Прва операција на промена на пол во Македонија

Веќе повеќето од нас верувам дека се запознаени со овој случај. Денес во ,,Аџибадем Систина" е извршен првиот хируршки зафат за да 35 годишен маж стане жена. Кои се вашите мислења за овој случај? Јас сметам дека е малку лудо да го менуваш самиот она што е дадено по божја волја, нема благослов во таа работа.

 

Мислиш дека тоа е во склоп со природните процеси и верските птинципи и начела ...
Се знае кој може да создаде маж и жена само Господ и никој друг.!!!

 

Прв пат кај нас - во наша болница, е направена операција од ваков тип, а иначе... и јас ко да се сеќавам на еден конкретен лик од пред... кујзнае колку години.

Се додека одлуката е донесена по долго и долго размислување - ок е. Личноста која што ја памтам од некое интервју од по телевизииве имаше малку.. каење. Од тогаш до денес..кујзнае што се случувало со ликот. Не е едноставна работа. Со лесно

 

Не сакам да осудувам никого, секој си оди по својот памет. Сите ќе чуваме деца, па не знаеме што може да ни донесе животот.
Но против ваквите нешта сум. И тоа многу. Бог не створил такви како што требало, со доблести и мани. Никој од нас не е совршен па нема ни да биде што и да смени.

 

Јас првпат тука го читам ова денес
Нека ѝ е со среќа и со лесно Секој има право да се чувствува свој во сопственото тело

 

Моето мислење е кој што сака нека си прави.

 

Го поздравувам овој чекор напред и кај нас.
Не треба човек да живее несреќен само затоа што "бог" така го створил.

 

Јас додека слушав на вести ми се слоши. Не се ли чувствуваат и самите доктори нечовечно додека ја изведуваат операцијата? А за мажот не ни сакам да коментирам. Не дека е единствен, има многу такви и никогаш не би можела да ги сфатам и разберам. Колку далеку ли отиде човештвово?
Додека слушав си го доев бебето и си велам кога ќе порасне со каков свет ќе се запознае?

Си замислив една интересна приказна. Родители бираат машки пол за своето бебе, а тоа над 18 години решава да направи операција да биде жена.

Си играме играчки.

 

Како се бира пол на бебе?

 

^ Зошто докторите да се чувствуваат нечовечно? Тие не го осакатуваат човекот, не вршат експерименти врз него, туку го прават она кое самиот го сакал, а тоа не е ништо страшно. Дел е од реконстурктивната хирургија, па кога може да одат да си ги зголемуваат градите, да си ги поправаат носевите итн., зошто да не би можеле или да е страшно да го сторат ова, кога е буквално истото?
Таа личност конечно може да се чувствува удобно во сопствената кожа, и иако во ова наше затуцано општество се уште допрва ќе наидува на многу осуди, сепак сум убедена дека ќе се справи со тоа, штом се решила на овој чекор. И симнувам капа за храброста.
За жал кај нас се уште мозокот се сфаќа како нешто многу табу, и се што е поврзано со менталниот склоп од личноста е страшен/срамен/ужасен. А притоа се заборава дека и мозокот е дел од телото, па затоа има многу коментари и покажувања со прст, гадења и ужаснувања за без потреба.

 

Немам право да ја критикувам личноста која ја направила операцијата. Не сум во нивна кожа и не знам како и е.
Ако на овој начин ќе има посреќна и подобра иднина, се најубаво. Се надевам дека многу години по операцијата, сеуште ќе биде задоволен/задоволна со одлуката.

 

Нека ѝ е со среќа Ако ја прави среќна тогаш зошто да не. Твое тело - твој избор.

 

Не сум многу добро запознаета прочитај на интернет. Има многу родители кои си го избрале полот на своето дете.

 

Всушност имам читано и тие процедури не се така едноставни и евтини за да многу родители го прават тоа. И кажи ми нели е подеднакво "лошо" родителите да го бираат полот?

 

Доста се качувал....сега ќе и се качуваат (мала шала).
Секока чест за одлуката и успехот на докторите

 

@gjoker4e, нема зошто да се чувствуваат нечовечно докторите, тоа им е работа и дел од професијата како естетски хирурзи, извршиле зафат со согласност, одлучност и желба на пациентот. И како прва ваква операција во земјава поминала успешно и физички, така што врвни професионалци и образовани луѓе можат само како поприличен успех да го доживуваат тоа.
Според мене, единствено нечовечно од страна на медицината (низ светот) кон овие групи луѓе е експериментите и обидите во рамките на психијатријата да ги вратат на „нормалниот пат“.

На сите што ви е гаден овој чин, ви препорачувам да го погледнете The Danish Girl, многу емотивно и touching филмче

 

Па јас не реков дека е добро.
Ако им е добро на родителите да бираат пол, ако му било нему поубаво да си биде жена, добро нека си биде, но јас лично го осудувам тоа.