Прво си е моето, па потоа ќе следи презимето на идниот сопруг. Да се знае чија мома зел Со овој став сум си засега-кој знае... Абе има време Кај ја отворив темата
Кога ќе дојде време,за едно 10тина години, ќе го земам неговото. Немам исто презиме како моите родители, а имам и брат, па ако сакаат тој ќе го продолжи.
Иако немам брат, нема зашто да го задржувам моето презиме, демек нема кој да го продолжи, а јас колку ќе го продолжам??? Секако дека моите деца ќе си го имаат презимето од татко им, така да тоа ми се некако глупости. Иначе ќе го земам само неговото презиме во оргинална форма.
Потполно се согласувам со мила.с, ќе си го земам неговото презиме, и кај мене ситуацијата е со две ќерки, ама навистина за колку ќе ја продолжам лозата, уште само јас? а моите деца нема да ги товарам со две презимиња Дефинитивно само неговото.
Ако некогаш се мажам за дечко ми, ќе го земам неговото презиме, кратко е и убаво, и мене ми се допаѓа. До пред некое време стоев на ставот дека никогаш нема да го променам моето презиме (прилично ретко е, башка сме две сестри), или во најмала рака ќе го додадам презимето на мажот, ама го сменив ставот. Многу ми е долго моето презиме, и името ми е долго, па уште да го додадам на мажот.....Ехехееее, километарско ќе биде. Вака би го земала само неговото, башка ми се свиѓа како би одело со моето име
Јас би го зела презимето на мажотми,бидеќи братми ќе бродолжи со ова презиме што го имам а да немав брат да бев сама или да имав сестра би ги зела двете презимиња
Читајќи ги претходните постови, морам да забележам дека се изненадив како никој не пиша дека го задржува презимето поради идентитетот, она што бил пред да стапи во брак, туку поради убавината или неубавината на презимињата. Драги мои, презимето не се бира, се наследува, секое си е убаво за себе, а најважно од се склопот на името и презимето кое го добивате со раѓањето ве означува вас како индивидуа, единка со идентитет. Мене лично не задржувањето на моминското презиме ми е нешто како откажување од тоа што до тогаш си бил, од корените и семејството ( тука не мислам само на успешни бизнис жени, мислам на секоја девојка) Инаку, планираме до нова година да се земеме,и моето секако ќе си го задржам, а ќе го додадам и неговото, во женски род ( и покрај тоа што и двете се долги и не се ништо посебно убави или неубави, сосема обични македонски) hock: Sorry за долгиот пост, ама ми лежеше на душа по читање на целава тема
зависи какво ќе биде презимето на сопругот ако е некое долго, комплицирано би го зела само неговото бидејќи ако го додадам и моето , тешко кој ќе ме разбере со две комплицирани презимиња. Но како и да е сепак мислам дека е подобро само презимето на сопругот
јас го задржав моето и не го додадов неговото, тој беше ок за тоа, двајцата сметаме дека личноста не се одредува според презимето, за другите што ќе речат и не ми е гајле, битен е граѓанскиот брак каде што вели дека сме во брак и ги имам сите законски права на сопруга, како прават на запад глумците, а за децата после ќе видиме , само нека дојдат на ред и тие
И јас го земав неговото презиме, и покрај тоа што многу многу си го сакав моето. Како и да е, со стапувањето во брак одиш еден level up! Мажулето мое ми велеше да го задржам и моето, но едноставно да се потпишувам еден километар, не благодарам! Мора да признаам дека на скајп, на официјалните документи кои ги работам, уште си се потпишувам со моминското, а башка некако ич не ми се оди да правам нова лична карта
Сега за сега размислувам да го оставам моето презиме затоа што е необично и многу ретко и + да го земам неговото во женска верзија (доколку е македонско презимето). Инаку не ми е за тоа да се продолжува и слични работи туку чисто од пуста моја желаба по презимето, многу си го сакам Имам време уште до брак, но мислам дека нема да се предомислам
мене ме боцкаат неговите дека ќе станам `нивна` со презимето, иако не планирам да го земам нивното!!!!!!!!!!!!! ако државата ми дава ПРАВО да си го задржам моето презиме, кои се па тие да ми го одземат тоа право???????????? тоа си е мој личен идентитет и малку е што ќе се селам кај него, па уште и презимето...... многу жртви правиме ние жените и тоа за еден маж!!!!!!, барем да се исплати.
Сакам неговот да го земам не сакам со моето да останам и од кога ќе се омажам а ни сакам пак со 2 презимиња да бидам па да ми биди смрт кога ќе треба да се потпишувам некаде
Како ми се ближи времето се потешко можам да одлучам До скоро бев сигурна моето плус неговото.Многу си го сакам моето презиме,башка специфично е ептен,а неговото е едно од најчестите...плус,нема кој да го продолжи моето презиме,женски сме,а и неможам да се откажам од него.А и моето е на -ска,и неговото-ски.Да беше едното бар на -ва,ич немаше да се мислам.А вака колку долго ќе ми дојде И пошто одлучивме матичното и црквата да не ни бидат во ист ден со свадбата,ми се ближи времето и незнам незнам што да одлучам Тој не ми прави проблем,ми рече како сакаш ти,не му смета и двете да ги задржам.Мајка ми вели да го земам неговото,немало врска презимиња,сестра ми ме зафркава вели ти земи го неговото,а јас ќе го задржам нашето па така ќе го продолжиме А мене ич не ми е на зафрканција.Се си мислам дека во тпј момент кога ќе ме прашаат,како ќе ми дојде така ќе си кажам
Мене ми е многу глупаво кога го земаат презимето на мажот и тоа да завршува на -СКИ. Зошто да си го расипуваме јазикот кога е мислам еден од ретките со таа карактеристика да се членуваат презимињата. Само некои глупави моди им истекнуваат на луѓево, демек сега ќе се правиме како македонците во странство што се родени или преселени. Глупости.
Моето + неговото,од причина што си го сакам презимето,убаво е,а и сме женски и нема како да се продолжи,и бидејки децата несакам да си ги крстам по родителите(иако имаат мн убави имиња и двајцата),со задржувањето на моминското презиме ке ја изразам почитта спрема моите родители.
Морам да си кажам тоа што ме мачи околу фамата со презимињата. Ете, ме нервира овој новиот, така да го наречам тренд, кој во последно време ко вирус се прошири. Имено, ме нервира кога презимето на жената завршува на -ов - еве на пример Елена Јованов, Ангела Илиев и слични вакви испади. Или пак, една форумџика имаше спомнато погоре, женско презиме на -ски - ај склопете го со горенаведените имиња и презимиња кои ги напишав случајно, пошо тие и ми текнаа моментално. Мене лично ваквите и глупо ми звучат, башка што не се вклопуваат со нашите, а и мислам дека тоа им е и финтата - да имаат странски шмек, ако се разбираме мислам. Од ваквите ''елитни'' презимиња, ми се гади, најискрено. Конкретно, јас моево порано сакав да го задржам и да оди моето, па она на мажот. Сега мислам дека идејата ми била за никаде, ама има време до мажачки, така да, тогаш ќе му ја мислам подетално.
Иако има време за свадба и за земање на презимиња, мојот став од мала беше дека ќе го задржам моето презиме во секој случај. Бидејќи сме 2сестри и имаме специфично презиме би сакала јас да си го задржам моето и да го додадам на маж ми или да останам само со моето. Иначе најголема желба ми е децата да го имаат моето презиме ај може ќе си најдам некој маж што ќе се согласи со ова хаха
