Прво тромесечие од бременост

Немој воопшто да се грижиш за фолната веќе знаеш .... Аспиринот протект 100мг најчесто го даваат бидеќи ја разретчува крвта (значи мора да има нормален проток на крв за твоето бебе да се храни правилно и доволно ) А утрогестанот е за поддршка на бременоста, за да се зацврсти убаво плодот и да се спречат крварења или некаков исцедок и најчесто се користи во првиот триместар Јас сум со ивф и да ти кажам што се намам користено ,ооооххоооо од медрол, вибравицин, циклопрогинова, аспирин и кринон ( слично на утрогестан ) АМА немој да се грижиш бидеќи имаш природна бременост сега скоро на сите ја даваат таа терапија од аспирин фолна и утрогестан можеш само корист да имаш, во секој случај тоа е добро за твоето бебе ..... честитам и со лесно

 

Espadrila,

јас пиев добрастон и како и утрогестанот се тоа е за зачуваување на плодот. Одмарај до 3 месец и Господ сите да не чува. Само со добра мисла и опуштеност - НАПРЕД.

 

@Espadrila имај најубава и лесна бременост.

Она што мене ми е чудно во последно време, а малку ме и иритира е тоа давање утрогестан и кому треба и кому не треба. Како некој тренд да станал помеѓу докторите. За секој случај, велат, нема штета.
Исто и аспиринот во последно време. Колку што знам го даваат обично после ин витро постапка, па сега почнале секаде.
Па барем кога тој утрогестан го препишуваат на 95 посто од трудниците нека го стават преку фондот. А не 400 и нешто денари за 15 капсули.
Не ме разберите погрешно, не е до парите, каде треба треба, ама пак навистина не знам зошто реално го препорачуваат без вистинска потреба?

 

Поздрав труднички. Јас сум овие денови супер. Апетитот ми се врати скроз и си јадам се. Дури не ми се верува. 12 недела стигнав, мене мојата докторка ми даде само фолна и магнезиум.
Утре сум на преглед, тој во 12 недела и брисеви требало да ми земе. Верувајте ми јас сум жива паника вечерва, незнам зошто не ме држи место.
Туку кој знае да ми каже од која недела се смета второ тромесечие.

 

@irena.1 второто тромесечје започнува со 14 недела, а тоа е четврти месец. Нормално е да не те држи место за утрешниот преглед, па ке си го видиш најмилото, се ќе биде во ред, поздрав

 

Мила се надевам дека со завршувањето на оваа недела ќе ти поминат и мачнините и повраќањето... Инаку јас како што знам и што сум читала второто тромесечие започнува со 14 г.н или 13 полна г.н...Со лесно понатаму па уште малку се читаме во второ тромесечие со Господ напред...Инаку ти го знаеш полот на бебето? Јас сум 11 г.н и крајот на месецот сум на контрола... Поздрав мила и се читаме *

 

Поздрав Дани, 12+2 денес. Вчера бев на ехото, останав вчудоневидена и цела озарена, видов човече, како да не бев свесна се до овој момент дека сум стварно бремена. Баш човече, не престана да мрда цело време, одговара за 12+6. Докторката проверуваше се што треба, ми кажа дека сите мерки си се супер.Ми зема и брисеви, па ги однесов на микробиологија и таму ми извадија крв. Плус со мерките од приската бев и на гинекологија и таму пак ми извадија крв. Исто така повторив и уринокултура. Па од се резултатите другата недела.
Затоа што ова ми е прва бременост, сум решила се што ќе ми кажат, сите испитувања се да направам.
Инаку овие денови сум баш супер, и со јадење и со кондиција. Помалку сум уморна, нормално си јадам. Поправена сум едно кило, стомачето почна да ми се познава.
Аман Дани што направи со мачнините, аман нека ти се смират малку, па да се опуштиш и уживкаш.

 

Ќе си пукнам од среќа,веќе имаме срцева акција.Луѓе срценце чука во мене.
Се е супер,докторката задоволна а ние пресреќни.Сме пораснале,7 недела тераме.Јас луѓе апетит ич немам,сите околу мене јадат за бебето освен мајка му,која нема апетит.Добра сум,немам мачнини и тоа е тоа.Следната контрола веќе ќе бидеме мало човече...
Среќа е ,среќа е голема,неможев ни да замислам дека бременоста изгледа вака.
Ве поздравувам.

 

Ајде да не ја оставаме темата празна Бремена сум 8 недели и 4 дена Од сам почеток до сега сум супер, си јадам, си пијам, и премногу спијаммм До сега фала богу немам ниту мачнини ниту гадења или повраќања се надевам дека и до крај вака ќе остане Едноставно навистина се чувствувам во блажена состојба Инаку пред една недела бевме на преглед и имавме срцева акција и душичето наше беше 1.06цм

 

Zdravo na site novi Espadrila Irena Cigarce Marina....cestitki i dobro ni dojdovte.Na site so lesnicko i so sto pomalku grizicki.Pozdravce i za site onie koi za brzo ke mi dojdat vo temata za vtoro tromesecje.Istite zelbicki i kon vas.Ve cekam tamu da se druzime.

 

@danichap , вистина е дека второ тромесечје е магично
Мислам до последниот ден од првото се истурав од повраќање и мачнини.
Сега веќе полесно се дише. Се уште сум поспана, ама тоа го припишувам ина мојот низок притисок, а и ова време променливо.
Ајде уште некој ден издржи

Јас да пишам тука за мојот прв скриниг, се е супер, бебето одлично, докторка ми кажаа нема потреба од приска правење, а и јас не сакав кога мерките беа супер.
Бев на преглед и на приватно и кај матична и двајца ми кажаа дека ова бебе ќе е девојче , јухуууу

Следниот пост пишувам во второ тромесечје, требаше и овој ама некако не се збогував со ова ко што треба

И честитки за новите трудници, имајте најубава и лесна бременост, со здрави, убави бебиња

 

Честитки и тебе за убавицата Мило ми е што е се во ред со бебушот и што се добри резултатите со лесно во второт тромесечие

 

Поздрав труднички. Ај последен пат да пишам овде, па од утре официјално четиринаеста недела и мислам дека е време да прејдам во другата тема.
Значи го земав резултатот од приската. Јас се што разбрав е low riskдокторите мои ми викаат супер е.
Незнам зошто ама после првото ехо кај мојот матичен јас неможев да се смирам, нешто ме јадеше. И јуначко срце не ме издржа и си отидов на уште едно ехо во приватна клиника. Колку да ми потврдат дека се е добро.
Стигнаа и резултатите од повторената уринокултура. Стрептококата е присутна. И двајцата лекари сега рекоа антибиотик. И капак на се резултатот од брисот вика присуство на кандида.
И сега антибиотик, мене ми е страшно страв да го земам, а од друга страна па присуството на стрептококата многу ме плаши. Дали да се почека уште некоја недела, не сум паметна.

 

Ајде @irena.1 во второ да ми правиш друштво.
За антибиотици јас се не би двоумила, ама воопшто.
Обично се вели: што е поопасно: бактерија или антибиотик. Кога има потреба - треба. И двајца доктори ти го потврдиле истото, пиј ги и не се мисли.

А за кандида не се грижи. Посебно кај трудниците е многу нормална појава. И мене ми беа готови резултати, сите негативни, ама кандида е тука. Прашував дали треба некоја терапија, ми викаат не треба, ништо страшно. Мада и немам симптоми, освен зголемен секрет, ама така ми беше и во прва бременост.
Тебе ти препишаа некои вагиналети за против кандида?
Само кога ќе го пиеш антибиотикот обавезно зимај б комплекс да не ти се зголеми кандидата од антиб.

 

И кај мене нема никаков симптом ни од бактеријата, ни од кандидата, само малкузголемен секрет. Да, ми препишаа и вагиналетик едниот доктор Laktogyn, а другиот Gyko ... нешто. извини не ми текнува како беше. Знаеш како е, страв, да не му наштетам нешто, не дај боже. Мајка ми се распаменти, боже да не сме погрешеле нешто, па и мене ми префрла страв. Многу ми беше паднат имунитетот на почетокот на бременоста. И докторот ми рече и партнерот доза антибиотик да испие. И односи со заштита, затоа што сум склона кон инфекции во периодов, не дека нешто ми текнало за таа работа во моментов, ама да си каже докторот

 

@irena.1 знам јас дека ти се грижиш за бебето, ама да може нешто да му биде лошо, сигурно нема да ти ја препишат терапијата. И не се паничи, ниси ни прва ниту последна со бактерија, и не се потресувај, и мт обавезно да го пие аб, односи со заштита и се ќе биде во ред.

А имунитетот обично падне на почетокот а бременоста, и во двете на почетокот бев очајно болна а обично не сум болежлива особа.

Не знам зошто мене ништо не ми кажаа за вагиналети, а шубе ми е на своја рака да зимам нешто...

 

@irena.1 ajde te cekame vo drugata tema i ic da ne se grizis od antibiotiicite.skoro da nema trudnica sto ne primila za vreme na bremenost.
@danichap do kade si?Od telefonot ne gi sledam potpisite.Ajde vo drugata tema.Mi falat tvoite soveti.

 

@irena.1
Не се плаши од антобиотици, јас примав ампицилини во 7 недела, и после амоксиклави во 35... Нажалост, и двата пати бактеријата победи.

Во секој случај, секое пиење на антибиотици (без разлика дали си бремена или не) треба секогаш да е пропратено со пиење на б-комплекс (3 на ден), а мене докторот секогаш ми ги дава и лактогин капсулите 1 на ден.

Иако пред бременост имав мака со кандидата, во текот на целава бременост воопшто не ми се појави.