама секако исплаќаат. Ако си се пријавила веднаш по престанокот на работниот однос (а не во крајниот рок т.е последните денови), ќе земеш за месец дена. Стрпи се до средина на месецов.

 

Да, веднаш следниот ден поднесов документи, ама не е стигнато решение. Прашувам зошто поштата генерално очекувам да доцни па мислев да не пуштат пари пред да стигне. Супер штом се доследни, ќе си почекам. Фала

 

Решение треба да ти изготват, па ќе ти стигнат на сметка. Во принцип е месец дена (нешто ситно над 30), ама после си се доследни и исплаќаат редовно.

 

Јас сум невработена цела година плус бремена плус без породилно смеам ли да аплицирам? Прв пат слушам ова.. Колку време се зема? Што документи требаат? Колкава е вредноста? Некоја членка поупатена да кажи нерви искинав пари се нема термин се наближува таблети и инекции до позајмени пари купувам?

 

Не можеш да земеш пари. Доцна е за поднесување на документи.

 

Дали овој надоместок следува ако останеш без работа ама заради aзатворање на своја фирма? Пример јас иман фирма како трговец поединец и ја затворам, дали ми следува?