Пред еден месец го оставив алкохолот, дали е време да ги оставам и цигарите?

Во консултација со психијатар имав препорака дека не треба сите пороци одеднаш да се оставаат. Но јас веќе еден месец не пијам и сега се подготвувам да престанам и да пушам.
Но да почнеме од почеток.
Најпрво овој форум многу ми помогна во мојата цел да престанам да пијам и да го оставам алкохолот кој овој пат сакам да биде за секогаш. Многу лоши работи ми има донесено алкохолот и сега од оваа кратко време на апстиненција можам да кажам дека јас сум друг човек од кога решив да ставам крај на тоа зло.
Најмногу ми помогна една членка со која речиси секојдневно се допишувавме и оние таканаречени кризи или модели на однесување по кои потаоа посегнував по алкохол многу полесно ги надминав.
Некако успеав да изградам модел кој мене лично ми одговара, кога ќе се судрев со стрес јас обично потоа се реалаксирав со алкохол, но сега тоа го заменив со еден дијазепам кој многу ме релаксира по што немам таква желба за алкохол. Да не ме разберете погрешно (еднаш за 1 месец се напив дијазепам, не сум фан на било какви лекови)
Таа членка незнам поради кои причини но одеднаш по еден месец исчезна и некако ми остави празнина да имам со кого да си ги споделувам моите длабоки чуства, но тоа е што е.
Сепак сега сакам да направам уште една голема промена во мојот живот а тоа е да ги оставам цигарите кои инаку цел мој живот ги пушам. Но се плашам да не е пребрзо и да не се случи повторно да ми се вратат сите пороци одеднаш.
Некој предлог, совет ако имате би ми значело.
Поздрав!

 

Време е

 

Vreme e
Samo upornost na dobar pat si

 

Не мора да ги оставиш наеднаш! Веќе си свесен за нивното дејство и во моментов тоа е најважно, на добар пат си. Може да си скратуваш најпрво по една две дневно па да зголемуваш. Нормално дека ќе ти е тешко само нема откажување. Полека полека чим си свесен или веќе може имаш искусено какви се последиците тогаш знај дека си на прав пат и свесно ќе сакаш да ги откажеш. Ќе имаш нервози нормално, но нив пробај замени ги со твоето омилено хоби. Се надевам и сигурна сум дека ќе успееш. Поздрав!

 

Не чекај совршено време. Не постои.
Ако се осеќаш спремен, остави ги.

Најдобро е да зборуваш со близок пријател или со психолог.

 

Најпрво браво за тоа што си решителен и истраен,тоа е за поздравување и секоја чест. Јас би ти дала совет да не брзаш. Сепак помина само еден месец од апстиненцијата на алкохол, дај си време на себе си. Нека помини уште малку време и ќе одлучиш дали ќе ги оставиш постепено или наеднаш и со што ќе си го одвлекуваш вниманието во моментите кога ти се пали цигара. Тоа зависи од тебе како повеќе ти одговара. На добар пат си и сигурно ќе успееш ! Се најдобро!

 

Имаш ли некое хоби, нова активност? Јас би ти препорачала најпрво да си најдеш нешто што те интересира, да си го исполнуваш времето. Да не ти дојде многу нагла промена наеднаш без да имаш со што да го пополниш времето и во моментите на криза да не попуштиш и се вратиш пак на истото.

Добро е што си свесен дека и пушењето е лоша навика и имаш намера да престанеш, тоа е првиот чекор. Биди истраен во одлуката и ќе успееш!

 

Да имам многу хобиња, да не набројувам навистина многу и многу интерсни.
Сепак гледам и тука повеќето совети се дека не треба да се брза за што и јас се согласувам, ништо нема да ми промени во животот ако пиушам уште 2-3 месеци. Ќе им дојде крај и на цигарите барем до Нова Година планирам да се отарасам и од тоа зло.
Па од следната година да планирам и да се оделам од оваа вукојебина.... поради која си ги навеав сите пороци.

 

Кога ќе искочиш негде, не зимај цела кутија земи 3-4 цигари, кога ќе ги испушиш ќе разбереш дека немаш повеќе и немаш од каде да земеш.
После тоа ќе ги намалиш на 2 па на 1 и на крај 0.
Ќе разбереш дека цигарата е само навика да држиш нешто у рака.

Еден дедо ова ми го кажа како он ги намалил на автобуска, ја лично немам пробано дали делува. И нема ни да пробам пошто сум страствен пушач.

 

Само едно да кажам големо БРАВО!!

 

Пушев цигари околу една година и ги оставив многу лесно, самоконтролата и решителноста се клучен момент.

 

Јас пушам 35 години

 

Јас мислам да не брзаш, чекор по чекор. На добар пат си но нема потреба од брзање. Сите сме нетрпеливи и сакаме животот во еден месец да го смениме но не оди тоа така. Трпението е најтешко но затоа најважно во животот.
Со среќа.

 

На 5 години почна да пушиш ?

 

Прво голем поздрав што си станал свесен дека имаш проблем. Сега е важно да го оставиш алкохолот и кога ќе си сигурен дека ништо нема да поттикне чувство на потреба може да размислуваш и за цигарите. Алкохолот прави проблем во животот и влијае на расудувањето и многу е важно да се фокусираш на воздржување. Поддршка и успех.

 

Немој наеднаш, постепено.
Пошто сигурно не си почнал да пушиш по цела кутија наеднаш, така и немој наеднаш да ги оставиш.

 

На добар пат си. Постепено намалувај на помалку цигари на ден, се додека не стигнеш на 0. Не ти треба тоа, нема корист од алкохол и цигари, паметна одлука си донел, браво. Се започнува пред се кога сами ќе донесеме одлука, а потоа и со самата наша воља и истрајност ќе ја спроведеме. Така да се е можно, ќе успееш, полека.

 

Успеал ли некој да ги откаже цигарите? Голем трошок ми се, знам дека се штетни по здравјето, пушам цела кутија на ден веќе 3 години. Сакам да ги откажам ама никако да успеам.

 

Ах девојко, цигарите и се нај мал порок мада многу штетни за задравје. Само да осетиш што значи порок, мада пороците потоа си се везат еден по друг, ќе дојде алкохол, коцка мажи жени бркање, и тоа е порок.
Еве ме мене по толку време, имав успешен пост, и се воздржував и ништо не правев дури бев на добар пат и цигарите да ги оставам, но се тргна на опаку кога се опоравив финансиски, повторно се отиде за никаде.
Сега знам со сигурност да ти кажам дека пороците се некои точки во мозокот кој нај веројатно никогаш не исчезнуваат, можеме ние да ги потиснеме но да ги избришеме комплетно тешко барем за 10 години тешко. Ех по 10 години се се менува па и планетава. Значи колку што има шанси планетава да се смени толку имаме и ние шанси, значи никакви.
Но сакам да ви пишам на сите вас, јас не успав, повторно почнав се по старо како што и пишав на почеток. Сакам да знаат сите дека порокот е многу лоша работа и пазете се од него, спас може само привиден да биде а траен нај веројатно никогаш.
Затоа пазете се со кого се дружите под борј еден. Мене сите пороци ми се од лоши друштва. Под број два пред да посегнете по некој порок размислете дека тоа нема да е првпат. Под број три, размислете дека тој потег навидум наивен може да ве чини живот!
Јас ќе се изборам знам, кога незнам но ќе се изборам, и ако е вечен форумов ќе пишам по 2-5 години!

 

Од ко ќе го изгубиш семејството можеби тогаш ќе сватиш па се откажеш , само силна волја