Предлози и идеи за сајтот и форумот

Нема зошто да се бришат тие постови, ако во Насмевка се брише се што не успеало да насмее некого, е-хе.
И оладете со пријавување, членовите, и со бришење, модераторите. Јас кога би била модератор, би бришела само мислења кои содржат лични навреди кон форумџии, или нешто ептен веќе офтопик кое води во погрешна насока. Другото нека сведочи за слободата на говор.

 

Добро, ќе пишувам и јас бесмислени мислења за да си го зголемам бројот.

 

Да има список на отворени теми како PDF документ или нешто како листа да се гледа.
А не да предаруваш на лупата оти мн теми не ги дава на тоа пребарување.

Благодарам

 

И да прашам, зошто во СДК беа избришани мислењата на @baba Rada а другите оф топик мислења си стојат?

 

И мислам дека малце пофлексибилни треба да бидат модераторите и покомпактибилни.
И мислам дека треба да има копче за сам да си избришеш мислење така мислам дека нема да има замерки доколку е избришано некое мислење.
Доколку е свесен за тоа што го напишал сам ќе си го избриши а доколку не можат модераторите да го избришат за рок од 24 часа.

 

Даворе, ако има вакво копче, сите после година дена ќе сакаат да си избришат некое без врска мислење што го пишале од типот - дечкото ме изневерува, сакам да пробам тројка, имам таков онаков фетиш и сл.. (конкретно од моите категории пишав)
Ако сите избришат по 2 мислења, знаеш што ќе се случи со темиве? Ем ќе се изгуби смислата на муабетот, ем форумот ќе стане личен дневник на членовите. А не е. Форумот е јавен медиум.
Затоа и се пази што се пишува, а не што на ум тоа на друм.

 

Ве читам подолго на оваа тема и највеќе ме чуди што при преглед на некои теми имам забележано дека пример некој ќе лајкне нешто на некој што не му се допаѓа и одма доваѓате тука на жалби, форумот ви е крив, модераторите ви се криви. Не. Прво морате да сфатите дека форумот е форум, не е реален живот. Вие не зборувате со личноста која што навистина е туку со нејзината виртуелна престава за себе пред другите. Јас пример пишувам свашта и до сега со модератори не сум имал проблем, затоа што форумот мене не ми е втор живот туку место каде што можам да споделам некое мислење, да се опуштам, да поминам време се во границите на нормалното и дозволеното, не прекршувајќи правила. Мора да се научите да замижувате на некои нешта во спротивно тоа секогаш ќе успева да ви го расипува веќе расипаниот ден. Со тоа да се истурите на некого нема да ви помине, само и ставате сол на раната и каде е крајот? Форумот според мене е баш супер и тимот на модератори е океј, бидејќи јас си го правам така да ми биде. Доколку го сменам понесувањето нормлано ќе се сменат и нештата на форум.

 

Би ви предложил да ставите подфорум за временска прогноза за Македонија.
И во секое време модераторот (ако знае од каде да гледа (можам јас )да може да кажува какво време не очекува.

 

Нема потреба од тоа, постојат апликации на телефон ако сакаме да видиме какво време не очекува. Не мора се и сешто да се трупа тука.

 

Имам еден предлог во врска со потписите. Мислам дека треба да се воведе некое правило кое би се однесувало на потписите. Сега можеби некои од вас нема да го сметаат ова мислење во ред, но искрено сметам дека треба да се воведе правило кое ќе се однесува на големината на потписите. Не очекувам сите да се согласат со ова, на крај крајава сите имаме различни мислења и секое мислење го почитувам но мене на пример лично ми смета кога луѓе во потписите ставаат слики, гифови и што ти ја знаме не, долги 100 километри од Скопје до Тетово. Ми треба пола саат време скролање за да стигнам до мислењето на некој друг член поради оваа работа.

Потпис се знае колкав треба да биде и колку голем. Доколку ова би се решило би било супер јас мислам за сите...

 

Сакам апликација од феминааааа

 

Мој предлог е анкетите после гласање да не се затвараат , или после одреден период да може да се гласа пак. Секако не мислам на оние брзи анкети неделни/месечни каде одбираме некоја феминка туку општо на анкетите по темите. На фемина сум веќе подолго време, и сега кога отварам анкети гледам дека врска нема тоа тогаш што сум гласала со моето сегашно мислење.

 

Ако може да постои опција да не ми го покажува аватарот горе до пораките и нотификациите.

Не сакам секој кој ќе подаде глава да види што пишувам на мобилен, да може да дознае која сум на форумов.

Ајде да менувам аватар секој втор ден, ама мојов стои и ќе стои ист.

 

Заклучете ја темата Македонски јавни фаци, оти е скроз тривијална и небитна, а се претвори во анализа на рандом членови. Не губам од своето време да пријавувам мислења, заклучив дека е бадијала, бидејќи забележав и модератор кој наместо да среди, си учествува во стварање хаос, си лајкува лични навреди, се приклучува кон нив... Многу е лошо кога погрешни лица добиваат некаква функција. За модерирање е потребен човек со вродена некоја неутралност, способност да се согледуваат сите страни, а не секој располага со тоа. Не дека мене треба да ме интересира кога трети лица си ги вадат очите, ама она е веќе кокошарник. И така се работи за тема која поттикнува лоши навики како оговарање, ништо позитивно не може да се извлече оттаму. Клуч.

 

Информирајте не кога некој поактивен член е баниран.

„Банирани корисници“ нека седи заклучена и понатаму за да нема коментирања, препукувања и плачки ама модераторите нека објавуваат кратки известувања кој јадел бан и зошто.

 

А кој е баниран?

 

Без разлика, треба да се известува кој е баниран и зошто. Јас додуша тука на темава пишав и нешто за потписите ама по се изгледа никој нема слух. Уште еднаш апелирам да се воведат правила за големината на потписите зошто ако ставите слика со А4-формат во потпис самиот форум губи на прегледност.

 

@Gosh, дискусијата во „Каде е...?“ ме поттикна да го пишам предлогот, баш за да се спречат такви драми и лелекања како само членови на опозицијата биле банирани а тоа што вреѓале, ширеле говор на омраза и нетрпеливост е занемарливо и небитно. Очигледно треба да сме океј со тоа на женски форум да се проповеда шовинизам. Конкретно hardcore е баниран.