Зошто се што не ви се допаѓа на вас го етикетирате со глупост? Многу ме интересира и сакам да ми објасните зошто е глупост ако на некој презимето му завршувало во маши род? ЗОШТО? Секое мислење што не се совпаѓа со вашето автоматски е глупост така?Сите со презиме кое завршува со ''И''се предатели на македонскиот народ и воедно глупави, да не беше волку смешно (без смисла и тотално никаква логика) ќе плачев. Помодарство било Право на избор луѓе,сте слушнале што значи тоа м? Слабо.
не знам зошто во последната деценија се зголеми бројот на невести кои го земаа презимето на нивниот сопруг, во машка форма, тоа е нивно право, НО,ај да се вратиме назад во времето: 1.Дали моминските презимињата на нашите мајки од завршуваат на „ОВ“ или „СКИ“? 2. Дали презимињата на нашите мајки по склучување на брак завршуваат на „ОВ“ или „СКИ“? 3.Дали презимињата на нашите баби завршуваат на „ОВ“ или „СКИ“? Вакви случаи има ако се омажиш во странство за Македонец и кога ќе го прифатиш неговото презиме, нема да ја има женската форма. Мислам дека за овој тренд, реагираше и МПЦ пред некоја година. Но тоа е тоа, секој има право на избор.
Јас се имам искажано на оваа тема и нема да зборувам, ама па кога ќе слушнам, аууу како таа смеела (што и да се случило) или разни сугиестии што да прави ми е како да им брцате на другите луѓе во џеб и да им ги броите парите. Буквално. Дајте престанете еднаш засекогаш по некои чудни стереотипи да се осудувате и да се нагрдувате, кој како сака ќе си прави. Мене и тоа да ми е тотално глупаво, можам само јас да не го направам, ништо повеќе. Нит ќе кажам нешто, нит ќе ме интересира. За се' да се имало мислење и мешање. Ту.
Моето не завршува ни на ска, ни на ски, него на šić. Македонка - Македонец ама со Срби си имаме работа
Најубаво е ако и двајцата имаат исти презимиња, (и пред бракот, т.е моминското презиме на девојката да е исто со она на момчето) па никој нема да размислува многу
Знам за два вакви случаи. Моминското презиме на моја соученичка од средно е исто со презимето на маж и. Моминското презиме на братучетка на моја другарка е исто со презимето на маж и. Само што нејзиното е со В, а неговото без В.
Бидна и ова Вчера бевме до матично да се направи записник , да се потпишеме и се по ред затоа што венчаницата ќе ни е изготвена однапред бидејќи матичарот ќе не венча во ресторан. Го задржав моето презиме и го зедов неговото во оригинал. Ептен убаво звучи
Само ќе се надоврзам на муабетов со една реплика на мојот зет. Кога ја прашаа сестра ми како ќе се презива зетов изрично рече: Како сака нека се презива , само да не биде во машки род, се осеќам како пе**р, ко да сум се оженил со машко!!! И со право е човекот
Уште што не прочитав по темава Како на пример дека на нас од источниот дел презимињата ни заврашуваат на -ов под влијание на Бугарите, а во западниот дел на -ски и тоа е чисто македонско Океј ајде можеби е така Кај нас во Мк. уште што не е „помодарство“ па зошто да не и презимињата. Стварно не ми е јасен муабетов, кој како сака така ќе си го преземе презимето од мажот! Други пак беа нагласиле дека ако го земеше презимето во оргинална форма не си феминистка Трети сметаат дека тоа е патријахално..... де бре луѓе ова сериозно ли го зборите? А ова па дека некогаш можеби и со закон ќе се донесе ние госпоѓите (така е наведено во коментарот) ,што имаме машка форма на презиме, да ги смениме презимињата во женска форма....... И ред други коментари... Јас го зедов презимето на маж ми во оргинална форма, бидејќи знаевме дека ќе живееме во странство и да не имаме подоцна непотребни проблеми. А плус и поубаво ми звучи така, што да правам по модата сум
Нема никакви проблеми во странство за презимињата, признајте едноставно дека ги земате презимињата во машки род од помодарство, ништо друго. Ви звучи името по фенси така,а мене искрено ми е уште еден од многуте глупави трендови со цел да се избега од македонштината и да се доближи до нешто со што нема допирни точки. Како покондурен сељак ќе му дојде работава.
А од каде си ти толку сигурна дека нема врска тоа со странство? Еве јас ти тврдам дека има врска и дека таму презимето на мажот и на жената заавршува исто,значи ти кажувам 100% точен извор. И што па го прави по фенси како што викаш ти ако е во машки род?Какво бре помодарство кога има жени на 50 и кусур год.со презиме во машки род најверојатно и они од помодарство,знаеш пред времето.Јас незнам дали ти се сметаш или не за покондурен сељак,а и лично не ме интересира само многу си некултурна со вакви ниски навреди,срамота е возрасна девојка
Јас го додадов презимето на маж ми, не од помодарство туку отсекогаш сакав така.Законот вели дека сопружниците можат да ги задржат своите презимиња, едниот да го додаде или двајцата да се презиваат како мажот.
Тоа си е твое право и одлука но нема потреба да гледаш на ова на тој начин бидејќи со тоа ти не ги понижуваш родителите или пак му се потчинуваш на мажот. Лоза, нелоза, секогаш било така и нема ти зошто да измислуваш топла вода. Ако детето го носи презимето на таткото не значи дека му припаѓа повеќе него, какво размислување еј. Според тебе што треба, мажот да се презива вака, жената така, и децата да си ги поделат кое чие презиме ќе носи според договор? А можеби детето кога ќе порасне нема да му се допаѓа презимето, па нека си стави ново, шо има везе. Кое семејство живее во куќана? Семејството Петковски и Мирковски со децата. Кои патем не знам кои од нив спрема кого се презиваше.... Ај да не должам, ќе сфатиш еден ден, нема да размислуваш исто, а ако не сфатиш мене па многу гајле ќе ми биде. И он топик, јас не би сакала да имам две и кога веќе бирам секако дека би одбрала да се презивам како мажот, всушност од мала едвај чекав да си го сменам презимето и која иронија, најдов партнер со исто презиме како моето.
Не сум размислувала на темава додека не го прочитав мислењево, ама во право си. Мене не би ми текнало тоа, но вистина дека во странство тоа може да е проблем. Смешно ми е женско со презиме на -ски, ама мислам дека ова е оправдана причина и те поддржувам во одлуката.
Јас го зедов презимето од мм. Ионака сите мака си мачат со моето име и одвај ми го изговараат, уште да им удрам дополнителен ремет и да го задржам презимето Шала на страна, не го задржав презимето поради букви кои ги нема во латиничната азбука и треба да се транскрибираат. Не знам за која држава станува збор, меѓутоа во поголемиот број држави нема апсолутно никаков проблем доколку презимињата на сопружниците се разликуваат, особено за една буква. Нашиот јазик, како и некои други словенски јазици, има род и службениците знаат за што станува збор. На почетокот кога Македонија се осамостои тогаш имаше некои недоразбирања во одредени држави кога наши луѓе патуваа со новиот македонски пасош и требаа да се објаснуваат дека и нашиот јазик има родови. Ама тоа беше порано. Доколку имаше проблеми со презимиња со различен род тогаш Русите не требаа да мрднат од Русија Или Чесите. Или Бугарите. Или Иранците - каде жената си го задржува своето презиме а децата го земаат презимето на таткото. Нејсе, станува збор за тренд кој ете мене не ми се допаѓа и навистина не го разбирам неговото постоење и појава. Македонскиот јазик има родови и не ја гледам потребата од преземање на презиме во машки род. Што е следно, презиме во среден род? п.с. некои од постарите фамилии каде и жените се со презимиња на -ски имаа полско потекло во генеалогијата. И не, не се толку честа појава во Македонија.
Постарите жени што се презиваат на -ски биле или родени или венчани надвор од Македонија, немаше ваква мода порано. Инаку, апсолутно нема никаков проблем кога се разликуваат презимињата на сопружниците во странство. Во Шпанија, Италија, Кина, Исланд (таму дури и брат и сестра имаат различно презиме), Иран, Шведска и ред други секогаш се задржува моминското презиме, Полска има женски род на презимето и тн.
Се согласувам со тебе. Јас имам живеено и немажена и мажена во странство, поточно во западна Европа и никаде не правеле АПСОЛУТНО никаков проблем со презимето. Јас го земав презимето на мм во женска форма, во МК правевме регистрација и кога отидовме назад во странство, апсолутно немаше никаков проблем. Зошто и би го имало?
