Препорачајте интересна серија со кратка рецензија

Јас официјално имам проблем, нема веќе што да гледам
Не сериозно, ми се чини дека ги изгледав сите добри серии, кои веќе завршени, кои на пауза и веќе умирам од досада и очај зошто неможам да си најдам нешто што ќе ме задржи заинтересирана.
Дај препорачајте некоја јака крими серија, со тешки случаеви и за замарање мозак.
Почнав да ја гледам Фринџ,одамна ја одбегнував и добра е, ама некако не е тоа тоа, ја нема хемијата меѓу нас.Не дека ќе ја прекинам, ама сакам да гледам нешто што ќеме остави без спиење.
Или евентуално некоја интересна драма, што знам.

Ве предупредувам дека сите актуелни и популарни добри серии ги имам изгледано или ги гледам зошто сум серии фрик и затоа ќе треба да се потрудите со препорака

 

^ Meнталист не ја гледаш, ти ја препорачувам од душа, поубава крими серија немам одамна гледано.
Има душа серијата, има шарм, го има Патрик, нема да зажалиш, гледај, зашто без разлика на тоа што последната сезона не е баш баш тоа, има 5 сезони да се изнауживаш.
Мене Law and order-criminal intent ми е наомилена од тој серијал, иаку сите Law and order се фантаситични, таа ми е во срце заради Винсент, ретко маестрален глумец.


Препорака за Лилит, ама не лесна серија туку таква бурна и интригантна која ќе и фати око, дефинитивно House of cards! Мислам дека вреди да си ја изгледаш, ќе ти фати око ептен.
Од тие лесните комедии за тебе ми е само Луи, (Louie). Колку ќе имаш нерви за Харт оф а дикси не знам баш, зашто е лимонатка. Или па стариот добар Seinfeld ако не ти е цел изгледан, 9 сезони се, топ за пред спиење, 2 месеци има да ја гледаш.

 

Менталист ја имам пратено на ТВ и некои епизоди имам гледано некои не, ама повеќето да, сега сум тотално изгубена, вајда можам да и дадам шанса.Харт оф а Дикси симнав 2 епизоди изгледав и имаш право не ми е баш по вкус, не дека е лоша, ама некако ми е ногу грли

Хаус оф кардс одамна ја меркам да ти кажам и сега ќе ја ставам да се спушта.А другава може даја погледнам онака за рилекс.Баш сега ќе видам трејлер, зошто досега немам слушнато за неа.
Фала ти Хипстер, ќе те известам што ме шармираше најмногу

Него сега видов за Лилит биле тие упс нема веза битно и јас си кажав.

 

Breaking bad
Game of thrones
True detective

 

Здраво девојки Јас само сакав да ве известам дека денес почнува нова серија во Америка чие име е Star-Crossed.

Спојлер

The series follows a romance between a human girl and an alien boy when he and six others of his kind are integrated into a suburban high school.

Се уште не знам како ќе се одвива серијава, но според промо-видеата ми фати око и во план ми е да ја зафатам
Се разбира, најдобриот дел е Мет Лантер
https://www.youtube.com/watch?v=v3tXISrFgWE

 

Исто како и Tigerlady, ви ја препорачувам The exes.
Епизодите се околу 20тина минути ама за тоа време ќе се изнасмеете од душа. Интересни ликови и мали заплети. Баш е серија за уживање.

Планирав да ја спуштам ама гледам многу други: CSI:NY, NCIS, NCIS:LA, Bones и Revenge и некои научни емисии, па ако ја почнев и неа од дома ќе ме избркаа. Затоа си ја гледам на Fox, кога ја има.
И после то сум насмеана цел ден.

 

Предлог серија,комедија,романтична, не знам ни сама каква, ама по можност да е заразна и да ме опушта онака мозокот на лер да ми биди кога ќе ја гледам, не сакам да се оптоварувам со некој загатки, убиства, вампири или некој такви суштества

 

Girls



Серијата е МРДНАТА!
Значи сеуште сум под импресии.
2 сезони изгледав за 2 дена, во секоја сезона има по 10 епизоди од пола саат.
Серијава е полна со пцовки, секс сцени, мрднати ликови, мрднати сцени.
Се работи за 4 женски другарки, и нивните дечковци, или нивните пријатели, воглавно сите имаат еден ист круг на пријатели.
Некои си цимери, па се караат, па седат со други. Сметам дека Хана, главниот лик е гадно девојче на кое со мерак би и кубела влакно по влакно.
Но, не се врти се околу неа, тука е и нејзината најдобра другарка која и е бивша цимерка, односите им се малку размрдани и несигурни, но сепак блиски. Оваа е прекрасна, со прекрасно тело, и со не гадни навики како Хана, која е несреќно зааљубена, па раскинува, па тагува пак по него, а тој сега е успешен и доста ви е толку.
Следната другарка (ич не им ги памтам имињата, ќе извенете.) е буда девојка, јас така си ја викам, убаво и мило лице, со необичен уникатен стил на облакање, која секогаш откако ќе и се случи некоја лоша промена во животот, бега од реалноста, и патува низ светот, и после неколку месеци нонстоп се враќа дома, и баш во овие 2 сезони и се случуваат некои работи што ќе влијаат лошо на неа, ќе видете.
Мене ми е баш несекојдневна, ретка убава појава, која му дава посебен зачин на серијчето.
И 4тата другарка, и е братучедка на последнава, тие две заедно живеат, цимерки се, е оваа има тотално мрднат ум, кој и работи 100 на саат, постојано зборува, и се што и иде на ум кажува на глас, навидум блесава и муатава, ама е паметна и најмлада од сите. И најгрда, заедно со Хана, т.е Хана е уникат, ни харизма ни ништо ми нема девојката, па и стилот на облекување, со целулитот на изволте, кратки панталончиња мислиш Лима нозе има И тоа цицките постојано и се во кадар, а верувајте, погрди цицки у живот немам видено.
И Адам, или го мразиш или го сакаш типот, а јас незнам! На моменти го мразам, на моменти ми е пресладок, како на крај од 2рата сезона со новата девојка, абе психопатско срце е.

Се на се, тоа е тоа, лесна, интересна серија, но доста мрдната, не верувам дека на сите би им се допаднала, јас ете имам жичка изопачена, која може да трпе и гледа секакви срања и успат со тоа да јаде пред лаптоп. Е да.

 

Star-Crossed(2014)

Уште од пред неколку месеци барав нова серија за гледање, и здогледав промо за оваа серија и со нетрпение чекав да ја изгледам првата епизода.Прво, да нагласам дека е тинејџерска и полесна серија,и затоа не очекувајте кој знае колку, ама јас си сакам вакви серии со кои можам да се релаксирам.Класифирана е како романтична тинејџ драма со примеси на sci-fi.До сега имаат излезено само 3 епизоди, и ветувачки изгледа, ми го задржува вниманието 40-тина минути што не е лошо.
Е сега приказната е за взаемниот живот на луѓето и вонземјаните, 10 години подоцна откако вонземјански бродови ќе се спуштат на земјата барајќи место за живеење.Вонземјаните не се прифатени од луѓето, иако тие немаат никакви лоши намери кон нив, па тешко се вклопуваат во секојдневието и постојано се изолирани.Главните ликови се поврзуваат при првата нивна средба, и создаваат една чудна врска помеѓу човек и вонземјанин.
И да, Matt Lantern уште од 90210 си го обожавам, таман ми е за улогава, а и има добри актери општо, иако дел од нив не се кој знае колку познати.

 

Во моментов ги гледам "True Detective" "Boss" и "House of cards" одлични серии мислам дека се често коментирани така да не се повторувам,само сакам ако некој има нешто слично со нив да предложи пошто овие комај ми се при крај

 

Hostages
Една многу успешна докторка е одредена да му изврши операција на претседателот на САД. Дента кога треба да ја направи операцијата таа и нејзиното семејство се киднапирани од група луѓе кои ќе ја условат да го убие претседателот за време на операцијата. Многу добра серија, има една сезона од 15 епизоди. Не знам дали ќе има и друга сезона.

 

Покрај House of cards ,уште еден хит на Нетфликс-Orange is the new black
http://www.imdb.com/title/tt2372162/

 

Јас сакам некоја британска серија,каква и да е,само таков англиски.
Или пак некоја јака комедија,ама не од тие популарните сите ми се изгледани
Пуцајте ако ви текне некоја

 

Вака ми текнува на две поактуелни ама исклучително добри. Му mad fat diary и
Sherlock.

Спојлер

Set in 1996 in Lincolnshire, the show tells the tragic and humorous story of a very troubled young girl Rae, who has just left a psychiatric hospital, where she has spent four months after attempting suicide, begins to reconnect with her best friend Chloe and her group, who are unaware of Rae's mental health and body image problems, believing she was in France for the past four months.

Sherlock

Спојлер

In this modernized version of the Conan Doyle characters, using his detective plots, Sherlock Holmes lives in early 21st century London and acts more cocky towards Scotland Yard's detective inspector Lestrade because he's actually less confident. Doctor Watson is now a fairly young veteran of the Afghan war, less adoring and more active.

 

За Шерлок сум му дефинитивно најголем фан,се заразив комплетно
Ќе ја ѕирнам оваа другата во меѓувреме. Грациас

 

момнатално или да кажам само за 2 дена сум скоро при крај на СКАНДАЛ...

Многу многу ми наличува на Демаге

Спојлер

... само тука Оливија ПОПе е жената која сакам да станам кога ке пораснам !!!
ЈА обожувам !!!сакам да бидам со неа !!!
Искреноо жена ИПОЛ !!! како сакам да бар на 10 мин имам нејзиното момент на зборење и убедување !!

 

Ако те интересираат историски драми, тогаш ти ја препорачувам The White Queen на BBC.
http://www.imdb.com/title/tt2372220/


Серијата е од типот на серии (како на HBO на пример Band of Brothers, The Pacific, Generation Kill) кои имаат по една сезона од 10 епизоди од по еден час. Се заснова на серијал историски романи.

Друг предлог е Мерлин, исто така од BBC. Една од моите најомилени серии. Фантастичен хумор, магија, змејови, witches & warlocks, исклучителна хемија помеѓу главните ликови - каква ретко кога се среќава.
http://www.imdb.com/title/tt1199099/?ref_=nv_sr_1

Серијата има 5 сезони.

 

Ви благодарам на сите
Оние што ги предложивте ми се гледани,ептен се добри!
Сега најверојатно ќе си ја почнам Хаус оф Кардс,има многу добри критики.

 

Пак јас...
Има ли некоја што ја гледала White Collar? Побарав и тема,ама не видов.Видов има прилично добра оцена,а од 2011 е,па дали да се симнува.Башка и тој лепотанот Бомер глуми,па многу ме интересира.