Прва операција на промена на пол во Македонија

Конечно, исчекав вакво нешто во Македонија.
Фала Ви од срце на сите што имате позитивно мислење по ова прашање, имало луѓе сепак, а и надеж дека еден ден ќе биде подобро за таквите како нас!
Се надевам и дека во иднина ќе се зборува уште повеќе јавно и јасно и гласно на оваа тема. Јас сум трансжена (жена заробена во машко тело), се надевам дека ќе дојдат и "моите пет минути", кога ќе е во прашање операција...
Инаку, за сите Вас кои не осудувате, јас ќе Ви кажам само една работа, дека ова не е никаков хир или некоја будалаштина умислена во нашата глава... па ајде сега мене ми текнало оп пол ќе сум мењала, немам попаметна работа, циркузанти сме биле или не знам што... само јас си знам, секако и другите како мене, колку е само тешко да живеете во такви околности и услови, јас да не навлегувам ама уште од кога знам за себе се осеќам како женско и не, не е никаква илузија или измислица! така и се однесувам, говорам за себе во женски род, ме интересираат исклучиво женски работи... Само јас знам како стигнав до еве 21 година, колку бев малтретирана, плукана, навредувана, отфрлана, дискриминирана... едвај завршив основно и средно, од факултетот се откажав секако, не можев да издржам мислев ќе пукнам и се отпишав, за работа се снаоѓам исто едвај, секако на голем дел им сметам/в... колку само обиди за самоубиство сум имала до сега, среќа што сум жива сепак и што не ми успеаа... Јас ни на душман, не му посакувам овакво нешто, ова не е играчка - затоа Ве молам пред да кажете нешто, добро размислете!!!

 

Епа со здравје да си ја носи.
Негово тело - негов избор.

 

Многу ми е жал. Се надевам дека еден ден ќе успееме да го направиме светот подобро место за живеење, како за сите, така и за вас. Страшно е да помислуваш на самоубиство, да се откажуваш од животниот сон, да не можеш да најдеш работа, само затоа што си поинаква. Те гушкам, ќе биде подобро!

 

Бриџи, Миа ли ја читаше?
Мене ми боде во очи што Фондот покрива ваква операција, а болни деца и возрасни чекаат и собрираат донации.

 

Менување пол сигурно нема никаков проблем со христијанството. Осудата на другиот има.

 

Дај Боже мила, знам дека е страшно да се помисли на самоубиство ама кога едноставно си притиснат до ѕид буквално за жал ти изгледа дека немаш друг избор... Те гушкам и јас, да си ми жива и здрава!

 

Браво! Чекори си гордо напред, заборави на минатото и докажи дека си добра личност.
Многу ме гневат потсмевањата и неприфаќањето од околината. Секој има право на среќа и добар живот. Кои се тие да газат други луѓе, само поради тоа што се различни од нив...

 

А-хам, сигурно.
Библијата е четиво кое изобилува со осуди. Христијанството е хомофобично, впрочем дискриминирачко по разни основи. Тоа што се прават обиди за релативизација, со цел да се одржи и таа бесмислена религија во денешниот либерален свет, не ги менува фактите.

 

Не се согласувам. Викаш дека менувањето пол нема никаков проблем со христијанството. Како нема никаков проблем кога тоа е спротивставување на божјата волја? Мене Бог ме дал женско, јас ако направам операција и станам машко, тоа е погазување на Неговата волја и има и тоа каква врска со христијанството. Овде се` некои модерни христијани, ем веруваат во Бога, ем прифаќаат некои извртени, неприродни работи. Точно е дека и осудувањето на другот има врска со христијанството и не е добро. Но има разлика меѓу осуда и неприфаќање. Она што Библијата не го дозволува, не го сакаме и не го прифаќаме ниту ние верниците. Тоа не значи дека осудуваме.

 

Далеку е од бесмислена. Јас на христијанството гледам како на безизмерна љубов, Исус Христос е бескрајна љубов, себеспознавање и соочување со реалноста за конелноста за материјалниот свет. Но, така јас ја лувстувам, може ти гледаш со други очи и може не пишува така во библијата. Јас сум верник од што сам одлучив да верувам во Бог, не затоа што така пишиувало негде или некој ме принудил. И искрено, не знам ништо од библијата.

 

Ти мислам дека повеќе збориш за стариот завет, кога Господ Бог барал разни жртви од човекот. Во новиот завет ние сме слободни суштества и можеме да правиме што сакаме додека сме на земјата. Кога ќе дојде судниот ден, Бог ќе ни суди, дали сме биле грешни или не. Не е наше да судиме.

 

Вас не ве сфаќам. Место да се браните дека некои работи во Библијата се outdated и да се повикувате на љубов и себепронаѓање, вие уште толку.
Наоколу гледам дека повеќето христијани се приспособуваат кон новите гледишта на општеството и тоа мене ми е сосем океј, иако е оправдување. Сметам дека е во ред, и време е да се направи едно ново ,,толкување" на Библијата кое ќе вели дека е против хомофобија и трансфобија и дека треба да се шири љубов, независно во која форма.
Иако според мене, тоа сè уште е bullshit бидејќи низ годиниве илјадници луѓе си ја извртуваат Библијата и не постои една конкретна, висинска верзија.

Ама како што реков, задоволна сум со тоа, бидејќи на тој начин можеби милијардите тврдокорни христијани во светот конечно ќе се оттргнат од стегите на минатите учења, и ќе тргнат по тоа учење на Библијата.
Зборот ми е, морате да се прилагодите ако сакате да опстанете или со други зборови, подобро за вас е да си ја апдејтирате Библијата.

 

Ако треба нека ја апдејтира некој, засега мое е да ја прифатам таква каква што е.

 

Ако треба да оставиш така како што Бог те создал, тогаш не треба ни да ги депилираш влакната од телото или да ја фарбаш косата.

Според мене, секој има право да биде тоа што сака. Реално, додека не се осеќаш подеднакво исто, никогаш нема да можеш целосно да ја разбереш перпективата на тие кои сакаат да го променат полот. Како можеш да осудиш нешто што не разбираш?
Пробај замисли. Пример: жена си. Размисли што те прави жена, убаво осети ја женственоста во тебе. И оп, погледни надоле: машко тело. Не знам како е, но замислувам дека е така. Зошто во тој случај да не го промени полот? Природата не прави грешки? Луѓе се раѓаат со секакви физички деформации и луѓе им помагаат, ги лечат, ги оперираат, ги менуваат. Ја исправаат грешката на природата.

 

А ако ја сменат, ќе си ги смениш ли ставовите?

 

Поздрав друштво!
http://kitschmix.com/science-proves-homophobia-means-youre-probably-gay/

 

Библијата не е закон па да се менува. Колку што знам, сведоштва се.

 

И тоа како се менува. Библијата е расипан телефон, јас верувам дека авторите не би можеле да си ја препознаат денес.
А има големо влијание, како што гледаме, па тогаш зошто да не ја приспособиме кон денешните општествени сфаќања?

 

Е браво за тебе.

@Lella, зарем оправдуваш нови фалсификати и фабрикации преку кои црквата ќе продолжи да манипулира и да профитира од илузиите на огромни маси народ?

 

Вистината е една и не се менува. Но да не забегуваме од темава, поентата ми беше да се коментира конкретно за еден ваков нов чекор за државава, конкретно за еден ваков хируршки зафат како новина а не да толкуваме нечија психологија.