Како се адаптираа вашите во прво одделение.Син ми се погоди во клас без никој познат.До 20 години некако тешко стварав другарства, се плашам дека тој некој страв и таа борба за свое место да не му го пренесам. На кој начин полесно да се адаптира, да им пристапи да не се зближи само со едно па кога ќе го отфрли да биде повреден.
Ме интересира за следново. Дали вие купувате фиокари, принтери и други работи за во школо што според мене ако имаат потреба нели треба општината да си ги обезбеди овие работи а не ние родителите ? Исто ме интересира дали има потреба и за телевизор ?
Треба општината да си ги обезбеди. Кај нас наставничките имаат принтер од претходната генерација, ние само топови хартија купуваме Исто купуваме тоалетна хартија, брисачи, влажни и сапун. Битно градоначалникот се изнаслика со првачињата дека им обезбедил униформи. И тоа им подели на првите 5-6 деца за слика, останатите ги добивме неколку дена покасно. Телевизор според мене нема потреба, кај нас за клима се шушкаше да купиме ама не помина идејата кај мнозинството.
За работи за хигиена што ги наброја да не зборам ние ги купуваме секако. Него ова ме интересираше . Кога прашаа како се принатло претходно ни кажаа минатата генерација си имала и сега си го зеле кај нив во училница.
Како ги ослободувате од школо децата? Мораме да одиме надвор од Мк на еден ден од здравствени причини ама за другото дете, само што мора да одиме сите комплет зашто немам на кој да ги оставам. Што да им кажам на наставничките? Многу ми е непријатно.
Ќе си ја кажеш вистината родител има право до 5 дена во годината да оправда отсуство,без медицинска белешка.
Ќе си кажеш како што е. Ние неколку пати од оваа причина го ослободуваме. Немаме на кој да го оставиме и оди со нас. Е сега каква ти е и наставничката зависи. Ако е разбрана, ќе сфати ако не ќе приговара па што, па како...
Кај нас на почеток на година обезбедивме топ хартија, во боја и слично.. друго сѐ имаше веќе.. хигиена само влажни ни побараа..
Ахам . Кај нас ништо нема. Купивме фиокари, принтери , за хигиена носиме влажни, тоалет хартија сапун брисачи. Ова топ хартија и сл фала богу носиме. Јас сум на еден начин запрепастена од општините и државава. Основни услови да нема основно училиште кое е задолжително нели и да си чекаат родителите да им обезбедат принтери фиокари и ред други работи ( за средства за хигиена не зборам) е стварно некоректно.
Јакото бесплатно образование 4000 во просветно потрошив(без ранец), 1500 за буџет во школо ќе видиме до кога ќе трае тој буџет за фиокари, сапун, тоалет, чаши, брисачи, тонер...
Цел список имавме преку 20 ставки за прибор со разни боици девени, фломастери, пастели едни како мрсни, плус мрсни, плус водени, плус четки, лењири со вакви такви форми... башка тетратки неколку типа различни, блокови, несесер за приборот, подлоги за ликовно, листови едни ваква дебелина едни таква, папки едни вакви едни такви... лудило Школото во училницата немаше шкафчиња не фиокари грешка моравме самите да набавиме Во просветно 2000ки влегов во офис уште 1600-1700 ме кошташе со се шишето (400д).. сите се жалеа некако не беше фер на родителска ни викаат до утре не се остави бар 4-5 дена да се види кај има поевтино. Бтв родителската заврши во 19:30 сити мол покољ беше
Баш лудило. Имаат воопшто време да искористат се од набројаното? Пример мрсни и тие пастелни? Лењири со форми? Какви типови на тетратки за прво одд? Некои учители/ наставници навистина претеруваат. За кај син ми бараа дрвени боици, фломастери, водени боици и 2 четки (дебела и тенка), колаж хартија, пластелин, една голема папка што стои во училиште, и една мала пластична за листови секој ден што ја носи. 3 блокчиња и тетратки А5 (по една за секој предмет). 2 моливчиња, гума и острилка. Ранец и кутивче за прибор не ги ставам тука, бидејќи цените доста варираат. Шише за вода исто, има цени од-до.
Ранец не го пишав во тие 4000 денари да минусирам 300д шише за вода значи пак околу 3700..прибори доби на поклон. Тетратки а5 формат и башка за почетно пишување тие ќе им требале од 2ро полугодие Ништо немаат искористено пола работи испогуби па докупував. Родителската траеше до 19:30 запнаа до утредентна сите да имаат се' од списокот. Нормално, овци народ никој не се побунивме. Тоа е... после ако се буниш одма ти го прават детето проблематично Инаку на ниво на Карпош беше вака
ќе расговараш со учителката и ќе и кажеш како стојат работите. Лани мај месец се фатија 2 продолжни викенди со 3 работни дена измеѓу. И многу луѓе си ги поврзаа тие 3 дена и од школо и од работа и си истераа одмор. Нема што да се мислиш.
Здраво, не знам дали е вака во другите училишта, но уште во првиот месец многу работи не изненадија. Учителките често ги оставаат сами во училница, дури и на пола саат, па кога ќе се вратат им се дерат на децата дека биле немирни. Во една од тетратките ќерка ми обоила нешто и учителката имаше пишано Прави како што ти се кажува, а не како ти што сакаш Последно дознав дека ги удираат со лењир или пенкало по глава. Не знам како да изреагирам, многу ме шокираше почетокот во училиште, деца од 5-6 години се
Јас не знам што да кажам и кај нас е слична ситуација со тоа што не ги удриале ама дека се дерела наставничката тоа да знам. Не знам еве што мислат они деца од 5ипол и 6 години што можат да знаат. До вчера биле во градинка и им треба време да се адаптираат. Нашава зела пишувала исто по мајки немало концентрација детето, често идело во тоалет не е фокусиран. За тоа често идење во тоалет не треба јас да и кажам дека може да му каже еднаш беше сега не може мислам ако те види дека му дозволуваш 100 пати да оди ќе те користи фала богу.
Вие дома не ги оставате сами во една соба кога имате работа во друга? Учениците треба да знаат дека тетратките не служат за цртежи по желба,но често одбираат да пишуваат тоа што си замислиле самите дека треба,а не тоа што навистина треба да се пишува. Не повишувате тон кога стануваат непослушни? 30мин пауза нема ни еден наставник во Македонија Зошто во негативен контекст го сфаќате тоа што укажала дека детето нема фокус и концентрација? Подобро да си молчи и детето да не напредува? А само да знаете по колку пати одат во тоалет...не за реална потреба,туку за прошетка не знам кој може 100% да процени дете од 5/6г. што го познава 1 месец дали реално му се оди или не. Имало многу ситуации кога се измочкале или искакале во гаќи,од што претходно се шетале,а кога навистина им се одело не ги пуштиле во тоалет.
Не сум за оставање сами во училница првиот месец затоа што уште немаат ред. Учителката треба да е свесна дека тоа се деца кои до вчера биле во градинка, а некои воопшто не биле, па треба малку време да се воспостави ред. Баш ме интересира што ке се случува доколку некое дете се повреди. Во прво имаат по 4 часа, па ниту гладна ке остане учителката, ниту ке е во ситуација да мора да оди во ве-це. Плус англиски им е само со професорката, па има време за пауза. Физичко е комбинирано професор - учител, ама има малку простор. Сосема сами не се за оставање. За пишување и учење критика е океј, треба да се напомене, не гледам ништо страшно тука. Ако моето дете, во било која форма, добие ќотек, ке биде големата. Тужба е неминовна. За немирни деца има педагог, психолог и останати механизми на располагање. Ако не може да се справи со стрес, постои отказ.