Предлози и идеи за сајтот и форумот

Ако може некако да се изведе, при изборот на аватар да се отворат сликите (класифицирани во одредени потгрупи) прикачени во темата Аватар. Знам дека станува збор за огромен број на слики и дека е тешко изводливо, но е интересно и темата би добила поголемо значење.

А, вака, ретко кој ги прегледува претходните страници, се прикачуваат најразлични слики и во различни големини. Не знам дали веќе има дефинирано со колкава точно големина треба да се прикачуваат конкретно во таа тема, но добро би било доколку не постои такво нешто, да се конкретизира, за да не само се преблокирува. И онака, нема доволна прегледност.

Со еден збор, да се поработи на малку на таа тема. И не само да се прикачуваат сликички, туку водењето дискусии околу одредени фотографии или барање/давање предлози да не се смета за оф-топик.

Just saying...

 

Мислам дека е добро за очувување поголемо ниво на анонимноста, кога веќе не постои опција за целосна недостапност до било кој профил, барем да нема достапност до сите мислења на форумџиите. Пр. кај форумџии/ки со неколку илјадници мислења има неколку стотици страни, така да направете барем да се видливи САМО последните 10 страни, бидејќи и онака најчесто кога некој се зачленува заради барање помош или решение на конкретен проблем, го соопштува истото на самиот почеток, воглавно тоа се оние информации кои се компромитирачки. Вака во голема мера ќе се очува анонимноста, бидејќи доколку некој дошол со мисија да открива или злоупотребува нечиј идентитет, му се утежнува до краен максимум ,,активноста,, бидејќи мала веројатност дека ќе се зафати со листање на сите теми, од кои многу имаат по стотици страни со одговори, за да налета на конкретните мислења на следениот ник.

Со оглед на тоа што не е веќе ни тајна дека озборувањата на форумов се присутни, дури настанати се и некои ,,истекувања,, на инфо во реалниот, надвор од виртуелниот свет, сметам дека во интерес на сите е да бидеме позаштитени. А оваа постапка воедно би дала и поголем кредибилитет и доверба кон самиот форум.

 

Извини, ама прашање дали шлагот може да се измати со вода или не, не е општо прашање. Фала Богу дека ќе ми го избришат!

Па и јас па, требаше во како да искомбинирам да си прашам... дека со палачинки го комбинирав, не за друго.

 

Плус има општа тема за Кулинарски прашања. Не сфаќајте го тоа „Општи прашања“ толку буквално, читајте го воведот

 

Стварно претерувате со бришење во општи прашања.
Никому не му пречат, никој не ја прегледува темата од почеток до крај!

 

И мене ме интересира по кој критериум некое прашање го класифицирате како ОПШТО?

Имам 2-3 пати прашано и толку пати ми е избришано мислењето без да добијам одговор. Зошто факт е дека подфорумот кафе муабети е еден од најчитаните и логично е таму побрзо некој да го прочита моето прашање отколку на некој друг подфорум.

Ова јас го нарекувам неефективна строгост. Буквално ништо не постигнувате.
Или сменете го името или дадете некој критериум за да знаеме какво прашање да поставиме.

Втора работа, предлагам да се отворат темите модни критики.
Зошто и тие беа одреден процент од вкупниот рејтинг на форумов.

Трета работа немам.

 

Мислам дека прашање во „Општи прашања“ е офтопик ако има веќе тема која би била соодветна за прашањето.

Спојлер

Модераторките нека објаснат поубаво.

 

Kaко што реков, ако некој сака побрз одговор на некое прашање од лични причини нормално дека ќе го постави во подфорум кој е поактивен.

Темата е од типот прашање-одговор. Нема апсолутно никаква дискусија,па да има офтопици и темата да отиде во погрешен правец, па да се бришат мислења.
Едноставно прашуваш нешто што моментално те интересира и за тоа кога ќе добиеш одговор, среќен и задоволен ја затвораш темата и никому не му пречиш.

 

^ Да, се слагам, а плус и ова бришењево многу деспотски ми делува. Кога веќе има други теми правилно би било да ги преместите мислењата за тие одговори да послужат и друг пат.
Исто и постојаното цитирање на правилата, штом упорно добивате забелешки за иста работа значи дека треба да ги земете предвид.

 

Уште ова нејасно и готово:
Незачленетите уште помалку ќе најдат одговор ако дискусијата која била во општи прашања е избришана.
Ем соодветната тема празна, ем нема информација на форумот. Вака ќе си напише клучен збор во пребарување, па и на гугл и ќе излезе нешто.

А има ли подобрување на активноста во соодветните теми поради ваквите мерки во општи прашања?

 

Не дека ставав слики во модни критики или сум многу потресена што сега е заклучена, ама е крајно безврска што не ја отварате и тоа само затоа што се ставале лажни слики-а реално тие лажни слики ги ставаат некои скоро зачленети, а не членки со стаж на форумов.
Истото се случувало и со многу други теми кога ќе дошло до караници, а ефектот на сето тоа, барем јас, не го гледам.
Освен тоа, кога е јасно дека сите сакаме да се врати СДП, не ја разбирам поентата тоа да не се направи.

И така ние вергламе овде, вака онака, ама нас никој како да не не ферма.
Патем Реинбоу не мислам на тебе, знам дека главните одлуки не ги носиш ти

 

Мислам дека токму поради тоа ограничување и заклучување на одредени теми е намалена посетеноста на форумот.Место да се опоменет оние кои ставаат лажни слики се заклучува една од поактивните теми.
Сепак ваше си е,колку и јас и некои други членови да пишуваме овде критики и забелешки тоа нема да придонесе ништо.Само форумот губи на квалитет поради тоа и не знам дали приметувате но во последно време е многу монотоно.Многу членови не пишуваат повеќе а искрено и не ги обвинувам.

 

Секое прашање опфаќа одредена тема.
Сега баш ја разгледувам темата и изобилува со прашања што можат да се постават на други теми,а се поставуваат таму.
Значи различно го разбираме поимот "општо"

 

Можат да најдат одговор, ако прашањето е поставено во соодветната тема и на истото одговорено.Што значи соодветната тема нема да биде празна и ќе има информација на форумот.

 

Од страниците поназад може да се заклучи кои работи ги сакаме:
1.Отклучете ја СДП,многу добра и корисна тема беше!
2.Отклучете ја Модни критики.
3.Направете нешто за да се зачува повеќе приватноста,имате неколку предлози наназад кои мислам дека треба да се разгледаат.

 

4.Отклучете ја вашите нокти.

Најубавите страни за забава се заклучени

 

Бришете бе пилиња ако сакате, бришете, нема проблем. Кога си прашав, пржев три палачинки истовремено и искрено немав време да пребарувам низ форумот. (многу се гордеам со палачинките, ако сакате и слика ќе доставам во соодветната тема, а дали ќе биде офтопик ако ставам иста слика и во палачинки и во шлаг пена, зошто на сликата има и палачинки и шлаг? Од друга страна, има и чоколаден прелив, па ќе се потрудам да најдам и таква тема, Чоколаден прелив. Затоа што сакам да им УКАЖАМ на наредните генерации дека да, шлаг пена може да се прави со вода, само треба да и ставиш малку шеќерче. ) Јас си ги направив и си ги изедов палачинките, фала на прашање, па сега....

Спојлер

п.с. Јас се извинувам за грубоста и иронијата, обично не ја користам во секојдневието и ме нервира нејзината употреба, ама ме нервира и кога некој упорно ме тупи за нешто за кое единствениот нормален одговор е следниот -->


п.п.с Не е општо прашањево, да се разбереме.